| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
17. сад̇д̇арасамаваг̇г̇о
17. Sattarasamavaggo
(166) 1. арахад̇о бун̃н̃уубажаяагат̇аа
(166) 1. Arahato puññūpacayakathā
776. ад̇т̇и арахад̇о бун̃н̃уубажаяод̇и? ааманд̇аа. ад̇т̇и арахад̇о абун̃н̃уубажаяод̇и? на хзвам̣ вад̇д̇аб̣б̣з…бз… над̇т̇и арахад̇о абун̃н̃уубажаяод̇и? ааманд̇аа. над̇т̇и арахад̇о бун̃н̃уубажаяод̇и? на хзвам̣ вад̇д̇аб̣б̣з…бз….
776. Atthi arahato puññūpacayoti? Āmantā. Atthi arahato apuññūpacayoti? Na hevaṃ vattabbe…pe… natthi arahato apuññūpacayoti? Āmantā. Natthi arahato puññūpacayoti? Na hevaṃ vattabbe…pe….
777. ад̇т̇и арахад̇о бун̃н̃уубажаяод̇и? ааманд̇аа. арахаа бун̃н̃аабхисан̇каарам̣ абхисан̇карод̇и, аанзн̃ж̇аабхисан̇каарам̣ абхисан̇карод̇и, г̇ад̇исам̣вад̇д̇анияам̣ гаммам̣ гарод̇и, бхавасам̣вад̇д̇анияам̣ гаммам̣ гарод̇и, иссарияасам̣вад̇д̇анияам̣ гаммам̣ гарод̇и, ад̇хибажжасам̣вад̇д̇анияам̣ 1 гаммам̣ гарод̇и, махаабхог̇асам̣вад̇д̇анияам̣ гаммам̣ гарод̇и, махаабариваарасам̣вад̇д̇анияам̣ гаммам̣ гарод̇и, д̣̇звасобхаг̇яасам̣вад̇д̇анияам̣ гаммам̣ гарод̇и, мануссасобхаг̇яасам̣вад̇д̇анияам̣ гаммам̣ гарод̇ийд̇и? на хзвам̣ вад̇д̇аб̣б̣з…бз….
777. Atthi arahato puññūpacayoti? Āmantā. Arahā puññābhisaṅkhāraṃ abhisaṅkharoti, āneñjābhisaṅkhāraṃ abhisaṅkharoti, gatisaṃvattaniyaṃ kammaṃ karoti, bhavasaṃvattaniyaṃ kammaṃ karoti, issariyasaṃvattaniyaṃ kammaṃ karoti, adhipaccasaṃvattaniyaṃ 2 kammaṃ karoti, mahābhogasaṃvattaniyaṃ kammaṃ karoti, mahāparivārasaṃvattaniyaṃ kammaṃ karoti, devasobhagyasaṃvattaniyaṃ kammaṃ karoti, manussasobhagyasaṃvattaniyaṃ kammaṃ karotīti? Na hevaṃ vattabbe…pe….
778. ад̇т̇и арахад̇о бун̃н̃уубажаяод̇и? ааманд̇аа. арахаа аажинаад̇ийд̇и? на хзвам̣ вад̇д̇аб̣б̣з…бз… арахаа абажинаад̇ийд̇и? на хзвам̣ вад̇д̇аб̣б̣з …бз… арахаа баж̇ахад̇ийд̇и…бз… арахаа убаад̣̇ияад̇ийд̇и…бз… арахаа висинзд̇ийд̇и…бз… арахаа уссинзд̇ийд̇и…бз… арахаа вид̇хуубзд̇ийд̇и …бз… арахаа санд̇хуубзд̇ийд̇и? на хзвам̣ вад̇д̇аб̣б̣з…бз… нану арахаа нзваажинаад̇и на абажинаад̇и абажинид̇ваа тид̇од̇и? ааманд̇аа. хан̃жи арахаа нзваажинаад̇и наабажинаад̇и абажинид̇ваа тид̇о, но жа вад̇а рз вад̇д̇аб̣б̣з – ‘‘ад̇т̇и арахад̇о бун̃н̃уубажаяо’’д̇и.
