| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩੨. ਆਰਕ੍ਖਦਾਯਕવਗ੍ਗੋ
32. Ārakkhadāyakavaggo
੧-੧੦. ਆਰਕ੍ਖਦਾਯਕਤ੍ਥੇਰਅਪਦਾਨਾਦਿવਣ੍ਣਨਾ
1-10. Ārakkhadāyakattheraapadānādivaṇṇanā
ਬਾਤ੍ਤਿਂਸਤਿਮવਗ੍ਗੇ ਪਠਮਦੁਤਿਯਤਤਿਯਾਪਦਾਨਾਨਿ ਸੁવਿਞ੍ਞੇਯ੍ਯਾਨੇવ।
Bāttiṃsatimavagge paṭhamadutiyatatiyāpadānāni suviññeyyāneva.
੧੬. ਚਤੁਤ੍ਥਾਪਦਾਨੇ ਜਲਜਗ੍ਗੇਹਿ ਓਕਿਰਿਨ੍ਤਿ ਜਲਜੇਹਿ ਉਤ੍ਤਮੇਹਿ ਉਪ੍ਪਲਪਦੁਮਾਦੀਹਿ ਪੁਪ੍ਫੇਹਿ ਓਕਿਰਿਂ ਪੂਜੇਸਿਨ੍ਤਿ ਅਤ੍ਥੋ।
16. Catutthāpadāne jalajaggehi okirinti jalajehi uttamehi uppalapadumādīhi pupphehi okiriṃ pūjesinti attho.
ਪਞ੍ਚਮਾਪਦਾਨਂ ਉਤ੍ਤਾਨਮੇવ।
Pañcamāpadānaṃ uttānameva.
੨੬-੨੭. ਛਟ੍ਠਾਪਦਾਨੇ ਚੇਤਿਯਂ ਉਤ੍ਤਮਂ ਨਾਮ, ਸਿਖਿਨੋ ਲੋਕਬਨ੍ਧੁਨੋਤਿ ਸਕਲਲੋਕਤ੍ਤਯਸ੍ਸ ਬਨ੍ਧੁਨੋ ਞਾਤਕਸ੍ਸ ਸਿਖਿਸ੍ਸ ਭਗવਤੋ ਉਤ੍ਤਮਂ ਚੇਤਿਯਂ। ਇਰੀਣੇ ਜਨਸਞ੍ਚਰવਿਰਹਿਤੇ વਨੇ ਮਨੁਸ੍ਸਾਨਂ ਕੋਲਾਹਲવਿਰਹਿਤੇ ਮਹਾਅਰਞ੍ਞੇ ਅਹੋਸੀਤਿ ਸਮ੍ਬਨ੍ਧੋ। ਅਨ੍ਧਾਹਿਣ੍ਡਾਮਹਂ ਤਦਾਤਿ ਤਸ੍ਮਿਂ ਕਾਲੇ વਨੇ ਮਗ੍ਗਮੂਲ਼੍ਹਭਾવੇਨ ਅਨ੍ਧੋ, ਨ ਚਕ੍ਖੁਨਾ ਅਨ੍ਧੋ, ਅਹਂ ਆਹਿਣ੍ਡਾਮਿ ਮਗ੍ਗਂ ਪਰਿਯੇਸਾਮੀਤਿ ਅਤ੍ਥੋ। ਪવਨਾ ਨਿਕ੍ਖਮਨ੍ਤੇਨਾਤਿ ਮਹਾવਨਤੋ ਨਿਕ੍ਖਮਨ੍ਤੇਨ ਮਯਾ ਸੀਹਾਸਨਂ ਉਤ੍ਤਮਾਸਨਂ, ਸੀਹਸ੍ਸ વਾ ਭਗવਤੋ ਆਸਨਂ ਦਿਟ੍ਠਨ੍ਤਿ ਅਤ੍ਥੋ। ਏਕਂਸਂ ਅਞ੍ਜਲਿਂ ਕਤ੍વਾਤਿ ਏਕਂਸਂ ਉਤ੍ਤਰਾਸਙ੍ਗਂ ਕਤ੍વਾ ਸਿਰਸਿ ਅਞ੍ਜਲਿਂ ਠਪੇਤ੍વਾਤਿ ਅਤ੍ਥੋ। ਸਨ੍ਥવਿਂ ਲੋਕਨਾਯਕਨ੍ਤਿ ਸਕਲਲੋਕਤ੍ਤਯਨਯਂ ਤਂ ਨਿਬ੍ਬਾਨਂ ਪਾਪੇਨ੍ਤਂ ਥੋਮਿਤਂ ਥੁਤਿਂ ਅਕਾਸਿਨ੍ਤਿ ਅਤ੍ਥੋ।
26-27. Chaṭṭhāpadāne cetiyaṃ uttamaṃ nāma, sikhino lokabandhunoti sakalalokattayassa bandhuno ñātakassa sikhissa bhagavato uttamaṃ cetiyaṃ. Irīṇe janasañcaravirahite vane manussānaṃ kolāhalavirahite mahāaraññe ahosīti sambandho. Andhāhiṇḍāmahaṃ tadāti tasmiṃ kāle vane maggamūḷhabhāvena andho, na cakkhunā andho, ahaṃ āhiṇḍāmi maggaṃ pariyesāmīti attho. Pavanā nikkhamantenāti mahāvanato nikkhamantena mayā sīhāsanaṃ uttamāsanaṃ, sīhassa vā bhagavato āsanaṃ diṭṭhanti attho. Ekaṃsaṃ añjaliṃ katvāti ekaṃsaṃ uttarāsaṅgaṃ katvā sirasi añjaliṃ ṭhapetvāti attho. Santhaviṃ lokanāyakanti sakalalokattayanayaṃ taṃ nibbānaṃ pāpentaṃ thomitaṃ thutiṃ akāsinti attho.
੩੪. ਸਤ੍ਤਮਾਪਦਾਨੇ ਸੁਦਸ੍ਸਨੋ ਮਹਾવੀਰੋਤਿ ਸੁਨ੍ਦਰਦਸ੍ਸਨੋ ਦ੍વਤ੍ਤਿਂਸਮਹਾਪੁਰਿਸਲਕ੍ਖਣਸਮ੍ਪਨ੍ਨਸਰੀਰਤ੍ਤਾ ਮਨੋਹਰਦਸ੍ਸਨੋ ਮਹਾવੀਰਿਯੋ ਸਿਦ੍ਧਤ੍ਥੋ ਭਗવਾਤਿ ਸਮ੍ਬਨ੍ਧੋ। વਸਤਿਘਰਮੁਤ੍ਤਮੇਤਿ ਉਤ੍ਤਮੇ વਿਹਾਰੇ વਸਤੀਤਿ ਅਤ੍ਥੋ।
34. Sattamāpadāne sudassano mahāvīroti sundaradassano dvattiṃsamahāpurisalakkhaṇasampannasarīrattā manoharadassano mahāvīriyo siddhattho bhagavāti sambandho. Vasatigharamuttameti uttame vihāre vasatīti attho.
ਅਟ੍ਠਮਨવਮਦਸਮਾਪਦਾਨਾਨਿ ਉਤ੍ਤਾਨਾਨੇવਾਤਿ।
Aṭṭhamanavamadasamāpadānāni uttānānevāti.
ਬਾਤ੍ਤਿਂਸਤਿਮવਗ੍ਗવਣ੍ਣਨਾ ਸਮਤ੍ਤਾ।
Bāttiṃsatimavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi
੪. ਸਤ੍ਤਪਦੁਮਿਯਤ੍ਥੇਰਅਪਦਾਨਂ • 4. Sattapadumiyattheraapadānaṃ
੬. ਆਸਨਸਨ੍ਥવਿਕਤ੍ਥੇਰਅਪਦਾਨਂ • 6. Āsanasanthavikattheraapadānaṃ
੭. ਸਦ੍ਦਸਞ੍ਞਕਤ੍ਥੇਰਅਪਦਾਨਂ • 7. Saddasaññakattheraapadānaṃ
