| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๑. อรณสุตฺตวณฺณนา
11. Araṇasuttavaṇṇanā
๘๑. เอกาทสเม อรณาติ นิกฺกิเลสาฯ วุสิตนฺติ วุสิตวาโสฯ โภชิสฺสิยนฺติ อทาสภาโวฯ สมณาติ ขีณาสวสมณาฯ เต หิ เอกเนฺตน อรณา นามฯ วุสิตํ น นสฺสตีติ เตสํ อริยมคฺควาโส น นสฺสติฯ ปริชานนฺตีติ ปุถุชฺชนกลฺยาณกโต ปฎฺฐาย เสขา โลกิยโลกุตฺตราย ปริญฺญาย ปริชานนฺติฯ โภชิสฺสิยนฺติ ขีณาสวสมณานํเยว นิจฺจํ ภุชิสฺสภาโว นามฯ วนฺทนฺตีติ ปพฺพชิตทิวสโต ปฎฺฐาย วนฺทนฺติฯ ปติฎฺฐิตนฺติ สีเล ปติฎฺฐิตํ ฯ สมณีธาติ สมณํ อิธฯ ชาติหีนนฺติ อปิ จณฺฑาลกุลา ปพฺพชิตํฯ ขตฺติยาติ น เกวลํ ขตฺติยาว, เทวาปิ สีลสมฺปนฺนํ สมณํ วนฺทนฺติเยวาติฯ เอกาทสมํฯ
81. Ekādasame araṇāti nikkilesā. Vusitanti vusitavāso. Bhojissiyanti adāsabhāvo. Samaṇāti khīṇāsavasamaṇā. Te hi ekantena araṇā nāma. Vusitaṃ na nassatīti tesaṃ ariyamaggavāso na nassati. Parijānantīti puthujjanakalyāṇakato paṭṭhāya sekhā lokiyalokuttarāya pariññāya parijānanti. Bhojissiyanti khīṇāsavasamaṇānaṃyeva niccaṃ bhujissabhāvo nāma. Vandantīti pabbajitadivasato paṭṭhāya vandanti. Patiṭṭhitanti sīle patiṭṭhitaṃ . Samaṇīdhāti samaṇaṃ idha. Jātihīnanti api caṇḍālakulā pabbajitaṃ. Khattiyāti na kevalaṃ khattiyāva, devāpi sīlasampannaṃ samaṇaṃ vandantiyevāti. Ekādasamaṃ.
เฉตฺวาวโคฺค อฎฺฐโมฯ
Chetvāvaggo aṭṭhamo.
อิติ สารตฺถปฺปกาสินิยา
Iti sāratthappakāsiniyā
สํยุตฺตนิกาย-อฎฺฐกถาย
Saṃyuttanikāya-aṭṭhakathāya
เทวตาสํยุตฺตวณฺณนา นิฎฺฐิตาฯ
Devatāsaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๑. อรณสุตฺตํ • 11. Araṇasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๑. อรณสุตฺตวณฺณนา • 11. Araṇasuttavaṇṇanā
