| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
6. аараамаваг̇г̇о
6. Ārāmavaggo
1. аараамабависанасигкаабад̣̇аван̣н̣анаа
1. Ārāmapavisanasikkhāpadavaṇṇanā
аараамаваг̇г̇асса батамз сабхигкугам̣ аарааманд̇и яад̇т̇а бхигкуу ругкамуулзби васанд̇и, д̇ам̣ бад̣̇зсам̣. анаабужчаад̇и зд̇т̇а бхигкусааман̣зрааараамигзсу яам̣гин̃жи анаабужчаа, баригкид̇д̇асса аараамасса баригкзбам̣ ад̇иггаманд̇ияаа, абаригкид̇д̇асса убажаарам̣ оггаманд̇ияаа батамабаад̣̇з д̣̇уггадам̣, д̣̇уд̇ияабаад̣̇з баажид̇д̇ияам̣.
Ārāmavaggassa paṭhame sabhikkhukaṃ ārāmanti yattha bhikkhū rukkhamūlepi vasanti, taṃ padesaṃ. Anāpucchāti ettha bhikkhusāmaṇeraārāmikesu yaṃkiñci anāpucchā, parikkhittassa ārāmassa parikkhepaṃ atikkamantiyā, aparikkhittassa upacāraṃ okkamantiyā paṭhamapāde dukkaṭaṃ, dutiyapāde pācittiyaṃ.
саавад̇т̇ияам̣ самб̣ахулаа бхигкунияо аараб̣бха анаабужчаа аараамам̣ бависанавад̇т̇усмим̣ бан̃н̃ад̇д̇ам̣, ‘‘санд̇ам̣ бхигкум̣ анаабужчаа’’д̇и жа ‘‘ж̇аанам̣ сабхигкуга’’нд̇и жа имаанзд̇т̇а д̣̇вз анубан̃н̃ад̇д̇ияо, сабхигкугз взмад̇игааяа, абхигкугз сабхигкугасан̃н̃ааяа жзва взмад̇игааяа жа д̣̇уггадам̣. д̇асмим̣ бана д̣̇увид̇хзби абхигкугасан̃н̃ааяа, санд̇ам̣ бхигкум̣ аабужчаа бависанд̇ияаа, батамаббавидтаанам̣ ваа бхигкунийнам̣ сийсам̣нулогигааяа, яад̇т̇а ваа бхигкунияо саннибад̇ид̇аа, д̇ад̇т̇а ‘‘д̇аасам̣ санд̇игам̣ г̇ажчаамий’’д̇и сан̃н̃ааяа, аараамзна ваа маг̇г̇о ход̇и, д̇зна г̇ажчанд̇ияаа, аабад̣̇аасу, уммад̇д̇игаад̣̇ийнан̃жа анаабад̇д̇и. сабхигкугаараамад̇аа , сабхигкугасан̃н̃ид̇аа, вуд̇д̇абарижчзд̣̇аад̇иггамо, анун̃н̃аад̇агааран̣аабхаавод̇и имаанзд̇т̇а жад̇д̇аари ан̇г̇аани. саманубхаасанасамаудтаанам̣, гирияаагирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ sambahulā bhikkhuniyo ārabbha anāpucchā ārāmaṃ pavisanavatthusmiṃ paññattaṃ, ‘‘santaṃ bhikkhuṃ anāpucchā’’ti ca ‘‘jānaṃ sabhikkhuka’’nti ca imānettha dve anupaññattiyo, sabhikkhuke vematikāya, abhikkhuke sabhikkhukasaññāya ceva vematikāya ca dukkaṭaṃ. Tasmiṃ pana duvidhepi abhikkhukasaññāya, santaṃ bhikkhuṃ āpucchā pavisantiyā, paṭhamappaviṭṭhānaṃ vā bhikkhunīnaṃ sīsaṃnulokikāya, yattha vā bhikkhuniyo sannipatitā, tattha ‘‘tāsaṃ santikaṃ gacchāmī’’ti saññāya, ārāmena vā maggo hoti, tena gacchantiyā, āpadāsu, ummattikādīnañca anāpatti. Sabhikkhukārāmatā , sabhikkhukasaññitā, vuttaparicchedātikkamo, anuññātakāraṇābhāvoti imānettha cattāri aṅgāni. Samanubhāsanasamauṭṭhānaṃ, kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
аараамабависанасигкаабад̣̇аван̣н̣анаа нидтид̇аа.
Ārāmapavisanasikkhāpadavaṇṇanā niṭṭhitā.
2. бхигкуаггосанасигкаабад̣̇аван̣н̣анаа
2. Bhikkhuakkosanasikkhāpadavaṇṇanā
д̣̇уд̇ияз аггосзяяаад̇и д̣̇асаннам̣ аггосавад̇т̇уунам̣ ан̃н̃ад̇арзна саммукаа ваа бараммукаа ваа аггосзяяа. барибхаасзяяаад̇и бхаяамасса убад̣̇ам̣сзяяа. баажид̇д̇ияанд̇и д̇ассаа звам̣ гаронд̇ияаа баажид̇д̇ияам̣.
Dutiye akkoseyyāti dasannaṃ akkosavatthūnaṃ aññatarena sammukhā vā parammukhā vā akkoseyya. Paribhāseyyāti bhayamassa upadaṃseyya. Pācittiyanti tassā evaṃ karontiyā pācittiyaṃ.
