| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
11. аран̣асуд̇д̇аван̣н̣анаа
11. Araṇasuttavaṇṇanā
81. ран̣анд̇и ганд̣̇анд̇и зд̇зхийд̇и ран̣аа, рааг̇аад̣̇аяо. д̇зхи абхибхууд̇ад̇ааяа хи сад̇д̇аа наанаббагаарам̣ ганд̣̇анд̇и барид̣̇званд̇и. д̇з бана саб̣б̣асо над̇т̇и зд̇зсам̣ ран̣аад̇и аран̣аа. ниггилзсаа кийн̣аасаваа. вусид̇аваасод̇и вусид̇аб̣рахмажарияаваасо. бхож̇иссияанд̇и бхуж̇иссабхааво. д̇знааха ‘‘ад̣̇аасабхааво’’д̇и. саман̣аад̇и самид̇абаабасаман̣аад̇и ааха ‘‘кийн̣аасавасаман̣аа’’д̇и. бут̇уж̇ж̇анагаляаан̣агаалз логияабарин̃н̃ааяа, сзгкаа буб̣б̣абхааг̇з логияабарин̃н̃ааяа, бажжавзгкан̣з логияалогуд̇д̇арааяа барин̃н̃ааяа барин̃н̃зяяам̣ д̇збхуумагам̣ канд̇хабан̃жагам̣ бариж̇аананд̇и барижчиж̇ж̇анд̇и. кийн̣аасаваа бана барин̃н̃аад̇абарин̃н̃зяяаа хонд̇и. д̇ат̇аа хи д̇з саамий худ̇ваа барибхун̃ж̇анд̇и. ванд̣̇анд̇и нам̣ бад̇идтид̇анд̇и вуд̇д̇ам̣, ванд̣̇анийяабхааво жа сийласамбаннад̇ааяаад̇и ааха ‘‘бад̇идтид̇анд̇и сийлз бад̇идтид̇а’’нд̇и. ид̇хаад̇и имасмим̣ логз. кад̇д̇ияаад̇и лагкан̣аважананд̇и ааха ‘‘на гзвалам̣ кад̇д̇ияааваа’’д̇иаад̣̇и.
81. Raṇanti kandanti etehīti raṇā, rāgādayo. Tehi abhibhūtatāya hi sattā nānappakāraṃ kandanti paridevanti. Te pana sabbaso natthi etesaṃ raṇāti araṇā. Nikkilesā khīṇāsavā. Vusitavāsoti vusitabrahmacariyavāso. Bhojissiyanti bhujissabhāvo. Tenāha ‘‘adāsabhāvo’’ti. Samaṇāti samitapāpasamaṇāti āha ‘‘khīṇāsavasamaṇā’’ti. Puthujjanakalyāṇakāle lokiyapariññāya, sekkhā pubbabhāge lokiyapariññāya, paccavekkhaṇe lokiyalokuttarāya pariññāya pariññeyyaṃ tebhūmakaṃ khandhapañcakaṃ parijānanti paricchijjanti. Khīṇāsavā pana pariññātapariññeyyā honti. Tathā hi te sāmī hutvā paribhuñjanti. Vandanti naṃ patiṭṭhitanti vuttaṃ, vandanīyabhāvo ca sīlasampannatāyāti āha ‘‘patiṭṭhitanti sīle patiṭṭhita’’nti. Idhāti imasmiṃ loke. Khattiyāti lakkhaṇavacananti āha ‘‘na kevalaṃ khattiyāvā’’tiādi.
аран̣асуд̇д̇аван̣н̣анаа нидтид̇аа.
Araṇasuttavaṇṇanā niṭṭhitā.
чзд̇вааваг̇г̇аван̣н̣анаа нидтид̇аа.
Chetvāvaggavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
д̣̇звад̇аасам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Devatāsaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 11. аран̣асуд̇д̇ам̣ • 11. Araṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. аран̣асуд̇д̇аван̣н̣анаа • 11. Araṇasuttavaṇṇanā
