| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੭. ਸਤ੍ਤਰਸਮવਗ੍ਗੋ
17. Sattarasamavaggo
(੧੬੬) ੧. ਅਰਹਤੋ ਪੁਞ੍ਞੂਪਚਯਕਥਾ
(166) 1. Arahato puññūpacayakathā
੭੭੬. ਅਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿ? ਆਮਨ੍ਤਾ। ਅਤ੍ਥਿ ਅਰਹਤੋ ਅਪੁਞ੍ਞੂਪਚਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਅਰਹਤੋ ਅਪੁਞ੍ਞੂਪਚਯੋਤਿ? ਆਮਨ੍ਤਾ। ਨਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
776. Atthi arahato puññūpacayoti? Āmantā. Atthi arahato apuññūpacayoti? Na hevaṃ vattabbe…pe… natthi arahato apuññūpacayoti? Āmantā. Natthi arahato puññūpacayoti? Na hevaṃ vattabbe…pe….
੭੭੭. ਅਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿ? ਆਮਨ੍ਤਾ। ਅਰਹਾ ਪੁਞ੍ਞਾਭਿਸਙ੍ਖਾਰਂ ਅਭਿਸਙ੍ਖਰੋਤਿ, ਆਨੇਞ੍ਜਾਭਿਸਙ੍ਖਾਰਂ ਅਭਿਸਙ੍ਖਰੋਤਿ, ਗਤਿਸਂવਤ੍ਤਨਿਯਂ ਕਮ੍ਮਂ ਕਰੋਤਿ, ਭવਸਂવਤ੍ਤਨਿਯਂ ਕਮ੍ਮਂ ਕਰੋਤਿ, ਇਸ੍ਸਰਿਯਸਂવਤ੍ਤਨਿਯਂ ਕਮ੍ਮਂ ਕਰੋਤਿ, ਅਧਿਪਚ੍ਚਸਂવਤ੍ਤਨਿਯਂ 1 ਕਮ੍ਮਂ ਕਰੋਤਿ, ਮਹਾਭੋਗਸਂવਤ੍ਤਨਿਯਂ ਕਮ੍ਮਂ ਕਰੋਤਿ, ਮਹਾਪਰਿવਾਰਸਂવਤ੍ਤਨਿਯਂ ਕਮ੍ਮਂ ਕਰੋਤਿ, ਦੇવਸੋਭਗ੍ਯਸਂવਤ੍ਤਨਿਯਂ ਕਮ੍ਮਂ ਕਰੋਤਿ, ਮਨੁਸ੍ਸਸੋਭਗ੍ਯਸਂવਤ੍ਤਨਿਯਂ ਕਮ੍ਮਂ ਕਰੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
777. Atthi arahato puññūpacayoti? Āmantā. Arahā puññābhisaṅkhāraṃ abhisaṅkharoti, āneñjābhisaṅkhāraṃ abhisaṅkharoti, gatisaṃvattaniyaṃ kammaṃ karoti, bhavasaṃvattaniyaṃ kammaṃ karoti, issariyasaṃvattaniyaṃ kammaṃ karoti, adhipaccasaṃvattaniyaṃ 2 kammaṃ karoti, mahābhogasaṃvattaniyaṃ kammaṃ karoti, mahāparivārasaṃvattaniyaṃ kammaṃ karoti, devasobhagyasaṃvattaniyaṃ kammaṃ karoti, manussasobhagyasaṃvattaniyaṃ kammaṃ karotīti? Na hevaṃ vattabbe…pe….
੭੭੮. ਅਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿ? ਆਮਨ੍ਤਾ। ਅਰਹਾ ਆਚਿਨਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਰਹਾ ਅਪਚਿਨਾਤੀਤਿ? ਨ ਹੇવਂ વਤ੍ਤਬ੍ਬੇ …ਪੇ॰… ਅਰਹਾ ਪਜਹਤੀਤਿ…ਪੇ॰… ਅਰਹਾ ਉਪਾਦਿਯਤੀਤਿ…ਪੇ॰… ਅਰਹਾ વਿਸਿਨੇਤੀਤਿ…ਪੇ॰… ਅਰਹਾ ਉਸ੍ਸਿਨੇਤੀਤਿ…ਪੇ॰… ਅਰਹਾ વਿਧੂਪੇਤੀਤਿ …ਪੇ॰… ਅਰਹਾ ਸਨ੍ਧੂਪੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਅਰਹਾ ਨੇવਾਚਿਨਾਤਿ ਨ ਅਪਚਿਨਾਤਿ ਅਪਚਿਨਿਤ੍વਾ ਠਿਤੋਤਿ? ਆਮਨ੍ਤਾ। ਹਞ੍ਚਿ ਅਰਹਾ ਨੇવਾਚਿਨਾਤਿ ਨਾਪਚਿਨਾਤਿ ਅਪਚਿਨਿਤ੍વਾ ਠਿਤੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪੁਞ੍ਞੂਪਚਯੋ’’ਤਿ।
778. Atthi arahato puññūpacayoti? Āmantā. Arahā ācinātīti? Na hevaṃ vattabbe…pe… arahā apacinātīti? Na hevaṃ vattabbe …pe… arahā pajahatīti…pe… arahā upādiyatīti…pe… arahā visinetīti…pe… arahā ussinetīti…pe… arahā vidhūpetīti …pe… arahā sandhūpetīti? Na hevaṃ vattabbe…pe… nanu arahā nevācināti na apacināti apacinitvā ṭhitoti? Āmantā. Hañci arahā nevācināti nāpacināti apacinitvā ṭhito, no ca vata re vattabbe – ‘‘atthi arahato puññūpacayo’’ti.
