| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
аарамман̣абадибад̣̇аамиссагам̣
Ārammaṇapaṭipadāmissakaṃ
186. ид̣̇аани аарамман̣абадибад̣̇аамиссагам̣ сол̣асагкад̇д̇уганаяам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а батаманаяз вуд̇д̇аж̇жхаанам̣ д̣̇угкабадибад̣̇ад̇д̇аа д̣̇анд̇хаабхин̃н̃ад̇д̇аа барид̇д̇ад̇д̇аа барид̇д̇аарамман̣ад̇д̇аад̇и жад̇уухи гааран̣зхи хийнам̣, сол̣асаманаяз вуд̇д̇аж̇жхаанам̣ сукабадибад̣̇ад̇д̇аа киббаабхин̃н̃ад̇д̇аа аббамаан̣ад̇д̇аа аббамаан̣аарамман̣ад̇д̇аад̇и жад̇уухи гааран̣зхи бан̣ийд̇ам̣. сзсзсу жуд̣̇д̣̇асасу згзна д̣̇вийхи д̇ийхи жа гааран̣зхи хийнаббан̣ийд̇ад̇аа взд̣̇ид̇аб̣б̣аа.
186. Idāni ārammaṇapaṭipadāmissakaṃ soḷasakkhattukanayaṃ dassetuṃ puna katame dhammā kusalātiādi āraddhaṃ. Tattha paṭhamanaye vuttajjhānaṃ dukkhapaṭipadattā dandhābhiññattā parittattā parittārammaṇattāti catūhi kāraṇehi hīnaṃ, soḷasamanaye vuttajjhānaṃ sukhapaṭipadattā khippābhiññattā appamāṇattā appamāṇārammaṇattāti catūhi kāraṇehi paṇītaṃ. Sesesu cuddasasu ekena dvīhi tīhi ca kāraṇehi hīnappaṇītatā veditabbā.
гасмаа банааяам̣ наяо д̣̇зсид̇од̇и? жхаануббад̇д̇игааран̣ад̇д̇аа. саммаасамб̣уд̣̇д̇хзна хи бат̇авийгасин̣з суд̣̇д̇хигаж̇жхаанам̣ жад̇угганаяавасзна бан̃жаганаяавасзна жа д̣̇ассид̇ам̣; д̇ат̇аа суд̣̇д̇хигабадибад̣̇аа, д̇ат̇аа суд̣̇д̇хигаарамман̣ам̣. д̇ад̇т̇а яаа д̣̇звад̇аа бат̇авийгасин̣з суд̣̇д̇хигаж̇жхаанам̣ жад̇угганаяавасзна д̣̇зсияамаанам̣ б̣уж̇жхид̇ум̣ саггонд̇и, д̇аасам̣ саббааяавасзна суд̣̇д̇хигаж̇жхаанз жад̇угганаяо д̣̇зсид̇о. яаа бан̃жаганаяавасзна д̣̇зсияамаанам̣ б̣уж̇жхид̇ум̣ саггонд̇и, д̇аасам̣ саббааяавасзна бан̃жаганаяо. яаа суд̣̇д̇хигабадибад̣̇ааяа , суд̣̇д̇хигаарамман̣з жад̇угганаяавасзна д̣̇зсияамаанам̣ б̣уж̇жхид̇ум̣ саггонд̇и, д̇аасам̣ саббааяавасзна суд̣̇д̇хигабадибад̣̇ааяа суд̣̇д̇хигаарамман̣з жад̇угганаяо д̣̇зсид̇о. яаа бан̃жаганаяавасзна д̣̇зсияамаанам̣ б̣уж̇жхид̇ум̣ саггонд̇и д̇аасам̣ саббааяавасзна бан̃жаганаяо. ид̇и хздтаа буг̇г̇алаж̇жхаасаяавасзна д̣̇зсанаа гад̇аа.
Kasmā panāyaṃ nayo desitoti? Jhānuppattikāraṇattā. Sammāsambuddhena hi pathavīkasiṇe suddhikajjhānaṃ catukkanayavasena pañcakanayavasena ca dassitaṃ; tathā suddhikapaṭipadā, tathā suddhikārammaṇaṃ. Tattha yā devatā pathavīkasiṇe suddhikajjhānaṃ catukkanayavasena desiyamānaṃ bujjhituṃ sakkonti, tāsaṃ sappāyavasena suddhikajjhāne catukkanayo desito. Yā pañcakanayavasena desiyamānaṃ bujjhituṃ sakkonti, tāsaṃ sappāyavasena pañcakanayo. Yā suddhikapaṭipadāya , suddhikārammaṇe catukkanayavasena desiyamānaṃ bujjhituṃ sakkonti, tāsaṃ sappāyavasena suddhikapaṭipadāya suddhikārammaṇe catukkanayo desito. Yā pañcakanayavasena desiyamānaṃ bujjhituṃ sakkonti tāsaṃ sappāyavasena pañcakanayo. Iti heṭṭhā puggalajjhāsayavasena desanā katā.
