Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

10. арагасуд̇д̇ам̣

10. Arakasuttaṃ

74. ‘‘бхууд̇абуб̣б̣ам̣, бхигкавз, араго наама сад̇т̇аа ахоси д̇ид̇т̇агаро гаамзсу вийд̇арааг̇о. арагасса ко бана, бхигкавз, сад̇т̇уно анзгаани саавагасад̇аани ахзсум̣. араго сад̇т̇аа саавагаанам̣ звам̣ д̇хаммам̣ д̣̇зсзд̇и – аббагам̣, б̣раахман̣а, ж̇ийвид̇ам̣ мануссаанам̣ барид̇д̇ам̣ лахугам̣ ¹ б̣ахуд̣̇угкам̣ б̣ахубааяаасам̣ манд̇ааяам̣ ² б̣од̣̇д̇хаб̣б̣ам̣ , гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣.

74. ‘‘Bhūtapubbaṃ, bhikkhave, arako nāma satthā ahosi titthakaro kāmesu vītarāgo. Arakassa kho pana, bhikkhave, satthuno anekāni sāvakasatāni ahesuṃ. Arako satthā sāvakānaṃ evaṃ dhammaṃ deseti – appakaṃ, brāhmaṇa, jīvitaṃ manussānaṃ parittaṃ lahukaṃ ³ bahudukkhaṃ bahupāyāsaṃ mantāyaṃ ⁴ boddhabbaṃ , kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ.

‘‘сзяяат̇ааби , б̣раахман̣а, д̇ин̣аг̇г̇з уссааваб̣инд̣̇у суурияз уг̇г̇ажчанд̇з киббам̣язва бадивиг̇ажчад̇и, на жирадтид̇игам̣ ход̇и; звамзвам̣ ко, б̣раахман̣а, уссааваб̣инд̣̇уубамам̣ ж̇ийвид̇ам̣ мануссаанам̣ барид̇д̇ам̣ лахугам̣ б̣ахуд̣̇угкам̣ б̣ахубааяаасам̣ манд̇ааяам̣ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣.

‘‘Seyyathāpi , brāhmaṇa, tiṇagge ussāvabindu sūriye uggacchante khippaṃyeva paṭivigacchati, na ciraṭṭhitikaṃ hoti; evamevaṃ kho, brāhmaṇa, ussāvabindūpamaṃ jīvitaṃ manussānaṃ parittaṃ lahukaṃ bahudukkhaṃ bahupāyāsaṃ mantāyaṃ boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ.

‘‘сзяяат̇ааби, б̣раахман̣а, т̇уллапусид̇агз д̣̇звз вассанд̇з уд̣̇агаб̣уб̣б̣ул̣ам̣ ⁵ киббам̣язва бадивиг̇ажчад̇и, на жирадтид̇игам̣ ход̇и; звамзвам̣ ко, б̣раахман̣а, уд̣̇агаб̣уб̣б̣ул̣уубамам̣ ж̇ийвид̇ам̣ мануссаанам̣ барид̇д̇ам̣ лахугам̣ б̣ахуд̣̇угкам̣ б̣ахубааяаасам̣ манд̇ааяам̣ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣.

‘‘Seyyathāpi, brāhmaṇa, thullaphusitake deve vassante udakabubbuḷaṃ ⁶ khippaṃyeva paṭivigacchati, na ciraṭṭhitikaṃ hoti; evamevaṃ kho, brāhmaṇa, udakabubbuḷūpamaṃ jīvitaṃ manussānaṃ parittaṃ lahukaṃ bahudukkhaṃ bahupāyāsaṃ mantāyaṃ boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ.

‘‘сзяяат̇ааби, б̣раахман̣а, уд̣̇агз д̣̇ан̣д̣арааж̇и киббам̣язва бадивиг̇ажчад̇и, на жирадтид̇игаа ход̇и; звамзвам̣ ко, б̣раахман̣а, уд̣̇агз д̣̇ан̣д̣арааж̇уубамам̣ ж̇ийвид̇ам̣ мануссаанам̣ барид̇д̇ам̣…бз… над̇т̇и ж̇аад̇асса амаран̣ам̣.

