| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
១១. អរណសុត្តវណ្ណនា
11. Araṇasuttavaṇṇanā
៨១. ឯកាទសមេ អរណាតិ និក្កិលេសា។ វុសិតន្តិ វុសិតវាសោ។ ភោជិស្សិយន្តិ អទាសភាវោ។ សមណាតិ ខីណាសវសមណា។ តេ ហិ ឯកន្តេន អរណា នាម។ វុសិតំ ន នស្សតីតិ តេសំ អរិយមគ្គវាសោ ន នស្សតិ។ បរិជានន្តីតិ បុថុជ្ជនកល្យាណកតោ បដ្ឋាយ សេខា លោកិយលោកុត្តរាយ បរិញ្ញាយ បរិជានន្តិ។ ភោជិស្សិយន្តិ ខីណាសវសមណានំយេវ និច្ចំ ភុជិស្សភាវោ នាម។ វន្ទន្តីតិ បព្ពជិតទិវសតោ បដ្ឋាយ វន្ទន្តិ។ បតិដ្ឋិតន្តិ សីលេ បតិដ្ឋិតំ ។ សមណីធាតិ សមណំ ឥធ។ ជាតិហីនន្តិ អបិ ចណ្ឌាលកុលា បព្ពជិតំ។ ខត្តិយាតិ ន កេវលំ ខត្តិយាវ, ទេវាបិ សីលសម្បន្នំ សមណំ វន្ទន្តិយេវាតិ។ ឯកាទសមំ។
81. Ekādasame araṇāti nikkilesā. Vusitanti vusitavāso. Bhojissiyanti adāsabhāvo. Samaṇāti khīṇāsavasamaṇā. Te hi ekantena araṇā nāma. Vusitaṃ na nassatīti tesaṃ ariyamaggavāso na nassati. Parijānantīti puthujjanakalyāṇakato paṭṭhāya sekhā lokiyalokuttarāya pariññāya parijānanti. Bhojissiyanti khīṇāsavasamaṇānaṃyeva niccaṃ bhujissabhāvo nāma. Vandantīti pabbajitadivasato paṭṭhāya vandanti. Patiṭṭhitanti sīle patiṭṭhitaṃ . Samaṇīdhāti samaṇaṃ idha. Jātihīnanti api caṇḍālakulā pabbajitaṃ. Khattiyāti na kevalaṃ khattiyāva, devāpi sīlasampannaṃ samaṇaṃ vandantiyevāti. Ekādasamaṃ.
ឆេត្វាវគ្គោ អដ្ឋមោ។
Chetvāvaggo aṭṭhamo.
ឥតិ សារត្ថប្បកាសិនិយា
Iti sāratthappakāsiniyā
សំយុត្តនិកាយ-អដ្ឋកថាយ
Saṃyuttanikāya-aṭṭhakathāya
ទេវតាសំយុត្តវណ្ណនា និដ្ឋិតា។
Devatāsaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១១. អរណសុត្តំ • 11. Araṇasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១១. អរណសុត្តវណ្ណនា • 11. Araṇasuttavaṇṇanā
