| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
32. аарагкад̣̇ааяагаваг̇г̇о
32. Ārakkhadāyakavaggo
1-10. аарагкад̣̇ааяагад̇т̇зраабад̣̇аанаад̣̇иван̣н̣анаа
1-10. Ārakkhadāyakattheraapadānādivaṇṇanā
б̣аад̇д̇им̣сад̇имаваг̇г̇з батамад̣̇уд̇ияад̇ад̇ияаабад̣̇аанаани сувин̃н̃зяяаанзва.
Bāttiṃsatimavagge paṭhamadutiyatatiyāpadānāni suviññeyyāneva.
16. жад̇уд̇т̇аабад̣̇аанз ж̇алаж̇аг̇г̇зхи огиринд̇и ж̇алаж̇зхи уд̇д̇амзхи уббалабад̣̇умаад̣̇ийхи бубпзхи огирим̣ бууж̇зсинд̇и ад̇т̇о.
16. Catutthāpadāne jalajaggehi okirinti jalajehi uttamehi uppalapadumādīhi pupphehi okiriṃ pūjesinti attho.
бан̃жамаабад̣̇аанам̣ уд̇д̇аанамзва.
Pañcamāpadānaṃ uttānameva.
26-27. чадтаабад̣̇аанз жзд̇ияам̣ уд̇д̇амам̣ наама, сикино логаб̣анд̇хунод̇и сагалалогад̇д̇аяасса б̣анд̇хуно н̃аад̇агасса сикисса бхаг̇авад̇о уд̇д̇амам̣ жзд̇ияам̣. ирийн̣з ж̇анасан̃жаравирахид̇з ванз мануссаанам̣ голаахалавирахид̇з махаааран̃н̃з ахосийд̇и самб̣анд̇хо. анд̇хаахин̣д̣аамахам̣ д̇ад̣̇аад̇и д̇асмим̣ гаалз ванз маг̇г̇амуул̣хабхаавзна анд̇хо, на жагкунаа анд̇хо, ахам̣ аахин̣д̣аами маг̇г̇ам̣ бариязсаамийд̇и ад̇т̇о. баванаа нигкаманд̇знаад̇и махааванад̇о нигкаманд̇зна маяаа сийхаасанам̣ уд̇д̇амаасанам̣, сийхасса ваа бхаг̇авад̇о аасанам̣ д̣̇идтанд̇и ад̇т̇о. згам̣сам̣ ан̃ж̇алим̣ гад̇ваад̇и згам̣сам̣ уд̇д̇араасан̇г̇ам̣ гад̇ваа сираси ан̃ж̇алим̣ табзд̇ваад̇и ад̇т̇о. сант̇авим̣ логанааяаганд̇и сагалалогад̇д̇аяанаяам̣ д̇ам̣ ниб̣б̣аанам̣ баабзнд̇ам̣ т̇омид̇ам̣ т̇уд̇им̣ агаасинд̇и ад̇т̇о.
26-27. Chaṭṭhāpadāne cetiyaṃ uttamaṃ nāma, sikhino lokabandhunoti sakalalokattayassa bandhuno ñātakassa sikhissa bhagavato uttamaṃ cetiyaṃ. Irīṇe janasañcaravirahite vane manussānaṃ kolāhalavirahite mahāaraññe ahosīti sambandho. Andhāhiṇḍāmahaṃ tadāti tasmiṃ kāle vane maggamūḷhabhāvena andho, na cakkhunā andho, ahaṃ āhiṇḍāmi maggaṃ pariyesāmīti attho. Pavanā nikkhamantenāti mahāvanato nikkhamantena mayā sīhāsanaṃ uttamāsanaṃ, sīhassa vā bhagavato āsanaṃ diṭṭhanti attho. Ekaṃsaṃ añjaliṃ katvāti ekaṃsaṃ uttarāsaṅgaṃ katvā sirasi añjaliṃ ṭhapetvāti attho. Santhaviṃ lokanāyakanti sakalalokattayanayaṃ taṃ nibbānaṃ pāpentaṃ thomitaṃ thutiṃ akāsinti attho.
34. сад̇д̇амаабад̣̇аанз суд̣̇ассано махаавийрод̇и сунд̣̇арад̣̇ассано д̣̇вад̇д̇им̣самахаабурисалагкан̣асамбаннасарийрад̇д̇аа манохарад̣̇ассано махаавийрияо сид̣̇д̇хад̇т̇о бхаг̇аваад̇и самб̣анд̇хо. васад̇игхарамуд̇д̇амзд̇и уд̇д̇амз вихаарз васад̇ийд̇и ад̇т̇о.
34. Sattamāpadāne sudassano mahāvīroti sundaradassano dvattiṃsamahāpurisalakkhaṇasampannasarīrattā manoharadassano mahāvīriyo siddhattho bhagavāti sambandho. Vasatigharamuttameti uttame vihāre vasatīti attho.
адтаманавамад̣̇асамаабад̣̇аанаани уд̇д̇аанаанзваад̇и.
Aṭṭhamanavamadasamāpadānāni uttānānevāti.
б̣аад̇д̇им̣сад̇имаваг̇г̇аван̣н̣анаа самад̇д̇аа.
Bāttiṃsatimavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
4. сад̇д̇абад̣̇умияад̇т̇зраабад̣̇аанам̣ • 4. Sattapadumiyattheraapadānaṃ
6. аасанасант̇авигад̇т̇зраабад̣̇аанам̣ • 6. Āsanasanthavikattheraapadānaṃ
7. сад̣̇д̣̇асан̃н̃агад̇т̇зраабад̣̇аанам̣ • 7. Saddasaññakattheraapadānaṃ
