| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. අරහත්‌තපඤ්‌හාසුත්‌තං
2. Arahattapañhāsuttaṃ
315. ‘‘‘අරහත්‌තං, අරහත්‌ත’න්‌ති, ආවුසො සාරිපුත්‌ත, වුච්‌චති. කතමං නු ඛො, ආවුසො , අරහත්‌ත’’න්‌ති? ‘‘යො ඛො, ආවුසො, රාගක්‌ඛයො දොසක්‌ඛයො මොහක්‌ඛයො – ඉදං වුච්‌චති අරහත්‌ත’’න්‌ති. ‘‘අත්‌ථි පනාවුසො, මග්‌ගො අත්‌ථි පටිපදා එතස්‌ස අරහත්‌තස්‌ස සච්‌ඡිකිරියායා’’ති? ‘‘අත්‌ථි ඛො, ආවුසො, මග්‌ගො අත්‌ථි පටිපදා එතස්‌ස අරහත්‌තස්‌ස සච්‌ඡිකිරියායා’’ති. ‘‘කතමො පනාවුසො, මග්‌ගො කතමා පටිපදා එතස්‌ස අරහත්‌තස්‌ස සච්‌ඡිකිරියායා’’ති? ‘‘අයමෙව ඛො, ආවුසො, අරියො අට්‌ඨඞ්‌ගිකො මග්‌ගො එතස්‌ස අරහත්‌තස්‌ස සච්‌ඡිකිරියාය, සෙය්‍යථිදං – සම්‌මාදිට්‌ඨි සම්‌මාසඞ්‌කප්‌පො සම්‌මාවාචා සම්‌මාකම්‌මන්‌තො සම්‌මාආජීවො සම්‌මාවායාමො සම්‌මාසති සම්‌මාසමාධි. අයං ඛො ආවුසො, මග්‌ගො, අයං පටිපදා එතස්‌ස අරහත්‌තස්‌ස සච්‌ඡිකිරියායා’’ති. ‘‘භද්‌දකො, ආවුසො, මග්‌ගො භද්‌දිකා පටිපදා එතස්‌ස අරහත්‌තස්‌ස සච්‌ඡිකිරියාය. අලඤ්‌ච පනාවුසො සාරිපුත්‌ත, අප්‌පමාදායා’’ති. දුතියං.
315. ‘‘‘Arahattaṃ, arahatta’nti, āvuso sāriputta, vuccati. Katamaṃ nu kho, āvuso , arahatta’’nti? ‘‘Yo kho, āvuso, rāgakkhayo dosakkhayo mohakkhayo – idaṃ vuccati arahatta’’nti. ‘‘Atthi panāvuso, maggo atthi paṭipadā etassa arahattassa sacchikiriyāyā’’ti? ‘‘Atthi kho, āvuso, maggo atthi paṭipadā etassa arahattassa sacchikiriyāyā’’ti. ‘‘Katamo panāvuso, maggo katamā paṭipadā etassa arahattassa sacchikiriyāyā’’ti? ‘‘Ayameva kho, āvuso, ariyo aṭṭhaṅgiko maggo etassa arahattassa sacchikiriyāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho āvuso, maggo, ayaṃ paṭipadā etassa arahattassa sacchikiriyāyā’’ti. ‘‘Bhaddako, āvuso, maggo bhaddikā paṭipadā etassa arahattassa sacchikiriyāya. Alañca panāvuso sāriputta, appamādāyā’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. අරහත්‌තපඤ්‌හාසුත්‌තවණ්‌ණනා • 2. Arahattapañhāsuttavaṇṇanā
