| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੬. ਆਰਾਮવਗ੍ਗੋ
6. Ārāmavaggo
੨੩੬. ਜਾਨਂ ਸਭਿਕ੍ਖੁਕਂ ਆਰਾਮਂ ਅਨਾਪੁਚ੍ਛਾ ਪવਿਸਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਠਮਂ ਪਾਦਂ ਪਰਿਕ੍ਖੇਪਂ ਅਤਿਕ੍ਕਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ; ਦੁਤਿਯਂ ਪਾਦਂ ਅਤਿਕ੍ਕਾਮੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
236. Jānaṃ sabhikkhukaṃ ārāmaṃ anāpucchā pavisantī dve āpattiyo āpajjati. Paṭhamaṃ pādaṃ parikkhepaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
ਭਿਕ੍ਖੁਂ ਅਕ੍ਕੋਸਨ੍ਤੀ ਪਰਿਭਾਸਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਅਕ੍ਕੋਸਤਿ, ਪਯੋਗੇ ਦੁਕ੍ਕਟਂ; ਅਕ੍ਕੋਸਿਤੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Bhikkhuṃ akkosantī paribhāsantī dve āpattiyo āpajjati. Akkosati, payoge dukkaṭaṃ; akkosite, āpatti pācittiyassa.
ਚਣ੍ਡੀਕਤਾ ਗਣਂ ਪਰਿਭਾਸਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਰਿਭਾਸਤਿ, ਪਯੋਗੇ ਦੁਕ੍ਕਟਂ; ਪਰਿਭਾਸਿਤੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Caṇḍīkatā gaṇaṃ paribhāsantī dve āpattiyo āpajjati. Paribhāsati, payoge dukkaṭaṃ; paribhāsite, āpatti pācittiyassa.
ਨਿਮਨ੍ਤਿਤਾ વਾ ਪવਾਰਿਤਾ વਾ ਖਾਦਨੀਯਂ વਾ ਭੋਜਨੀਯਂ વਾ ਭੁਞ੍ਜਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ‘‘ਖਾਦਿਸ੍ਸਾਮਿ ਭੁਞ੍ਜਿਸ੍ਸਾਮੀ’’ਤਿ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ; ਅਜ੍ਝੋਹਾਰੇ ਅਜ੍ਝੋਹਾਰੇ ਆਪਤ੍ਤਿ ਪਾਚਿਤ੍ਤਿਯਸ੍ਸ।
Nimantitā vā pavāritā vā khādanīyaṃ vā bhojanīyaṃ vā bhuñjantī dve āpattiyo āpajjati. ‘‘Khādissāmi bhuñjissāmī’’ti paṭiggaṇhāti, āpatti dukkaṭassa; ajjhohāre ajjhohāre āpatti pācittiyassa.
ਕੁਲਂ ਮਚ੍ਛਰਾਯਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਮਚ੍ਛਰਾਯਤਿ, ਪਯੋਗੇ ਦੁਕ੍ਕਟਂ; ਮਚ੍ਛਰਿਤੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Kulaṃ maccharāyantī dve āpattiyo āpajjati. Maccharāyati, payoge dukkaṭaṃ; maccharite, āpatti pācittiyassa.
ਅਭਿਕ੍ਖੁਕੇ ਆવਾਸੇ વਸ੍ਸਂ વਸਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ‘‘વਸ੍ਸਂ વਸਿਸ੍ਸਾਮੀ’’ਤਿ ਸੇਨਾਸਨਂ ਪਞ੍ਞਪੇਤਿ ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਪੇਤਿ ਪਰਿવੇਣਂ ਸਮ੍ਮਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ; ਸਹ ਅਰੁਣੁਗ੍ਗਮਨਾ ਆਪਤ੍ਤਿ ਪਾਚਿਤ੍ਤਿਯਸ੍ਸ।
Abhikkhuke āvāse vassaṃ vasantī dve āpattiyo āpajjati. ‘‘Vassaṃ vasissāmī’’ti senāsanaṃ paññapeti pānīyaṃ paribhojanīyaṃ upaṭṭhapeti pariveṇaṃ sammajjati, āpatti dukkaṭassa; saha aruṇuggamanā āpatti pācittiyassa.
વਸ੍ਸਂવੁਟ੍ਠਾ ਭਿਕ੍ਖੁਨੀ ਉਭਤੋਸਙ੍ਘੇ ਤੀਹਿ ਠਾਨੇਹਿ ਨ ਪવਾਰੇਨ੍ਤੀ ਏਕਂ ਆਪਤ੍ਤਿਂ ਆਪਜ੍ਜਤਿ। ਪਾਚਿਤ੍ਤਿਯਂ।
Vassaṃvuṭṭhā bhikkhunī ubhatosaṅghe tīhi ṭhānehi na pavārentī ekaṃ āpattiṃ āpajjati. Pācittiyaṃ.
ਓવਾਦਾਯ વਾ ਸਂવਾਸਾਯ વਾ ਨ ਗਚ੍ਛਨ੍ਤੀ ਏਕਂ ਆਪਤ੍ਤਿਂ ਆਪਜ੍ਜਤਿ। ਪਾਚਿਤ੍ਤਿਯਂ।
Ovādāya vā saṃvāsāya vā na gacchantī ekaṃ āpattiṃ āpajjati. Pācittiyaṃ.
ਉਪੋਸਥਮ੍ਪਿ ਨ ਪੁਚ੍ਛਨ੍ਤੀ ਓવਾਦਮ੍ਪਿ ਨ ਯਾਚਨ੍ਤੀ ਏਕਂ ਆਪਤ੍ਤਿਂ ਆਪਜ੍ਜਤਿ। ਪਾਚਿਤ੍ਤਿਯਂ।
Uposathampi na pucchantī ovādampi na yācantī ekaṃ āpattiṃ āpajjati. Pācittiyaṃ.
ਪਸਾਖੇ ਜਾਤਂ ਗਣ੍ਡਂ વਾ ਰੁਧਿਤਂ વਾ ਅਨਪਲੋਕੇਤ੍વਾ ਸਙ੍ਘਂ વਾ ਗਣਂ વਾ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਭੇਦਾਪੇਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਭੇਦਾਪੇਤਿ, ਪਯੋਗੇ ਦੁਕ੍ਕਟਂ; ਭਿਨ੍ਨੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Pasākhe jātaṃ gaṇḍaṃ vā rudhitaṃ vā anapaloketvā saṅghaṃ vā gaṇaṃ vā purisena saddhiṃ ekenekā bhedāpentī dve āpattiyo āpajjati. Bhedāpeti, payoge dukkaṭaṃ; bhinne, āpatti pācittiyassa.
ਆਰਾਮવਗ੍ਗੋ ਛਟ੍ਠੋ।
Ārāmavaggo chaṭṭho.
