| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[46] 6. аараамад̣̇уусагаж̇аад̇агаван̣н̣анаа
[46] 6. Ārāmadūsakajātakavaṇṇanā
на вз анад̇т̇агусалзнаад̇и ид̣̇ам̣ сад̇т̇аа ан̃н̃ад̇арасмим̣ госалаг̇аамагз вихаранд̇о уяяаанад̣̇уусагам̣ аараб̣бха гат̇зси. сад̇т̇аа гира госалзсу жааригам̣ жарамаано ан̃н̃ад̇арам̣ г̇аамагам̣ самбаабун̣и. д̇ад̇т̇зго гудумб̣иго д̇ат̇ааг̇ад̇ам̣ ниманд̇зд̇ваа ад̇д̇ано уяяаанз нисийд̣̇аабзд̇ваа б̣уд̣̇д̇хаббамукасса сан̇гхасса махаад̣̇аанам̣ д̣̇ад̇ваа ‘‘бханд̇з, яат̇ааружияаа имасмим̣ уяяаанз вижарат̇аа’’д̇и ааха. бхигкуу удтааяа уяяаанабаалам̣ г̇ахзд̇ваа уяяаанз вижаранд̇аа згам̣ ан̇г̇ан̣адтаанам̣ д̣̇исваа уяяаанабаалам̣ бужчим̣су ‘‘убаасага, имам̣ уяяаанам̣ ан̃н̃ад̇т̇а санд̣̇ажчааяам̣, имасмим̣ бана таанз на гожи ругко ваа г̇ажчо ваа ад̇т̇и, гим̣ ну ко гааран̣а’’нд̇и? ‘‘бханд̇з, имасса уяяаанасса робанагаалз зго г̇аамад̣̇аараго уд̣̇агам̣ син̃жанд̇о имасмим̣ таанз ругкабод̇агз уммуулам̣ гад̇ваа муулаббамаан̣зна уд̣̇агам̣ син̃жи . д̇з ругкабод̇агаа милааяид̇ваа мад̇аа. иминаа гааран̣зна ид̣̇ам̣ таанам̣ ан̇г̇ан̣ам̣ ж̇аад̇а’’нд̇и. бхигкуу сад̇т̇аарам̣ убасан̇гамид̇ваа зд̇амад̇т̇ам̣ аарожзсум̣. сад̇т̇аа ‘‘на, бхигкавз, со г̇аамад̣̇аараго ид̣̇аанзва аараамад̣̇уусаго, буб̣б̣зби аараамад̣̇уусагоязваа’’д̇и вад̇ваа ад̇ийд̇ам̣ аахари.
Na ve anatthakusalenāti idaṃ satthā aññatarasmiṃ kosalagāmake viharanto uyyānadūsakaṃ ārabbha kathesi. Satthā kira kosalesu cārikaṃ caramāno aññataraṃ gāmakaṃ sampāpuṇi. Tattheko kuṭumbiko tathāgataṃ nimantetvā attano uyyāne nisīdāpetvā buddhappamukhassa saṅghassa mahādānaṃ datvā ‘‘bhante, yathāruciyā imasmiṃ uyyāne vicarathā’’ti āha. Bhikkhū uṭṭhāya uyyānapālaṃ gahetvā uyyāne vicarantā ekaṃ aṅgaṇaṭṭhānaṃ disvā uyyānapālaṃ pucchiṃsu ‘‘upāsaka, imaṃ uyyānaṃ aññattha sandacchāyaṃ, imasmiṃ pana ṭhāne na koci rukkho vā gaccho vā atthi, kiṃ nu kho kāraṇa’’nti? ‘‘Bhante, imassa uyyānassa ropanakāle eko gāmadārako udakaṃ siñcanto imasmiṃ ṭhāne rukkhapotake ummūlaṃ katvā mūlappamāṇena udakaṃ siñci . Te rukkhapotakā milāyitvā matā. Iminā kāraṇena idaṃ ṭhānaṃ aṅgaṇaṃ jāta’’nti. Bhikkhū satthāraṃ upasaṅkamitvā etamatthaṃ ārocesuṃ. Satthā ‘‘na, bhikkhave, so gāmadārako idāneva ārāmadūsako, pubbepi ārāmadūsakoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣аараан̣асияам̣ нагкад̇д̇ам̣ гхосаяим̣су. нагкад̇д̇абхзрисад̣̇д̣̇асаванагаалад̇о бадтааяа сагаланаг̇араваасино нагкад̇д̇аниссид̇агаа худ̇ваа вижаранд̇и. д̇ад̣̇аа ран̃н̃о уяяаанз б̣ахуу маггадаа васанд̇и. уяяаанабаало жинд̇зси ‘‘наг̇арз нагкад̇д̇ам̣ гхудтам̣, имз ваанарз ‘уд̣̇агам̣ син̃жат̇аа’д̇и вад̇ваа ахам̣ нагкад̇д̇ам̣ гийл̣иссаамий’’д̇и ж̇здтагаваанарам̣ убасан̇гамид̇ваа ‘‘самма ваанараж̇здтага, имам̣ уяяаанам̣ д̇умхаагамби б̣ахуубагаарам̣, д̇умхз зд̇т̇а