взсаалияам̣ чаб̣б̣аг̇г̇ияаа бхигкунияо аараб̣бха ааяасманд̇ам̣ убаалим̣ аггосанавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, анубасамбаннз д̇игад̣̇уггадам̣, ад̇т̇ад̇хаммаанусаасанибурзгкаарааяа, уммад̇д̇игаад̣̇ийнан̃жа анаабад̇д̇и. убасамбаннад̇аа, аггосанабарибхаасанам̣, ад̇т̇абурзгкаарад̇аад̣̇ийнам̣ абхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Vesāliyaṃ chabbaggiyā bhikkhuniyo ārabbha āyasmantaṃ upāliṃ akkosanavatthusmiṃ paññattaṃ, tikapācittiyaṃ, anupasampanne tikadukkaṭaṃ, atthadhammaanusāsanipurekkhārāya, ummattikādīnañca anāpatti. Upasampannatā, akkosanaparibhāsanaṃ, atthapurekkhāratādīnaṃ abhāvoti imānettha tīṇi aṅgāni. Samuṭṭhānādīni adinnādānasadisāni, idaṃ pana dukkhavedananti.
бхигкуаггосанасигкаабад̣̇аван̣н̣анаа нидтид̇аа.
Bhikkhuakkosanasikkhāpadavaṇṇanā niṭṭhitā.
3. г̇ан̣абарибхаасанасигкаабад̣̇аван̣н̣анаа
3. Gaṇaparibhāsanasikkhāpadavaṇṇanā
д̇ад̇ияз жан̣д̣игад̇аад̇и гуд̣̇д̇хаа. г̇ан̣анд̇и бхигкунисан̇гхам̣. барибхаасзяяаад̇и зд̇т̇а ‘‘б̣аалаа зд̇аа аб̣яад̇д̇аа зд̇аа, нзд̇аа ж̇аананд̇и гаммам̣ ваа гаммад̣̇осам̣ ваа гаммасамбад̇д̇им̣ ваа гаммавибад̇д̇им̣ ваа’’д̇и звам̣ яад̇т̇а гад̇т̇ажи барибхаасанд̇ияаа баажид̇д̇ияам̣.
Tatiye caṇḍikatāti kuddhā. Gaṇanti bhikkhunisaṅghaṃ. Paribhāseyyāti ettha ‘‘bālā etā abyattā etā, netā jānanti kammaṃ vā kammadosaṃ vā kammasampattiṃ vā kammavipattiṃ vā’’ti evaṃ yattha katthaci paribhāsantiyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха г̇ан̣ам̣ барибхаасанавад̇т̇усмим̣ бан̃н̃ад̇д̇ам̣, самб̣ахулаа ваа згам̣ ваа анубасамбаннам̣ ваа барибхаасанд̇ияаа д̣̇уггадам̣. сзсам̣ д̣̇уд̇ияасад̣̇исамзваад̇и.
Sāvatthiyaṃ thullanandaṃ ārabbha gaṇaṃ paribhāsanavatthusmiṃ paññattaṃ, sambahulā vā ekaṃ vā anupasampannaṃ vā paribhāsantiyā dukkaṭaṃ. Sesaṃ dutiyasadisamevāti.
г̇ан̣абарибхаасанасигкаабад̣̇аван̣н̣анаа нидтид̇аа.
Gaṇaparibhāsanasikkhāpadavaṇṇanā niṭṭhitā.
4. баваарид̇асигкаабад̣̇аван̣н̣анаа
4. Pavāritasikkhāpadavaṇṇanā
жад̇уд̇т̇з г̇ан̣абхож̇анз вуд̇д̇анаязна ниманд̇ид̇аа, бавааран̣аасигкаабад̣̇з вуд̇д̇анаязна баваарид̇аа взд̣̇ид̇аб̣б̣аа. баажид̇д̇ияанд̇и д̇ассаа бурзбхад̇д̇ам̣ табзд̇ваа яааг̇ун̃жзва сзсаани жа д̇ийн̣и гаалигаани ан̃н̃ам̣ яам̣гин̃жи аамисам̣ аж̇жхохаран̣ад̇т̇ааяа бадиг̇г̇ан̣ханд̇ияаа г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣.
Catutthe gaṇabhojane vuttanayena nimantitā, pavāraṇāsikkhāpade vuttanayena pavāritā veditabbā. Pācittiyanti tassā purebhattaṃ ṭhapetvā yāguñceva sesāni ca tīṇi kālikāni aññaṃ yaṃkiñci āmisaṃ ajjhoharaṇatthāya paṭiggaṇhantiyā gahaṇe dukkaṭaṃ, ajjhohāre ajjhohāre pācittiyaṃ.
