| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༡. ཨརཎསུཏྟཝཎྞནཱ
11. Araṇasuttavaṇṇanā
༨༡. རཎནྟི ཀནྡནྟི ཨེཏེཧཱིཏི རཎཱ, རཱགཱདཡོ། ཏེཧི ཨབྷིབྷཱུཏཏཱཡ ཧི སཏྟཱ ནཱནཔྤཀཱརཾ ཀནྡནྟི པརིདེཝནྟི། ཏེ པན སབྦསོ ནཏྠི ཨེཏེསཾ རཎཱཏི ཨརཎཱ། ནིཀྐིལེསཱ ཁཱིཎཱསཝཱ། ཝུསིཏཝཱསོཏི ཝུསིཏབྲཧྨཙརིཡཝཱསོ། བྷོཛིསྶིཡནྟི བྷུཛིསྶབྷཱཝོ། ཏེནཱཧ ‘‘ཨདཱསབྷཱཝོ’’ཏི། སམཎཱཏི སམིཏཔཱཔསམཎཱཏི ཨཱཧ ‘‘ཁཱིཎཱསཝསམཎཱ’’ཏི། པུཐུཛྫནཀལྱཱཎཀཱལེ ལོཀིཡཔརིཉྙཱཡ, སེཀྑཱ པུབྦབྷཱགེ ལོཀིཡཔརིཉྙཱཡ, པཙྩཝེཀྑཎེ ལོཀིཡལོཀུཏྟརཱཡ པརིཉྙཱཡ པརིཉྙེཡྻཾ ཏེབྷཱུམཀཾ ཁནྡྷཔཉྩཀཾ པརིཛཱནནྟི པརིཙྪིཛྫནྟི། ཁཱིཎཱསཝཱ པན པརིཉྙཱཏཔརིཉྙེཡྻཱ ཧོནྟི། ཏཐཱ ཧི ཏེ སཱམཱི ཧུཏྭཱ པརིབྷུཉྫནྟི། ཝནྡནྟི ནཾ པཏིཊྛིཏནྟི ཝུཏྟཾ, ཝནྡནཱིཡབྷཱཝོ ཙ སཱིལསམྤནྣཏཱཡཱཏི ཨཱཧ ‘‘པཏིཊྛིཏནྟི སཱིལེ པཏིཊྛིཏ’’ནྟི། ཨིདྷཱཏི ཨིམསྨིཾ ལོཀེ། ཁཏྟིཡཱཏི ལཀྑཎཝཙནནྟི ཨཱཧ ‘‘ན ཀེཝལཾ ཁཏྟིཡཱཝཱ’’ཏིཨཱདི།
81. Raṇanti kandanti etehīti raṇā, rāgādayo. Tehi abhibhūtatāya hi sattā nānappakāraṃ kandanti paridevanti. Te pana sabbaso natthi etesaṃ raṇāti araṇā. Nikkilesā khīṇāsavā. Vusitavāsoti vusitabrahmacariyavāso. Bhojissiyanti bhujissabhāvo. Tenāha ‘‘adāsabhāvo’’ti. Samaṇāti samitapāpasamaṇāti āha ‘‘khīṇāsavasamaṇā’’ti. Puthujjanakalyāṇakāle lokiyapariññāya, sekkhā pubbabhāge lokiyapariññāya, paccavekkhaṇe lokiyalokuttarāya pariññāya pariññeyyaṃ tebhūmakaṃ khandhapañcakaṃ parijānanti paricchijjanti. Khīṇāsavā pana pariññātapariññeyyā honti. Tathā hi te sāmī hutvā paribhuñjanti. Vandanti naṃ patiṭṭhitanti vuttaṃ, vandanīyabhāvo ca sīlasampannatāyāti āha ‘‘patiṭṭhitanti sīle patiṭṭhita’’nti. Idhāti imasmiṃ loke. Khattiyāti lakkhaṇavacananti āha ‘‘na kevalaṃ khattiyāvā’’tiādi.
ཨརཎསུཏྟཝཎྞནཱ ནིཊྛིཏཱ།
Araṇasuttavaṇṇanā niṭṭhitā.
ཚེཏྭཱཝགྒཝཎྞནཱ ནིཊྛིཏཱ།
Chetvāvaggavaṇṇanā niṭṭhitā.
སཱརཏྠཔྤཀཱསིནིཡཱ སཾཡུཏྟནིཀཱཡ-ཨཊྛཀཐཱཡ
Sāratthappakāsiniyā saṃyuttanikāya-aṭṭhakathāya
དེཝཏཱསཾཡུཏྟཝཎྞནཱཡ ལཱིནཏྠཔྤཀཱསནཱ སམཏྟཱ།
Devatāsaṃyuttavaṇṇanāya līnatthappakāsanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༡. ཨརཎསུཏྟཾ • 11. Araṇasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༡. ཨརཎསུཏྟཝཎྞནཱ • 11. Araṇasuttavaṇṇanā
