| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. аарамман̣абажжаяанид̣̇д̣̇зсаван̣н̣анаа
2. Ārammaṇapaccayaniddesavaṇṇanā
2. уббаж̇ж̇анагкан̣зязваад̇и зд̇т̇а уббаад̣̇ад̇о бадтааяа яаава бхан̇г̇аа уд̣̇д̇хам̣ баж̇ж̇анам̣ г̇аманам̣ бавад̇д̇анам̣ уббаж̇ж̇анам̣, д̇асса кан̣о, д̇асмим̣ уббаж̇ж̇анагкан̣зд̇и звам̣ ваа ад̇т̇о д̣̇адтаб̣б̣о. зван̃хи сад̇и уббаж̇ж̇анасад̣̇д̣̇зна уббаннасад̣̇д̣̇зна вияа саб̣б̣з бавад̇д̇амаанабхааваа сан̇г̇ахид̇аа хонд̇и, на уббаад̣̇амад̇д̇ам̣. д̇знаад̇и жагкувин̃н̃аан̣аад̣̇ийнам̣ вад̇д̇амаанагкан̣зязва руубаад̣̇ийнам̣ аарамман̣абажжаяад̇д̇зна. анааламб̣ияамаанаананд̇и саб̣б̣зна саб̣б̣ам̣ нааламб̣ияамаанаананд̇и ад̇т̇о. ан̃н̃ат̇аа хи яат̇аавуд̇д̇аанам̣ руубаад̣̇ийнам̣ яад̣̇аа аарамман̣абажжаяад̇д̇аабхааво, д̇ад̣̇аа анааламб̣ияамаанад̇ааваад̇и. саб̣б̣аруубаанийд̇и саб̣б̣аани руубааяад̇анаани, яад̇д̇агаани д̇аани аабаат̇аг̇ад̇аани яог̇яад̣̇зсз тид̇аани, д̇аани саб̣б̣аанийд̇и ад̇т̇о. саха на хонд̇ийд̇и згаж̇жхам̣ аарамман̣ам̣ на хонд̇и. сад̇иби хи анзгзсам̣ згаж̇жхам̣ аабаат̇аг̇аманз яад̇т̇а яад̇т̇а буб̣б̣аабхог̇о, д̇ам̣ д̇ам̣язва аарамман̣ам̣ ход̇и, на саб̣б̣ам̣. нийлаад̣̇исан̇гхаад̇авасзна жзд̇ам̣ вуд̇д̇ам̣, на бажжзгам̣ нийлаад̣̇ируубааяад̇анамад̇д̇авасзна. самуд̣̇ид̇ааниязва хи руубааяад̇анаани жагкувин̃н̃аан̣асса аарамман̣ам̣, на висум̣ висунд̇и д̇хаад̇увибхан̇г̇аван̣н̣анааяам̣ д̣̇ассид̇ояам̣ наяо. яам̣ бана адтагат̇ааяам̣ ‘‘д̇з д̇з висум̣ висум̣ аарамман̣абажжаяо хонд̇ий’’д̇иби вуд̇д̇ам̣, д̇амби яат̇аавуд̇д̇амзвад̇т̇ам̣ санд̇хааяа вуд̇д̇ам̣. ан̃н̃ат̇аа руубааяад̇анам̣ манинд̣̇рияаг̇ожарам̣ наама на сияаа. сад̣̇д̣̇аад̣̇ийсуби зсзва наяо. д̇знзвааха ‘‘д̇ат̇аа сад̣̇д̣̇аад̣̇аяобий’’д̇и. ‘‘саха на хонд̇ий’’д̇и вуд̇д̇амад̇т̇ам̣ баал̣ияаа вибхаавзд̇ум̣ ‘‘яам̣ яанд̇и хи важанам̣ руубаад̣̇ийни бхинд̣̇ад̇ий’’д̇и ааха.
