| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
11. අරණසුත්‌තං
11. Araṇasuttaṃ
81.
81.
‘‘කෙසූධ අරණා ලොකෙ, කෙසං වුසිතං න නස්‌සති;
‘‘Kesūdha araṇā loke, kesaṃ vusitaṃ na nassati;
කෙධ ඉච්‌ඡං පරිජානන්‌ති, කෙසං භොජිස්‌සියං සදා.
Kedha icchaṃ parijānanti, kesaṃ bhojissiyaṃ sadā.
‘‘කිංසු මාතා පිතා භාතා, වන්‌දන්‌ති නං පතිට්‌ඨිතං;
‘‘Kiṃsu mātā pitā bhātā, vandanti naṃ patiṭṭhitaṃ;
කිංසු ඉධ ජාතිහීනං, අභිවාදෙන්‌ති ඛත්‌තියා’’ති.
Kiṃsu idha jātihīnaṃ, abhivādenti khattiyā’’ti.
‘‘සමණීධ අරණා ලොකෙ, සමණානං වුසිතං න නස්‌සති;
‘‘Samaṇīdha araṇā loke, samaṇānaṃ vusitaṃ na nassati;
සමණා ඉච්‌ඡං පරිජානන්‌ති, සමණානං භොජිස්‌සියං සදා.
Samaṇā icchaṃ parijānanti, samaṇānaṃ bhojissiyaṃ sadā.
‘‘සමණං මාතා පිතා භාතා, වන්‌දන්‌ති නං පතිට්‌ඨිතං;
‘‘Samaṇaṃ mātā pitā bhātā, vandanti naṃ patiṭṭhitaṃ;
සමණීධ ජාතිහීනං, අභිවාදෙන්‌ති ඛත්‌තියා’’ති.
Samaṇīdha jātihīnaṃ, abhivādenti khattiyā’’ti.
ඡෙත්‌වාවග්‌ගො අට්‌ඨමො.
Chetvāvaggo aṭṭhamo.
තස්‌සුද්‌දානං –
Tassuddānaṃ –
ඡෙත්‌වා රථඤ්‌ච චිත්‌තඤ්‌ච, වුට්‌ඨි භීතා නජීරති;
Chetvā rathañca cittañca, vuṭṭhi bhītā najīrati;
ඉස්‌සරං කාමං පාථෙය්‍යං, පජ්‌ජොතො අරණෙන චාති.
Issaraṃ kāmaṃ pātheyyaṃ, pajjoto araṇena cāti.
දෙවතාසංයුත්‌තං සමත්‌තං.
Devatāsaṃyuttaṃ samattaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 11. අරණසුත්‌තවණ්‌ණනා • 11. Araṇasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 11. අරණසුත්‌තවණ්‌ණනා • 11. Araṇasuttavaṇṇanā
