| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
ஆரம்மணசதுக்கங்
Ārammaṇacatukkaṃ
181. இதா³னி யஸ்மா ஏதங் ஜா²னங் நாம யதா² படிபதா³பே⁴தே³ன ஏவங் ஆரம்மணபே⁴தே³னாபி சதுப்³பி³த⁴ங் ஹோதி. தஸ்மாஸ்ஸ தங் பபே⁴த³ங் த³ஸ்ஸேதுங் புன கதமே த⁴ம்மா குஸலாதிஆதி³ ஆரத்³த⁴ங். தத்த² பரித்தங் பரித்தாரம்மணந்திஆதீ³ஸு யங் அப்பகு³ணங் ஹோதி, உபரிஜ்ஜா²னஸ்ஸ பச்சயோ ப⁴விதுங் ந ஸக்கோதி, இத³ங் பரித்தங் நாம. யங் பன அவட்³டி⁴தே ஸுப்பமத்தே வா ஸராவமத்தே வா ஆரம்மணே பவத்தங், தங் பரித்தங் ஆரம்மணங் அஸ்ஸாதி பரித்தாரம்மணங். யங் பகு³ணங் ஸுபா⁴விதங் உபரிஜ்ஜா²னஸ்ஸ பச்சயோ ப⁴விதுங் ஸக்கோதி, இத³ங் அப்பமாணங் நாம. யங் விபுலே ஆரம்மணே பவத்தங் தங் வுட்³டி⁴ப்பமாணத்தா அப்பமாணங் ஆரம்மணங் அஸ்ஸாதி அப்பமாணாரம்மணங். வுத்தலக்க²ணவோமிஸ்ஸகதாய பன வோமிஸ்ஸகனயோ வேதி³தப்³போ³. இதி ஆரம்மணவஸேனபி சத்தாரோ நவகா வுத்தா ஹொந்தி. சித்தக³ணனாபெத்த² புரிமஸதி³ஸா ஏவாதி.
181. Idāni yasmā etaṃ jhānaṃ nāma yathā paṭipadābhedena evaṃ ārammaṇabhedenāpi catubbidhaṃ hoti. Tasmāssa taṃ pabhedaṃ dassetuṃ puna katame dhammā kusalātiādi āraddhaṃ. Tattha parittaṃ parittārammaṇantiādīsu yaṃ appaguṇaṃ hoti, uparijjhānassa paccayo bhavituṃ na sakkoti, idaṃ parittaṃ nāma. Yaṃ pana avaḍḍhite suppamatte vā sarāvamatte vā ārammaṇe pavattaṃ, taṃ parittaṃ ārammaṇaṃ assāti parittārammaṇaṃ. Yaṃ paguṇaṃ subhāvitaṃ uparijjhānassa paccayo bhavituṃ sakkoti, idaṃ appamāṇaṃ nāma. Yaṃ vipule ārammaṇe pavattaṃ taṃ vuḍḍhippamāṇattā appamāṇaṃ ārammaṇaṃ assāti appamāṇārammaṇaṃ. Vuttalakkhaṇavomissakatāya pana vomissakanayo veditabbo. Iti ārammaṇavasenapi cattāro navakā vuttā honti. Cittagaṇanāpettha purimasadisā evāti.
ஆரம்மணசதுக்கங்.
Ārammaṇacatukkaṃ.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபாவசரகுஸலங் • Rūpāvacarakusalaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / ஆரம்மணசதுக்கவண்ணனா • Ārammaṇacatukkavaṇṇanā