2. Uppajjanakkhaṇeyevāti ettha uppādato paṭṭhāya yāva bhaṅgā uddhaṃ pajjanaṃ gamanaṃ pavattanaṃ uppajjanaṃ, tassa khaṇo, tasmiṃ uppajjanakkhaṇeti evaṃ vā attho daṭṭhabbo. Evañhi sati uppajjanasaddena uppannasaddena viya sabbe pavattamānabhāvā saṅgahitā honti, na uppādamattaṃ. Tenāti cakkhuviññāṇādīnaṃ vattamānakkhaṇeyeva rūpādīnaṃ ārammaṇapaccayattena. Anālambiyamānānanti sabbena sabbaṃ nālambiyamānānanti attho. Aññathā hi yathāvuttānaṃ rūpādīnaṃ yadā ārammaṇapaccayattābhāvo, tadā anālambiyamānatāvāti. Sabbarūpānīti sabbāni rūpāyatanāni, yattakāni tāni āpāthagatāni yogyadese ṭhitāni, tāni sabbānīti attho. Saha na hontīti ekajjhaṃ ārammaṇaṃ na honti. Satipi hi anekesaṃ ekajjhaṃ āpāthagamane yattha yattha pubbābhogo, taṃ taṃyeva ārammaṇaṃ hoti, na sabbaṃ. Nīlādisaṅghātavasena cetaṃ vuttaṃ, na paccekaṃ nīlādirūpāyatanamattavasena. Samuditāniyeva hi rūpāyatanāni cakkhuviññāṇassa ārammaṇaṃ, na visuṃ visunti dhātuvibhaṅgavaṇṇanāyaṃ dassitoyaṃ nayo. Yaṃ pana aṭṭhakathāyaṃ ‘‘te te visuṃ visuṃ ārammaṇapaccayo hontī’’tipi vuttaṃ, tampi yathāvuttamevatthaṃ sandhāya vuttaṃ. Aññathā rūpāyatanaṃ manindriyagocaraṃ nāma na siyā. Saddādīsupi eseva nayo. Tenevāha ‘‘tathā saddādayopī’’ti. ‘‘Saha na hontī’’ti vuttamatthaṃ pāḷiyā vibhāvetuṃ ‘‘yaṃ yanti hi vacanaṃ rūpādīni bhindatī’’ti āha.
‘‘яз зд̇з’’д̇иаад̣̇иго буримо ад̇т̇о, ‘‘на згад̇о хонд̇ий’’д̇иаад̣̇иго бана бажчимо, ‘‘саб̣б̣аарамман̣ад̇аад̣̇ивасзна ваа ид̇хааби ад̇т̇о г̇ахзд̇аб̣б̣о’’д̇и гасмаа вуд̇д̇ам̣. на хи ‘‘яам̣ яам̣ ваа банаараб̣бхаа’’д̇и имиссаа баал̣ияаа вияа ‘‘яам̣ яам̣ д̇хаммам̣ аараб̣бхаа’’д̇и имасса баатасса бурад̇о мановин̃н̃аан̣асса саб̣б̣аарамман̣ад̇аа нааг̇ад̇аа. вуд̇д̇ан̃хи ‘‘саб̣б̣з д̇хаммаа мановин̃н̃аан̣ад̇хаад̇уяаа д̇ам̣самбаяуд̇д̇агаанан̃жа д̇хаммаанам̣ аарамман̣абажжаязна бажжаяо’’д̇и. на хи ананд̇арамзва баал̣ияам̣ саруубад̇о ааг̇ад̇амад̇т̇ам̣ г̇ахзд̇ваа бад̣̇анд̇арам̣ сам̣ван̣н̣зд̇аб̣б̣ам̣. д̇ад̇т̇а хи ‘‘руубаарамман̣ам̣ ваа’’д̇иаад̣̇инаа нияамавасзна ча аарамман̣аани вад̇ваа ‘‘яам̣ яам̣ ваа банаараб̣бхаа’’д̇и важанам̣ саб̣б̣аарамман̣ад̇аад̣̇ид̣̇ассананд̇и яуд̇д̇амзвзд̇анд̇и, ид̇ха бана саб̣б̣аарамман̣ад̇ам̣ вад̇ваа буна ‘‘яам̣ яам̣ д̇хаммам̣ аараб̣бхаа’’д̇и вужжамаанам̣ саб̣б̣аарамман̣ад̇аад̣̇ассананд̇и гат̇амид̣̇ам̣ яуж̇ж̇зяяа? гамаабхаавоби ‘‘саб̣б̣з д̇хаммаа’’д̇и ависзсаважанзнзва сид̣̇д̇хо аарамман̣аанубуб̣б̣ияаава аг̇г̇ахид̇ад̇д̇аа. на хи манод̇хаад̇уяаа вияа мановин̃н̃аан̣ад̇хаад̇уяаа ид̇ха аарамман̣аани анубуб̣б̣ад̇о г̇ахид̇аани, д̇ад̇т̇а вияа ваа зд̇знзва нияамаабхаавоби сам̣ван̣н̣ид̇од̇и взд̣̇ид̇аб̣б̣о. д̇асмаа адтагат̇ааяам̣ вуд̇д̇анаязнзвзд̇т̇а ад̇т̇о г̇ахзд̇аб̣б̣о.
