| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аараамадтагат̇ааван̣н̣анаа
Ārāmaṭṭhakathāvaṇṇanā
102. аараамадтагат̇ааяам̣ б̣анд̇хананд̇и бубпаанам̣ ван̣дз бад̇идтид̇адтаанам̣. абхияун̃ж̇ад̇ийд̇и жод̣̇зд̇и ад̣д̣ам̣ гарод̇и. ад̣̇иннаад̣̇аанасса баяог̇ад̇д̇аад̇и сахабаяог̇амааха вад̇т̇умхиязва гад̇абаяог̇ад̇д̇аа. сахабаяог̇авасзна хзд̇ам̣ д̣̇уггадам̣. винижчаяаббасуд̇анд̇и винижчаяз нияуд̇д̇ам̣. гагкал̣од̇и д̣̇аарун̣о. д̇хурам̣ нигкибад̇ийд̇и уссаахам̣ табзд̇и, ад̇д̇ано санд̇агагаран̣з нируссаахо ход̇ийд̇и ад̇т̇о. гуудад̣д̣агаарагоби сажз д̇хурам̣ на нигкибад̇и, над̇т̇и авахаарод̇и ааха ‘‘сажз саяамби гад̇ад̇хуранигкзбо ход̇ий’’д̇и. саяамбийд̇и абхияун̃ж̇агоби. гад̇ад̇хуранигкзбод̇и ‘‘на д̣̇аани нам̣ имасса д̣̇ассаамий’’д̇и звам̣ д̇асса д̣̇аанз гад̇ад̇хуранигкзбо. гин̇гаараббадиссаавибхаавзд̇и ‘‘гим̣ гароми гим̣ гаромий’’д̇и звам̣ гин̇гаарамзва бадиссун̣анд̇о вижарад̇ийд̇и гин̇гаарабадиссаавий, д̇асса бхааво гин̇гаарабадиссаавибхааво, д̇асмим̣, ад̇д̇ано васавад̇д̇ибхаавзд̇и вуд̇д̇ам̣ ход̇и.
102. Ārāmaṭṭhakathāyaṃ bandhananti pupphānaṃ vaṇṭe patiṭṭhitaṭṭhānaṃ. Abhiyuñjatīti codeti aḍḍaṃ karoti. Adinnādānassa payogattāti sahapayogamāha vatthumhiyeva katapayogattā. Sahapayogavasena hetaṃ dukkaṭaṃ. Vinicchayappasutanti vinicchaye niyuttaṃ. Kakkhaḷoti dāruṇo. Dhuraṃ nikkhipatīti ussāhaṃ ṭhapeti, attano santakakaraṇe nirussāho hotīti attho. Kūṭaḍḍakārakopi sace dhuraṃ na nikkhipati, natthi avahāroti āha ‘‘sace sayampi katadhuranikkhepo hotī’’ti. Sayampīti abhiyuñjakopi. Katadhuranikkhepoti ‘‘na dāni naṃ imassa dassāmī’’ti evaṃ tassa dāne katadhuranikkhepo. Kiṅkārappaṭissāvibhāveti ‘‘kiṃ karomi kiṃ karomī’’ti evaṃ kiṅkārameva paṭissuṇanto vicaratīti kiṅkārapaṭissāvī, tassa bhāvo kiṅkārapaṭissāvibhāvo, tasmiṃ, attano vasavattibhāveti vuttaṃ hoti.
уггожам̣ д̣̇ад̇ваад̇и лан̃ж̇ам̣ д̣̇ад̇ваа. гуудавинижчаяигаананд̇и гуудавинижчаяз нияуд̇д̇аанам̣ винаяад̇хараанам̣. ‘‘г̇ан̣хаа’’д̇и авад̇ваа ‘‘асаамигасса саамиго аяа’’нд̇иаад̣̇инаа барияааязна вуд̇д̇зби д̇асса санд̇агабхаавам̣ барижчинд̣̇ид̇ваа бавад̇д̇аважанад̇д̇аа гуудавинижчаяам̣ гаронд̇аанам̣ гуудасагкийнан̃жа баарааж̇игамзва. асад̇иби жзд̇т̇а таанаажааванз убхиннам̣ д̇хуранигкзбоязва таанаажааванадтаанз д̇идтад̇и. имасмим̣ д̇хуранигкзбз баарааж̇игз саамигасса вимад̇уббаад̣̇анабаяог̇з гад̇з т̇уллажжаяам̣, д̇ассзва д̇хуранигкзбабаяог̇з нибпаад̣̇ид̇з баарааж̇игам̣. саяам̣ барааж̇аяам̣ баабун̣аад̇ийд̇и гуудад̣д̣агаараго барааж̇аяам̣ баабун̣аад̇и.
Ukkocaṃ datvāti lañjaṃ datvā. Kūṭavinicchayikānanti kūṭavinicchaye niyuttānaṃ vinayadharānaṃ. ‘‘Gaṇhā’’ti avatvā ‘‘asāmikassa sāmiko aya’’ntiādinā pariyāyena vuttepi tassa santakabhāvaṃ paricchinditvā pavattavacanattā kūṭavinicchayaṃ karontānaṃ kūṭasakkhīnañca pārājikameva. Asatipi cettha ṭhānācāvane ubhinnaṃ dhuranikkhepoyeva ṭhānācāvanaṭṭhāne tiṭṭhati. Imasmiṃ dhuranikkhepe pārājike sāmikassa vimatuppādanapayoge kate thullaccayaṃ, tasseva dhuranikkhepapayoge nipphādite pārājikaṃ. Sayaṃ parājayaṃ pāpuṇātīti kūṭaḍḍakārako parājayaṃ pāpuṇāti.
аараамадтагат̇ааван̣н̣анаа нидтид̇аа.
Ārāmaṭṭhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аараамадтагат̇ааван̣н̣анаа • Ārāmaṭṭhakathāvaṇṇanā
