| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. อารามทายกเตฺถรอปทานํ
7. Ārāmadāyakattheraapadānaṃ
๓๒.
32.
‘‘สิทฺธตฺถสฺส ภควโต, อาราโม โรปิโต มยา;
‘‘Siddhatthassa bhagavato, ārāmo ropito mayā;
๓๓.
33.
‘‘อทฺทสํ วิรชํ พุทฺธํ, อาหุตีนํ ปฎิคฺคหํ;
‘‘Addasaṃ virajaṃ buddhaṃ, āhutīnaṃ paṭiggahaṃ;
อารามํ อภินาเมสิํ, โลกเชฎฺฐํ นราสภํฯ
Ārāmaṃ abhināmesiṃ, lokajeṭṭhaṃ narāsabhaṃ.
๓๔.
34.
‘‘หโฎฺฐ หเฎฺฐน จิเตฺตน, ผลํ ปุปฺผมทาสหํ;
‘‘Haṭṭho haṭṭhena cittena, phalaṃ pupphamadāsahaṃ;
ตโต ชาตปฺปสาโทว, ตํ วนํ ปริณามยิํฯ
Tato jātappasādova, taṃ vanaṃ pariṇāmayiṃ.
๓๕.
35.
‘‘พุทฺธสฺส ยมิทํ ทาสิํ, วิปฺปสเนฺนน เจตสา;
‘‘Buddhassa yamidaṃ dāsiṃ, vippasannena cetasā;
ภเว นิพฺพตฺตมานมฺหิ, นิพฺพตฺตติ ผลํ มมฯ
Bhave nibbattamānamhi, nibbattati phalaṃ mama.
๓๖.
36.
‘‘จตุนฺนวุติโต กเปฺป, ยํ อารามมทํ ตทา;
‘‘Catunnavutito kappe, yaṃ ārāmamadaṃ tadā;
ทุคฺคติํ นาภิชานามิ, อารามสฺส อิทํ ผลํฯ
Duggatiṃ nābhijānāmi, ārāmassa idaṃ phalaṃ.
๓๗.
37.
‘‘สตฺตติํเส อิโต กเปฺป, สตฺตาสุํ มุทุสีตลา;
‘‘Sattatiṃse ito kappe, sattāsuṃ mudusītalā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๓๘.
38.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อารามทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā ārāmadāyako thero imā gāthāyo abhāsitthāti.
อารามทายกเตฺถรสฺสาปทานํ สตฺตมํฯ
Ārāmadāyakattherassāpadānaṃ sattamaṃ.
Footnotes:
