| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. араханд̇авзд̣̇анаавзд̣̇ияанабан̃хо
6. Arahantavedanāvediyanapañho
6. ‘‘бханд̇з нааг̇асзна, д̇умхз бхан̣ат̇а ‘арахаа згам̣ взд̣̇анам̣ взд̣̇аяад̇и гааяигам̣, на жзд̇асига’нд̇и. гим̣ ну ко, бханд̇з нааг̇асзна, арахад̇о жид̇д̇ам̣ яам̣ гааяам̣ ниссааяа бавад̇д̇ад̇и, д̇ад̇т̇а арахаа аниссаро ассаамий авасавад̇д̇ий’’д̇и ? ‘‘аама, махаарааж̇аа’’д̇и. ‘‘на ко, бханд̇з нааг̇асзна, яуд̇д̇амзд̇ам̣, яам̣ со сагажид̇д̇асса бавад̇д̇амаанз гааяз аниссаро ход̇и ассаамий авасавад̇д̇ий; сагун̣оби д̇аава, бханд̇з, яасмим̣ гулаавагз бадивасад̇и, д̇ад̇т̇а со иссаро ход̇и саамий васавад̇д̇ий’’д̇и.
6. ‘‘Bhante nāgasena, tumhe bhaṇatha ‘arahā ekaṃ vedanaṃ vedayati kāyikaṃ, na cetasika’nti. Kiṃ nu kho, bhante nāgasena, arahato cittaṃ yaṃ kāyaṃ nissāya pavattati, tattha arahā anissaro assāmī avasavattī’’ti ? ‘‘Āma, mahārājā’’ti. ‘‘Na kho, bhante nāgasena, yuttametaṃ, yaṃ so sakacittassa pavattamāne kāye anissaro hoti assāmī avasavattī; sakuṇopi tāva, bhante, yasmiṃ kulāvake paṭivasati, tattha so issaro hoti sāmī vasavattī’’ti.
‘‘д̣̇асаяимз, махаарааж̇а, гааяаануг̇ад̇аа д̇хаммаа бхавз бхавз гааяам̣ ануд̇хааванд̇и анубаривад̇д̇анд̇и. гад̇амз д̣̇аса? сийд̇ам̣ ун̣хам̣ ж̇игхажчаа бибаасаа ужжааро бассааво мид̣̇д̇хам̣ ж̇араа б̣яаад̇хи маран̣ам̣. имз ко, махаарааж̇а, д̣̇аса гааяаануг̇ад̇аа д̇хаммаа бхавз бхавз гааяам̣ ануд̇хааванд̇и анубаривад̇д̇анд̇и, д̇ад̇т̇а арахаа аниссаро ассаамий авасавад̇д̇ий’’д̇и.
‘‘Dasayime, mahārāja, kāyānugatā dhammā bhave bhave kāyaṃ anudhāvanti anuparivattanti. Katame dasa? Sītaṃ uṇhaṃ jighacchā pipāsā uccāro passāvo middhaṃ jarā byādhi maraṇaṃ. Ime kho, mahārāja, dasa kāyānugatā dhammā bhave bhave kāyaṃ anudhāvanti anuparivattanti, tattha arahā anissaro assāmī avasavattī’’ti.
‘‘бханд̇з нааг̇асзна, гзна гааран̣зна арахад̇о гааяз аан̣аа наббавад̇д̇ад̇и иссарияам̣ ваа, д̇ад̇т̇а мз гааран̣ам̣ б̣руухий’’д̇и? ‘‘яат̇аа, махаарааж̇а, яз гзжи бат̇авиниссид̇аа сад̇д̇аа, саб̣б̣з д̇з бат̇авим̣ ниссааяа жаранд̇и вихаранд̇и вуд̇д̇им̣ габбзнд̇и, аби ну ко, махаарааж̇а, д̇зсам̣ бат̇авияаа аан̣аа бавад̇д̇ад̇и иссарияам̣ ваа’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, арахад̇о жид̇д̇ам̣ гааяам̣ ниссааяа бавад̇д̇ад̇и, на жа арахад̇о гааяз аан̣аа бавад̇д̇ад̇и иссарияам̣ ваа’’д̇и.