саавад̇т̇ияам̣ самб̣ахулаа бхигкунияо аараб̣бха ан̃н̃ад̇ра бхун̃ж̇анавад̇т̇усмим̣ бан̃н̃ад̇д̇ам̣, д̇ийн̣и гаалигаани аахаарад̇т̇ааяа бадиг̇г̇ан̣ханд̇ияааби аж̇жхохаранд̇ияааби д̣̇уггадам̣. яаа бана ниманд̇ид̇аа аббаваарид̇аа яааг̇ум̣ бивад̇и, саамигз абалогзд̇ваа бхун̃ж̇ад̇и, д̇ийн̣и гаалигаани сад̇и бажжаяз барибхун̃ж̇ад̇и, д̇ассаа, уммад̇д̇игаад̣̇ийнан̃жа анаабад̇д̇и. ниманд̇ид̇аа ваа баваарид̇аа ваа д̇ам̣ убхаяам̣ ваа, бурзбхад̇д̇ам̣ вуд̇д̇алагкан̣асса аамисасса аж̇жхохааро, саамигаанам̣ анаабужчананд̇и имаанзд̇т̇а д̇ийн̣и ан̇г̇аани. ад̣̇д̇хаанасамудтаанам̣, ниманд̇ид̇ааяа анаабужчаа бхун̃ж̇анд̇ияаа аабад̇д̇исамбхавад̇о сияаа гирияаагирияам̣, баваарид̇ааяа габбияам̣ гаарзд̇вааби агаарзд̇вааби барибхун̃ж̇анд̇ияаа аабад̇д̇исамбхавад̇о сияаа гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣ гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ sambahulā bhikkhuniyo ārabbha aññatra bhuñjanavatthusmiṃ paññattaṃ, tīṇi kālikāni āhāratthāya paṭiggaṇhantiyāpi ajjhoharantiyāpi dukkaṭaṃ. Yā pana nimantitā appavāritā yāguṃ pivati, sāmike apaloketvā bhuñjati, tīṇi kālikāni sati paccaye paribhuñjati, tassā, ummattikādīnañca anāpatti. Nimantitā vā pavāritā vā taṃ ubhayaṃ vā, purebhattaṃ vuttalakkhaṇassa āmisassa ajjhohāro, sāmikānaṃ anāpucchananti imānettha tīṇi aṅgāni. Addhānasamuṭṭhānaṃ, nimantitāya anāpucchā bhuñjantiyā āpattisambhavato siyā kiriyākiriyaṃ, pavāritāya kappiyaṃ kāretvāpi akāretvāpi paribhuñjantiyā āpattisambhavato siyā kiriyaṃ, nosaññāvimokkhaṃ, acittakaṃ, paṇṇattivajjaṃ kāyakammaṃ, vacīkammaṃ, ticittaṃ, tivedananti.
баваарид̇асигкаабад̣̇аван̣н̣анаа нидтид̇аа.
Pavāritasikkhāpadavaṇṇanā niṭṭhitā.
5. гуламажчаринийсигкаабад̣̇аван̣н̣анаа
5. Kulamaccharinīsikkhāpadavaṇṇanā
бан̃жамз гулз мажчаро гуламажчаро, гуламажчаро зд̇иссаа ад̇т̇и, гулам̣ ваа мажчарааяад̇ийд̇и гуламажчариний. ассаад̇и яаа ийд̣̇исий бхавзяяа. баажид̇д̇ияанд̇и д̇ассаа ‘‘яам̣ гулам̣ бхигкунийнам̣ бажжаяз д̣̇аад̇угаамам̣, гат̇ам̣ наама д̇ад̇т̇а бхигкунияо на г̇ажчзяяу’’нд̇и бхигкунийнам̣ ваа санд̇игз гуласса, ‘‘гат̇ам̣ наама имз д̇аасам̣ гин̃жи на д̣̇аж̇ж̇зяяу’’нд̇и гуласса ваа санд̇игз бхигкунийнам̣ аван̣н̣ам̣ бхаасанд̇ияаа баажид̇д̇ияам̣.
Pañcame kule maccharo kulamaccharo, kulamaccharo etissā atthi, kulaṃ vā maccharāyatīti kulamaccharinī. Assāti yā īdisī bhaveyya. Pācittiyanti tassā ‘‘yaṃ kulaṃ bhikkhunīnaṃ paccaye dātukāmaṃ, kathaṃ nāma tattha bhikkhuniyo na gaccheyyu’’nti bhikkhunīnaṃ vā santike kulassa, ‘‘kathaṃ nāma ime tāsaṃ kiñci na dajjeyyu’’nti kulassa vā santike bhikkhunīnaṃ avaṇṇaṃ bhāsantiyā pācittiyaṃ.
саавад̇т̇ияам̣ ан̃н̃ад̇арам̣ бхигкуним̣ аараб̣бха гуламажчарааяанавад̇т̇усмим̣ бан̃н̃ад̇д̇ам̣. амажчарааяид̇ваа санд̇ам̣язва аад̣̇ийнавам̣ аажигканд̇ияаа, уммад̇д̇игаад̣̇ийнан̃жа анаабад̇д̇и. бхигкунийнам̣ алаабхагаамад̇аа, гуласса ваа санд̇игз бхигкунийнам̣ бхигкунийнам̣ ваа санд̇игз гуласса аван̣н̣абхан̣ананд̇и имаанзд̇т̇а д̣̇вз ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Sāvatthiyaṃ aññataraṃ bhikkhuniṃ ārabbha kulamaccharāyanavatthusmiṃ paññattaṃ. Amaccharāyitvā santaṃyeva ādīnavaṃ ācikkhantiyā, ummattikādīnañca anāpatti. Bhikkhunīnaṃ alābhakāmatā, kulassa vā santike bhikkhunīnaṃ bhikkhunīnaṃ vā santike kulassa avaṇṇabhaṇananti imānettha dve aṅgāni. Samuṭṭhānādīni adinnādānasadisāni, idaṃ pana dukkhavedananti.
гуламажчаринийсигкаабад̣̇аван̣н̣анаа нидтид̇аа.
Kulamaccharinīsikkhāpadavaṇṇanā niṭṭhitā.
6. абхигкугааваасасигкаабад̣̇аван̣н̣анаа
6. Abhikkhukāvāsasikkhāpadavaṇṇanā
чадтз сажз бхигкунубассаяад̇о ад̣̇д̇хаяож̇анаб̣бханд̇арз оваад̣̇ад̣̇ааяагаа бхигкуу на васанд̇и, маг̇г̇о ваа акзмо ход̇и на саггаа ананд̇арааязна г̇анд̇ум̣ , аяам̣ абхигкуго наама ааваасо. д̇ад̇т̇а ‘‘вассам̣ васиссаамий’’д̇и сзнаасанабан̃н̃аабанабаанийяаубадтаабанаад̣̇ийни гаронд̇ияаа д̣̇уггадам̣ , саха арун̣уг̇г̇аманаа баажид̇д̇ияам̣. аяамзд̇т̇а сан̇кзбо, вид̇т̇ааро бана саманд̇абаасаад̣̇игааяам̣ (баажи. адта. 144 аад̣̇аяо) вуд̇д̇о.
