| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. арахад̇д̇абан̃хаасуд̇д̇ам̣
2. Arahattapañhāsuttaṃ
315. ‘‘‘арахад̇д̇ам̣, арахад̇д̇а’нд̇и, аавусо саарибуд̇д̇а, вужжад̇и. гад̇амам̣ ну ко, аавусо , арахад̇д̇а’’нд̇и? ‘‘яо ко, аавусо, рааг̇агкаяо д̣̇осагкаяо мохагкаяо – ид̣̇ам̣ вужжад̇и арахад̇д̇а’’нд̇и. ‘‘ад̇т̇и банаавусо, маг̇г̇о ад̇т̇и бадибад̣̇аа зд̇асса арахад̇д̇асса сажчигирияааяаа’’д̇и? ‘‘ад̇т̇и ко, аавусо, маг̇г̇о ад̇т̇и бадибад̣̇аа зд̇асса арахад̇д̇асса сажчигирияааяаа’’д̇и. ‘‘гад̇амо банаавусо, маг̇г̇о гад̇амаа бадибад̣̇аа зд̇асса арахад̇д̇асса сажчигирияааяаа’’д̇и? ‘‘аяамзва ко, аавусо, арияо адтан̇г̇иго маг̇г̇о зд̇асса арахад̇д̇асса сажчигирияааяа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко аавусо, маг̇г̇о, аяам̣ бадибад̣̇аа зд̇асса арахад̇д̇асса сажчигирияааяаа’’д̇и. ‘‘бхад̣̇д̣̇аго, аавусо, маг̇г̇о бхад̣̇д̣̇игаа бадибад̣̇аа зд̇асса арахад̇д̇асса сажчигирияааяа. алан̃жа банаавусо саарибуд̇д̇а, аббамаад̣̇ааяаа’’д̇и. д̣̇уд̇ияам̣.
315. ‘‘‘Arahattaṃ, arahatta’nti, āvuso sāriputta, vuccati. Katamaṃ nu kho, āvuso , arahatta’’nti? ‘‘Yo kho, āvuso, rāgakkhayo dosakkhayo mohakkhayo – idaṃ vuccati arahatta’’nti. ‘‘Atthi panāvuso, maggo atthi paṭipadā etassa arahattassa sacchikiriyāyā’’ti? ‘‘Atthi kho, āvuso, maggo atthi paṭipadā etassa arahattassa sacchikiriyāyā’’ti. ‘‘Katamo panāvuso, maggo katamā paṭipadā etassa arahattassa sacchikiriyāyā’’ti? ‘‘Ayameva kho, āvuso, ariyo aṭṭhaṅgiko maggo etassa arahattassa sacchikiriyāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho āvuso, maggo, ayaṃ paṭipadā etassa arahattassa sacchikiriyāyā’’ti. ‘‘Bhaddako, āvuso, maggo bhaddikā paṭipadā etassa arahattassa sacchikiriyāya. Alañca panāvuso sāriputta, appamādāyā’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. арахад̇д̇абан̃хаасуд̇д̇аван̣н̣анаа • 2. Arahattapañhāsuttavaṇṇanā