‘‘Seyyathāpi, brāhmaṇa, udake daṇḍarāji khippaṃyeva paṭivigacchati, na ciraṭṭhitikā hoti; evamevaṃ kho, brāhmaṇa, udake daṇḍarājūpamaṃ jīvitaṃ manussānaṃ parittaṃ…pe… natthi jātassa amaraṇaṃ.

‘‘сзяяат̇ааби, б̣раахман̣а, над̣̇ий баб̣б̣ад̇зяяаа д̣̇ууран̇г̇амаа сийгхасод̇аа хаарахаариний, над̇т̇и со кан̣о ваа лаяо ваа мухуд̇д̇о ваа яам̣ саа ⁷ аавад̇д̇ад̇и ⁸, ат̇а ко саа г̇ажчад̇зва вад̇д̇ад̇зва санд̣̇ад̇зва; звамзвам̣ ко, б̣раахман̣а, над̣̇ийбаб̣б̣ад̇зяяуубамам̣ ж̇ийвид̇ам̣ мануссаанам̣ барид̇д̇ам̣ лахугам̣…бз… над̇т̇и ж̇аад̇асса амаран̣ам̣.

‘‘Seyyathāpi, brāhmaṇa, nadī pabbateyyā dūraṅgamā sīghasotā hārahārinī, natthi so khaṇo vā layo vā muhutto vā yaṃ sā ⁹ āvattati ¹⁰, atha kho sā gacchateva vattateva sandateva; evamevaṃ kho, brāhmaṇa, nadīpabbateyyūpamaṃ jīvitaṃ manussānaṃ parittaṃ lahukaṃ…pe… natthi jātassa amaraṇaṃ.

‘‘сзяяат̇ааби, б̣раахман̣а, б̣алаваа бурисо ж̇ивхаг̇г̇з кзл̣абин̣д̣ам̣ сам̣яуухид̇ваа агасирзнзва вамзяяа ¹¹; звамзвам̣ ко, б̣раахман̣а, кзл̣абин̣д̣уубамам̣ ж̇ийвид̇ам̣ мануссаанам̣ барид̇д̇ам̣…бз… над̇т̇и ж̇аад̇асса амаран̣ам̣.

‘‘Seyyathāpi, brāhmaṇa, balavā puriso jivhagge kheḷapiṇḍaṃ saṃyūhitvā akasireneva vameyya ¹²; evamevaṃ kho, brāhmaṇa, kheḷapiṇḍūpamaṃ jīvitaṃ manussānaṃ parittaṃ…pe… natthi jātassa amaraṇaṃ.

‘‘сзяяат̇ааби, б̣раахман̣а, д̣̇ивасам̣санд̇ад̇д̇з аяогадаахз мам̣сабзси ¹³ багкид̇д̇аа киббам̣язва бадивиг̇ажчад̇и, на жирадтид̇игаа ход̇и; звамзвам̣ ко, б̣раахман̣а, мам̣сабзсуубамам̣ ж̇ийвид̇ам̣ мануссаанам̣ барид̇д̇ам̣…бз… над̇т̇и ж̇аад̇асса амаран̣ам̣.

‘‘Seyyathāpi, brāhmaṇa, divasaṃsantatte ayokaṭāhe maṃsapesi ¹⁴ pakkhittā khippaṃyeva paṭivigacchati, na ciraṭṭhitikā hoti; evamevaṃ kho, brāhmaṇa, maṃsapesūpamaṃ jīvitaṃ manussānaṃ parittaṃ…pe… natthi jātassa amaraṇaṃ.

‘‘сзяяат̇ааби, б̣раахман̣а, г̇аавий важ̇жхаа аагхаад̇анам̣ нийяамаанаа яам̣ яад̣̇зва баад̣̇ам̣ уд̣̇д̇харад̇и, санд̇игзва ход̇и вад̇хасса санд̇игзва маран̣асса; звамзвам̣ ко, б̣раахман̣а, г̇оваж̇жхуубамам̣ ¹⁵ ж̇ийвид̇ам̣ мануссаанам̣ барид̇д̇ам̣ лахугам̣ б̣ахуд̣̇угкам̣ б̣ахубааяаасам̣ манд̇ааяам̣ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣а’’нд̇и.

