| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൭. ആരക്ഖസുത്തവണ്ണനാ
7. Ārakkhasuttavaṇṇanā
൧൧൭. സത്തമേ അത്തരൂപേനാതി അത്തനോ അനുരൂപേന അനുച്ഛവികേന, ഹിതകാമേനാതി അത്ഥോ. രജനീയേസൂതി രാഗസ്സ പച്ചയഭൂതേസു. ധമ്മേസൂതി സഭാവേസു, ഇട്ഠാരമ്മണേസൂതി അത്ഥോ. ഏവം സബ്ബത്ഥ നയോ വേദിതബ്ബോ. ന രജ്ജതീതി ദിട്ഠിവസേന ന രജ്ജതി. സേസപദേസുപി ഏസേവ നയോ. ന ച പന സമണവചനഹേതുപി ഗച്ഛതീതി സമണാനം പരവാദീനം വചനഹേതുപി അത്തനോ ദിട്ഠിം പഹായ തേസം ദിട്ഠിവസേന ന ഗച്ഛതീതി അത്ഥോ. ഇധാപി ഖീണാസവോവ അധിപ്പേതോ.
117. Sattame attarūpenāti attano anurūpena anucchavikena, hitakāmenāti attho. Rajanīyesūti rāgassa paccayabhūtesu. Dhammesūti sabhāvesu, iṭṭhārammaṇesūti attho. Evaṃ sabbattha nayo veditabbo. Na rajjatīti diṭṭhivasena na rajjati. Sesapadesupi eseva nayo. Na ca pana samaṇavacanahetupi gacchatīti samaṇānaṃ paravādīnaṃ vacanahetupi attano diṭṭhiṃ pahāya tesaṃ diṭṭhivasena na gacchatīti attho. Idhāpi khīṇāsavova adhippeto.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൭. ആരക്ഖസുത്തം • 7. Ārakkhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൭. കേസിസുത്താദിവണ്ണനാ • 1-7. Kesisuttādivaṇṇanā
