| Library / Tipiṭaka / तिपिटक • Tipiṭaka / अपदान-अट्ठकथा • Apadāna-aṭṭhakathā |
३२. आरक्खदायकवग्गो
32. Ārakkhadāyakavaggo
१-१०. आरक्खदायकत्थेरअपदानादिवण्णना
1-10. Ārakkhadāyakattheraapadānādivaṇṇanā
बात्तिंसतिमवग्गे पठमदुतियततियापदानानि सुविञ्ञेय्यानेव।
Bāttiṃsatimavagge paṭhamadutiyatatiyāpadānāni suviññeyyāneva.
१६. चतुत्थापदाने जलजग्गेहि ओकिरिन्ति जलजेहि उत्तमेहि उप्पलपदुमादीहि पुप्फेहि ओकिरिं पूजेसिन्ति अत्थो।
16. Catutthāpadāne jalajaggehi okirinti jalajehi uttamehi uppalapadumādīhi pupphehi okiriṃ pūjesinti attho.
पञ्चमापदानं उत्तानमेव।
Pañcamāpadānaṃ uttānameva.
२६-२७. छट्ठापदाने चेतियं उत्तमं नाम, सिखिनो लोकबन्धुनोति सकललोकत्तयस्स बन्धुनो ञातकस्स सिखिस्स भगवतो उत्तमं चेतियं। इरीणे जनसञ्चरविरहिते वने मनुस्सानं कोलाहलविरहिते महाअरञ्ञे अहोसीति सम्बन्धो। अन्धाहिण्डामहं तदाति तस्मिं काले वने मग्गमूळ्हभावेन अन्धो, न चक्खुना अन्धो, अहं आहिण्डामि मग्गं परियेसामीति अत्थो। पवना निक्खमन्तेनाति महावनतो निक्खमन्तेन मया सीहासनं उत्तमासनं, सीहस्स वा भगवतो आसनं दिट्ठन्ति अत्थो। एकंसं अञ्जलिं कत्वाति एकंसं उत्तरासङ्गं कत्वा सिरसि अञ्जलिं ठपेत्वाति अत्थो। सन्थविं लोकनायकन्ति सकललोकत्तयनयं तं निब्बानं पापेन्तं थोमितं थुतिं अकासिन्ति अत्थो।
26-27. Chaṭṭhāpadāne cetiyaṃ uttamaṃ nāma, sikhino lokabandhunoti sakalalokattayassa bandhuno ñātakassa sikhissa bhagavato uttamaṃ cetiyaṃ. Irīṇe janasañcaravirahite vane manussānaṃ kolāhalavirahite mahāaraññe ahosīti sambandho. Andhāhiṇḍāmahaṃ tadāti tasmiṃ kāle vane maggamūḷhabhāvena andho, na cakkhunā andho, ahaṃ āhiṇḍāmi maggaṃ pariyesāmīti attho. Pavanā nikkhamantenāti mahāvanato nikkhamantena mayā sīhāsanaṃ uttamāsanaṃ, sīhassa vā bhagavato āsanaṃ diṭṭhanti attho. Ekaṃsaṃ añjaliṃ katvāti ekaṃsaṃ uttarāsaṅgaṃ katvā sirasi añjaliṃ ṭhapetvāti attho. Santhaviṃ lokanāyakanti sakalalokattayanayaṃ taṃ nibbānaṃ pāpentaṃ thomitaṃ thutiṃ akāsinti attho.
३४. सत्तमापदाने सुदस्सनो महावीरोति सुन्दरदस्सनो द्वत्तिंसमहापुरिसलक्खणसम्पन्नसरीरत्ता मनोहरदस्सनो महावीरियो सिद्धत्थो भगवाति सम्बन्धो। वसतिघरमुत्तमेति उत्तमे विहारे वसतीति अत्थो।
34. Sattamāpadāne sudassano mahāvīroti sundaradassano dvattiṃsamahāpurisalakkhaṇasampannasarīrattā manoharadassano mahāvīriyo siddhattho bhagavāti sambandho. Vasatigharamuttameti uttame vihāre vasatīti attho.
अट्ठमनवमदसमापदानानि उत्तानानेवाति।
Aṭṭhamanavamadasamāpadānāni uttānānevāti.
बात्तिंसतिमवग्गवण्णना समत्ता।
Bāttiṃsatimavaggavaṇṇanā samattā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / अपदानपाळि • Apadānapāḷi
४. सत्तपदुमियत्थेरअपदानं • 4. Sattapadumiyattheraapadānaṃ
६. आसनसन्थविकत्थेरअपदानं • 6. Āsanasanthavikattheraapadānaṃ
७. सद्दसञ्ञकत्थेरअपदानं • 7. Saddasaññakattheraapadānaṃ
