| Library / Tipiṭaka / ཏིཔིཊཀ • Tipiṭaka / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā |
ཨཱརམྨཎཙཏུཀྐཾ
Ārammaṇacatukkaṃ
༡༨༡. ཨིདཱནི ཡསྨཱ ཨེཏཾ ཛྷཱནཾ ནཱམ ཡཐཱ པཊིཔདཱབྷེདེན ཨེཝཾ ཨཱརམྨཎབྷེདེནཱཔི ཙཏུབྦིདྷཾ ཧོཏི། ཏསྨཱསྶ ཏཾ པབྷེདཾ དསྶེཏུཾ པུན ཀཏམེ དྷམྨཱ ཀུསལཱཏིཨཱདི ཨཱརདྡྷཾ། ཏཏྠ པརིཏྟཾ པརིཏྟཱརམྨཎནྟིཨཱདཱིསུ ཡཾ ཨཔྤགུཎཾ ཧོཏི, ཨུཔརིཛ྄ཛྷཱནསྶ པཙྩཡོ བྷཝིཏུཾ ན སཀྐོཏི, ཨིདཾ པརིཏྟཾ ནཱམ། ཡཾ པན ཨཝཌྜྷིཏེ སུཔྤམཏྟེ ཝཱ སརཱཝམཏྟེ ཝཱ ཨཱརམྨཎེ པཝཏྟཾ, ཏཾ པརིཏྟཾ ཨཱརམྨཎཾ ཨསྶཱཏི པརིཏྟཱརམྨཎཾ། ཡཾ པགུཎཾ སུབྷཱཝིཏཾ ཨུཔརིཛ྄ཛྷཱནསྶ པཙྩཡོ བྷཝིཏུཾ སཀྐོཏི, ཨིདཾ ཨཔྤམཱཎཾ ནཱམ། ཡཾ ཝིཔུལེ ཨཱརམྨཎེ པཝཏྟཾ ཏཾ ཝུཌྜྷིཔྤམཱཎཏྟཱ ཨཔྤམཱཎཾ ཨཱརམྨཎཾ ཨསྶཱཏི ཨཔྤམཱཎཱརམྨཎཾ། ཝུཏྟལཀྑཎཝོམིསྶཀཏཱཡ པན ཝོམིསྶཀནཡོ ཝེདིཏབྦོ། ཨིཏི ཨཱརམྨཎཝསེནཔི ཙཏྟཱརོ ནཝཀཱ ཝུཏྟཱ ཧོནྟི། ཙིཏྟགཎནཱཔེཏྠ པུརིམསདིསཱ ཨེཝཱཏི།
181. Idāni yasmā etaṃ jhānaṃ nāma yathā paṭipadābhedena evaṃ ārammaṇabhedenāpi catubbidhaṃ hoti. Tasmāssa taṃ pabhedaṃ dassetuṃ puna katame dhammā kusalātiādi āraddhaṃ. Tattha parittaṃ parittārammaṇantiādīsu yaṃ appaguṇaṃ hoti, uparijjhānassa paccayo bhavituṃ na sakkoti, idaṃ parittaṃ nāma. Yaṃ pana avaḍḍhite suppamatte vā sarāvamatte vā ārammaṇe pavattaṃ, taṃ parittaṃ ārammaṇaṃ assāti parittārammaṇaṃ. Yaṃ paguṇaṃ subhāvitaṃ uparijjhānassa paccayo bhavituṃ sakkoti, idaṃ appamāṇaṃ nāma. Yaṃ vipule ārammaṇe pavattaṃ taṃ vuḍḍhippamāṇattā appamāṇaṃ ārammaṇaṃ assāti appamāṇārammaṇaṃ. Vuttalakkhaṇavomissakatāya pana vomissakanayo veditabbo. Iti ārammaṇavasenapi cattāro navakā vuttā honti. Cittagaṇanāpettha purimasadisā evāti.
ཨཱརམྨཎཙཏུཀྐཾ།
Ārammaṇacatukkaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / རཱུཔཱཝཙརཀུསལཾ • Rūpāvacarakusalaṃ
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā / ཨཱརམྨཎཙཏུཀྐཝཎྞནཱ • Ārammaṇacatukkavaṇṇanā