‘‘Bhante nāgasena, kena kāraṇena arahato kāye āṇā nappavattati issariyaṃ vā, tattha me kāraṇaṃ brūhī’’ti? ‘‘Yathā, mahārāja, ye keci pathavinissitā sattā, sabbe te pathaviṃ nissāya caranti viharanti vuttiṃ kappenti, api nu kho, mahārāja, tesaṃ pathaviyā āṇā pavattati issariyaṃ vā’’ti? ‘‘Na hi, bhante’’ti. ‘‘Evameva kho, mahārāja, arahato cittaṃ kāyaṃ nissāya pavattati, na ca arahato kāye āṇā pavattati issariyaṃ vā’’ti.
‘‘бханд̇з нааг̇асзна, гзна гааран̣зна бут̇уж̇ж̇ано гааяигамби жзд̇асигамби взд̣̇анам̣ взд̣̇аяад̇ий’’д̇и? ‘‘абхаавид̇ад̇д̇аа, махаарааж̇а, жид̇д̇асса бут̇уж̇ж̇ано гааяигамби жзд̇асигамби взд̣̇анам̣ взд̣̇аяад̇и. яат̇аа, махаарааж̇а, г̇он̣о чаад̇о барид̇асид̇о аб̣алад̣̇уб̣б̣алабарид̇д̇агад̇ин̣зсу ваа лад̇ааяа ваа убаниб̣ад̣̇д̇хо асса, яад̣̇аа со г̇он̣о баригубид̇о ход̇и, д̇ад̣̇аа саха убаниб̣анд̇ханзна баггамад̇и. звамзва ко, махаарааж̇а, абхаавид̇ажид̇д̇асса взд̣̇анаа уббаж̇ж̇ид̇ваа жид̇д̇ам̣ баригобзд̇и, жид̇д̇ам̣ баригубид̇ам̣ гааяам̣ аабхуж̇ад̇и ниб̣бхуж̇ад̇и самбаривад̇д̇агам̣ гарод̇и. ат̇а ко со абхаавид̇ажид̇д̇о д̇асад̇и равад̇и бхзравараавамабхиравад̇и, ид̣̇амзд̇т̇а, махаарааж̇а, гааран̣ам̣, язна гааран̣зна бут̇уж̇ж̇ано гааяигамби жзд̇асигамби взд̣̇анам̣ взд̣̇аяад̇ий’’д̇и.
‘‘Bhante nāgasena, kena kāraṇena puthujjano kāyikampi cetasikampi vedanaṃ vedayatī’’ti? ‘‘Abhāvitattā, mahārāja, cittassa puthujjano kāyikampi cetasikampi vedanaṃ vedayati. Yathā, mahārāja, goṇo chāto paritasito abaladubbalaparittakatiṇesu vā latāya vā upanibaddho assa, yadā so goṇo parikupito hoti, tadā saha upanibandhanena pakkamati. Evameva kho, mahārāja, abhāvitacittassa vedanā uppajjitvā cittaṃ parikopeti, cittaṃ parikupitaṃ kāyaṃ ābhujati nibbhujati samparivattakaṃ karoti. Atha kho so abhāvitacitto tasati ravati bheravarāvamabhiravati, idamettha, mahārāja, kāraṇaṃ, yena kāraṇena puthujjano kāyikampi cetasikampi vedanaṃ vedayatī’’ti.
‘‘гим̣ бана д̇ам̣ гааран̣ам̣, язна гааран̣зна арахаа згам̣ взд̣̇анам̣ взд̣̇аяад̇и гааяигам̣, на жзд̇асига’’нд̇и? ‘‘арахад̇о, махаарааж̇а, жид̇д̇ам̣ бхаавид̇ам̣ ход̇и субхаавид̇ам̣ д̣̇анд̇ам̣ суд̣̇анд̇ам̣ ассавам̣ важанагарам̣, со д̣̇угкааяа взд̣̇анааяа пудто самаано ‘анижжа’нд̇и д̣̇ал̣хам̣ г̇ан̣хаад̇и, самаад̇хит̇амбхз жид̇д̇ам̣ убаниб̣анд̇хад̇и, д̇асса д̇ам̣ жид̇д̇ам̣ самаад̇хит̇амбхз убаниб̣анд̇ханам̣ на взд̇хад̇и на жалад̇и, тид̇ам̣ ход̇и авигкид̇д̇ам̣, д̇асса взд̣̇анаавигааравибпаарзна гааяо аабхуж̇ад̇и ниб̣бхуж̇ад̇и самбаривад̇д̇ад̇и, ид̣̇амзд̇т̇а, махаарааж̇а, гааран̣ам̣, язна гааран̣зна арахаа згам̣ взд̣̇анам̣ взд̣̇аяад̇и гааяигам̣, на жзд̇асига’’нд̇и.
