| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਆਰਾਮਟ੍ਠਕਥਾવਣ੍ਣਨਾ
Ārāmaṭṭhakathāvaṇṇanā
੧੦੨. ਆਰਾਮਟ੍ਠਕਥਾਯਂ ਬਨ੍ਧਨਨ੍ਤਿ ਪੁਪ੍ਫਾਨਂ વਣ੍ਟੇ ਪਤਿਟ੍ਠਿਤਟ੍ਠਾਨਂ। ਅਭਿਯੁਞ੍ਜਤੀਤਿ ਚੋਦੇਤਿ ਅਡ੍ਡਂ ਕਰੋਤਿ। ਅਦਿਨ੍ਨਾਦਾਨਸ੍ਸ ਪਯੋਗਤ੍ਤਾਤਿ ਸਹਪਯੋਗਮਾਹ વਤ੍ਥੁਮ੍ਹਿਯੇવ ਕਤਪਯੋਗਤ੍ਤਾ। ਸਹਪਯੋਗવਸੇਨ ਹੇਤਂ ਦੁਕ੍ਕਟਂ। વਿਨਿਚ੍ਛਯਪ੍ਪਸੁਤਨ੍ਤਿ વਿਨਿਚ੍ਛਯੇ ਨਿਯੁਤ੍ਤਂ। ਕਕ੍ਖਲ਼ੋਤਿ ਦਾਰੁਣੋ। ਧੁਰਂ ਨਿਕ੍ਖਿਪਤੀਤਿ ਉਸ੍ਸਾਹਂ ਠਪੇਤਿ, ਅਤ੍ਤਨੋ ਸਨ੍ਤਕਕਰਣੇ ਨਿਰੁਸ੍ਸਾਹੋ ਹੋਤੀਤਿ ਅਤ੍ਥੋ। ਕੂਟਡ੍ਡਕਾਰਕੋਪਿ ਸਚੇ ਧੁਰਂ ਨ ਨਿਕ੍ਖਿਪਤਿ, ਨਤ੍ਥਿ ਅવਹਾਰੋਤਿ ਆਹ ‘‘ਸਚੇ ਸਯਮ੍ਪਿ ਕਤਧੁਰਨਿਕ੍ਖੇਪੋ ਹੋਤੀ’’ਤਿ। ਸਯਮ੍ਪੀਤਿ ਅਭਿਯੁਞ੍ਜਕੋਪਿ। ਕਤਧੁਰਨਿਕ੍ਖੇਪੋਤਿ ‘‘ਨ ਦਾਨਿ ਨਂ ਇਮਸ੍ਸ ਦਸ੍ਸਾਮੀ’’ਤਿ ਏવਂ ਤਸ੍ਸ ਦਾਨੇ ਕਤਧੁਰਨਿਕ੍ਖੇਪੋ। ਕਿਙ੍ਕਾਰਪ੍ਪਟਿਸ੍ਸਾવਿਭਾવੇਤਿ ‘‘ਕਿਂ ਕਰੋਮਿ ਕਿਂ ਕਰੋਮੀ’’ਤਿ ਏવਂ ਕਿਙ੍ਕਾਰਮੇવ ਪਟਿਸ੍ਸੁਣਨ੍ਤੋ વਿਚਰਤੀਤਿ ਕਿਙ੍ਕਾਰਪਟਿਸ੍ਸਾવੀ, ਤਸ੍ਸ ਭਾવੋ ਕਿਙ੍ਕਾਰਪਟਿਸ੍ਸਾવਿਭਾવੋ, ਤਸ੍ਮਿਂ, ਅਤ੍ਤਨੋ વਸવਤ੍ਤਿਭਾવੇਤਿ વੁਤ੍ਤਂ ਹੋਤਿ।
102. Ārāmaṭṭhakathāyaṃ bandhananti pupphānaṃ vaṇṭe patiṭṭhitaṭṭhānaṃ. Abhiyuñjatīti codeti aḍḍaṃ karoti. Adinnādānassa payogattāti sahapayogamāha vatthumhiyeva katapayogattā. Sahapayogavasena hetaṃ dukkaṭaṃ. Vinicchayappasutanti vinicchaye niyuttaṃ. Kakkhaḷoti dāruṇo. Dhuraṃ nikkhipatīti ussāhaṃ ṭhapeti, attano santakakaraṇe nirussāho hotīti attho. Kūṭaḍḍakārakopi sace dhuraṃ na nikkhipati, natthi avahāroti āha ‘‘sace sayampi katadhuranikkhepo hotī’’ti. Sayampīti abhiyuñjakopi. Katadhuranikkhepoti ‘‘na dāni naṃ imassa dassāmī’’ti evaṃ tassa dāne katadhuranikkhepo. Kiṅkārappaṭissāvibhāveti ‘‘kiṃ karomi kiṃ karomī’’ti evaṃ kiṅkārameva paṭissuṇanto vicaratīti kiṅkārapaṭissāvī, tassa bhāvo kiṅkārapaṭissāvibhāvo, tasmiṃ, attano vasavattibhāveti vuttaṃ hoti.