‘‘Ye ete’’tiādiko purimo attho, ‘‘na ekato hontī’’tiādiko pana pacchimo, ‘‘sabbārammaṇatādivasena vā idhāpi attho gahetabbo’’ti kasmā vuttaṃ. Na hi ‘‘yaṃ yaṃ vā panārabbhā’’ti imissā pāḷiyā viya ‘‘yaṃ yaṃ dhammaṃ ārabbhā’’ti imassa pāṭhassa purato manoviññāṇassa sabbārammaṇatā nāgatā. Vuttañhi ‘‘sabbe dhammā manoviññāṇadhātuyā taṃsampayuttakānañca dhammānaṃ ārammaṇapaccayena paccayo’’ti. Na hi anantarameva pāḷiyaṃ sarūpato āgatamatthaṃ gahetvā padantaraṃ saṃvaṇṇetabbaṃ. Tattha hi ‘‘rūpārammaṇaṃ vā’’tiādinā niyamavasena cha ārammaṇāni vatvā ‘‘yaṃ yaṃ vā panārabbhā’’ti vacanaṃ sabbārammaṇatādidassananti yuttamevetanti, idha pana sabbārammaṇataṃ vatvā puna ‘‘yaṃ yaṃ dhammaṃ ārabbhā’’ti vuccamānaṃ sabbārammaṇatādassananti kathamidaṃ yujjeyya? Kamābhāvopi ‘‘sabbe dhammā’’ti avisesavacaneneva siddho ārammaṇānupubbiyāva aggahitattā. Na hi manodhātuyā viya manoviññāṇadhātuyā idha ārammaṇāni anupubbato gahitāni, tattha viya vā eteneva niyamābhāvopi saṃvaṇṇitoti veditabbo. Tasmā aṭṭhakathāyaṃ vuttanayenevettha attho gahetabbo.
бавад̇д̇анд̇и бавад̇д̇анам̣. над̣̇ияаа санд̣̇анам̣ баб̣б̣ад̇асса таананд̇и хи вуд̇д̇аа авирад̇амавижчзд̣̇анааяам̣ д̇ат̇аабавад̇д̇игирияаава. д̇знааха ‘‘авирад̇ам̣ авижчиннам̣ санд̣̇анд̇ий’’д̇и. званд̇и яат̇аа ‘‘санд̣̇анд̇ий’’д̇и вад̇д̇амаанаважанам̣ вуд̇д̇ам̣, звам̣ ‘‘яз яз д̇хаммаа уббаж̇ж̇анд̇ий’’д̇и саб̣б̣асан̇г̇ахавасзна уббаж̇ж̇анасса г̇ахид̇ад̇д̇аа аарамман̣абаваг̇г̇ад̇о ‘‘уббаж̇ж̇анд̇ий’’д̇и вад̇д̇амаанаважанам̣ вуд̇д̇анд̇и ад̇т̇о. д̇знааха адтагат̇ааяам̣ ‘‘саб̣б̣агааласан̇г̇ахавасзнаа’’д̇иаад̣̇и. д̇ат̇аа жа вуд̇д̇ам̣ ‘‘ад̇ийд̇аанааг̇ад̇а…бз… ад̇хиббааяо’’д̇и, ад̇ийд̇аанааг̇ад̇абажжуббаннаанам̣ жид̇д̇ажзд̇асигаананд̇и ад̇т̇о. самуд̣̇ааяавасзнаад̇и жид̇д̇зна раасийгаран̣авасзна. ад̇хиббааяод̇и иминаа вад̇д̇амаанубажаарзна винаава ‘‘яз яз д̇хаммаа уббаж̇ж̇анд̇ий’’д̇и зд̇т̇а вад̇д̇амаанад̇т̇ам̣ саггаа яож̇зд̇унд̇и имамад̇т̇ам̣ уллин̇г̇зд̇и. д̇знааха ‘‘имз банаа’’д̇иаад̣̇и. яад̣̇иби бажжаяад̇хаммаа гзжи