| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၂၃. တေဝီသတိမဝဂ္ဂော
23. Tevīsatimavaggo
(၂၁၉) ၂. အရဟန္တဝဏ္ဏကထာ
(219) 2. Arahantavaṇṇakathā
၉၀၉. အရဟန္တာနံ ဝဏ္ဏေန အမနုသ္သာ မေထုနံ ဓမ္မံ ပဋိသေဝန္တီတိ? အာမန္တာ။ အရဟန္တာနံ ဝဏ္ဏေန အမနုသ္သာ ပာဏံ ဟနန္တိ။ပေ.။ အဒိန္နံ အာဒိယန္တိ, မုသာ ဘဏန္တိ, ပိသုဏံ ဘဏန္တိ, ဖရုသံ ဘဏန္တိ, သမ္ဖံ ပလပန္တိ, သန္ဓိံ ဆိန္ဒန္တိ, နိလ္လောပံ ဟရန္တိ, ဧကာဂာရိကံ ကရောန္တိ, ပရိပန္ထေ တိဋ္ဌန္တိ, ပရဒာရံ ဂစ္ဆန္တိ, ဂာမဃာတကံ ကရောန္တိ။ပေ.။ နိဂမဃာတကံ ကရောန္တီတိ? န ဟေဝံ ဝတ္တဗ္ဗေ။ပေ.။။
909. Arahantānaṃ vaṇṇena amanussā methunaṃ dhammaṃ paṭisevantīti? Āmantā. Arahantānaṃ vaṇṇena amanussā pāṇaṃ hananti…pe… adinnaṃ ādiyanti, musā bhaṇanti, pisuṇaṃ bhaṇanti, pharusaṃ bhaṇanti, samphaṃ palapanti, sandhiṃ chindanti, nillopaṃ haranti, ekāgārikaṃ karonti, paripanthe tiṭṭhanti, paradāraṃ gacchanti, gāmaghātakaṃ karonti…pe… nigamaghātakaṃ karontīti? Na hevaṃ vattabbe…pe….
အရဟန္တဝဏ္ဏကထာ နိဋ္ဌိတာ။
Arahantavaṇṇakathā niṭṭhitā.
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၂. အရဟန္တဝဏ္ဏကထာဝဏ္ဏနာ • 2. Arahantavaṇṇakathāvaṇṇanā
