| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༡༡. ཨརཎསུཏྟཝཎྞནཱ
11. Araṇasuttavaṇṇanā
༨༡. ཨེཀཱདསམེ ཨརཎཱཏི ནིཀྐིལེསཱ། ཝུསིཏནྟི ཝུསིཏཝཱསོ། བྷོཛིསྶིཡནྟི ཨདཱསབྷཱཝོ། སམཎཱཏི ཁཱིཎཱསཝསམཎཱ། ཏེ ཧི ཨེཀནྟེན ཨརཎཱ ནཱམ། ཝུསིཏཾ ན ནསྶཏཱིཏི ཏེསཾ ཨརིཡམགྒཝཱསོ ན ནསྶཏི། པརིཛཱནནྟཱིཏི པུཐུཛྫནཀལྱཱཎཀཏོ པཊྛཱཡ སེཁཱ ལོཀིཡལོཀུཏྟརཱཡ པརིཉྙཱཡ པརིཛཱནནྟི། བྷོཛིསྶིཡནྟི ཁཱིཎཱསཝསམཎཱནཾཡེཝ ནིཙྩཾ བྷུཛིསྶབྷཱཝོ ནཱམ། ཝནྡནྟཱིཏི པབྦཛིཏདིཝསཏོ པཊྛཱཡ ཝནྡནྟི། པཏིཊྛིཏནྟི སཱིལེ པཏིཊྛིཏཾ ། སམཎཱིདྷཱཏི སམཎཾ ཨིདྷ། ཛཱཏིཧཱིནནྟི ཨཔི ཙཎྜཱལཀུལཱ པབྦཛིཏཾ། ཁཏྟིཡཱཏི ན ཀེཝལཾ ཁཏྟིཡཱཝ, དེཝཱཔི སཱིལསམྤནྣཾ སམཎཾ ཝནྡནྟིཡེཝཱཏི། ཨེཀཱདསམཾ།
81. Ekādasame araṇāti nikkilesā. Vusitanti vusitavāso. Bhojissiyanti adāsabhāvo. Samaṇāti khīṇāsavasamaṇā. Te hi ekantena araṇā nāma. Vusitaṃ na nassatīti tesaṃ ariyamaggavāso na nassati. Parijānantīti puthujjanakalyāṇakato paṭṭhāya sekhā lokiyalokuttarāya pariññāya parijānanti. Bhojissiyanti khīṇāsavasamaṇānaṃyeva niccaṃ bhujissabhāvo nāma. Vandantīti pabbajitadivasato paṭṭhāya vandanti. Patiṭṭhitanti sīle patiṭṭhitaṃ . Samaṇīdhāti samaṇaṃ idha. Jātihīnanti api caṇḍālakulā pabbajitaṃ. Khattiyāti na kevalaṃ khattiyāva, devāpi sīlasampannaṃ samaṇaṃ vandantiyevāti. Ekādasamaṃ.
ཚེཏྭཱཝགྒོ ཨཊྛམོ།
Chetvāvaggo aṭṭhamo.
ཨིཏི སཱརཏྠཔྤཀཱསིནིཡཱ
Iti sāratthappakāsiniyā
སཾཡུཏྟནིཀཱཡ-ཨཊྛཀཐཱཡ
Saṃyuttanikāya-aṭṭhakathāya
དེཝཏཱསཾཡུཏྟཝཎྞནཱ ནིཊྛིཏཱ།
Devatāsaṃyuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༡. ཨརཎསུཏྟཾ • 11. Araṇasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༡. ཨརཎསུཏྟཝཎྞནཱ • 11. Araṇasuttavaṇṇanā