ад̇ийд̇аа анааг̇ад̇ааби хонд̇и, бажжаяуббаннад̇хаммо бана бажжуббанно зваад̇и ааха ‘‘ад̇ийд̇аанааг̇ад̇аанам̣ на хонд̇ий’’д̇и. уббаад̣̇з ваа хи бажжаяуббаннасса бажжаязна бхавид̇аб̣б̣ам̣ тид̇ияам̣ ваад̇и. д̇асмаад̇и яасмаа ад̇ийд̇аанааг̇ад̇аа барамад̇т̇ад̇о над̇т̇и, д̇асмаа. д̇зсууд̇и бажжаяуббаннзсу. д̇ам̣д̇ам̣бажжаяаад̇и д̇ам̣ д̇ам̣ руубаад̣̇иаарамман̣ам̣ бажжаяо зд̇зсанд̇и д̇ам̣д̇ам̣бажжаяаа. аяамад̇т̇о д̣̇ассид̇о ход̇и самаанасабхаавад̇д̇аа. на хи ад̇т̇аабхзд̣̇зна сабхаавабхзд̣̇о ад̇т̇и. на бана д̇ам̣д̇ам̣бажжаяаванд̇ад̇аа д̣̇ассид̇аа ход̇и ад̇ийд̇аанааг̇ад̇зсу ниббарияааязна д̇ад̣̇абхаавад̇о. яасмаа бажжаяаванд̇о бажжаяуббаннааязва, д̇з жа бажжуббаннааязваад̇и.
Pavattanti pavattanaṃ. Nadiyā sandanaṃ pabbatassa ṭhānanti hi vuttā aviratamavicchedanāyaṃ tathāpavattikiriyāva. Tenāha ‘‘avirataṃ avicchinnaṃ sandantī’’ti. Evanti yathā ‘‘sandantī’’ti vattamānavacanaṃ vuttaṃ, evaṃ ‘‘ye ye dhammā uppajjantī’’ti sabbasaṅgahavasena uppajjanassa gahitattā ārammaṇapavaggato ‘‘uppajjantī’’ti vattamānavacanaṃ vuttanti attho. Tenāha aṭṭhakathāyaṃ ‘‘sabbakālasaṅgahavasenā’’tiādi. Tathā ca vuttaṃ ‘‘atītānāgata…pe… adhippāyo’’ti, atītānāgatapaccuppannānaṃ cittacetasikānanti attho. Samudāyavasenāti cittena rāsīkaraṇavasena. Adhippāyoti iminā vattamānupacārena vināva ‘‘ye ye dhammā uppajjantī’’ti ettha vattamānatthaṃ sakkā yojetunti imamatthaṃ ulliṅgeti. Tenāha ‘‘ime panā’’tiādi. Yadipi paccayadhammā keci atītā anāgatāpi honti, paccayuppannadhammo pana paccuppanno evāti āha ‘‘atītānāgatānaṃ na hontī’’ti. Uppāde vā hi paccayuppannassa paccayena bhavitabbaṃ ṭhitiyaṃ vāti. Tasmāti yasmā atītānāgatā paramatthato natthi, tasmā. Tesūti paccayuppannesu. Taṃtaṃpaccayāti taṃ taṃ rūpādiārammaṇaṃ paccayo etesanti taṃtaṃpaccayā. Ayamattho dassito hoti samānasabhāvattā. Na hi atthābhedena sabhāvabhedo atthi. Na pana taṃtaṃpaccayavantatā dassitā hoti atītānāgatesu nippariyāyena tadabhāvato. Yasmā paccayavanto paccayuppannāyeva, te ca paccuppannāyevāti.
