| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. အာရက္ခသုတ္တဝဏ္ဏနာ
7. Ārakkhasuttavaṇṇanā
၁၁၇. သတ္တမေ အတ္တရူပေနာတိ အတ္တနော အနုရူပေန အနုစ္ဆဝိကေန, ဟိတကာမေနာတိ အတ္ထော။ ရဇနီယေသူတိ ရာဂသ္သ ပစ္စယဘူတေသု။ ဓမ္မေသူတိ သဘာဝေသု, ဣဋ္ဌာရမ္မဏေသူတိ အတ္ထော။ ဧဝံ သဗ္ဗတ္ထ နယော ဝေဒိတဗ္ဗော။ န ရဇ္ဇတီတိ ဒိဋ္ဌိဝသေန န ရဇ္ဇတိ။ သေသပဒေသုပိ ဧသေဝ နယော။ န စ ပန သမဏဝစနဟေတုပိ ဂစ္ဆတီတိ သမဏာနံ ပရဝာဒီနံ ဝစနဟေတုပိ အတ္တနော ဒိဋ္ဌိံ ပဟာယ တေသံ ဒိဋ္ဌိဝသေန န ဂစ္ဆတီတိ အတ္ထော။ ဣဓာပိ ခီဏာသဝောဝ အဓိပ္ပေတော။
117. Sattame attarūpenāti attano anurūpena anucchavikena, hitakāmenāti attho. Rajanīyesūti rāgassa paccayabhūtesu. Dhammesūti sabhāvesu, iṭṭhārammaṇesūti attho. Evaṃ sabbattha nayo veditabbo. Na rajjatīti diṭṭhivasena na rajjati. Sesapadesupi eseva nayo. Na ca pana samaṇavacanahetupi gacchatīti samaṇānaṃ paravādīnaṃ vacanahetupi attano diṭṭhiṃ pahāya tesaṃ diṭṭhivasena na gacchatīti attho. Idhāpi khīṇāsavova adhippeto.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. အာရက္ခသုတ္တံ • 7. Ārakkhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၇. ကေသိသုတ္တာဒိဝဏ္ဏနာ • 1-7. Kesisuttādivaṇṇanā