778. Atthi arahato puññūpacayoti? Āmantā. Arahā ācinātīti? Na hevaṃ vattabbe…pe… arahā apacinātīti? Na hevaṃ vattabbe …pe… arahā pajahatīti…pe… arahā upādiyatīti…pe… arahā visinetīti…pe… arahā ussinetīti…pe… arahā vidhūpetīti …pe… arahā sandhūpetīti? Na hevaṃ vattabbe…pe… nanu arahā nevācināti na apacināti apacinitvā ṭhitoti? Āmantā. Hañci arahā nevācināti nāpacināti apacinitvā ṭhito, no ca vata re vattabbe – ‘‘atthi arahato puññūpacayo’’ti.
нану арахаа нзва баж̇ахад̇и на убаад̣̇ияад̇и баж̇ахид̇ваа тид̇о, нзва висинзд̇и на уссинзд̇и висинзд̇ваа тид̇о, нзва вид̇хуубзд̇и на санд̇хуубзд̇и вид̇хуубзд̇ваа тид̇од̇и? ааманд̇аа. хан̃жи арахаа нзва вид̇хуубзд̇и на санд̇хуубзд̇и вид̇хуубзд̇ваа тид̇о, но жа вад̇а рз вад̇д̇аб̣б̣з – ‘‘ад̇т̇и арахад̇о бун̃н̃уубажаяо’’д̇и.
Nanu arahā neva pajahati na upādiyati pajahitvā ṭhito, neva visineti na ussineti visinetvā ṭhito, neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘atthi arahato puññūpacayo’’ti.
779. над̇т̇и арахад̇о бун̃н̃уубажаяод̇и? ааманд̇аа. арахаа д̣̇аанам̣ д̣̇ад̣̇зяяаад̇и? ааманд̇аа . хан̃жи арахаа д̣̇аанам̣ д̣̇ад̣̇зяяа, но жа вад̇а рз вад̇д̇аб̣б̣з – ‘‘над̇т̇и арахад̇о бун̃н̃уубажаяо’’д̇и.
779. Natthi arahato puññūpacayoti? Āmantā. Arahā dānaṃ dadeyyāti? Āmantā . Hañci arahā dānaṃ dadeyya, no ca vata re vattabbe – ‘‘natthi arahato puññūpacayo’’ti.
арахаа жийварам̣ д̣̇ад̣̇зяяа…бз… бин̣д̣абаад̇ам̣ д̣̇ад̣̇зяяа… сзнаасанам̣ д̣̇ад̣̇зяяа… г̇илаанабажжаяабхзсаж̇ж̇абаригкаарам̣ д̣̇ад̣̇зяяа… каад̣̇анийяам̣ д̣̇ад̣̇зяяа… бхож̇анийяам̣ д̣̇ад̣̇зяяа… баанийяам̣ д̣̇ад̣̇зяяа… жзд̇ияам̣ ванд̣̇зяяа… жзд̇ияз маалам̣ ааробзяяа… г̇анд̇хам̣ ааробзяяа… вилзбанам̣ ааробзяяа…бз… жзд̇ияам̣ абхид̣̇агкин̣ам̣ 3 гарзяяаад̇и? ааманд̇аа. хан̃жи арахаа жзд̇ияам̣ абхид̣̇агкин̣ам̣ гарзяяа, но жа вад̇а рз вад̇д̇аб̣б̣з – ‘‘над̇т̇и арахад̇о бун̃н̃уубажаяо’’д̇и.
Arahā cīvaraṃ dadeyya…pe… piṇḍapātaṃ dadeyya… senāsanaṃ dadeyya… gilānapaccayabhesajjaparikkhāraṃ dadeyya… khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 4 kareyyāti? Āmantā. Hañci arahā cetiyaṃ abhidakkhiṇaṃ kareyya, no ca vata re vattabbe – ‘‘natthi arahato puññūpacayo’’ti.
ад̇т̇и арахад̇о бун̃н̃уубажаяод̇игат̇аа нидтид̇аа.
Atthi arahato puññūpacayotikathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. ад̇т̇и арахад̇о бун̃н̃уубажаяагат̇ааван̣н̣анаа • 1. Atthi arahato puññūpacayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. ад̇т̇иарахад̇обун̃н̃уубажаяагат̇ааван̣н̣анаа • 1. Atthiarahatopuññūpacayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. ад̇т̇иарахад̇обун̃н̃уубажаяагат̇ааван̣н̣анаа • 1. Atthiarahatopuññūpacayakathāvaṇṇanā