яам̣ яам̣ д̇хаммам̣ д̇з д̇з д̇хаммаад̇и яам̣нимид̇д̇ааяам̣важанабхзд̣̇о, д̇ам̣ д̣̇ассзд̇ум̣ ‘‘зд̇т̇а жаа’’д̇иаад̣̇и аарад̣̇д̇хам̣. руубааруубад̇хаммаа хи галаабад̇о бавад̇д̇амаанааби жид̇д̇ажзд̇асигаанам̣ гад̣̇аажи висум̣ висум̣ аарамман̣ам̣ хонд̇и, гад̣̇аажи згаж̇жхам̣, на зд̇т̇а нияамо ад̇т̇и, буримаабхог̇оязва бана д̇ат̇ааг̇ахан̣з гааран̣ам̣. д̇аяимам̣ д̣̇ийбзд̇ум̣ бхаг̇авад̇аа яам̣важанабхзд̣̇о гад̇од̇и жа саггаа вад̇д̇ум̣, яасмаа бана згагалаабабарияаабаннаанамби д̇хаммаанам̣ згаж̇жхам̣ г̇ахан̣з на самуд̣̇ааяо г̇аяхад̇и д̇ад̣̇аабхог̇аабхаавад̇о, ат̇а ко самуд̣̇ид̇аа д̇хаммаа зваад̇и сахаг̇г̇ахан̣амби висум̣г̇ахан̣аг̇ад̇игам̣, д̇асмаа висум̣г̇ахан̣асаб̣бхаавад̣̇ийбанад̇т̇ам̣ ‘‘яам̣ яа’’нд̇и вад̇ваа сад̇иби висум̣г̇ахан̣з д̇з саб̣б̣з згаж̇жхам̣ аарамман̣абажжаяо хонд̇ийд̇и д̣̇ассанад̇т̇ам̣ ‘‘д̇з д̇з’’д̇и вуд̇д̇анд̇и имамад̇т̇ам̣ д̣̇ассзнд̇о ‘‘жад̇д̇ааро хи канд̇хаа’’д̇иаад̣̇имааха. д̇ад̇т̇а взд̣̇анаад̣̇ийсууд̇и взд̣̇анаад̣̇ийсу жад̇уусу канд̇хзсу абхинд̣̇ид̇ваа г̇ахан̣авасзна, бхинд̣̇ид̇ваа бана г̇ахан̣авасзна пассаад̣̇ийсу. яо жа руубаад̣̇игод̇и ид̣̇ам̣ вин̃н̃аан̣анд̇арасса саад̇хааран̣аарамман̣авасзна вуд̇д̇ам̣, яз жа анзгз пассаад̣̇аяод̇и ид̣̇ам̣ асаад̇хааран̣аарамман̣авасзна. д̇з саб̣б̣зд̇и д̇з саад̇хааран̣аасаад̇хааран̣аббабхзд̣̇з саб̣б̣зби аарамман̣ад̇хаммз. згзгамзва аараб̣бха уббаж̇ж̇анд̇ийд̇и зд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇амзва. руубаарамман̣ад̇хаммаа жа анзгз нийлаад̣̇ибхзд̣̇ад̇о. д̇ат̇аад̇и анзгз. д̇зна бхзрисад̣̇д̣̇аад̣̇игз, муулаг̇анд̇хаад̣̇игз, мууларасаад̣̇игз, гат̇инасампассаад̣̇игз, взд̣̇анаад̣̇игз жа сан̇г̇ан̣хаад̇и. анзгзд̇и хи иминаа анзгагалаабаг̇ад̇аанам̣язва ван̣н̣аад̣̇ийнам̣ инд̣̇рияавин̃н̃аан̣аарамман̣абхаавамааха. сааман̃н̃ад̇о хи вуд̇д̇ам̣ яат̇аарахам̣ бхинд̣̇ид̇ваа нид̣̇ассид̇аб̣б̣ам̣ ход̇ийд̇и.
