| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਆਰਾਮਟ੍ਠਕਥਾવਣ੍ਣਨਾ
Ārāmaṭṭhakathāvaṇṇanā
੧੦੨. ਆਰਾਮਟ੍ਠਕਥਾਯਂ ਆਰਾਮਂ ਅਭਿਯੁਞ੍ਜਤੀਤਿ ਇਦਂ ਅਭਿਯੋਗਕਰਣਂ ਪਰੇਸਂ ਭੂਮਟ੍ਠਭਣ੍ਡਾਦੀਸੁਪਿ ਕਾਤੁਂ વਟ੍ਟਤਿਯੇવ। ਆਰਾਮਾਦਿਥਾવਰੇਸੁ ਪਨ ਯੇਭੁਯ੍ਯੇਨ ਅਭਿਯੋਗવਸੇਨੇવ ਗਹਣਸਮ੍ਭવਤੋ ਏਤ੍ਥੇવ ਪਾਲ਼ਿਯਂ ਅਭਿਯੋਗੋ વੁਤ੍ਤੋ, ਇਤਿ ਇਮਿਨਾ ਨਯੇਨ ਸਬ੍ਬਤ੍ਥਾਪਿ ਸਕ੍ਕਾ ਞਾਤੁਨ੍ਤਿ ਗਹੇਤਬ੍ਬਂ। ਅਦਿਨ੍ਨਾਦਾਨਸ੍ਸ ਪਯੋਗਤ੍ਤਾਤਿ ਸਹਪਯੋਗਮਾਹ। વਤ੍ਥੁਮ੍ਹਿਯੇવ ਕਤਪਯੋਗਤ੍ਤਾ ਸਹਪਯੋਗવਸੇਨ ਹੇਤਂ ਦੁਕ੍ਕਟਂ। ਸਯਮ੍ਪੀਤਿ ਅਭਿਯੁਞ੍ਜਕੋਪਿ। ‘‘ਕਿਂ ਕਰੋਮਿ ਕਿਂ ਕਰੋਮੀ’’ਤਿ ਏવਂ ਕਿਙ੍ਕਾਰਮੇવ ਪਟਿਸ੍ਸੁਣਨ੍ਤੋ વਿਯ ਚਰਤੀਤਿ ਕਿਙ੍ਕਾਰਪਟਿਸ੍ਸਾવੀ, ਤਸ੍ਸ ਭਾવੋ ਕਿਙ੍ਕਾਰਪਟਿਸ੍ਸਾવਿਭਾવੋ, ਤਸ੍ਮਿਂ, ਅਤ੍ਤਨੋ વਸવਤ੍ਤਿਭਾવੇਤਿ વੁਤ੍ਤਂ ਹੋਤਿ। ਉਕ੍ਕੋਚਨ੍ਤਿ ਲਞ੍ਜਂ। ਸਬ੍ਬੇਸਂ ਪਾਰਾਜਿਕਨ੍ਤਿ ਕੂਟવਿਨਿਚ੍ਛਯਿਕਾਦੀਨਂ। ਅਯਂ વਤ੍ਥੁਸਾਮੀਤਿਆਦਿਕਸ੍ਸ ਉਭਿਨ੍ਨਂ ਧੁਰਨਿਕ੍ਖੇਪਕਰਣਹੇਤੁਨੋ ਪਯੋਗਸ੍ਸ ਕਰਣਕ੍ਖਣੇવ ਪਾਰਾਜਿਕਂ ਹੋਤੀਤਿ વੇਦਿਤਬ੍ਬਂ। ਸਚੇ ਪਨ ਸਾਮਿਕਸ੍ਸ વਿਮਤਿ ਚ ਧੁਰਨਿਕ੍ਖੇਪੋ ਚ ਕਮੇਨ ਉਪ੍ਪਜ੍ਜਨ੍ਤਿ, ਪਯੋਗਸਮੁਟ੍ਠਾਪਕਚਿਤ੍ਤਕ੍ਖਣੇ ਪਾਰਾਜਿਕਮੇવ ਹੋਤਿ, ਨ ਥੁਲ੍ਲਚ੍ਚਯਂ। ਯਦਿ વਿਮਤਿਯੇવ ਉਪ੍ਪਜ੍ਜਤਿ, ਤਦਾ ਥੁਲ੍ਲਚ੍ਚਯਮੇવਾਤਿ વੇਦਿਤਬ੍ਬਂ, ਅਯਂ ਨਯੋ ਸਬ੍ਬਤ੍ਥ ਯਥਾਨੁਰੂਪਂ ਗਹੇਤਬ੍ਬੋ। ਧੁਰਨਿਕ੍ਖੇਪવਸੇਨੇવ ਪਰਾਜਯੋਤਿ ਸਾਮਿਕੋ ‘‘ਅਹਂ ਨ ਮੁਚ੍ਚਾਮੀ’’ਤਿ ਧੁਰਂ ਅਨਿਕ੍ਖਿਪਨ੍ਤੋ ਅਟ੍ਟੋ ਪਰਾਜਿਤੋ ਨਾਮ ਨ ਹੋਤੀਤਿ ਦਸ੍ਸੇਤਿ।
102. Ārāmaṭṭhakathāyaṃ ārāmaṃ abhiyuñjatīti idaṃ abhiyogakaraṇaṃ paresaṃ bhūmaṭṭhabhaṇḍādīsupi kātuṃ vaṭṭatiyeva. Ārāmādithāvaresu pana yebhuyyena abhiyogavaseneva gahaṇasambhavato ettheva pāḷiyaṃ abhiyogo vutto, iti iminā nayena sabbatthāpi sakkā ñātunti gahetabbaṃ. Adinnādānassa payogattāti sahapayogamāha. Vatthumhiyeva katapayogattā sahapayogavasena hetaṃ dukkaṭaṃ. Sayampīti abhiyuñjakopi. ‘‘Kiṃ karomi kiṃ karomī’’ti evaṃ kiṅkārameva paṭissuṇanto viya caratīti kiṅkārapaṭissāvī, tassa bhāvo kiṅkārapaṭissāvibhāvo, tasmiṃ, attano vasavattibhāveti vuttaṃ hoti. Ukkocanti lañjaṃ. Sabbesaṃ pārājikanti kūṭavinicchayikādīnaṃ. Ayaṃ vatthusāmītiādikassa ubhinnaṃ dhuranikkhepakaraṇahetuno payogassa karaṇakkhaṇeva pārājikaṃ hotīti veditabbaṃ. Sace pana sāmikassa vimati ca dhuranikkhepo ca kamena uppajjanti, payogasamuṭṭhāpakacittakkhaṇe pārājikameva hoti, na thullaccayaṃ. Yadi vimatiyeva uppajjati, tadā thullaccayamevāti veditabbaṃ, ayaṃ nayo sabbattha yathānurūpaṃ gahetabbo. Dhuranikkhepavaseneva parājayoti sāmiko ‘‘ahaṃ na muccāmī’’ti dhuraṃ anikkhipanto aṭṭo parājito nāma na hotīti dasseti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਰਾਮਟ੍ਠਕਥਾવਣ੍ਣਨਾ • Ārāmaṭṭhakathāvaṇṇanā
