| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. арагкзяяасуд̇д̇ам̣
5. Arakkheyyasuttaṃ
58. ‘‘жад̇д̇ааримаани, бхигкавз, д̇ат̇ааг̇ад̇асса арагкзяяаани, д̇ийхи жа анубаваж̇ж̇о. гад̇амаани жад̇д̇аари д̇ат̇ааг̇ад̇асса арагкзяяаани? барисуд̣̇д̇хагааяасамаажааро, бхигкавз, д̇ат̇ааг̇ад̇о; над̇т̇и д̇ат̇ааг̇ад̇асса гааяад̣̇ужжарид̇ам̣ яам̣ д̇ат̇ааг̇ад̇о рагкзяяа – ‘маа мз ид̣̇ам̣ баро ан̃н̃аасий’д̇и. барисуд̣̇д̇хаважийсамаажааро, бхигкавз, д̇ат̇ааг̇ад̇о; над̇т̇и д̇ат̇ааг̇ад̇асса важийд̣̇ужжарид̇ам̣ яам̣ д̇ат̇ааг̇ад̇о рагкзяяа – ‘маа мз ид̣̇ам̣ баро ан̃н̃аасий’д̇и. барисуд̣̇д̇хаманосамаажааро, бхигкавз, д̇ат̇ааг̇ад̇о; над̇т̇и д̇ат̇ааг̇ад̇асса манод̣̇ужжарид̇ам̣ яам̣ д̇ат̇ааг̇ад̇о рагкзяяа – ‘маа мз ид̣̇ам̣ баро ан̃н̃аасий’д̇и. барисуд̣̇д̇хааж̇ийво, бхигкавз, д̇ат̇ааг̇ад̇о; над̇т̇и д̇ат̇ааг̇ад̇асса мижчааааж̇ийво яам̣ д̇ат̇ааг̇ад̇о рагкзяяа – ‘маа мз ид̣̇ам̣ баро ан̃н̃аасий’д̇и. имаани жад̇д̇аари д̇ат̇ааг̇ад̇асса арагкзяяаани.
58. ‘‘Cattārimāni, bhikkhave, tathāgatassa arakkheyyāni, tīhi ca anupavajjo. Katamāni cattāri tathāgatassa arakkheyyāni? Parisuddhakāyasamācāro, bhikkhave, tathāgato; natthi tathāgatassa kāyaduccaritaṃ yaṃ tathāgato rakkheyya – ‘mā me idaṃ paro aññāsī’ti. Parisuddhavacīsamācāro, bhikkhave, tathāgato; natthi tathāgatassa vacīduccaritaṃ yaṃ tathāgato rakkheyya – ‘mā me idaṃ paro aññāsī’ti. Parisuddhamanosamācāro, bhikkhave, tathāgato; natthi tathāgatassa manoduccaritaṃ yaṃ tathāgato rakkheyya – ‘mā me idaṃ paro aññāsī’ti. Parisuddhājīvo, bhikkhave, tathāgato; natthi tathāgatassa micchāājīvo yaṃ tathāgato rakkheyya – ‘mā me idaṃ paro aññāsī’ti. Imāni cattāri tathāgatassa arakkheyyāni.
‘‘гад̇амзхи д̇ийхи анубаваж̇ж̇о? сваагкаад̇ад̇хаммо , бхигкавз, д̇ат̇ааг̇ад̇о. д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ сахад̇хаммзна бадижод̣̇зссад̇и – ‘ид̇иби д̇вам̣ на сваагкаад̇ад̇хаммо’д̇и. нимид̇д̇амзд̇ам̣, бхигкавз, на саманубассаами. зд̇амахам̣ 1, бхигкавз , нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараами.
‘‘Katamehi tīhi anupavajjo? Svākkhātadhammo , bhikkhave, tathāgato. Tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessati – ‘itipi tvaṃ na svākkhātadhammo’ti. Nimittametaṃ, bhikkhave, na samanupassāmi. Etamahaṃ 2, bhikkhave , nimittaṃ asamanupassanto khemappatto abhayappatto vesārajjappatto viharāmi.
‘‘субан̃н̃ад̇д̇аа ко бана мз, бхигкавз, саавагаанам̣ ниб̣б̣аанаг̇ааминий бадибад̣̇аа. яат̇аабадибаннаа мама саавагаа аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и. д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ сахад̇хаммзна бадижод̣̇зссад̇и – ‘ид̇иби д̇з на субан̃н̃ад̇д̇аа саавагаанам̣ ниб̣б̣аанаг̇ааминий бадибад̣̇аа. яат̇аабадибаннаа д̇ава саавагаа аасаваанам̣ каяаа…бз… сажчигад̇ваа убасамбаж̇ж̇а вихаранд̇ий’д̇и. нимид̇д̇амзд̇ам̣, бхигкавз, на саманубассаами . зд̇амахам̣, бхигкавз, нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараами.
‘‘Supaññattā kho pana me, bhikkhave, sāvakānaṃ nibbānagāminī paṭipadā. Yathāpaṭipannā mama sāvakā āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharanti. Tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessati – ‘itipi te na supaññattā sāvakānaṃ nibbānagāminī paṭipadā. Yathāpaṭipannā tava sāvakā āsavānaṃ khayā…pe… sacchikatvā upasampajja viharantī’ti. Nimittametaṃ, bhikkhave, na samanupassāmi . Etamahaṃ, bhikkhave, nimittaṃ asamanupassanto khemappatto abhayappatto vesārajjappatto viharāmi.
‘‘анзгасад̇аа ко бана мз, бхигкавз, саавагабарисаа аасаваанам̣ каяаа…бз… сажчигад̇ваа убасамбаж̇ж̇а вихаранд̇и. д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ сахад̇хаммзна бадижод̣̇зссад̇и – ‘ид̇иби д̇з на анзгасад̇аа саавагабарисаа аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’д̇и. нимид̇д̇амзд̇ам̣, бхигкавз, на саманубассаами. зд̇амахам̣, бхигкавз, нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараами. имзхи д̇ийхи анубаваж̇ж̇о.
‘‘Anekasatā kho pana me, bhikkhave, sāvakaparisā āsavānaṃ khayā…pe… sacchikatvā upasampajja viharanti. Tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessati – ‘itipi te na anekasatā sāvakaparisā āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharantī’ti. Nimittametaṃ, bhikkhave, na samanupassāmi. Etamahaṃ, bhikkhave, nimittaṃ asamanupassanto khemappatto abhayappatto vesārajjappatto viharāmi. Imehi tīhi anupavajjo.
‘‘имаани ко, бхигкавз, жад̇д̇аари д̇ат̇ааг̇ад̇асса арагкзяяаани, имзхи жа д̇ийхи анубаваж̇ж̇о’’д̇и. бан̃жамам̣.
‘‘Imāni kho, bhikkhave, cattāri tathāgatassa arakkheyyāni, imehi ca tīhi anupavajjo’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. арагкзяяасуд̇д̇аван̣н̣анаа • 5. Arakkheyyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-7. сийхасзнаабад̇исуд̇д̇аад̣̇иван̣н̣анаа • 4-7. Sīhasenāpatisuttādivaṇṇanā