Chaṭṭhe sace bhikkhunupassayato addhayojanabbhantare ovādadāyakā bhikkhū na vasanti, maggo vā akhemo hoti na sakkā anantarāyena gantuṃ , ayaṃ abhikkhuko nāma āvāso. Tattha ‘‘vassaṃ vasissāmī’’ti senāsanapaññāpanapānīyaupaṭṭhāpanādīni karontiyā dukkaṭaṃ , saha aruṇuggamanā pācittiyaṃ. Ayamettha saṅkhepo, vitthāro pana samantapāsādikāyaṃ (pāci. aṭṭha. 144 ādayo) vutto.
саавад̇т̇ияам̣ самб̣ахулаа бхигкунияо аараб̣бха абхигкугз ааваасз вассам̣ васанавад̇т̇усмим̣ бан̃н̃ад̇д̇ам̣, яад̇т̇а бана вассуубаг̇ад̇аа бхигкуу багганд̇аа ваа хонд̇и виб̣бханд̇аа ваа гаалан̇гад̇аа ваа багкасан̇ганд̇аа ваа д̇ад̇т̇а васанд̇ияаа, аабад̣̇аасу, уммад̇д̇игаад̣̇ийнан̃жа анаабад̇д̇и. абхигкугааваасад̇аа, вассуубаг̇аманам̣, арун̣уг̇г̇амананд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанзваад̇и.
Sāvatthiyaṃ sambahulā bhikkhuniyo ārabbha abhikkhuke āvāse vassaṃ vasanavatthusmiṃ paññattaṃ, yattha pana vassūpagatā bhikkhū pakkantā vā honti vibbhantā vā kālaṅkatā vā pakkhasaṅkantā vā tattha vasantiyā, āpadāsu, ummattikādīnañca anāpatti. Abhikkhukāvāsatā, vassūpagamanaṃ, aruṇuggamananti imānettha tīṇi aṅgāni. Samuṭṭhānādīni eḷakalomasadisānevāti.
абхигкугааваасасигкаабад̣̇аван̣н̣анаа нидтид̇аа.
Abhikkhukāvāsasikkhāpadavaṇṇanā niṭṭhitā.
7. абавааран̣аасигкаабад̣̇аван̣н̣анаа
7. Apavāraṇāsikkhāpadavaṇṇanā
сад̇д̇амз вассам̣вудтаад̇и буримам̣ ваа бажчимам̣ ваа д̇змаасам̣ вудтаа. убхад̇осан̇гхзд̇и бхигкунисан̇гхз жзва бхигкусан̇гхз жа. аяам̣ банзд̇т̇а винижчаяагат̇аа – бхигкунийхи жаад̇уд̣̇д̣̇асзязва саннибад̇ид̇ваа ‘‘сун̣аад̇у мз, аяяз, сан̇гхо, аж̇ж̇а бавааран̣аа жаад̇уд̣̇д̣̇асий, яад̣̇и сан̇гхасса бад̇д̇агаллам̣, сан̇гхо баваарзяяаа’’д̇и звам̣ саб̣б̣асан̇г̇аахиган̃ад̇д̇им̣ ваа, ‘‘д̇зваажигам̣ баваарзяяаа’’д̇и звам̣ д̇зваажиган̃ад̇д̇им̣ ваа, сад̇и анд̇арааяз ‘‘д̣̇взваажигам̣, згаваажигам̣, самаанавассигам̣ баваарзяяаа’’д̇и звам̣ д̣̇взваажигаад̣̇ин̃ад̇д̇им̣ ваа табзд̇ваа саб̣б̣асан̇г̇аахиган̃ад̇д̇и жз табид̇аа, ‘‘сан̇гхам̣, аяяз, баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ аяяааяо анугамбам̣ убаад̣̇ааяа, бассанд̇ий бадигариссаамий’’д̇и (жуул̣ава. 427) звам̣ сагим̣ ваа, ‘‘д̣̇уд̇ияамби, аяяз, сан̇гхам̣…бз… д̇ад̇ияамби, аяяз, сан̇гхам̣…бз… бадигариссаамий’’д̇и звам̣ д̣̇вад̇д̇игкад̇д̇ум̣ ваа вад̇ваа бадибаадияаа баваарзд̇аб̣б̣ам̣. д̇зваажигааяа н̃ад̇д̇ияаа важанам̣ на хаабзд̇аб̣б̣ам̣, д̣̇взваажигаад̣̇ийсу вад̣дхзд̇ум̣ ваддад̇и, хаабзд̇ум̣ на ваддад̇и. звам̣ бхигкунисан̇гхз баваарзд̇ваа д̇ад̇т̇зва згаа бхигкуний бхигкунигканд̇хагз (жуул̣ава. 427) вуд̇д̇зна н̃ад̇д̇ид̣̇уд̇ияагаммзна бхигкунисан̇гхассад̇т̇ааяа бхигкусан̇гхам̣ баваарзд̇ум̣ самманнид̇аб̣б̣аа. д̇ааяа саммад̇ааяа бхигкунияаа баннарасз бхигкунисан̇гхам̣ аад̣̇ааяа бхигкусан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа ан̃ж̇алим̣ баг̇г̇ахзд̇ваа звамасса важанийяо ‘‘бхигкунисан̇гхо аяяа бхигкусан̇гхам̣ баваарзд̇и д̣̇идтзна ваа суд̇зна ваа барисан̇гааяа ваа, вад̣̇ад̇ааяяа бхигкусан̇гхо бхигкунисан̇гхам̣ анугамбам̣ убаад̣̇ааяа, бассанд̇о бадигариссад̇и, д̣̇уд̇ияамби аяяа…бз… д̇ад̇ияамби аяяа…бз… бассанд̇о бадигариссад̇ий’’д̇и звам̣ баваарзд̇аб̣б̣ам̣.