Yaṃyaṃ dhammaṃ te te dhammāti yaṃnimittāyaṃvacanabhedo, taṃ dassetuṃ ‘‘ettha cā’’tiādi āraddhaṃ. Rūpārūpadhammā hi kalāpato pavattamānāpi cittacetasikānaṃ kadāci visuṃ visuṃ ārammaṇaṃ honti, kadāci ekajjhaṃ, na ettha niyamo atthi, purimābhogoyeva pana tathāgahaṇe kāraṇaṃ. Tayimaṃ dīpetuṃ bhagavatā yaṃvacanabhedo katoti ca sakkā vattuṃ, yasmā pana ekakalāpapariyāpannānampi dhammānaṃ ekajjhaṃ gahaṇe na samudāyo gayhati tadābhogābhāvato, atha kho samuditā dhammā evāti sahaggahaṇampi visuṃgahaṇagatikaṃ, tasmā visuṃgahaṇasabbhāvadīpanatthaṃ ‘‘yaṃ ya’’nti vatvā satipi visuṃgahaṇe te sabbe ekajjhaṃ ārammaṇapaccayo hontīti dassanatthaṃ ‘‘te te’’ti vuttanti imamatthaṃ dassento ‘‘cattāro hi khandhā’’tiādimāha. Tattha vedanādīsūti vedanādīsu catūsu khandhesu abhinditvā gahaṇavasena, bhinditvā pana gahaṇavasena phassādīsu. Yoca rūpādikoti idaṃ viññāṇantarassa sādhāraṇārammaṇavasena vuttaṃ, ye ca aneke phassādayoti idaṃ asādhāraṇārammaṇavasena. Te sabbeti te sādhāraṇāsādhāraṇappabhede sabbepi ārammaṇadhamme. Ekekameva ārabbha uppajjantīti ettha yaṃ vattabbaṃ, taṃ heṭṭhā vuttameva. Rūpārammaṇadhammā ca aneke nīlādibhedato. Tathāti aneke. Tena bherisaddādike, mūlagandhādike, mūlarasādike, kathinasamphassādike, vedanādike ca saṅgaṇhāti. Aneketi hi iminā anekakalāpagatānaṃyeva vaṇṇādīnaṃ indriyaviññāṇārammaṇabhāvamāha. Sāmaññato hi vuttaṃ yathārahaṃ bhinditvā nidassitabbaṃ hotīti.
гусалавибаагассаад̇и гусаласса вибаагасса жа. на хи ниб̣б̣аанам̣ буб̣б̣з нивуд̇т̇анд̇и ид̣̇ам̣ ‘‘д̣̇идтаниб̣б̣ааноязваа’’д̇иаад̣̇инаа вагкамаанамзва ад̇т̇ам̣ хад̣̇аяз табзд̇ваа вуд̇д̇ам̣. буб̣б̣зниваасаануссад̇ин̃аан̣зна хи ниб̣б̣аанавибхааванам̣ ад̣̇идтасажжасса ваа сияаа д̣̇идтасажжассаби ваа. д̇ад̇т̇а ад̣̇идтасажжзна д̇аава д̇ам̣ вибхаавзд̇умзва на саггаа аббадивид̣̇д̇хад̇д̇аа, ид̇арасса бана баг̇зва вибхууд̇амзваад̇и д̇ам̣ д̇зна вибхаавид̇ам̣ наама ход̇ийд̇и ад̇хиббааяо. зд̇т̇а жа ‘‘на жа д̇ам̣ вуд̇д̇а’’нд̇и иминаа буб̣б̣зниваасаануссад̇ин̃аан̣асса ниб̣б̣аанаарамман̣агаран̣аабхаавам̣ ааг̇амад̇о д̣̇ассзд̇ваа ‘‘на хи ниб̣б̣аана’’нд̇иаад̣̇инаа яуд̇д̇ид̇о д̣̇ассзд̇и. д̇ад̇т̇а ‘‘на буб̣б̣з нивуд̇т̇ам̣ асан̇кад̇ад̇д̇аа’’д̇и гасмаа вуд̇д̇ам̣? г̇ожараасзванааяа