бубпапалабаллаваани каад̣̇ат̇а, наг̇арз нагкад̇д̇ам̣ гхудтам̣, ахам̣ нагкад̇д̇ам̣ гийл̣иссаами. яааваахам̣ ааг̇ажчаами, д̇аава имасмим̣ уяяаанз ругкабод̇агзсу уд̣̇агам̣ син̃жид̇ум̣ сагкиссат̇аа’’д̇и бужчи. ‘‘саад̇ху, син̃жиссаамий’’д̇и. ‘‘д̇зна хи аббамад̇д̇аа хот̇аа’’д̇и уд̣̇агасин̃жанад̇т̇ааяа д̇зсам̣ жаммагудз жа д̣̇ааругудз жа д̣̇ад̇ваа г̇ад̇о. ваанараа жаммагудз жзва д̣̇ааругудз жа г̇ахзд̇ваа ругкабод̇агзсу уд̣̇агам̣ син̃жанд̇и. ат̇а нз ваанараж̇здтаго звамааха ‘‘бхонд̇о ваанараа, уд̣̇агам̣ наама рагкид̇аб̣б̣ам̣, д̇умхз ругкабод̇агзсу уд̣̇агам̣ син̃жанд̇аа уббаадзд̇ваа уббаадзд̇ваа муулам̣ ологзд̇ваа г̇амбхийраг̇ад̇зсу муулзсу б̣ахум̣ уд̣̇агам̣ син̃жат̇а, аг̇амбхийраг̇ад̇зсу аббам̣, бажчаа амхаагам̣ уд̣̇агам̣ д̣̇уллабхам̣ бхависсад̇ий’’д̇и. д̇з ‘‘саад̇хуу’’д̇и самбадижчид̇ваа д̇ат̇аа агам̣су.
Atīte bārāṇasiyaṃ brahmadatte rajjaṃ kārente bārāṇasiyaṃ nakkhattaṃ ghosayiṃsu. Nakkhattabherisaddasavanakālato paṭṭhāya sakalanagaravāsino nakkhattanissitakā hutvā vicaranti. Tadā rañño uyyāne bahū makkaṭā vasanti. Uyyānapālo cintesi ‘‘nagare nakkhattaṃ ghuṭṭhaṃ, ime vānare ‘udakaṃ siñcathā’ti vatvā ahaṃ nakkhattaṃ kīḷissāmī’’ti jeṭṭhakavānaraṃ upasaṅkamitvā ‘‘samma vānarajeṭṭhaka, imaṃ uyyānaṃ tumhākampi bahūpakāraṃ, tumhe ettha pupphaphalapallavāni khādatha, nagare nakkhattaṃ ghuṭṭhaṃ, ahaṃ nakkhattaṃ kīḷissāmi. Yāvāhaṃ āgacchāmi, tāva imasmiṃ uyyāne rukkhapotakesu udakaṃ siñcituṃ sakkhissathā’’ti pucchi. ‘‘Sādhu, siñcissāmī’’ti. ‘‘Tena hi appamattā hothā’’ti udakasiñcanatthāya tesaṃ cammakuṭe ca dārukuṭe ca datvā gato. Vānarā cammakuṭe ceva dārukuṭe ca gahetvā rukkhapotakesu udakaṃ siñcanti. Atha ne vānarajeṭṭhako evamāha ‘‘bhonto vānarā, udakaṃ nāma rakkhitabbaṃ, tumhe rukkhapotakesu udakaṃ siñcantā uppāṭetvā uppāṭetvā mūlaṃ oloketvā gambhīragatesu mūlesu bahuṃ udakaṃ siñcatha, agambhīragatesu appaṃ, pacchā amhākaṃ udakaṃ dullabhaṃ bhavissatī’’ti. Te ‘‘sādhū’’ti sampaṭicchitvā tathā akaṃsu.
д̇асмим̣ самаяз зго бан̣д̣ид̇абурисо рааж̇уяяаанз д̇з ваанарз д̇ат̇аа гаронд̇з д̣̇исваа звамааха ‘‘бхонд̇о ваанараа, гасмаа д̇умхз ругкабод̇агз уббаадзд̇ваа уббаадзд̇ваа муулаббамаан̣зна уд̣̇агам̣ син̃жат̇аа’’д̇и? д̇з ‘‘звам̣ но ваанараж̇здтаго овад̣̇ад̇ий’’д̇и аахам̣су. со д̇ам̣ важанам̣ суд̇ваа ‘‘ахо вад̇а бхо б̣аалаа абан̣д̣ид̇аа, ‘ад̇т̇ам̣ гариссаамаа’д̇и анад̇т̇амзва гаронд̇ий’’д̇и жинд̇зд̇ваа имам̣ г̇аат̇амааха –
Tasmiṃ samaye eko paṇḍitapuriso rājuyyāne te vānare tathā karonte disvā evamāha ‘‘bhonto vānarā, kasmā tumhe rukkhapotake uppāṭetvā uppāṭetvā mūlappamāṇena udakaṃ siñcathā’’ti? Te ‘‘evaṃ no vānarajeṭṭhako ovadatī’’ti āhaṃsu. So taṃ vacanaṃ sutvā ‘‘aho vata bho bālā apaṇḍitā, ‘atthaṃ karissāmā’ti anatthameva karontī’’ti cintetvā imaṃ gāthamāha –
46.