Sattame vassaṃvuṭṭhāti purimaṃ vā pacchimaṃ vā temāsaṃ vuṭṭhā. Ubhatosaṅgheti bhikkhunisaṅghe ceva bhikkhusaṅghe ca. Ayaṃ panettha vinicchayakathā – bhikkhunīhi cātuddaseyeva sannipatitvā ‘‘suṇātu me, ayye, saṅgho, ajja pavāraṇā cātuddasī, yadi saṅghassa pattakallaṃ, saṅgho pavāreyyā’’ti evaṃ sabbasaṅgāhikañattiṃ vā, ‘‘tevācikaṃ pavāreyyā’’ti evaṃ tevācikañattiṃ vā, sati antarāye ‘‘dvevācikaṃ, ekavācikaṃ, samānavassikaṃ pavāreyyā’’ti evaṃ dvevācikādiñattiṃ vā ṭhapetvā sabbasaṅgāhikañatti ce ṭhapitā, ‘‘saṅghaṃ, ayye, pavāremi diṭṭhena vā sutena vā parisaṅkāya vā, vadantu maṃ ayyāyo anukampaṃ upādāya, passantī paṭikarissāmī’’ti (cūḷava. 427) evaṃ sakiṃ vā, ‘‘dutiyampi, ayye, saṅghaṃ…pe… tatiyampi, ayye, saṅghaṃ…pe… paṭikarissāmī’’ti evaṃ dvattikkhattuṃ vā vatvā paṭipāṭiyā pavāretabbaṃ. Tevācikāya ñattiyā vacanaṃ na hāpetabbaṃ, dvevācikādīsu vaḍḍhetuṃ vaṭṭati, hāpetuṃ na vaṭṭati. Evaṃ bhikkhunisaṅghe pavāretvā tattheva ekā bhikkhunī bhikkhunikkhandhake (cūḷava. 427) vuttena ñattidutiyakammena bhikkhunisaṅghassatthāya bhikkhusaṅghaṃ pavāretuṃ sammannitabbā. Tāya sammatāya bhikkhuniyā pannarase bhikkhunisaṅghaṃ ādāya bhikkhusaṅghaṃ upasaṅkamitvā ekaṃsaṃ uttarāsaṅgaṃ karitvā añjaliṃ paggahetvā evamassa vacanīyo ‘‘bhikkhunisaṅgho ayya bhikkhusaṅghaṃ pavāreti diṭṭhena vā sutena vā parisaṅkāya vā, vadatāyya bhikkhusaṅgho bhikkhunisaṅghaṃ anukampaṃ upādāya, passanto paṭikarissati, dutiyampi ayya…pe… tatiyampi ayya…pe… passanto paṭikarissatī’’ti evaṃ pavāretabbaṃ.
сажз бан̃жаваг̇г̇о бхигкунисан̇гхо на буурад̇и, жад̇уухи ваа д̇ийхи ваа г̇ан̣ан̃ад̇д̇им̣ табзд̇ваа, д̣̇вийхи винаа н̃ад̇д̇ияаа ан̃н̃аман̃н̃ам̣ баваарзд̇аб̣б̣ам̣. згааяа ‘‘аж̇ж̇а мз бавааран̣аа’’д̇и ад̇хидтаад̇аб̣б̣ам̣.
Sace pañcavaggo bhikkhunisaṅgho na pūrati, catūhi vā tīhi vā gaṇañattiṃ ṭhapetvā, dvīhi vinā ñattiyā aññamaññaṃ pavāretabbaṃ. Ekāya ‘‘ajja me pavāraṇā’’ti adhiṭṭhātabbaṃ.
вихаарам̣ бана г̇анд̇ваа ‘‘бхигкунияо, аяяа, бхигкусан̇гхам̣ баваарзнд̇и д̣̇идтзна ваа суд̇зна ваа барисан̇гааяа ваа, вад̣̇ад̇ааяяа бхигкусан̇гхо бхигкунияо анугамбам̣ убаад̣̇ааяа, бассанд̇ияо бадигариссанд̇ий’’д̇и жа, ‘‘ахам̣, аяяа, бхигкусан̇гхам̣ баваарзми д̣̇идтзна ваа суд̇зна ваа барисан̇гааяа ваа, вад̣̇ад̇у мам̣, аяяа, бхигкусан̇гхо анугамбам̣ убаад̣̇ааяа, бассанд̇ий бадигариссаамий’’д̇и жа звам̣ д̇игкад̇д̇ум̣ вад̇д̇аб̣б̣ам̣.
Vihāraṃ pana gantvā ‘‘bhikkhuniyo, ayya, bhikkhusaṅghaṃ pavārenti diṭṭhena vā sutena vā parisaṅkāya vā, vadatāyya bhikkhusaṅgho bhikkhuniyo anukampaṃ upādāya, passantiyo paṭikarissantī’’ti ca, ‘‘ahaṃ, ayya, bhikkhusaṅghaṃ pavāremi diṭṭhena vā sutena vā parisaṅkāya vā, vadatu maṃ, ayya, bhikkhusaṅgho anukampaṃ upādāya, passantī paṭikarissāmī’’ti ca evaṃ tikkhattuṃ vattabbaṃ.