д̣̇зсанаавилаасаббад̇д̇о жзса бабхиннабадисамбхид̣̇о д̣̇асаб̣алажад̇увзсаараж̇ж̇ависад̣̇ан̃аан̣о д̇хаммаанам̣ яаат̇аавасарасалагкан̣асса суббадивид̣̇д̇хад̇д̇аа д̇хаммабан̃н̃ад̇д̇игусалад̇ааяа яо яо наяо лаб̣бхад̇и д̇асса д̇асса васзна д̣̇зсанам̣ нияамзд̇ум̣ саггод̇и, д̇асмаа имааяа д̣̇зсанаавилаасаббад̇д̇ияааби д̇зна зсаа бат̇авийгасин̣з суд̣̇д̇хигажад̇угганаяаад̣̇ивасзна д̣̇зсанаа гад̇аа.
Desanāvilāsappatto cesa pabhinnapaṭisambhido dasabalacatuvesārajjavisadañāṇo dhammānaṃ yāthāvasarasalakkhaṇassa suppaṭividdhattā dhammapaññattikusalatāya yo yo nayo labbhati tassa tassa vasena desanaṃ niyametuṃ sakkoti, tasmā imāya desanāvilāsappattiyāpi tena esā pathavīkasiṇe suddhikacatukkanayādivasena desanā katā.
яасмаа бана яз гзжи жхаанам̣ уббаад̣̇знд̇и наама на д̇з аарамман̣абадибад̣̇аахи винаа уббаад̣̇зд̇ум̣ саггонд̇и, д̇асмаа нияамад̇о жхаануббад̇д̇игааран̣ад̇д̇аа аяам̣ сол̣асагкад̇д̇уганаяо гат̇ид̇о.
Yasmā pana ye keci jhānaṃ uppādenti nāma na te ārammaṇapaṭipadāhi vinā uppādetuṃ sakkonti, tasmā niyamato jhānuppattikāraṇattā ayaṃ soḷasakkhattukanayo kathito.
зд̇д̇аавад̇аа суд̣̇д̇хиганаваго, жад̇д̇ааро бадибад̣̇аанавагаа, жад̇д̇ааро аарамман̣анавагаа, имз жа сол̣аса навагаад̇и бан̃жавийсад̇и навагаа гат̇ид̇аа хонд̇и. д̇ад̇т̇а згзгасмим̣ навагз жад̇уггабан̃жагавасзна д̣̇вз д̣̇вз наяаад̇и бан̃н̃ааса наяаа. д̇ад̇т̇а ‘‘бан̃жавийсад̇ияаа жад̇угганаязсу сад̇ам̣, бан̃жаганаязсу бан̃жавийсасад̇а’’нд̇и баатад̇о бан̃жавийсаад̇хигаани д̣̇вз жхаанажид̇д̇асад̇аани хонд̇и. бан̃жаганаяз бана жад̇угганаяасса бавидтад̇д̇аа ад̇т̇ад̇о бан̃жавийсаад̇хигамзва жид̇д̇асад̇ам̣ ход̇и. яаани жзд̇аани баатз бан̃жавийсаад̇хигаани д̣̇вз жид̇д̇асад̇аани д̇зсу згзгасса нид̣̇д̣̇зсз д̇хаммававад̇т̇аанаад̣̇аяо д̇аяо д̇аяо махааваараа хонд̇и. д̇з бана д̇ад̇т̇а д̇ад̇т̇а наяамад̇д̇амзва д̣̇ассзд̇ваа сам̣кид̇д̇аад̇и.
Ettāvatā suddhikanavako, cattāro paṭipadānavakā, cattāro ārammaṇanavakā, ime ca soḷasa navakāti pañcavīsati navakā kathitā honti. Tattha ekekasmiṃ navake catukkapañcakavasena dve dve nayāti paññāsa nayā. Tattha ‘‘pañcavīsatiyā catukkanayesu sataṃ, pañcakanayesu pañcavīsasata’’nti pāṭhato pañcavīsādhikāni dve jhānacittasatāni honti. Pañcakanaye pana catukkanayassa paviṭṭhattā atthato pañcavīsādhikameva cittasataṃ hoti. Yāni cetāni pāṭhe pañcavīsādhikāni dve cittasatāni tesu ekekassa niddese dhammavavatthānādayo tayo tayo mahāvārā honti. Te pana tattha tattha nayamattameva dassetvā saṃkhittāti.