46.
‘‘на вз анад̇т̇агусалзна, ад̇т̇ажарияаа сукаавахаа;
‘‘Na ve anatthakusalena, atthacariyā sukhāvahā;
хаабзд̇и ад̇т̇ам̣ д̣̇уммзд̇хо, габи аараамиго яат̇аа’’д̇и.
Hāpeti atthaṃ dummedho, kapi ārāmiko yathā’’ti.
д̇ад̇т̇а взд̇и нибаад̇амад̇д̇ам̣. анад̇т̇агусалзнаад̇и анад̇т̇з анааяад̇анз гусалзна, ад̇т̇з ааяад̇анз гааран̣з агусалзна ваад̇и ад̇т̇о. ад̇т̇ажарияаад̇и вуд̣дхигирияаа. сукаавахаад̇и зваруубзна анад̇т̇агусалзна гааяигажзд̇асигасукасан̇каад̇асса ад̇т̇асса жарияаа на сукаавахаа, на саггаа аавахид̇унд̇и ад̇т̇о. гим̣гааран̣аа? зганд̇знзва хи хаабзд̇и ад̇т̇ам̣ д̣̇уммзд̇ход̇и, б̣аалабуг̇г̇ало ‘‘ад̇т̇ам̣ гариссаамий’’д̇и ад̇т̇ам̣ хаабзд̇ваа анад̇т̇амзва гарод̇и. габи аараамиго яат̇аад̇и яат̇аа аараамз нияуд̇д̇о аараамарагканаго маггадо ‘‘ад̇т̇ам̣ гариссаамий’’д̇и анад̇т̇амзва гарод̇и, звам̣ яо гожи анад̇т̇агусало, д̇зна на саггаа ад̇т̇ажарияам̣ аавахид̇ум̣, со згам̣сзна ад̇т̇ам̣ хаабзд̇иязваад̇и. звам̣ со бан̣д̣ид̇о бурисо имааяа г̇аат̇ааяа ваанараж̇здтагам̣ г̇арахид̇ваа ад̇д̇ано барисам̣ аад̣̇ааяа уяяаанаа нигками.
Tattha veti nipātamattaṃ. Anatthakusalenāti anatthe anāyatane kusalena, atthe āyatane kāraṇe akusalena vāti attho. Atthacariyāti vuḍḍhikiriyā. Sukhāvahāti evarūpena anatthakusalena kāyikacetasikasukhasaṅkhātassa atthassa cariyā na sukhāvahā, na sakkā āvahitunti attho. Kiṃkāraṇā? Ekanteneva hi hāpeti atthaṃ dummedhoti, bālapuggalo ‘‘atthaṃ karissāmī’’ti atthaṃ hāpetvā anatthameva karoti. Kapi ārāmiko yathāti yathā ārāme niyutto ārāmarakkhanako makkaṭo ‘‘atthaṃ karissāmī’’ti anatthameva karoti, evaṃ yo koci anatthakusalo, tena na sakkā atthacariyaṃ āvahituṃ, so ekaṃsena atthaṃ hāpetiyevāti. Evaṃ so paṇḍito puriso imāya gāthāya vānarajeṭṭhakaṃ garahitvā attano parisaṃ ādāya uyyānā nikkhami.
сад̇т̇ааби ‘‘на, бхигкавз, зса г̇аамад̣̇аараго ид̣̇аанзва аараамад̣̇уусаго, буб̣б̣зби аараамад̣̇уусагоязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа ваанараж̇здтаго аараамад̣̇уусагаг̇аамад̣̇аараго ахоси, бан̣д̣ид̇абурисо бана ахамзва ахоси’’нд̇и.
Satthāpi ‘‘na, bhikkhave, esa gāmadārako idāneva ārāmadūsako, pubbepi ārāmadūsakoyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā vānarajeṭṭhako ārāmadūsakagāmadārako ahosi, paṇḍitapuriso pana ahameva ahosi’’nti.
аараамад̣̇уусагаж̇аад̇агаван̣н̣анаа чадтаа.
Ārāmadūsakajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 46. аараамад̣̇уусагаж̇аад̇агам̣ • 46. Ārāmadūsakajātakaṃ
