| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১১. অরণসুত্তৰণ্ণনা
11. Araṇasuttavaṇṇanā
৮১. রণন্তি কন্দন্তি এতেহীতি রণা, রাগাদযো। তেহি অভিভূততায হি সত্তা নানপ্পকারং কন্দন্তি পরিদেৰন্তি। তে পন সব্বসো নত্থি এতেসং রণাতি অরণা। নিক্কিলেসা খীণাসৰা। ৰুসিতৰাসোতি ৰুসিতব্রহ্মচরিযৰাসো। ভোজিস্সিযন্তি ভুজিস্সভাৰো। তেনাহ ‘‘অদাসভাৰো’’তি। সমণাতি সমিতপাপসমণাতি আহ ‘‘খীণাসৰসমণা’’তি। পুথুজ্জনকল্যাণকালে লোকিযপরিঞ্ঞায, সেক্খা পুব্বভাগে লোকিযপরিঞ্ঞায, পচ্চৰেক্খণে লোকিযলোকুত্তরায পরিঞ্ঞায পরিঞ্ঞেয্যং তেভূমকং খন্ধপঞ্চকং পরিজানন্তি পরিচ্ছিজ্জন্তি। খীণাসৰা পন পরিঞ্ঞাতপরিঞ্ঞেয্যা হোন্তি। তথা হি তে সামী হুত্ৰা পরিভুঞ্জন্তি। ৰন্দন্তি নং পতিট্ঠিতন্তি ৰুত্তং, ৰন্দনীযভাৰো চ সীলসম্পন্নতাযাতি আহ ‘‘পতিট্ঠিতন্তি সীলে পতিট্ঠিত’’ন্তি। ইধাতি ইমস্মিং লোকে। খত্তিযাতি লক্খণৰচনন্তি আহ ‘‘ন কেৰলং খত্তিযাৰা’’তিআদি।
81. Raṇanti kandanti etehīti raṇā, rāgādayo. Tehi abhibhūtatāya hi sattā nānappakāraṃ kandanti paridevanti. Te pana sabbaso natthi etesaṃ raṇāti araṇā. Nikkilesā khīṇāsavā. Vusitavāsoti vusitabrahmacariyavāso. Bhojissiyanti bhujissabhāvo. Tenāha ‘‘adāsabhāvo’’ti. Samaṇāti samitapāpasamaṇāti āha ‘‘khīṇāsavasamaṇā’’ti. Puthujjanakalyāṇakāle lokiyapariññāya, sekkhā pubbabhāge lokiyapariññāya, paccavekkhaṇe lokiyalokuttarāya pariññāya pariññeyyaṃ tebhūmakaṃ khandhapañcakaṃ parijānanti paricchijjanti. Khīṇāsavā pana pariññātapariññeyyā honti. Tathā hi te sāmī hutvā paribhuñjanti. Vandanti naṃ patiṭṭhitanti vuttaṃ, vandanīyabhāvo ca sīlasampannatāyāti āha ‘‘patiṭṭhitanti sīle patiṭṭhita’’nti. Idhāti imasmiṃ loke. Khattiyāti lakkhaṇavacananti āha ‘‘na kevalaṃ khattiyāvā’’tiādi.
অরণসুত্তৰণ্ণনা নিট্ঠিতা।
Araṇasuttavaṇṇanā niṭṭhitā.
ছেত্ৰাৰগ্গৰণ্ণনা নিট্ঠিতা।
Chetvāvaggavaṇṇanā niṭṭhitā.
সারত্থপ্পকাসিনিযা সংযুত্তনিকায-অট্ঠকথায
Sāratthappakāsiniyā saṃyuttanikāya-aṭṭhakathāya
দেৰতাসংযুত্তৰণ্ণনায লীনত্থপ্পকাসনা সমত্তা।
Devatāsaṃyuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১১. অরণসুত্তং • 11. Araṇasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১১. অরণসুত্তৰণ্ণনা • 11. Araṇasuttavaṇṇanā
