| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១១. អរណសុត្តំ
11. Araṇasuttaṃ
៨១.
81.
‘‘កេសូធ អរណា លោកេ, កេសំ វុសិតំ ន នស្សតិ;
‘‘Kesūdha araṇā loke, kesaṃ vusitaṃ na nassati;
កេធ ឥច្ឆំ បរិជានន្តិ, កេសំ ភោជិស្សិយំ សទា។
Kedha icchaṃ parijānanti, kesaṃ bhojissiyaṃ sadā.
‘‘កិំសុ មាតា បិតា ភាតា, វន្ទន្តិ នំ បតិដ្ឋិតំ;
‘‘Kiṃsu mātā pitā bhātā, vandanti naṃ patiṭṭhitaṃ;
កិំសុ ឥធ ជាតិហីនំ, អភិវាទេន្តិ ខត្តិយា’’តិ។
Kiṃsu idha jātihīnaṃ, abhivādenti khattiyā’’ti.
‘‘សមណីធ អរណា លោកេ, សមណានំ វុសិតំ ន នស្សតិ;
‘‘Samaṇīdha araṇā loke, samaṇānaṃ vusitaṃ na nassati;
សមណា ឥច្ឆំ បរិជានន្តិ, សមណានំ ភោជិស្សិយំ សទា។
Samaṇā icchaṃ parijānanti, samaṇānaṃ bhojissiyaṃ sadā.
‘‘សមណំ មាតា បិតា ភាតា, វន្ទន្តិ នំ បតិដ្ឋិតំ;
‘‘Samaṇaṃ mātā pitā bhātā, vandanti naṃ patiṭṭhitaṃ;
សមណីធ ជាតិហីនំ, អភិវាទេន្តិ ខត្តិយា’’តិ។
Samaṇīdha jātihīnaṃ, abhivādenti khattiyā’’ti.
ឆេត្វាវគ្គោ អដ្ឋមោ។
Chetvāvaggo aṭṭhamo.
តស្សុទ្ទានំ –
Tassuddānaṃ –
ឆេត្វា រថញ្ច ចិត្តញ្ច, វុដ្ឋិ ភីតា នជីរតិ;
Chetvā rathañca cittañca, vuṭṭhi bhītā najīrati;
ឥស្សរំ កាមំ បាថេយ្យំ, បជ្ជោតោ អរណេន ចាតិ។
Issaraṃ kāmaṃ pātheyyaṃ, pajjoto araṇena cāti.
ទេវតាសំយុត្តំ សមត្តំ។
Devatāsaṃyuttaṃ samattaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១១. អរណសុត្តវណ្ណនា • 11. Araṇasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១១. អរណសុត្តវណ្ណនា • 11. Araṇasuttavaṇṇanā