‘‘Seyyathāpi, brāhmaṇa, gāvī vajjhā āghātanaṃ nīyamānā yaṃ yadeva pādaṃ uddharati, santikeva hoti vadhassa santikeva maraṇassa; evamevaṃ kho, brāhmaṇa, govajjhūpamaṃ ¹⁶ jīvitaṃ manussānaṃ parittaṃ lahukaṃ bahudukkhaṃ bahupāyāsaṃ mantāyaṃ boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇa’’nti.

‘‘д̇зна ко бана, бхигкавз, самаязна мануссаанам̣ садтивассасахассаани ааяуббамаан̣ам̣ ахоси, бан̃жавассасад̇игаа гумааригаа алам̣бад̇зяяаа ахоси. д̇зна ко бана, бхигкавз, самаязна мануссаанам̣ чал̣зва ааб̣аад̇хаа ахзсум̣ – сийд̇ам̣, ун̣хам̣, ж̇игхажчаа, бибаасаа, ужжааро, бассааво. со хи наама, бхигкавз, араго сад̇т̇аа звам̣ д̣̇ийгхааяугзсу мануссзсу звам̣ жирадтид̇игзсу звам̣ аббааб̣аад̇хзсу саавагаанам̣ звам̣ д̇хаммам̣ д̣̇зсзссад̇и – ‘аббагам̣, б̣раахман̣а, ж̇ийвид̇ам̣ мануссаанам̣ барид̇д̇ам̣ лахугам̣ б̣ахуд̣̇угкам̣ б̣ахубааяаасам̣ манд̇ааяам̣ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣а’’’нд̇и.

‘‘Tena kho pana, bhikkhave, samayena manussānaṃ saṭṭhivassasahassāni āyuppamāṇaṃ ahosi, pañcavassasatikā kumārikā alaṃpateyyā ahosi. Tena kho pana, bhikkhave, samayena manussānaṃ chaḷeva ābādhā ahesuṃ – sītaṃ, uṇhaṃ, jighacchā, pipāsā, uccāro, passāvo. So hi nāma, bhikkhave, arako satthā evaṃ dīghāyukesu manussesu evaṃ ciraṭṭhitikesu evaṃ appābādhesu sāvakānaṃ evaṃ dhammaṃ desessati – ‘appakaṃ, brāhmaṇa, jīvitaṃ manussānaṃ parittaṃ lahukaṃ bahudukkhaṃ bahupāyāsaṃ mantāyaṃ boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇa’’’nti.