ਨਨੁ ਅਰਹਾ ਨੇવ ਪਜਹਤਿ ਨ ਉਪਾਦਿਯਤਿ ਪਜਹਿਤ੍વਾ ਠਿਤੋ, ਨੇવ વਿਸਿਨੇਤਿ ਨ ਉਸ੍ਸਿਨੇਤਿ વਿਸਿਨੇਤ੍વਾ ਠਿਤੋ, ਨੇવ વਿਧੂਪੇਤਿ ਨ ਸਨ੍ਧੂਪੇਤਿ વਿਧੂਪੇਤ੍વਾ ਠਿਤੋਤਿ? ਆਮਨ੍ਤਾ। ਹਞ੍ਚਿ ਅਰਹਾ ਨੇવ વਿਧੂਪੇਤਿ ਨ ਸਨ੍ਧੂਪੇਤਿ વਿਧੂਪੇਤ੍વਾ ਠਿਤੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪੁਞ੍ਞੂਪਚਯੋ’’ਤਿ।
Nanu arahā neva pajahati na upādiyati pajahitvā ṭhito, neva visineti na ussineti visinetvā ṭhito, neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘atthi arahato puññūpacayo’’ti.
੭੭੯. ਨਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿ? ਆਮਨ੍ਤਾ। ਅਰਹਾ ਦਾਨਂ ਦਦੇਯ੍ਯਾਤਿ? ਆਮਨ੍ਤਾ । ਹਞ੍ਚਿ ਅਰਹਾ ਦਾਨਂ ਦਦੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਨਤ੍ਥਿ ਅਰਹਤੋ ਪੁਞ੍ਞੂਪਚਯੋ’’ਤਿ।
779. Natthi arahato puññūpacayoti? Āmantā. Arahā dānaṃ dadeyyāti? Āmantā . Hañci arahā dānaṃ dadeyya, no ca vata re vattabbe – ‘‘natthi arahato puññūpacayo’’ti.
ਅਰਹਾ ਚੀવਰਂ ਦਦੇਯ੍ਯ…ਪੇ॰… ਪਿਣ੍ਡਪਾਤਂ ਦਦੇਯ੍ਯ… ਸੇਨਾਸਨਂ ਦਦੇਯ੍ਯ… ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦਦੇਯ੍ਯ… ਖਾਦਨੀਯਂ ਦਦੇਯ੍ਯ… ਭੋਜਨੀਯਂ ਦਦੇਯ੍ਯ… ਪਾਨੀਯਂ ਦਦੇਯ੍ਯ… ਚੇਤਿਯਂ વਨ੍ਦੇਯ੍ਯ… ਚੇਤਿਯੇ ਮਾਲਂ ਆਰੋਪੇਯ੍ਯ… ਗਨ੍ਧਂ ਆਰੋਪੇਯ੍ਯ… વਿਲੇਪਨਂ ਆਰੋਪੇਯ੍ਯ…ਪੇ॰… ਚੇਤਿਯਂ ਅਭਿਦਕ੍ਖਿਣਂ 3 ਕਰੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਅਰਹਾ ਚੇਤਿਯਂ ਅਭਿਦਕ੍ਖਿਣਂ ਕਰੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਨਤ੍ਥਿ ਅਰਹਤੋ ਪੁਞ੍ਞੂਪਚਯੋ’’ਤਿ।
Arahā cīvaraṃ dadeyya…pe… piṇḍapātaṃ dadeyya… senāsanaṃ dadeyya… gilānapaccayabhesajjaparikkhāraṃ dadeyya… khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 4 kareyyāti? Āmantā. Hañci arahā cetiyaṃ abhidakkhiṇaṃ kareyya, no ca vata re vattabbe – ‘‘natthi arahato puññūpacayo’’ti.
ਅਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿਕਥਾ ਨਿਟ੍ਠਿਤਾ।
Atthi arahato puññūpacayotikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧. ਅਤ੍ਥਿ ਅਰਹਤੋ ਪੁਞ੍ਞੂਪਚਯਕਥਾવਣ੍ਣਨਾ • 1. Atthi arahato puññūpacayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਅਤ੍ਥਿਅਰਹਤੋਪੁਞ੍ਞੂਪਚਯਕਥਾવਣ੍ਣਨਾ • 1. Atthiarahatopuññūpacayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਅਤ੍ਥਿਅਰਹਤੋਪੁਞ੍ਞੂਪਚਯਕਥਾવਣ੍ਣਨਾ • 1. Atthiarahatopuññūpacayakathāvaṇṇanā