бат̇авийгасин̣ам̣.
Pathavīkasiṇaṃ.
203. ид̣̇аани яасмаа аабогасин̣аад̣̇ийсуби зд̇аани жхаанаани уббаж̇ж̇анд̇и, д̇асмаа д̇зсам̣ д̣̇ассанад̇т̇ам̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇зсу саб̣б̣о баал̣инаяо жа ад̇т̇авибхааванаа жа жид̇д̇аг̇ан̣анаа жа ваарасан̇кзбо жа бат̇авийгасин̣з вуд̇д̇анаязнзва взд̣̇ид̇аб̣б̣о. бхааванаанаяо бана гасин̣абаригаммам̣ аад̣̇им̣ гад̇ваа саб̣б̣о висуд̣̇д̇химаг̇г̇з (висуд̣̇д̇хи 1.91 аад̣̇аяо) багаасид̇оязва. махаасагулуд̣̇ааяисуд̇д̇з бана д̣̇асагасин̣аани (ма. ни. 2.250) вуд̇д̇аани. д̇зсу вин̃н̃аан̣агасин̣ам̣ аагаасз бавад̇д̇ид̇амахаг̇г̇ад̇авин̃н̃аан̣амби д̇ад̇т̇а баригаммам̣ гад̇ваа ниб̣б̣ад̇д̇аа вин̃н̃аан̣ан̃жааяад̇анасамаабад̇д̇иби ход̇ийд̇и саб̣б̣аббагаарзна ааруббад̣̇зсанамзва бхаж̇ад̇и, д̇асмаа имасмим̣ таанз на гат̇ид̇ам̣.
203. Idāni yasmā āpokasiṇādīsupi etāni jhānāni uppajjanti, tasmā tesaṃ dassanatthaṃ puna katame dhammā kusalātiādi āraddhaṃ. Tesu sabbo pāḷinayo ca atthavibhāvanā ca cittagaṇanā ca vārasaṅkhepo ca pathavīkasiṇe vuttanayeneva veditabbo. Bhāvanānayo pana kasiṇaparikammaṃ ādiṃ katvā sabbo visuddhimagge (visuddhi 1.91 ādayo) pakāsitoyeva. Mahāsakuludāyisutte pana dasakasiṇāni (ma. ni. 2.250) vuttāni. Tesu viññāṇakasiṇaṃ ākāse pavattitamahaggataviññāṇampi tattha parikammaṃ katvā nibbattā viññāṇañcāyatanasamāpattipi hotīti sabbappakārena āruppadesanameva bhajati, tasmā imasmiṃ ṭhāne na kathitaṃ.
аагаасагасин̣анд̇и бана гасин̣уг̇гхаадимамаагаасамби, д̇ам̣ аарамман̣ам̣ гад̇ваа бавад̇д̇агканд̇хааби, бхид̇д̇ижчид̣̇д̣̇аад̣̇ийсу ан̃н̃ад̇арасмим̣ г̇ахзд̇аб̣б̣анимид̇д̇абарижчзд̣̇аагаасамби, д̇ам̣ аарамман̣ам̣ гад̇ваа уббаннам̣ жад̇уггабан̃жагаж̇жхаанамби вужжад̇и. д̇ад̇т̇а буриманаяо ааруббад̣̇зсанам̣ бхаж̇ад̇и, бажчиманаяо руубааважарад̣̇зсанам̣. ид̇и миссагад̇д̇аа имам̣ руубааважарад̣̇зсанам̣ на аарул̣хам̣. барижчзд̣̇аагаасз ниб̣б̣ад̇д̇аж̇жхаанам̣ бана руубуубабад̇д̇ияаа маг̇г̇о ход̇и д̇асмаа д̇ам̣ г̇ахзд̇аб̣б̣ам̣. д̇асмим̣ бана жад̇уггабан̃жагаж̇жхаанамзва уббаж̇ж̇ад̇и, аруубаж̇жхаанам̣ нуббаж̇ж̇ад̇и. гасмаа? гасин̣уг̇гхааданасса алаабхад̇о. д̇ан̃хи бунаббунам̣ уг̇гхаадияамаанамби аагаасамзва ход̇ийд̇и на д̇ад̇т̇а гасин̣уг̇гхааданам̣ лаб̣бхад̇и, д̇асмаа д̇ад̇т̇уббаннам̣ жхаанам̣ д̣̇идтад̇хаммасукавихаарааяа сам̣вад̇д̇ад̇и, абхин̃н̃аабаад̣̇агам̣ ход̇и, вибассанаабаад̣̇агам̣ ход̇и, нирод̇хабаад̣̇агам̣ на ход̇и. анубуб̣б̣анирод̇хо банзд̇т̇а яаава бан̃жамаж̇жхаанаа лаб̣бхад̇и ваддабаад̣̇агам̣ ход̇иязва. яат̇аа жзд̇ам̣ звам̣ буримагасин̣зсу уббаннам̣ жхаанамби. нирод̇хабаад̣̇агабхааво банзд̇т̇а висзсо. сзсамзд̇т̇а аагаасагасин̣з яам̣ вад̇д̇аб̣б̣ам̣ сияаа д̇ам̣ саб̣б̣ам̣ висуд̣̇д̇химаг̇г̇з (висуд̣̇д̇хи. 1.98-99) вуд̇д̇амзва.
