| Library / Tipiṭaka / തിപിടക • Tipiṭaka / ധമ്മസങ്ഗണി-അട്ഠകഥാ • Dhammasaṅgaṇi-aṭṭhakathā |
ആരമ്മണചതുക്കം
Ārammaṇacatukkaṃ
൧൮൧. ഇദാനി യസ്മാ ഏതം ഝാനം നാമ യഥാ പടിപദാഭേദേന ഏവം ആരമ്മണഭേദേനാപി ചതുബ്ബിധം ഹോതി. തസ്മാസ്സ തം പഭേദം ദസ്സേതും പുന കതമേ ധമ്മാ കുസലാതിആദി ആരദ്ധം. തത്ഥ പരിത്തം പരിത്താരമ്മണന്തിആദീസു യം അപ്പഗുണം ഹോതി, ഉപരിജ്ഝാനസ്സ പച്ചയോ ഭവിതും ന സക്കോതി, ഇദം പരിത്തം നാമ. യം പന അവഡ്ഢിതേ സുപ്പമത്തേ വാ സരാവമത്തേ വാ ആരമ്മണേ പവത്തം, തം പരിത്തം ആരമ്മണം അസ്സാതി പരിത്താരമ്മണം. യം പഗുണം സുഭാവിതം ഉപരിജ്ഝാനസ്സ പച്ചയോ ഭവിതും സക്കോതി, ഇദം അപ്പമാണം നാമ. യം വിപുലേ ആരമ്മണേ പവത്തം തം വുഡ്ഢിപ്പമാണത്താ അപ്പമാണം ആരമ്മണം അസ്സാതി അപ്പമാണാരമ്മണം. വുത്തലക്ഖണവോമിസ്സകതായ പന വോമിസ്സകനയോ വേദിതബ്ബോ. ഇതി ആരമ്മണവസേനപി ചത്താരോ നവകാ വുത്താ ഹോന്തി. ചിത്തഗണനാപേത്ഥ പുരിമസദിസാ ഏവാതി.
181. Idāni yasmā etaṃ jhānaṃ nāma yathā paṭipadābhedena evaṃ ārammaṇabhedenāpi catubbidhaṃ hoti. Tasmāssa taṃ pabhedaṃ dassetuṃ puna katame dhammā kusalātiādi āraddhaṃ. Tattha parittaṃ parittārammaṇantiādīsu yaṃ appaguṇaṃ hoti, uparijjhānassa paccayo bhavituṃ na sakkoti, idaṃ parittaṃ nāma. Yaṃ pana avaḍḍhite suppamatte vā sarāvamatte vā ārammaṇe pavattaṃ, taṃ parittaṃ ārammaṇaṃ assāti parittārammaṇaṃ. Yaṃ paguṇaṃ subhāvitaṃ uparijjhānassa paccayo bhavituṃ sakkoti, idaṃ appamāṇaṃ nāma. Yaṃ vipule ārammaṇe pavattaṃ taṃ vuḍḍhippamāṇattā appamāṇaṃ ārammaṇaṃ assāti appamāṇārammaṇaṃ. Vuttalakkhaṇavomissakatāya pana vomissakanayo veditabbo. Iti ārammaṇavasenapi cattāro navakā vuttā honti. Cittagaṇanāpettha purimasadisā evāti.
ആരമ്മണചതുക്കം.
Ārammaṇacatukkaṃ.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധമ്മസങ്ഗണീപാളി • Dhammasaṅgaṇīpāḷi / രൂപാവചരകുസലം • Rūpāvacarakusalaṃ
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-മൂലടീകാ • Dhammasaṅgaṇī-mūlaṭīkā / ആരമ്മണചതുക്കവണ്ണനാ • Ārammaṇacatukkavaṇṇanā