‘‘зд̇арахи д̇ам̣, бхигкавз, саммаа вад̣̇амаано вад̣̇зяяа – ‘аббагам̣ ж̇ийвид̇ам̣ мануссаанам̣ барид̇д̇ам̣ лахугам̣ б̣ахуд̣̇угкам̣ б̣ахубааяаасам̣ манд̇ааяам̣ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣а’нд̇и. зд̇арахи, бхигкавз , яо жирам̣ ж̇ийвад̇и со вассасад̇ам̣ аббам̣ ваа бхияяо. вассасад̇ам̣ ко бана, бхигкавз, ж̇ийванд̇о д̇ийн̣иязва уд̇усад̇аани ж̇ийвад̇и – уд̇усад̇ам̣ хзманд̇аанам̣, уд̇усад̇ам̣ г̇имхаанам̣, уд̇усад̇ам̣ вассаанам̣. д̇ийн̣и ко бана, бхигкавз, уд̇усад̇аани ж̇ийванд̇о д̣̇ваад̣̇аса ¹⁷ язва маасасад̇аани ж̇ийвад̇и – жад̇д̇аари маасасад̇аани хзманд̇аанам̣ , жад̇д̇аари маасасад̇аани г̇имхаанам̣, жад̇д̇аари маасасад̇аани вассаанам̣. д̣̇ваад̣̇аса ко бана, бхигкавз, маасасад̇аани ж̇ийванд̇о жад̇увийсад̇иязва ад̣̇д̇хамаасасад̇аани ж̇ийвад̇и – адтад̣̇д̇хамаасасад̇аани хзманд̇аанам̣, адтад̣̇д̇хамаасасад̇аани г̇имхаанам̣, адтад̣̇д̇хамаасасад̇аани вассаанам̣. жад̇увийсад̇и ко бана, бхигкавз, ад̣̇д̇хамаасасад̇аани ж̇ийванд̇о чад̇д̇им̣сам̣язва рад̇д̇исахассаани ж̇ийвад̇и – д̣̇ваад̣̇аса рад̇д̇исахассаани хзманд̇аанам̣, д̣̇ваад̣̇аса рад̇д̇исахассаани г̇имхаанам̣, д̣̇ваад̣̇аса рад̇д̇исахассаани вассаанам̣. чад̇д̇им̣сам̣ ко бана, бхигкавз, рад̇д̇исахассаани ж̇ийванд̇о д̣̇взсад̇д̇ад̇иязва ¹⁸ бхад̇д̇асахассаани бхун̃ж̇ад̇и – жад̇увийсад̇и бхад̇д̇асахассаани хзманд̇аанам̣, жад̇увийсад̇и бхад̇д̇асахассаани г̇имхаанам̣, жад̇увийсад̇и бхад̇д̇асахассаани вассаанам̣ сад̣̇д̇хим̣ маад̇ут̇ан̃н̃ааяа сад̣̇д̇хим̣ бхад̇д̇анд̇арааязна.

‘‘Etarahi taṃ, bhikkhave, sammā vadamāno vadeyya – ‘appakaṃ jīvitaṃ manussānaṃ parittaṃ lahukaṃ bahudukkhaṃ bahupāyāsaṃ mantāyaṃ boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇa’nti. Etarahi, bhikkhave , yo ciraṃ jīvati so vassasataṃ appaṃ vā bhiyyo. Vassasataṃ kho pana, bhikkhave, jīvanto tīṇiyeva utusatāni jīvati – utusataṃ hemantānaṃ, utusataṃ gimhānaṃ, utusataṃ vassānaṃ. Tīṇi kho pana, bhikkhave, utusatāni jīvanto dvādasa ¹⁹ yeva māsasatāni jīvati – cattāri māsasatāni hemantānaṃ , cattāri māsasatāni gimhānaṃ, cattāri māsasatāni vassānaṃ. Dvādasa kho pana, bhikkhave, māsasatāni jīvanto catuvīsatiyeva addhamāsasatāni jīvati – aṭṭhaddhamāsasatāni hemantānaṃ, aṭṭhaddhamāsasatāni gimhānaṃ, aṭṭhaddhamāsasatāni vassānaṃ. Catuvīsati kho pana, bhikkhave, addhamāsasatāni jīvanto chattiṃsaṃyeva rattisahassāni jīvati – dvādasa rattisahassāni hemantānaṃ, dvādasa rattisahassāni gimhānaṃ, dvādasa rattisahassāni vassānaṃ. Chattiṃsaṃ kho pana, bhikkhave, rattisahassāni jīvanto dvesattatiyeva ²⁰ bhattasahassāni bhuñjati – catuvīsati bhattasahassāni hemantānaṃ, catuvīsati bhattasahassāni gimhānaṃ, catuvīsati bhattasahassāni vassānaṃ saddhiṃ mātuthaññāya saddhiṃ bhattantarāyena.

