| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౭. ఆరక్ఖసుత్తవణ్ణనా
7. Ārakkhasuttavaṇṇanā
౧౧౭. సత్తమే అత్తరూపేనాతి అత్తనో అనురూపేన అనుచ్ఛవికేన, హితకామేనాతి అత్థో. రజనీయేసూతి రాగస్స పచ్చయభూతేసు. ధమ్మేసూతి సభావేసు, ఇట్ఠారమ్మణేసూతి అత్థో. ఏవం సబ్బత్థ నయో వేదితబ్బో. న రజ్జతీతి దిట్ఠివసేన న రజ్జతి. సేసపదేసుపి ఏసేవ నయో. న చ పన సమణవచనహేతుపి గచ్ఛతీతి సమణానం పరవాదీనం వచనహేతుపి అత్తనో దిట్ఠిం పహాయ తేసం దిట్ఠివసేన న గచ్ఛతీతి అత్థో. ఇధాపి ఖీణాసవోవ అధిప్పేతో.
117. Sattame attarūpenāti attano anurūpena anucchavikena, hitakāmenāti attho. Rajanīyesūti rāgassa paccayabhūtesu. Dhammesūti sabhāvesu, iṭṭhārammaṇesūti attho. Evaṃ sabbattha nayo veditabbo. Na rajjatīti diṭṭhivasena na rajjati. Sesapadesupi eseva nayo. Na ca pana samaṇavacanahetupi gacchatīti samaṇānaṃ paravādīnaṃ vacanahetupi attano diṭṭhiṃ pahāya tesaṃ diṭṭhivasena na gacchatīti attho. Idhāpi khīṇāsavova adhippeto.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౭. ఆరక్ఖసుత్తం • 7. Ārakkhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౭. కేసిసుత్తాదివణ్ణనా • 1-7. Kesisuttādivaṇṇanā