Ākāsakasiṇanti pana kasiṇugghāṭimamākāsampi, taṃ ārammaṇaṃ katvā pavattakkhandhāpi, bhitticchiddādīsu aññatarasmiṃ gahetabbanimittaparicchedākāsampi, taṃ ārammaṇaṃ katvā uppannaṃ catukkapañcakajjhānampi vuccati. Tattha purimanayo āruppadesanaṃ bhajati, pacchimanayo rūpāvacaradesanaṃ. Iti missakattā imaṃ rūpāvacaradesanaṃ na āruḷhaṃ. Paricchedākāse nibbattajjhānaṃ pana rūpūpapattiyā maggo hoti tasmā taṃ gahetabbaṃ. Tasmiṃ pana catukkapañcakajjhānameva uppajjati, arūpajjhānaṃ nuppajjati. Kasmā? Kasiṇugghāṭanassa alābhato. Tañhi punappunaṃ ugghāṭiyamānampi ākāsameva hotīti na tattha kasiṇugghāṭanaṃ labbhati, tasmā tatthuppannaṃ jhānaṃ diṭṭhadhammasukhavihārāya saṃvattati, abhiññāpādakaṃ hoti, vipassanāpādakaṃ hoti, nirodhapādakaṃ na hoti. Anupubbanirodho panettha yāva pañcamajjhānā labbhati vaṭṭapādakaṃ hotiyeva. Yathā cetaṃ evaṃ purimakasiṇesu uppannaṃ jhānampi. Nirodhapādakabhāvo panettha viseso. Sesamettha ākāsakasiṇe yaṃ vattabbaṃ siyā taṃ sabbaṃ visuddhimagge (visuddhi. 1.98-99) vuttameva.
‘згоби худ̇ваа б̣ахуд̇хаа ход̇ий’д̇иаад̣̇инаяам̣ (д̣̇ий. ни. 1.239; бади. ма. 1.102) бана вигуб̣б̣анам̣ ижчанд̇зна буримзсу адтасу гасин̣зсу адта самаабад̇д̇ияо ниб̣б̣ад̇д̇зд̇ваа гасин̣аануломад̇о гасин̣абадиломад̇о, гасин̣аануломабадиломад̇о; жхаанаануломад̇о, жхаанабадиломад̇о, жхаанаануломабадиломад̇о; жхаанугганд̇игад̇о, гасин̣угганд̇игад̇о, жхаанагасин̣угганд̇игад̇о; ан̇г̇асан̇ганд̇игад̇о, аарамман̣асан̇ганд̇игад̇о, ан̇г̇аарамман̣асан̇ганд̇игад̇о; ан̇г̇ававад̇т̇аанад̇о, аарамман̣ававад̇т̇аанад̇од̇и имзхи жуд̣̇д̣̇асахаагаарзхи жид̇д̇ам̣ барид̣̇амзд̇аб̣б̣ам̣. д̇зсам̣ вид̇т̇аарагат̇аа висуд̣̇д̇химаг̇г̇з (висуд̣̇д̇хи. 2.365-366) вуд̇д̇ааязва.
