| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. аарагкасуд̇д̇ам̣
7. Ārakkhasuttaṃ
117. ‘‘жад̇уусу, бхигкавз, таанзсу ад̇д̇аруубзна аббамаад̣̇о сад̇и жзд̇асо аарагко гаран̣ийяо. гад̇амзсу жад̇уусу? ‘маа мз раж̇анийязсу д̇хаммзсу жид̇д̇ам̣ раж̇ж̇ий’д̇и ад̇д̇аруубзна аббамаад̣̇о сад̇и жзд̇асо аарагко гаран̣ийяо; ‘маа мз д̣̇осанийязсу д̇хаммзсу жид̇д̇ам̣ д̣̇уссий’д̇и ад̇д̇аруубзна аббамаад̣̇о сад̇и жзд̇асо аарагко гаран̣ийяо; ‘маа мз моханийязсу д̇хаммзсу жид̇д̇ам̣ муяхий’д̇и ад̇д̇аруубзна аббамаад̣̇о сад̇и жзд̇асо аарагко гаран̣ийяо; ‘маа мз мад̣̇анийязсу д̇хаммзсу жид̇д̇ам̣ маж̇ж̇ий’д̇и ад̇д̇аруубзна аббамаад̣̇о сад̇и жзд̇асо аарагко гаран̣ийяо.
117. ‘‘Catūsu, bhikkhave, ṭhānesu attarūpena appamādo sati cetaso ārakkho karaṇīyo. Katamesu catūsu? ‘Mā me rajanīyesu dhammesu cittaṃ rajjī’ti attarūpena appamādo sati cetaso ārakkho karaṇīyo; ‘mā me dosanīyesu dhammesu cittaṃ dussī’ti attarūpena appamādo sati cetaso ārakkho karaṇīyo; ‘mā me mohanīyesu dhammesu cittaṃ muyhī’ti attarūpena appamādo sati cetaso ārakkho karaṇīyo; ‘mā me madanīyesu dhammesu cittaṃ majjī’ti attarūpena appamādo sati cetaso ārakkho karaṇīyo.
‘‘яад̇о ко, бхигкавз, бхигкуно раж̇анийязсу д̇хаммзсу жид̇д̇ам̣ на раж̇ж̇ад̇и вийд̇арааг̇ад̇д̇аа, д̣̇осанийязсу д̇хаммзсу жид̇д̇ам̣ на д̣̇уссад̇и вийд̇ад̣̇осад̇д̇аа, моханийязсу д̇хаммзсу жид̇д̇ам̣ на муяхад̇и вийд̇амохад̇д̇аа, мад̣̇анийязсу д̇хаммзсу жид̇д̇ам̣ на маж̇ж̇ад̇и вийд̇амад̣̇ад̇д̇аа, со на чамбхад̇и на гамбад̇и на взд̇хад̇и на санд̇аасам̣ аабаж̇ж̇ад̇и, на жа бана саман̣аважанахзд̇уби г̇ажчад̇ий’’д̇и. сад̇д̇амам̣.
‘‘Yato kho, bhikkhave, bhikkhuno rajanīyesu dhammesu cittaṃ na rajjati vītarāgattā, dosanīyesu dhammesu cittaṃ na dussati vītadosattā, mohanīyesu dhammesu cittaṃ na muyhati vītamohattā, madanīyesu dhammesu cittaṃ na majjati vītamadattā, so na chambhati na kampati na vedhati na santāsaṃ āpajjati, na ca pana samaṇavacanahetupi gacchatī’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. аарагкасуд̇д̇аван̣н̣анаа • 7. Ārakkhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. гзсисуд̇д̇аад̣̇иван̣н̣анаа • 1-7. Kesisuttādivaṇṇanā