ਉਕ੍ਕੋਚਂ ਦਤ੍વਾਤਿ ਲਞ੍ਜਂ ਦਤ੍વਾ। ਕੂਟવਿਨਿਚ੍ਛਯਿਕਾਨਨ੍ਤਿ ਕੂਟવਿਨਿਚ੍ਛਯੇ ਨਿਯੁਤ੍ਤਾਨਂ વਿਨਯਧਰਾਨਂ। ‘‘ਗਣ੍ਹਾ’’ਤਿ ਅવਤ੍વਾ ‘‘ਅਸਾਮਿਕਸ੍ਸ ਸਾਮਿਕੋ ਅਯ’’ਨ੍ਤਿਆਦਿਨਾ ਪਰਿਯਾਯੇਨ વੁਤ੍ਤੇਪਿ ਤਸ੍ਸ ਸਨ੍ਤਕਭਾવਂ ਪਰਿਚ੍ਛਿਨ੍ਦਿਤ੍વਾ ਪવਤ੍ਤવਚਨਤ੍ਤਾ ਕੂਟવਿਨਿਚ੍ਛਯਂ ਕਰੋਨ੍ਤਾਨਂ ਕੂਟਸਕ੍ਖੀਨਞ੍ਚ ਪਾਰਾਜਿਕਮੇવ। ਅਸਤਿਪਿ ਚੇਤ੍ਥ ਠਾਨਾਚਾવਨੇ ਉਭਿਨ੍ਨਂ ਧੁਰਨਿਕ੍ਖੇਪੋਯੇવ ਠਾਨਾਚਾવਨਟ੍ਠਾਨੇ ਤਿਟ੍ਠਤਿ। ਇਮਸ੍ਮਿਂ ਧੁਰਨਿਕ੍ਖੇਪੇ ਪਾਰਾਜਿਕੇ ਸਾਮਿਕਸ੍ਸ વਿਮਤੁਪ੍ਪਾਦਨਪਯੋਗੇ ਕਤੇ ਥੁਲ੍ਲਚ੍ਚਯਂ, ਤਸ੍ਸੇવ ਧੁਰਨਿਕ੍ਖੇਪਪਯੋਗੇ ਨਿਪ੍ਫਾਦਿਤੇ ਪਾਰਾਜਿਕਂ। ਸਯਂ ਪਰਾਜਯਂ ਪਾਪੁਣਾਤੀਤਿ ਕੂਟਡ੍ਡਕਾਰਕੋ ਪਰਾਜਯਂ ਪਾਪੁਣਾਤਿ।
Ukkocaṃ datvāti lañjaṃ datvā. Kūṭavinicchayikānanti kūṭavinicchaye niyuttānaṃ vinayadharānaṃ. ‘‘Gaṇhā’’ti avatvā ‘‘asāmikassa sāmiko aya’’ntiādinā pariyāyena vuttepi tassa santakabhāvaṃ paricchinditvā pavattavacanattā kūṭavinicchayaṃ karontānaṃ kūṭasakkhīnañca pārājikameva. Asatipi cettha ṭhānācāvane ubhinnaṃ dhuranikkhepoyeva ṭhānācāvanaṭṭhāne tiṭṭhati. Imasmiṃ dhuranikkhepe pārājike sāmikassa vimatuppādanapayoge kate thullaccayaṃ, tasseva dhuranikkhepapayoge nipphādite pārājikaṃ. Sayaṃ parājayaṃ pāpuṇātīti kūṭaḍḍakārako parājayaṃ pāpuṇāti.
ਆਰਾਮਟ੍ਠਕਥਾવਣ੍ਣਨਾ ਨਿਟ੍ਠਿਤਾ।
Ārāmaṭṭhakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆਰਾਮਟ੍ਠਕਥਾવਣ੍ਣਨਾ • Ārāmaṭṭhakathāvaṇṇanā