‘‘д̇ад̇римз бхад̇д̇анд̇арааяаа габимид̣̇д̇хоби бхад̇д̇ам̣ на бхун̃ж̇ад̇и, д̣̇угкид̇оби бхад̇д̇ам̣ на бхун̃ж̇ад̇и, б̣яаад̇хид̇оби бхад̇д̇ам̣ на бхун̃ж̇ад̇и, убосат̇игоби бхад̇д̇ам̣ на бхун̃ж̇ад̇и , алаабхагзнаби бхад̇д̇ам̣ на бхун̃ж̇ад̇и. ид̇и ко, бхигкавз, маяаа вассасад̇ааяугасса мануссасса ааяуби сан̇каад̇о ²¹, ааяуббамаан̣амби сан̇каад̇ам̣, уд̇ууби сан̇каад̇аа, сам̣важчарааби сан̇каад̇аа, маасааби сан̇каад̇аа, ад̣̇д̇хамаасааби сан̇каад̇аа, рад̇д̇иби сан̇каад̇аа, д̣̇ивааби сан̇каад̇аа, бхад̇д̇ааби сан̇каад̇аа, бхад̇д̇анд̇арааяааби сан̇каад̇аа. яам̣, бхигкавз, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа; гад̇ам̣ во д̇ам̣ маяаа зд̇аани, бхигкавз, ругкамуулаани зд̇аани сун̃н̃ааг̇аараани. жхааяат̇а, бхигкавз, маа бамаад̣̇ад̇т̇а; маа бажчаа виббадисаарино ахувад̇т̇а. аяам̣ во амхаагам̣ анусаасаний’’д̇и. д̣̇асамам̣.

‘‘Tatrime bhattantarāyā kapimiddhopi bhattaṃ na bhuñjati, dukkhitopi bhattaṃ na bhuñjati, byādhitopi bhattaṃ na bhuñjati, uposathikopi bhattaṃ na bhuñjati , alābhakenapi bhattaṃ na bhuñjati. Iti kho, bhikkhave, mayā vassasatāyukassa manussassa āyupi saṅkhāto ²², āyuppamāṇampi saṅkhātaṃ, utūpi saṅkhātā, saṃvaccharāpi saṅkhātā, māsāpi saṅkhātā, addhamāsāpi saṅkhātā, rattipi saṅkhātā, divāpi saṅkhātā, bhattāpi saṅkhātā, bhattantarāyāpi saṅkhātā. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya; kataṃ vo taṃ mayā etāni, bhikkhave, rukkhamūlāni etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Dasamaṃ.

махааваг̇г̇о сад̇д̇амо.

Mahāvaggo sattamo.

д̇ассуд̣̇д̣̇аанам̣ –

Tassuddānaṃ –

хирийсуурияам̣ убамаа, д̇хамман̃н̃уу бааричад̇д̇агам̣;

Hirīsūriyaṃ upamā, dhammaññū pārichattakaṃ;

саггажжам̣ бхааванаа аг̇г̇и, сунзд̇д̇аарагзна жаад̇и.

Sakkaccaṃ bhāvanā aggi, sunettaarakena cāti.

Next: 8. винаяаваг̇г̇о • 8. Vinayavaggo

Footnotes:

1. лахусам̣ (дийгаа)

2. манд̇ааяа (саб̣б̣ад̇т̇а) дийгаа бассид̇аб̣б̣аа

3. lahusaṃ (ṭīkā)

4. mantāya (sabbattha) ṭīkā passitabbā

5. уд̣̇агабубпул̣ам̣ (га.)

6. udakapupphuḷaṃ (ka.)

7. яааяа (га.)

8. т̇арад̇и (сий.), д̇харад̇и (сяаа.), авад̇идтзяяа (?)

9. yāya (ka.)

10. tharati (sī.), dharati (syā.), avatiṭṭheyya (?)

11. бад̇аабзяяа (га.)

12. patāpeyya (ka.)

13. мам̣сабзсий (сий. сяаа.)

14. maṃsapesī (sī. syā.)

15. г̇аавийваж̇жхуубамам̣ (сий. сяаа.)

16. gāvīvajjhūpamaṃ (sī. syā.)

17. д̣̇ваад̣̇асам̣ (сий. га.)

18. д̣̇взсад̇д̇ад̇ин̃н̃зва (сяаа.), д̣̇взсад̇д̇ад̇ин̃жзва (га.)

19. dvādasaṃ (sī. ka.)

20. dvesattatiññeva (syā.), dvesattatiñceva (ka.)

21. сан̇каад̇ам̣ (?)

22. saṅkhātaṃ (?)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. арагасуд̇д̇аван̣н̣анаа • 10. Arakasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. арагасуд̇д̇аван̣н̣анаа • 10. Arakasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact