| Library / Tipiṭaka / തിപിടക • Tipiṭaka / പരിവാരപാളി • Parivārapāḷi |
൬. ആരാമവഗ്ഗോ
6. Ārāmavaggo
൨൨൩. ജാനം സഭിക്ഖുകം ആരാമം അനാപുച്ഛാ പവിസന്തിയാ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? സമ്ബഹുലാ ഭിക്ഖുനിയോ ആരബ്ഭ. കിസ്മിം വത്ഥുസ്മിന്തി? സമ്ബഹുലാ ഭിക്ഖുനിയോ ആരാമം അനാപുച്ഛാ പവിസിംസു, തസ്മിം വത്ഥുസ്മിം. ഏകാ പഞ്ഞത്തി, ദ്വേ അനുപഞ്ഞത്തിയോ. ഛന്നം ആപത്തിസമുട്ഠാനാനം ഏകേന സമുട്ഠാനേന സമുട്ഠാതി – ധുരനിക്ഖേപേ…പേ॰….
223. Jānaṃ sabhikkhukaṃ ārāmaṃ anāpucchā pavisantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo ārāmaṃ anāpucchā pavisiṃsu, tasmiṃ vatthusmiṃ. Ekā paññatti, dve anupaññattiyo. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
ഭിക്ഖും അക്കോസന്തിയാ പരിഭാസന്തിയാ പാചിത്തിയം കത്ഥ പഞ്ഞത്തന്തി? വേസാലിയം പഞ്ഞത്തം. കം ആരബ്ഭാതി? ഛബ്ബഗ്ഗിയാ ഭിക്ഖുനിയോ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖുനിയോ ആയസ്മന്തം ഉപാലിം അക്കോസിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി…പേ॰….
Bhikkhuṃ akkosantiyā paribhāsantiyā pācittiyaṃ kattha paññattanti? Vesāliyaṃ paññattaṃ. Kaṃ ārabbhāti? Chabbaggiyā bhikkhuniyo ārabbha. Kismiṃ vatthusminti? Chabbaggiyā bhikkhuniyo āyasmantaṃ upāliṃ akkosiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ചണ്ഡീകതായ ഗണം പരിഭാസന്തിയാ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ഥുല്ലനന്ദം ഭിക്ഖുനിം ആരബ്ഭ. കിസ്മിം വത്ഥുസ്മിന്തി? ഥുല്ലനന്ദാ ഭിക്ഖുനീ ചണ്ഡീകതായ ഗണം പരിഭാസി, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി…പേ॰….
Caṇḍīkatāya gaṇaṃ paribhāsantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī caṇḍīkatāya gaṇaṃ paribhāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
നിമന്തിതായ വാ പവാരിതായ വാ ഖാദനീയം വാ ഭോജനീയം വാ അഞ്ഞത്ര ഭുഞ്ജന്തിയാ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? സമ്ബഹുലാ ഭിക്ഖുനിയോ ആരബ്ഭ. കിസ്മിം വത്ഥുസ്മിന്തി? സമ്ബഹുലാ ഭിക്ഖുനിയോ ഭുത്താവിനിയോ പവാരിതാ അഞ്ഞത്ര ഭുഞ്ജിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ചതൂഹി സമുട്ഠാനേഹി സമുട്ഠാതി…പേ॰….
Nimantitāya vā pavāritāya vā khādanīyaṃ vā bhojanīyaṃ vā aññatra bhuñjantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo bhuttāviniyo pavāritā aññatra bhuñjiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ catūhi samuṭṭhānehi samuṭṭhāti…pe….
കുലം മച്ഛരായന്തിയാ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? അഞ്ഞതരം ഭിക്ഖുനിം ആരബ്ഭ. കിസ്മിം വത്ഥുസ്മിന്തി? അഞ്ഞതരാ ഭിക്ഖുനീ കുലം മച്ഛരായി, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം തീഹി സമുട്ഠാനേഹി സമുട്ഠാതി…പേ॰….
Kulaṃ maccharāyantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Aññataraṃ bhikkhuniṃ ārabbha. Kismiṃ vatthusminti? Aññatarā bhikkhunī kulaṃ maccharāyi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
അഭിക്ഖുകേ ആവാസേ വസ്സം വസന്തിയാ പാചിത്തിയം കത്ഥ പഞ്ഞത്തന്തി ? സാവത്ഥിയം പഞ്ഞത്തം. കം ആരബ്ഭാതി? സമ്ബഹുലാ ഭിക്ഖുനിയോ ആരബ്ഭ. കിസ്മിം വത്ഥുസ്മിന്തി? സമ്ബഹുലാ ഭിക്ഖുനിയോ അഭിക്ഖുകേ ആവാസേ വസ്സം വസിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ദ്വീഹി സമുട്ഠാനേഹി സമുട്ഠാതി – ഏളകലോമകേ…പേ॰….