сажз бхигкусан̇гхо на буурад̇и, ‘‘бхигкунисан̇гхо, аяяа, аяяз баваарзд̇и д̣̇идтзна ваа суд̇зна ваа барисан̇гааяа ваа, вад̣̇анд̇у аяяаа бхигкунисан̇гхам̣ анугамбам̣ убаад̣̇ааяа, бассанд̇о бадигариссад̇ий’’д̇и жа, ‘‘бхигкунисан̇гхо, аяяа, аяяам̣ баваарзд̇и д̣̇идтзна ваа суд̇зна ваа барисан̇гааяа ваа, вад̣̇ад̇ааяяо бхигкунисан̇гхам̣ анугамбам̣ убаад̣̇ааяа, бассанд̇о бадигариссад̇ий’’д̇и жа звам̣ д̇игкад̇д̇ум̣ вад̇д̇аб̣б̣ам̣.
Sace bhikkhusaṅgho na pūrati, ‘‘bhikkhunisaṅgho, ayya, ayye pavāreti diṭṭhena vā sutena vā parisaṅkāya vā, vadantu ayyā bhikkhunisaṅghaṃ anukampaṃ upādāya, passanto paṭikarissatī’’ti ca, ‘‘bhikkhunisaṅgho, ayya, ayyaṃ pavāreti diṭṭhena vā sutena vā parisaṅkāya vā, vadatāyyo bhikkhunisaṅghaṃ anukampaṃ upādāya, passanto paṭikarissatī’’ti ca evaṃ tikkhattuṃ vattabbaṃ.
убхиннам̣ абарибуурияаа ‘‘бхигкунияо, аяяаа, аяяз баваарзнд̇и д̣̇идтзна ваа суд̇зна ваа барисан̇гааяа ваа, вад̣̇анд̇ааяяаа бхигкунияо анугамбам̣ убаад̣̇ааяа, бассанд̇ияо бадигариссанд̇ий’’д̇и жа, ‘‘бхигкунияо, аяяа, аяяам̣ баваарзнд̇и д̣̇идтзна ваа суд̇зна ваа барисан̇гааяа ваа, вад̣̇ад̇ааяяо бхигкунияо анугамбам̣ убаад̣̇ааяа, бассанд̇ияо бадигариссанд̇ий’’д̇и жа, ‘‘ахам̣, аяяаа, аяяз баваарзми д̣̇идтзна ваа суд̇зна ваа…бз… вад̣̇анд̇у мам̣, аяяаа, анугамбам̣ убаад̣̇ааяа, бассанд̇ий бадигариссаамий’’д̇и жа, ‘‘ахам̣, аяяа, аяяам̣ баваарзми д̣̇идтзна ваа суд̇зна ваа…бз… вад̣̇ад̇у мам̣, аяяо, анугамбам̣ убаад̣̇ааяа, бассанд̇ий бадигариссаамий’’д̇и жа звам̣ д̇игкад̇д̇ум̣ вад̇д̇аб̣б̣ам̣. саб̣б̣аахзва хи иминаа наязна убхад̇осан̇гхз баваарид̇аа ход̇и, яаа бана вассам̣вудтаа ‘‘убхад̇осан̇гхз звам̣ на баваарзссаамий’’д̇и д̇хурам̣ нигкибад̇и, д̇ассаа саха д̇хуранигкзбзна баажид̇д̇ияам̣.
Ubhinnaṃ aparipūriyā ‘‘bhikkhuniyo, ayyā, ayye pavārenti diṭṭhena vā sutena vā parisaṅkāya vā, vadantāyyā bhikkhuniyo anukampaṃ upādāya, passantiyo paṭikarissantī’’ti ca, ‘‘bhikkhuniyo, ayya, ayyaṃ pavārenti diṭṭhena vā sutena vā parisaṅkāya vā, vadatāyyo bhikkhuniyo anukampaṃ upādāya, passantiyo paṭikarissantī’’ti ca, ‘‘ahaṃ, ayyā, ayye pavāremi diṭṭhena vā sutena vā…pe… vadantu maṃ, ayyā, anukampaṃ upādāya, passantī paṭikarissāmī’’ti ca, ‘‘ahaṃ, ayya, ayyaṃ pavāremi diṭṭhena vā sutena vā…pe… vadatu maṃ, ayyo, anukampaṃ upādāya, passantī paṭikarissāmī’’ti ca evaṃ tikkhattuṃ vattabbaṃ. Sabbāheva hi iminā nayena ubhatosaṅghe pavāritā hoti, yā pana vassaṃvuṭṭhā ‘‘ubhatosaṅghe evaṃ na pavāressāmī’’ti dhuraṃ nikkhipati, tassā saha dhuranikkhepena pācittiyaṃ.
саавад̇т̇ияам̣ самб̣ахулаа бхигкунияо аараб̣бха вассам̣ васид̇ваа на бавааран̣аавад̇т̇усмим̣ бан̃н̃ад̇д̇ам̣. анд̇арааяз бана сад̇и, бариязсид̇ваа бхигкуу алабханд̇ияаа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. вассам̣вудтад̇аа, на убхад̇осан̇гхз бавааран̣аа, анун̃н̃аад̇агааран̣аабхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни саманубхаасанасад̣̇исаанийд̇и.
Sāvatthiyaṃ sambahulā bhikkhuniyo ārabbha vassaṃ vasitvā na pavāraṇāvatthusmiṃ paññattaṃ. Antarāye pana sati, pariyesitvā bhikkhū alabhantiyā, gilānāya, āpadāsu, ummattikādīnañca anāpatti. Vassaṃvuṭṭhatā, na ubhatosaṅghe pavāraṇā, anuññātakāraṇābhāvoti imānettha tīṇi aṅgāni. Samuṭṭhānādīni samanubhāsanasadisānīti.