‘Ekopi hutvā bahudhā hotī’tiādinayaṃ (dī. ni. 1.239; paṭi. ma. 1.102) pana vikubbanaṃ icchantena purimesu aṭṭhasu kasiṇesu aṭṭha samāpattiyo nibbattetvā kasiṇānulomato kasiṇapaṭilomato, kasiṇānulomapaṭilomato; jhānānulomato, jhānapaṭilomato, jhānānulomapaṭilomato; jhānukkantikato, kasiṇukkantikato, jhānakasiṇukkantikato; aṅgasaṅkantikato, ārammaṇasaṅkantikato, aṅgārammaṇasaṅkantikato; aṅgavavatthānato, ārammaṇavavatthānatoti imehi cuddasahākārehi cittaṃ paridametabbaṃ. Tesaṃ vitthārakathā visuddhimagge (visuddhi. 2.365-366) vuttāyeva.
звам̣ бана жуд̣̇д̣̇асахаагаарзхи жид̇д̇ам̣ абарид̣̇амзд̇ваа, буб̣б̣з абхаавид̇абхаавано аад̣̇игаммиго яог̇ааважаро ид̣̇д̇хивигуб̣б̣анам̣ самбаад̣̇зссад̇ийд̇и нзд̇ам̣ таанам̣ виж̇ж̇ад̇и. аад̣̇игаммигасса хи гасин̣абаригаммамби бхааро; сад̇зсу сахассзсу ваа згова саггод̇и. гад̇агасин̣абаригаммасса нимид̇д̇уббаад̣̇анам̣ бхааро; сад̇зсу сахассзсу ваа згова саггод̇и. уббаннз нимид̇д̇з д̇ам̣ вад̣дхзд̇ваа аббанаад̇хиг̇амо бхааро, сад̇зсу сахассзсу ваа згова саггод̇и. ад̇хиг̇ад̇аббанасса жуд̣̇д̣̇асахаагаарзхи жид̇д̇абарид̣̇аманам̣ бхааро; сад̇зсу сахассзсу ваа згова саггод̇и. жуд̣̇д̣̇асахаагаарзхи барид̣̇амид̇ажид̇д̇ассааби ид̣̇д̇хивигуб̣б̣анам̣ наама бхааро, сад̇зсу сахассзсу ваа згова саггод̇и. вигуб̣б̣анаббад̇д̇ассааби киббанисанд̇ибхааво наама бхааро; сад̇зсу сахассзсу ваа згова киббанисанд̇и ход̇и. т̇зрамб̣ад̇т̇алз махаароханаг̇уд̇д̇ад̇т̇зрасса г̇илаанубадтаанам̣ ааг̇ад̇зсу д̇им̣самад̇д̇зсу ид̣̇д̇химанд̇асахассзсу убасамбад̣̇ааяа адтавассиго рагкид̇ад̇т̇зро вияа. саб̣б̣ам̣ вад̇т̇у висуд̣̇д̇химаг̇г̇з (висуд̣̇д̇хи. 2.367) вид̇т̇аарид̇амзваад̇и.
Evaṃ pana cuddasahākārehi cittaṃ aparidametvā, pubbe abhāvitabhāvano ādikammiko yogāvacaro iddhivikubbanaṃ sampādessatīti netaṃ ṭhānaṃ vijjati. Ādikammikassa hi kasiṇaparikammampi bhāro; satesu sahassesu vā ekova sakkoti. Katakasiṇaparikammassa nimittuppādanaṃ bhāro; satesu sahassesu vā ekova sakkoti. Uppanne nimitte taṃ vaḍḍhetvā appanādhigamo bhāro, satesu sahassesu vā ekova sakkoti. Adhigatappanassa cuddasahākārehi cittaparidamanaṃ bhāro; satesu sahassesu vā ekova sakkoti. Cuddasahākārehi paridamitacittassāpi iddhivikubbanaṃ nāma bhāro, satesu sahassesu vā ekova sakkoti. Vikubbanappattassāpi khippanisantibhāvo nāma bhāro; satesu sahassesu vā ekova khippanisanti hoti. Therambatthale mahārohanaguttattherassa gilānupaṭṭhānaṃ āgatesu tiṃsamattesu iddhimantasahassesu upasampadāya aṭṭhavassiko rakkhitatthero viya. Sabbaṃ vatthu visuddhimagge (visuddhi. 2.367) vitthāritamevāti.
гасин̣агат̇аа.
Kasiṇakathā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā
аарамман̣абадибад̣̇аамиссагаван̣н̣анаа • Ārammaṇapaṭipadāmissakavaṇṇanā
гасин̣агат̇ааван̣н̣анаа • Kasiṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā
бадибад̣̇аажад̇уггаад̣̇иван̣н̣анаа • Paṭipadācatukkādivaṇṇanā
гасин̣агат̇ааван̣н̣анаа • Kasiṇakathāvaṇṇanā