‘‘Kiṃ pana taṃ kāraṇaṃ, yena kāraṇena arahā ekaṃ vedanaṃ vedayati kāyikaṃ, na cetasika’’nti? ‘‘Arahato, mahārāja, cittaṃ bhāvitaṃ hoti subhāvitaṃ dantaṃ sudantaṃ assavaṃ vacanakaraṃ, so dukkhāya vedanāya phuṭṭho samāno ‘anicca’nti daḷhaṃ gaṇhāti, samādhithambhe cittaṃ upanibandhati, tassa taṃ cittaṃ samādhithambhe upanibandhanaṃ na vedhati na calati, ṭhitaṃ hoti avikkhittaṃ, tassa vedanāvikāravipphārena kāyo ābhujati nibbhujati samparivattati, idamettha, mahārāja, kāraṇaṃ, yena kāraṇena arahā ekaṃ vedanaṃ vedayati kāyikaṃ, na cetasika’’nti.
‘‘бханд̇з нааг̇асзна, д̇ам̣ наама логз ажчарияам̣ яам̣ гааяз жаламаанз жид̇д̇ам̣ на жалад̇и, д̇ад̇т̇а мз гааран̣ам̣ б̣руухий’’д̇и. ‘‘яат̇аа, махаарааж̇а, махад̇имахааругкз канд̇хасаакаабалаасасамбаннз анилаб̣аласамаахад̇з саакаа жалад̇и, аби ну д̇асса канд̇хоби жалад̇ий’’д̇и? ‘‘на хи, бханд̇з’’д̇и . ‘‘звамзва ко, махаарааж̇а, арахаа д̣̇угкааяа взд̣̇анааяа пудто самаано ‘анижжа’нд̇и д̣̇ал̣хам̣ г̇ан̣хаад̇и, самаад̇хит̇амбхз жид̇д̇ам̣ убаниб̣анд̇хад̇и, д̇асса д̇ам̣ жид̇д̇ам̣ самаад̇хит̇амбхз убаниб̣анд̇ханам̣ на взд̇хад̇и на жалад̇и, тид̇ам̣ ход̇и авигкид̇д̇ам̣, д̇асса взд̣̇анаавигааравибпаарзна гааяо аабхуж̇ад̇и ниб̣бхуж̇ад̇и самбаривад̇д̇ад̇и, жид̇д̇ам̣ бана д̇асса на взд̇хад̇и на жалад̇и канд̇хо вияа махааругкассаа’’д̇и. ‘‘ажчарияам̣, бханд̇з нааг̇асзна, аб̣бхуд̇ам̣, бханд̇з нааг̇асзна, на мз зваруубо саб̣б̣агаалиго д̇хаммабад̣̇ийбо д̣̇идтабуб̣б̣о’’д̇и.
‘‘Bhante nāgasena, taṃ nāma loke acchariyaṃ yaṃ kāye calamāne cittaṃ na calati, tattha me kāraṇaṃ brūhī’’ti. ‘‘Yathā, mahārāja, mahatimahārukkhe khandhasākhāpalāsasampanne anilabalasamāhate sākhā calati, api nu tassa khandhopi calatī’’ti? ‘‘Na hi, bhante’’ti . ‘‘Evameva kho, mahārāja, arahā dukkhāya vedanāya phuṭṭho samāno ‘anicca’nti daḷhaṃ gaṇhāti, samādhithambhe cittaṃ upanibandhati, tassa taṃ cittaṃ samādhithambhe upanibandhanaṃ na vedhati na calati, ṭhitaṃ hoti avikkhittaṃ, tassa vedanāvikāravipphārena kāyo ābhujati nibbhujati samparivattati, cittaṃ pana tassa na vedhati na calati khandho viya mahārukkhassā’’ti. ‘‘Acchariyaṃ, bhante nāgasena, abbhutaṃ, bhante nāgasena, na me evarūpo sabbakāliko dhammapadīpo diṭṭhapubbo’’ti.
араханд̇авзд̣̇анаавзд̣̇ияанабан̃хо чадто.
Arahantavedanāvediyanapañho chaṭṭho.