абавааран̣аасигкаабад̣̇аван̣н̣анаа нидтид̇аа.
Apavāraṇāsikkhāpadavaṇṇanā niṭṭhitā.
8. оваад̣̇асигкаабад̣̇аван̣н̣анаа
8. Ovādasikkhāpadavaṇṇanā
адтамз оваад̣̇ааяаад̇и г̇аруд̇хаммассаванад̇т̇ааяа. сам̣ваасааяаад̇и убосат̇абужчанад̇т̇ааяа жзва бавааран̣ад̇т̇ааяа жа. баажид̇д̇ияанд̇и ‘‘зд̇зсам̣ ад̇т̇ааяа на г̇ажчаамий’’д̇и д̇хурам̣ нигкид̇д̇амад̇д̇з баажид̇д̇ияам̣.
Aṭṭhame ovādāyāti garudhammassavanatthāya. Saṃvāsāyāti uposathapucchanatthāya ceva pavāraṇatthāya ca. Pācittiyanti ‘‘etesaṃ atthāya na gacchāmī’’ti dhuraṃ nikkhittamatte pācittiyaṃ.
саггзсу чаб̣б̣аг̇г̇ияаа бхигкунияо аараб̣бха оваад̣̇ааяа аг̇аманавад̇т̇усмим̣ бан̃н̃ад̇д̇ам̣. анд̇арааяз бана сад̇и, бариязсид̇ваа д̣̇уд̇ияигам̣ алабханд̇ияаа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. оваад̣̇асам̣ваасаанам̣ ад̇т̇ааяа аг̇аманам̣, анун̃н̃аад̇агааран̣аабхаавод̇и имаанзд̇т̇а д̣̇вз ан̇г̇аани. самудтаанаад̣̇ийни батамабаарааж̇игасад̣̇исаани, ид̣̇ам̣ бана агирияам̣, д̣̇угкавзд̣̇ананд̇и.
Sakkesu chabbaggiyā bhikkhuniyo ārabbha ovādāya agamanavatthusmiṃ paññattaṃ. Antarāye pana sati, pariyesitvā dutiyikaṃ alabhantiyā, gilānāya, āpadāsu, ummattikādīnañca anāpatti. Ovādasaṃvāsānaṃ atthāya agamanaṃ, anuññātakāraṇābhāvoti imānettha dve aṅgāni. Samuṭṭhānādīni paṭhamapārājikasadisāni, idaṃ pana akiriyaṃ, dukkhavedananti.
оваад̣̇асигкаабад̣̇аван̣н̣анаа нидтид̇аа.
Ovādasikkhāpadavaṇṇanā niṭṭhitā.
9. оваад̣̇уубасан̇гаманасигкаабад̣̇аван̣н̣анаа
9. Ovādūpasaṅkamanasikkhāpadavaṇṇanā
навамз анвад̣̇д̇хамаасанд̇и ад̣̇д̇хамаасз ад̣̇д̇хамаасз. убосат̇абужчаганд̇и убосат̇абужчанам̣. оваад̣̇уубасан̇гамананд̇и оваад̣̇ад̇т̇ааяа убасан̇гаманам̣. д̇ам̣ ад̇иггаамзнд̇ияаад̇и зд̇т̇а бхигкунийхи д̇зрасз ваа жаад̇уд̣̇д̣̇асз ваа аараамам̣ г̇анд̇ваа ‘‘аяам̣ убосат̇о жаад̇уд̣̇д̣̇асо баннарасо’’д̇и бужчид̇аб̣б̣ам̣, убосат̇ад̣̇ивасз нид̣̇аанаван̣н̣анааяам̣ вуд̇д̇анаязна оваад̣̇уубасан̇гаманам̣ яаажид̇аб̣б̣ам̣. яаа бхигкуний вуд̇д̇аббагаарз гаалз д̇ад̣̇убхаяам̣ на гарод̇и, саа д̇ам̣ ад̇иггаамзд̇и наама, д̇ассаа ‘‘убосат̇амби на бужчиссаами, оваад̣̇амби на яаажиссаамий’’д̇и д̇хурам̣ нигкид̇д̇амад̇д̇з баажид̇д̇ияам̣.
Navame anvaddhamāsanti addhamāse addhamāse. Uposathapucchakanti uposathapucchanaṃ. Ovādūpasaṅkamananti ovādatthāya upasaṅkamanaṃ. Taṃ atikkāmentiyāti ettha bhikkhunīhi terase vā cātuddase vā ārāmaṃ gantvā ‘‘ayaṃ uposatho cātuddaso pannaraso’’ti pucchitabbaṃ, uposathadivase nidānavaṇṇanāyaṃ vuttanayena ovādūpasaṅkamanaṃ yācitabbaṃ. Yā bhikkhunī vuttappakāre kāle tadubhayaṃ na karoti, sā taṃ atikkāmeti nāma, tassā ‘‘uposathampi na pucchissāmi, ovādampi na yācissāmī’’ti dhuraṃ nikkhittamatte pācittiyaṃ.
саавад̇т̇ияам̣ самб̣ахулаа бхигкунияо аараб̣бха убосат̇аоваад̣̇аанам̣ абужчанааяаажанавад̇т̇усмим̣ бан̃н̃ад̇д̇ам̣ , анаабад̇д̇и адтамасад̣̇исааязва. убосат̇оваад̣̇аанам̣ абужчанааяаажанааяам̣ д̇хуранигкзбо, анун̃н̃аад̇агааран̣аабхаавод̇и имаанзд̇т̇а д̣̇вз ан̇г̇аани. самудтаанаад̣̇ийни саманубхаасанасад̣̇исаанийд̇и.
