| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
6. аараамаваг̇г̇о
6. Ārāmavaggo
236. ж̇аанам̣ сабхигкугам̣ аараамам̣ анаабужчаа бависанд̇ий д̣̇вз аабад̇д̇ияо аабаж̇ж̇ад̇и. батамам̣ баад̣̇ам̣ баригкзбам̣ ад̇иггаамзд̇и, аабад̇д̇и д̣̇уггадасса; д̣̇уд̇ияам̣ баад̣̇ам̣ ад̇иггаамзд̇и, аабад̇д̇и баажид̇д̇ияасса.
236. Jānaṃ sabhikkhukaṃ ārāmaṃ anāpucchā pavisantī dve āpattiyo āpajjati. Paṭhamaṃ pādaṃ parikkhepaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
бхигкум̣ аггосанд̇ий барибхаасанд̇ий д̣̇вз аабад̇д̇ияо аабаж̇ж̇ад̇и. аггосад̇и, баяог̇з д̣̇уггадам̣; аггосид̇з, аабад̇д̇и баажид̇д̇ияасса.
Bhikkhuṃ akkosantī paribhāsantī dve āpattiyo āpajjati. Akkosati, payoge dukkaṭaṃ; akkosite, āpatti pācittiyassa.
жан̣д̣ийгад̇аа г̇ан̣ам̣ барибхаасанд̇ий д̣̇вз аабад̇д̇ияо аабаж̇ж̇ад̇и. барибхаасад̇и, баяог̇з д̣̇уггадам̣; барибхаасид̇з, аабад̇д̇и баажид̇д̇ияасса.
Caṇḍīkatā gaṇaṃ paribhāsantī dve āpattiyo āpajjati. Paribhāsati, payoge dukkaṭaṃ; paribhāsite, āpatti pācittiyassa.
ниманд̇ид̇аа ваа баваарид̇аа ваа каад̣̇анийяам̣ ваа бхож̇анийяам̣ ваа бхун̃ж̇анд̇ий д̣̇вз аабад̇д̇ияо аабаж̇ж̇ад̇и. ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса; аж̇жхохаарз аж̇жхохаарз аабад̇д̇и баажид̇д̇ияасса.
Nimantitā vā pavāritā vā khādanīyaṃ vā bhojanīyaṃ vā bhuñjantī dve āpattiyo āpajjati. ‘‘Khādissāmi bhuñjissāmī’’ti paṭiggaṇhāti, āpatti dukkaṭassa; ajjhohāre ajjhohāre āpatti pācittiyassa.
гулам̣ мажчарааяанд̇ий д̣̇вз аабад̇д̇ияо аабаж̇ж̇ад̇и. мажчарааяад̇и, баяог̇з д̣̇уггадам̣; мажчарид̇з, аабад̇д̇и баажид̇д̇ияасса.
Kulaṃ maccharāyantī dve āpattiyo āpajjati. Maccharāyati, payoge dukkaṭaṃ; maccharite, āpatti pācittiyassa.
абхигкугз ааваасз вассам̣ васанд̇ий д̣̇вз аабад̇д̇ияо аабаж̇ж̇ад̇и. ‘‘вассам̣ васиссаамий’’д̇и сзнаасанам̣ бан̃н̃абзд̇и баанийяам̣ барибхож̇анийяам̣ убадтабзд̇и баривзн̣ам̣ саммаж̇ж̇ад̇и, аабад̇д̇и д̣̇уггадасса; саха арун̣уг̇г̇аманаа аабад̇д̇и баажид̇д̇ияасса.
Abhikkhuke āvāse vassaṃ vasantī dve āpattiyo āpajjati. ‘‘Vassaṃ vasissāmī’’ti senāsanaṃ paññapeti pānīyaṃ paribhojanīyaṃ upaṭṭhapeti pariveṇaṃ sammajjati, āpatti dukkaṭassa; saha aruṇuggamanā āpatti pācittiyassa.
вассам̣вудтаа бхигкуний убхад̇осан̇гхз д̇ийхи таанзхи на баваарзнд̇ий згам̣ аабад̇д̇им̣ аабаж̇ж̇ад̇и. баажид̇д̇ияам̣.
Vassaṃvuṭṭhā bhikkhunī ubhatosaṅghe tīhi ṭhānehi na pavārentī ekaṃ āpattiṃ āpajjati. Pācittiyaṃ.
оваад̣̇ааяа ваа сам̣ваасааяа ваа на г̇ажчанд̇ий згам̣ аабад̇д̇им̣ аабаж̇ж̇ад̇и. баажид̇д̇ияам̣.
Ovādāya vā saṃvāsāya vā na gacchantī ekaṃ āpattiṃ āpajjati. Pācittiyaṃ.
убосат̇амби на бужчанд̇ий оваад̣̇амби на яаажанд̇ий згам̣ аабад̇д̇им̣ аабаж̇ж̇ад̇и. баажид̇д̇ияам̣.
Uposathampi na pucchantī ovādampi na yācantī ekaṃ āpattiṃ āpajjati. Pācittiyaṃ.
басаакз ж̇аад̇ам̣ г̇ан̣д̣ам̣ ваа руд̇хид̇ам̣ ваа анабалогзд̇ваа сан̇гхам̣ ваа г̇ан̣ам̣ ваа бурисзна сад̣̇д̇хим̣ згзнзгаа бхзд̣̇аабзнд̇ий д̣̇вз аабад̇д̇ияо аабаж̇ж̇ад̇и. бхзд̣̇аабзд̇и, баяог̇з д̣̇уггадам̣; бхиннз, аабад̇д̇и баажид̇д̇ияасса.
Pasākhe jātaṃ gaṇḍaṃ vā rudhitaṃ vā anapaloketvā saṅghaṃ vā gaṇaṃ vā purisena saddhiṃ ekenekā bhedāpentī dve āpattiyo āpajjati. Bhedāpeti, payoge dukkaṭaṃ; bhinne, āpatti pācittiyassa.
аараамаваг̇г̇о чадто.
Ārāmavaggo chaṭṭho.