аасзвид̇ассаби нивуд̇т̇анд̇и ижчид̇ад̇д̇аа. д̣̇идтасажжоязва хи буб̣б̣зниваасаануссад̇ин̃аан̣зна ниб̣б̣аанам̣ вибхаавзд̇и, на ад̣̇идтасажжо. д̇ам̣ бана н̃аан̣ам̣ канд̇хз вияа канд̇хабадиб̣ад̣̇д̇хзби вибхаавзд̇ийд̇и ниб̣б̣аанаарамман̣аканд̇хавибхааванз ниб̣б̣аанамби вибхаавзд̇ийд̇и саггаа вин̃н̃аад̇ум̣. зд̇зна баяож̇анаабхааважод̣̇анаа бадигкид̇д̇аад̇и д̣̇адтаб̣б̣аа. звам̣ анааг̇ад̇ам̣сан̃аан̣зби яож̇зд̇аб̣б̣анд̇и яат̇аа буб̣б̣зниваасаануссад̇ин̃аан̣асса ниб̣б̣аанаарамман̣ад̇аа д̣̇ассид̇аа, звам̣ анааг̇ад̇ам̣сан̃аан̣зби яат̇аарахам̣ яож̇зд̇аб̣б̣ам̣. д̇ад̇т̇а бана ‘‘канд̇хабадиб̣ад̣̇д̇хавибхааванагаалз’’д̇иаад̣̇инаа яож̇анаа взд̣̇ид̇аб̣б̣аа. д̇зна вуд̇д̇ам̣ ‘‘яат̇аараха’’нд̇и. гассажи абхин̃н̃ааббад̇д̇ассаби руубааважарасса, баг̇зва ид̇арасса.
Kusalavipākassāti kusalassa vipākassa ca. Na hi nibbānaṃ pubbe nivutthanti idaṃ ‘‘diṭṭhanibbānoyevā’’tiādinā vakkhamānameva atthaṃ hadaye ṭhapetvā vuttaṃ. Pubbenivāsānussatiñāṇena hi nibbānavibhāvanaṃ adiṭṭhasaccassa vā siyā diṭṭhasaccassapi vā. Tattha adiṭṭhasaccena tāva taṃ vibhāvetumeva na sakkā appaṭividdhattā, itarassa pana pageva vibhūtamevāti taṃ tena vibhāvitaṃ nāma hotīti adhippāyo. Ettha ca ‘‘na ca taṃ vutta’’nti iminā pubbenivāsānussatiñāṇassa nibbānārammaṇakaraṇābhāvaṃ āgamato dassetvā ‘‘na hi nibbāna’’ntiādinā yuttito dasseti. Tattha ‘‘na pubbe nivutthaṃ asaṅkhatattā’’ti kasmā vuttaṃ? Gocarāsevanāya āsevitassapi nivutthanti icchitattā. Diṭṭhasaccoyeva hi pubbenivāsānussatiñāṇena nibbānaṃ vibhāveti, na adiṭṭhasacco. Taṃ pana ñāṇaṃ khandhe viya khandhapaṭibaddhepi vibhāvetīti nibbānārammaṇakhandhavibhāvane nibbānampi vibhāvetīti sakkā viññātuṃ. Etena payojanābhāvacodanā paṭikkhittāti daṭṭhabbā. Evaṃ anāgataṃsañāṇepi yojetabbanti yathā pubbenivāsānussatiñāṇassa nibbānārammaṇatā dassitā, evaṃ anāgataṃsañāṇepi yathārahaṃ yojetabbaṃ. Tattha pana ‘‘khandhapaṭibaddhavibhāvanakāle’’tiādinā yojanā veditabbā. Tena vuttaṃ ‘‘yathāraha’’nti. Kassaci abhiññāppattassapi rūpāvacarassa, pageva itarassa.
аарамман̣абажжаяанид̣̇д̣̇зсаван̣н̣анаа нидтид̇аа.
Ārammaṇapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. аарамман̣абажжаяанид̣̇д̣̇зсаван̣н̣анаа • 2. Ārammaṇapaccayaniddesavaṇṇanā