Sāvatthiyaṃ sambahulā bhikkhuniyo ārabbha uposathaovādānaṃ apucchanaayācanavatthusmiṃ paññattaṃ , anāpatti aṭṭhamasadisāyeva. Uposathovādānaṃ apucchanaayācanāyaṃ dhuranikkhepo, anuññātakāraṇābhāvoti imānettha dve aṅgāni. Samuṭṭhānādīni samanubhāsanasadisānīti.
оваад̣̇уубасан̇гаманасигкаабад̣̇аван̣н̣анаа нидтид̇аа.
Ovādūpasaṅkamanasikkhāpadavaṇṇanā niṭṭhitā.
10. басаакзж̇аад̇асигкаабад̣̇аван̣н̣анаа
10. Pasākhejātasikkhāpadavaṇṇanā
д̣̇асамз басаакзд̇и наабхияаа хздтаа ж̇аан̣уман̣д̣алаанам̣ убарибад̣̇зсз. д̇ад̇о хи яасмаа ругкасса саакаа вияа убхо ууруу бабхиж̇ж̇ид̇ваа г̇ад̇аа, д̇асмаа со ‘‘басаако’’д̇и вужжад̇и, д̇асмим̣ басаакз. г̇ан̣д̣анд̇и яам̣гин̃жи г̇ан̣д̣ам̣. руд̇хид̇анд̇и ван̣ам̣. бхзд̣̇аабзяяа ваад̇иаад̣̇ийсу сажз ‘‘бхинд̣̇а паалзхий’’д̇и саб̣б̣аани аан̣аабзд̇и, со жа д̇ат̇зва гарод̇и, ча д̣̇уггадаани ча жа баажид̇д̇ияаани. ат̇ааби ‘‘яам̣гин̃жи зд̇т̇а гад̇д̇аб̣б̣ам̣, д̇ам̣ саб̣б̣ам̣ гарохий’’д̇и звам̣ аан̣аабзд̇и, со жа саб̣б̣ааниби бхзд̣̇анаад̣̇ийни гарод̇и, згаваажааяа ча д̣̇уггадаани ча жа баажид̇д̇ияаани. сажз бана бхзд̣̇анаад̣̇ийсу згам̣язва ‘‘ид̣̇ам̣ наама гарохий’’д̇и аан̣аабзд̇и, со жа саб̣б̣аани гарод̇и. яам̣ аан̣ад̇д̇ам̣, д̇ассзва гаран̣з баажид̇д̇ияам̣.
Dasame pasākheti nābhiyā heṭṭhā jāṇumaṇḍalānaṃ uparipadese. Tato hi yasmā rukkhassa sākhā viya ubho ūrū pabhijjitvā gatā, tasmā so ‘‘pasākho’’ti vuccati, tasmiṃ pasākhe. Gaṇḍanti yaṃkiñci gaṇḍaṃ. Rudhitanti vaṇaṃ. Bhedāpeyya vātiādīsu sace ‘‘bhinda phālehī’’ti sabbāni āṇāpeti, so ca tatheva karoti, cha dukkaṭāni cha ca pācittiyāni. Athāpi ‘‘yaṃkiñci ettha kattabbaṃ, taṃ sabbaṃ karohī’’ti evaṃ āṇāpeti, so ca sabbānipi bhedanādīni karoti, ekavācāya cha dukkaṭāni cha ca pācittiyāni. Sace pana bhedanādīsu ekaṃyeva ‘‘idaṃ nāma karohī’’ti āṇāpeti, so ca sabbāni karoti. Yaṃ āṇattaṃ, tasseva karaṇe pācittiyaṃ.
саавад̇т̇ияам̣ ан̃н̃ад̇арам̣ бхигкуним̣ аараб̣бха басаакз ж̇аад̇ам̣ г̇ан̣д̣ам̣ бурисзна бхзд̣̇аабанавад̇т̇усмим̣ бан̃н̃ад̇д̇ам̣, абалогзд̇ваа ваа вин̃н̃ум̣ ваа яам̣ган̃жи д̣̇уд̇ияигам̣ г̇ахзд̇ваа звам̣ гаронд̇ияаа, уммад̇д̇игаад̣̇ийнан̃жа анаабад̇д̇и. басаакз ж̇аад̇ад̇аа, анабалоганам̣, д̣̇уд̇ияигаабхааво, бурисзна бхзд̣̇аад̣̇ийнам̣ гаараабананд̇и имаанзд̇т̇а жад̇д̇аари ан̇г̇аани. самудтаанаад̣̇ийни гат̇инасад̣̇исаани, ид̣̇ам̣ бана гирияаагирияанд̇и.
Sāvatthiyaṃ aññataraṃ bhikkhuniṃ ārabbha pasākhe jātaṃ gaṇḍaṃ purisena bhedāpanavatthusmiṃ paññattaṃ, apaloketvā vā viññuṃ vā yaṃkañci dutiyikaṃ gahetvā evaṃ karontiyā, ummattikādīnañca anāpatti. Pasākhe jātatā, anapalokanaṃ, dutiyikābhāvo, purisena bhedādīnaṃ kārāpananti imānettha cattāri aṅgāni. Samuṭṭhānādīni kathinasadisāni, idaṃ pana kiriyākiriyanti.
басаакзж̇аад̇асигкаабад̣̇аван̣н̣анаа нидтид̇аа.
Pasākhejātasikkhāpadavaṇṇanā niṭṭhitā.
аараамаваг̇г̇о чадто.
Ārāmavaggo chaṭṭho.