Abhikkhuke āvāse vassaṃ vasantiyā pācittiyaṃ kattha paññattanti ? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo abhikkhuke āvāse vassaṃ vasiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – eḷakalomake…pe….
വസ്സംവുട്ഠായ ഭിക്ഖുനിയാ ഉഭതോസങ്ഘേ തീഹി ഠാനേഹി ന പവാരേന്തിയാ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? സമ്ബഹുലാ ഭിക്ഖുനിയോ ആരബ്ഭ. കിസ്മിം വത്ഥുസ്മിന്തി? സമ്ബഹുലാ ഭിക്ഖുനിയോ വസ്സംവുട്ഠാ ഭിക്ഖുസങ്ഘം 1 ന പവാരേസും, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ഏകേന സമുട്ഠാനേന സമുട്ഠാതി – ധുരനിക്ഖേപേ…പേ॰….
Vassaṃvuṭṭhāya bhikkhuniyā ubhatosaṅghe tīhi ṭhānehi na pavārentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo vassaṃvuṭṭhā bhikkhusaṅghaṃ 2 na pavāresuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
ഓവാദായ വാ സംവാസായ വാ ന ഗച്ഛന്തിയാ പാചിത്തിയം കത്ഥ പഞ്ഞത്തന്തി? സക്കേസു പഞ്ഞത്തം. കം ആരബ്ഭാതി? ഛബ്ബഗ്ഗിയാ ഭിക്ഖുനിയോ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖുനിയോ ഓവാദം ന ഗച്ഛിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ഏകേന സമുട്ഠാനേന സമുട്ഠാതി – പഠമപാരാജികേ…പേ॰….
Ovādāya vā saṃvāsāya vā na gacchantiyā pācittiyaṃ kattha paññattanti? Sakkesu paññattaṃ. Kaṃ ārabbhāti? Chabbaggiyā bhikkhuniyo ārabbha. Kismiṃ vatthusminti? Chabbaggiyā bhikkhuniyo ovādaṃ na gacchiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – paṭhamapārājike…pe….
ഉപോസഥമ്പി ന പുച്ഛന്തിയാ ഓവാദമ്പി ന യാചന്തിയാ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? സമ്ബഹുലാ ഭിക്ഖുനിയോ ആരബ്ഭ. കിസ്മിം വത്ഥുസ്മിന്തി? സമ്ബഹുലാ ഭിക്ഖുനിയോ ഉപോസഥമ്പി ന പുച്ഛിംസു ഓവാദമ്പി ന യാചിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ഏകേന സമുട്ഠാനേന സമുട്ഠാതി – ധുരനിക്ഖേപേ…പേ॰….
Uposathampi na pucchantiyā ovādampi na yācantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo uposathampi na pucchiṃsu ovādampi na yāciṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
പസാഖേ ജാതം ഗണ്ഡം വാ രുധിതം 3 വാ അനപലോകേത്വാ സങ്ഘം വാ ഗണം വാ പുരിസേന സദ്ധിം ഏകേനേകായ ഭേദാപേന്തിയാ പാചിത്തിയം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? അഞ്ഞതരം ഭിക്ഖുനിം ആരബ്ഭ. കിസ്മിം വത്ഥുസ്മിന്തി? അഞ്ഞതരാ ഭിക്ഖുനീ പസാഖേ ജാതം ഗണ്ഡം പുരിസേന സദ്ധിം ഏകേനേകാ ഭേദാപേസി, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ദ്വീഹി സമുട്ഠാനേഹി സമുട്ഠാതി – കഥിനകേ…പേ॰….
Pasākhe jātaṃ gaṇḍaṃ vā rudhitaṃ 4 vā anapaloketvā saṅghaṃ vā gaṇaṃ vā purisena saddhiṃ ekenekāya bhedāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Aññataraṃ bhikkhuniṃ ārabbha. Kismiṃ vatthusminti? Aññatarā bhikkhunī pasākhe jātaṃ gaṇḍaṃ purisena saddhiṃ ekenekā bhedāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – kathinake…pe….
ആരാമവഗ്ഗോ ഛട്ഠോ.
Ārāmavaggo chaṭṭho.
Footnotes:
