| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. аарамман̣абажжаяанид̣̇д̣̇зсаван̣н̣анаа
2. Ārammaṇapaccayaniddesavaṇṇanā
2. уббаж̇ж̇анагкан̣зязваад̇и зд̇зна вад̇д̇амаанагкан̣згад̣̇зсзна саб̣б̣ам̣ вад̇д̇амаанагкан̣ам̣ г̇аяхад̇ийд̇и д̣̇адтаб̣б̣ам̣. на хи уббаж̇ж̇анагкан̣зязва жагкувин̃н̃аан̣аад̣̇ийнам̣ руубаад̣̇ийни аарамман̣абажжаяо, ат̇а ко саб̣б̣асмим̣ вад̇д̇амаанагкан̣зд̇и. д̇зна ааламб̣ияамаанаанамби руубаад̣̇ийнам̣ жагкувин̃н̃аан̣аад̣̇ивад̇д̇амаанад̇ааяа бурз бажчаа жа виж̇ж̇амаанаанам̣ аарамман̣абажжаяад̇д̇аабхаавам̣ д̣̇ассзд̇и, го бана ваад̣̇о анааламб̣ияамаанаанам̣. на згад̇о хонд̇ийд̇и нийлаад̣̇ийни саб̣б̣аруубаани саха на хонд̇и, д̇ат̇аа сад̣̇д̣̇аад̣̇аяобийд̇и ад̇т̇о. ‘‘яам̣ яа’’нд̇и хи важанам̣ руубаад̣̇ийни бхинд̣̇ад̇ийд̇и. д̇ад̇т̇а буримзнад̇т̇зна ‘‘уббаж̇ж̇анд̇ий’’д̇и важанзна аарамман̣абажжаяабхаавалагкан̣ад̣̇ийбанад̇т̇ам̣ ‘‘яам̣ яам̣ д̇хамма’’нд̇иаад̣̇и вуд̇д̇анд̇и д̣̇ассзд̇и, бажчимзна ‘‘яам̣ яа’’нд̇и важанзна руубаад̣̇ибхзд̣̇ад̣̇ийбанад̇т̇анд̇и. ‘‘яам̣ яам̣ ваа банаараб̣бхаа’’д̇и зд̇асса ван̣н̣анааяам̣ д̣̇ассид̇асаб̣б̣аарамман̣аад̣̇ивасзна ваа ид̇хааби ад̇т̇о г̇ахзд̇аб̣б̣од̇и.
2. Uppajjanakkhaṇeyevāti etena vattamānakkhaṇekadesena sabbaṃ vattamānakkhaṇaṃ gayhatīti daṭṭhabbaṃ. Na hi uppajjanakkhaṇeyeva cakkhuviññāṇādīnaṃ rūpādīni ārammaṇapaccayo, atha kho sabbasmiṃ vattamānakkhaṇeti. Tena ālambiyamānānampi rūpādīnaṃ cakkhuviññāṇādivattamānatāya pure pacchā ca vijjamānānaṃ ārammaṇapaccayattābhāvaṃ dasseti, ko pana vādo anālambiyamānānaṃ. Na ekato hontīti nīlādīni sabbarūpāni saha na honti, tathā saddādayopīti attho. ‘‘Yaṃ ya’’nti hi vacanaṃ rūpādīni bhindatīti. Tattha purimenatthena ‘‘uppajjantī’’ti vacanena ārammaṇapaccayabhāvalakkhaṇadīpanatthaṃ ‘‘yaṃ yaṃ dhamma’’ntiādi vuttanti dasseti, pacchimena ‘‘yaṃ ya’’nti vacanena rūpādibhedadīpanatthanti. ‘‘Yaṃ yaṃ vā panārabbhā’’ti etassa vaṇṇanāyaṃ dassitasabbārammaṇādivasena vā idhāpi attho gahetabboti.
звам̣ вуд̇д̇анд̇и яат̇аа над̣̇ийбаб̣б̣ад̇аанам̣ санд̣̇анам̣ таанан̃жа бавад̇д̇ам̣ авирад̇ам̣ авижчиннанд̇и санд̣̇анд̇и д̇идтанд̇ийд̇и вад̇д̇амаанаважанам̣ вуд̇д̇ам̣, звам̣ ‘‘яз яз д̇хаммаа’’д̇и ад̇ийд̇аанааг̇ад̇абажжуббаннаанам̣ саб̣б̣асан̇г̇ахасамуд̣̇ааяавасзна г̇ахид̇ад̇д̇аа д̇зсам̣ уббаж̇ж̇анам̣ бавад̇д̇анам̣ авирад̇анд̇и уббаж̇ж̇анд̇ийд̇и вад̇д̇амаанаважанам̣ вуд̇д̇анд̇и ад̇хиббааяо. имз бана на хзд̇аад̣̇ибажжаяаа саб̣б̣зби ад̇ийд̇аанааг̇ад̇аанам̣ хонд̇и. на хи ад̇ийд̇о жа анааг̇ад̇о жа ад̇т̇и, яассзд̇з бажжаяаа сияум̣. зван̃жа гад̇ваа ад̇ийд̇ад̇д̇игз ад̇ийд̇аанааг̇ад̇аанам̣ на гожи бажжаяо вуд̇д̇о, д̇асмаа ид̇хааби ‘‘уббаж̇ж̇анд̇ий’’д̇и важанзна язсам̣ руубаад̣̇аяо аарамман̣ад̇хаммаа аарамман̣абажжаяаа хонд̇и, д̇з бажжуббаннаава д̣̇ассид̇аад̇и д̣̇адтаб̣б̣аа. д̇зсу хи д̣̇ассид̇зсу ад̇ийд̇аанааг̇ад̇зсу д̇ам̣д̇ам̣бажжаяаа ахзсум̣ бхависсанд̇и жаад̇и аяамад̇т̇о д̣̇ассид̇о ход̇и, на бана д̇ам̣д̇ам̣бажжаяаванд̇ад̇аа. бажжаяаванд̇о хи бажжуббаннааязваад̇и.
Evaṃ vuttanti yathā nadīpabbatānaṃ sandanaṃ ṭhānañca pavattaṃ avirataṃ avicchinnanti sandanti tiṭṭhantīti vattamānavacanaṃ vuttaṃ, evaṃ ‘‘ye ye dhammā’’ti atītānāgatapaccuppannānaṃ sabbasaṅgahasamudāyavasena gahitattā tesaṃ uppajjanaṃ pavattanaṃ aviratanti uppajjantīti vattamānavacanaṃ vuttanti adhippāyo. Ime pana na hetādipaccayā sabbepi atītānāgatānaṃ honti. Na hi atīto ca anāgato ca atthi, yassete paccayā siyuṃ. Evañca katvā atītattike atītānāgatānaṃ na koci paccayo vutto, tasmā idhāpi ‘‘uppajjantī’’ti vacanena yesaṃ rūpādayo ārammaṇadhammā ārammaṇapaccayā honti, te paccuppannāva dassitāti daṭṭhabbā. Tesu hi dassitesu atītānāgatesu taṃtaṃpaccayā ahesuṃ bhavissanti cāti ayamattho dassito hoti, na pana taṃtaṃpaccayavantatā. Paccayavanto hi paccuppannāyevāti.
зд̇т̇а жа ‘‘яам̣ яам̣ д̇хаммам̣ аараб̣бхаа’’д̇и згаважананид̣̇д̣̇зсам̣ гад̇ваа буна ‘‘д̇з д̇з д̇хаммаа’’д̇и б̣ахуважананид̣̇д̣̇зсо ‘‘яам̣ яа’’нд̇и вуд̇д̇асса аарамман̣ад̇хаммасса анзгабхаавоби ад̇т̇ийд̇и д̣̇ассанад̇т̇о. жад̇д̇ааро хи канд̇хаа сахзва аарамман̣абажжаяаа хонд̇и, д̇з саб̣б̣зби аараб̣бха уббаж̇ж̇амаанамби д̇зсу згзгам̣ аараб̣бха уббаж̇ж̇амаанам̣ на на ход̇и, д̇асмаа взд̣̇анаад̣̇ийсу пассаад̣̇ийсу жа згзгассаби аарамман̣абажжаяабхаавад̣̇ассанад̇т̇ам̣ ‘‘яам̣ яа’’нд̇и вуд̇д̇ам̣, саб̣б̣зсам̣ згажид̇д̇уббаад̣̇абарияаабаннаанам̣ аарамман̣абажжаяабхаавад̣̇ассанад̇т̇ам̣ ‘‘д̇з д̇з’’д̇и. д̇ад̇т̇а яо жа руубаад̣̇иго згзгова яам̣яам̣-сад̣̇д̣̇зна вуд̇д̇о, яз жа анзгз пассаад̣̇аяо згзгавасзна яам̣яам̣-сад̣̇д̣̇зна вуд̇д̇аа, д̇з саб̣б̣з г̇ахзд̇ваа ‘‘д̇з д̇з’’д̇и вуд̇д̇анд̇и д̣̇адтаб̣б̣ам̣. ат̇а ваа яасмим̣ гаалз аараб̣бха уббаж̇ж̇анд̇и, д̇асмим̣ гаалз нийлаад̣̇ийсу жид̇д̇уббаад̣̇зсу жа згзгамзва аараб̣бха уббаж̇ж̇анд̇ийд̇и д̣̇ассанад̇т̇ам̣ ‘‘яам̣ яа’’нд̇и вуд̇д̇ам̣, д̇з бана ааламб̣ияамаанаа руубаарамман̣ад̇хаммаа жа анзгз, д̇ат̇аа сад̣̇д̣̇аад̣̇иаарамман̣ад̇хаммаа жаад̇и д̣̇ассанад̇т̇ам̣ ‘‘д̇з д̇з’’д̇и.
Ettha ca ‘‘yaṃ yaṃ dhammaṃ ārabbhā’’ti ekavacananiddesaṃ katvā puna ‘‘te te dhammā’’ti bahuvacananiddeso ‘‘yaṃ ya’’nti vuttassa ārammaṇadhammassa anekabhāvopi atthīti dassanattho. Cattāro hi khandhā saheva ārammaṇapaccayā honti, te sabbepi ārabbha uppajjamānampi tesu ekekaṃ ārabbha uppajjamānaṃ na na hoti, tasmā vedanādīsu phassādīsu ca ekekassapi ārammaṇapaccayabhāvadassanatthaṃ ‘‘yaṃ ya’’nti vuttaṃ, sabbesaṃ ekacittuppādapariyāpannānaṃ ārammaṇapaccayabhāvadassanatthaṃ ‘‘te te’’ti. Tattha yo ca rūpādiko ekekova yaṃyaṃ-saddena vutto, ye ca aneke phassādayo ekekavasena yaṃyaṃ-saddena vuttā, te sabbe gahetvā ‘‘te te’’ti vuttanti daṭṭhabbaṃ. Atha vā yasmiṃ kāle ārabbha uppajjanti, tasmiṃ kāle nīlādīsu cittuppādesu ca ekekameva ārabbha uppajjantīti dassanatthaṃ ‘‘yaṃ ya’’nti vuttaṃ, te pana ālambiyamānā rūpārammaṇadhammā ca aneke, tathā saddādiārammaṇadhammā cāti dassanatthaṃ ‘‘te te’’ti.
ниб̣б̣аанаарамман̣ам̣ гаамааважараруубааважарагусаласса абарияаабаннад̇о гусалавибаагасса гаамааважараруубааважарагирияасса жаад̇и имзсам̣ чаннам̣ раасийнам̣ аарамман̣абажжаяо ход̇ийд̇и ид̣̇ам̣ буб̣б̣зниваасаануссад̇ин̃аан̣зна канд̇хабадиб̣ад̣̇д̇хаануссаран̣агаалз ниб̣б̣аанамби руубааважарагусалагирияаанам̣ аарамман̣ам̣ ход̇ийд̇и иминаа ад̇хиббааязна вуд̇д̇ам̣. звам̣ сад̇и яат̇аа ‘‘аббамаан̣аа канд̇хаа буб̣б̣зниваасаануссад̇ин̃аан̣асса аарамман̣абажжаязна бажжаяо’’д̇и (бадтаа. 2.12.58) вуд̇д̇ам̣, звам̣ ‘‘ниб̣б̣аана’’нд̇и жа вад̇д̇аб̣б̣ам̣ сияаа, на жа д̇ам̣ вуд̇д̇ам̣. на хи ниб̣б̣аанам̣ буб̣б̣з нивудтам̣ асан̇кад̇ад̇д̇аа, на жа буб̣б̣зниваасаануссад̇ин̃аан̣зна буб̣б̣з нивудтзсу аббамаан̣агканд̇хзсу н̃аад̇зсу ниб̣б̣аанаж̇аананз на д̇зна баяож̇анам̣ ад̇т̇и. яат̇аа хи жзд̇обарияан̃аан̣ам̣ жид̇д̇ам̣ вибхаавзнд̇амзва жид̇д̇аарамман̣аж̇аананасса гаамааважарасса бажжаяо ход̇и, звамид̣̇амби аббамаан̣агканд̇хз вибхаавзнд̇амзва д̇ад̣̇аарамман̣аж̇аананасса гаамааважарасса бажжаяо ход̇ийд̇и. д̣̇идтаниб̣б̣ааноязва жа буб̣б̣з нивудтз аббамаан̣агканд̇хз ануссарад̇и, д̇зна яат̇аад̣̇идтамзва ниб̣б̣аанам̣ д̇зсам̣ канд̇хаанам̣ аарамман̣анд̇и д̣̇адтаб̣б̣ам̣, на бана буб̣б̣зниваасаануссад̇ин̃аан̣зна д̇ад̣̇аарамман̣авибхааванам̣ гаад̇аб̣б̣ам̣. вибхууд̇амзва хи д̇ам̣ д̇ассаад̇и. звам̣ анааг̇ад̇ам̣сан̃аан̣зби яат̇аарахам̣ яож̇зд̇аб̣б̣ам̣, д̇асмаа ниб̣б̣аанам̣ на гассажи руубааважарасса аарамман̣анд̇и ‘‘жад̇уннам̣ раасийна’’нд̇и вад̇д̇ум̣ яуд̇д̇ам̣.
Nibbānārammaṇaṃ kāmāvacararūpāvacarakusalassa apariyāpannato kusalavipākassa kāmāvacararūpāvacarakiriyassa cāti imesaṃ channaṃ rāsīnaṃ ārammaṇapaccayo hotīti idaṃ pubbenivāsānussatiñāṇena khandhapaṭibaddhānussaraṇakāle nibbānampi rūpāvacarakusalakiriyānaṃ ārammaṇaṃ hotīti iminā adhippāyena vuttaṃ. Evaṃ sati yathā ‘‘appamāṇā khandhā pubbenivāsānussatiñāṇassa ārammaṇapaccayena paccayo’’ti (paṭṭhā. 2.12.58) vuttaṃ, evaṃ ‘‘nibbāna’’nti ca vattabbaṃ siyā, na ca taṃ vuttaṃ. Na hi nibbānaṃ pubbe nivuṭṭhaṃ asaṅkhatattā, na ca pubbenivāsānussatiñāṇena pubbe nivuṭṭhesu appamāṇakkhandhesu ñātesu nibbānajānane na tena payojanaṃ atthi. Yathā hi cetopariyañāṇaṃ cittaṃ vibhāventameva cittārammaṇajānanassa kāmāvacarassa paccayo hoti, evamidampi appamāṇakkhandhe vibhāventameva tadārammaṇajānanassa kāmāvacarassa paccayo hotīti. Diṭṭhanibbānoyeva ca pubbe nivuṭṭhe appamāṇakkhandhe anussarati, tena yathādiṭṭhameva nibbānaṃ tesaṃ khandhānaṃ ārammaṇanti daṭṭhabbaṃ, na pana pubbenivāsānussatiñāṇena tadārammaṇavibhāvanaṃ kātabbaṃ. Vibhūtameva hi taṃ tassāti. Evaṃ anāgataṃsañāṇepi yathārahaṃ yojetabbaṃ, tasmā nibbānaṃ na kassaci rūpāvacarassa ārammaṇanti ‘‘catunnaṃ rāsīna’’nti vattuṃ yuttaṃ.
аарамман̣абажжаяанид̣̇д̣̇зсаван̣н̣анаа нидтид̇аа.
Ārammaṇapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. аарамман̣абажжаяанид̣̇д̣̇зсаван̣н̣анаа • 2. Ārammaṇapaccayaniddesavaṇṇanā
