| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੧. ਅਰਣਸੁਤ੍ਤવਣ੍ਣਨਾ
11. Araṇasuttavaṇṇanā
੮੧. ਰਣਨ੍ਤਿ ਕਨ੍ਦਨ੍ਤਿ ਏਤੇਹੀਤਿ ਰਣਾ, ਰਾਗਾਦਯੋ। ਤੇਹਿ ਅਭਿਭੂਤਤਾਯ ਹਿ ਸਤ੍ਤਾ ਨਾਨਪ੍ਪਕਾਰਂ ਕਨ੍ਦਨ੍ਤਿ ਪਰਿਦੇવਨ੍ਤਿ। ਤੇ ਪਨ ਸਬ੍ਬਸੋ ਨਤ੍ਥਿ ਏਤੇਸਂ ਰਣਾਤਿ ਅਰਣਾ। ਨਿਕ੍ਕਿਲੇਸਾ ਖੀਣਾਸવਾ। વੁਸਿਤવਾਸੋਤਿ વੁਸਿਤਬ੍ਰਹ੍ਮਚਰਿਯવਾਸੋ। ਭੋਜਿਸ੍ਸਿਯਨ੍ਤਿ ਭੁਜਿਸ੍ਸਭਾવੋ। ਤੇਨਾਹ ‘‘ਅਦਾਸਭਾવੋ’’ਤਿ। ਸਮਣਾਤਿ ਸਮਿਤਪਾਪਸਮਣਾਤਿ ਆਹ ‘‘ਖੀਣਾਸવਸਮਣਾ’’ਤਿ। ਪੁਥੁਜ੍ਜਨਕਲ੍ਯਾਣਕਾਲੇ ਲੋਕਿਯਪਰਿਞ੍ਞਾਯ, ਸੇਕ੍ਖਾ ਪੁਬ੍ਬਭਾਗੇ ਲੋਕਿਯਪਰਿਞ੍ਞਾਯ, ਪਚ੍ਚવੇਕ੍ਖਣੇ ਲੋਕਿਯਲੋਕੁਤ੍ਤਰਾਯ ਪਰਿਞ੍ਞਾਯ ਪਰਿਞ੍ਞੇਯ੍ਯਂ ਤੇਭੂਮਕਂ ਖਨ੍ਧਪਞ੍ਚਕਂ ਪਰਿਜਾਨਨ੍ਤਿ ਪਰਿਚ੍ਛਿਜ੍ਜਨ੍ਤਿ। ਖੀਣਾਸવਾ ਪਨ ਪਰਿਞ੍ਞਾਤਪਰਿਞ੍ਞੇਯ੍ਯਾ ਹੋਨ੍ਤਿ। ਤਥਾ ਹਿ ਤੇ ਸਾਮੀ ਹੁਤ੍વਾ ਪਰਿਭੁਞ੍ਜਨ੍ਤਿ। વਨ੍ਦਨ੍ਤਿ ਨਂ ਪਤਿਟ੍ਠਿਤਨ੍ਤਿ વੁਤ੍ਤਂ, વਨ੍ਦਨੀਯਭਾવੋ ਚ ਸੀਲਸਮ੍ਪਨ੍ਨਤਾਯਾਤਿ ਆਹ ‘‘ਪਤਿਟ੍ਠਿਤਨ੍ਤਿ ਸੀਲੇ ਪਤਿਟ੍ਠਿਤ’’ਨ੍ਤਿ। ਇਧਾਤਿ ਇਮਸ੍ਮਿਂ ਲੋਕੇ। ਖਤ੍ਤਿਯਾਤਿ ਲਕ੍ਖਣવਚਨਨ੍ਤਿ ਆਹ ‘‘ਨ ਕੇવਲਂ ਖਤ੍ਤਿਯਾવਾ’’ਤਿਆਦਿ।
81. Raṇanti kandanti etehīti raṇā, rāgādayo. Tehi abhibhūtatāya hi sattā nānappakāraṃ kandanti paridevanti. Te pana sabbaso natthi etesaṃ raṇāti araṇā. Nikkilesā khīṇāsavā. Vusitavāsoti vusitabrahmacariyavāso. Bhojissiyanti bhujissabhāvo. Tenāha ‘‘adāsabhāvo’’ti. Samaṇāti samitapāpasamaṇāti āha ‘‘khīṇāsavasamaṇā’’ti. Puthujjanakalyāṇakāle lokiyapariññāya, sekkhā pubbabhāge lokiyapariññāya, paccavekkhaṇe lokiyalokuttarāya pariññāya pariññeyyaṃ tebhūmakaṃ khandhapañcakaṃ parijānanti paricchijjanti. Khīṇāsavā pana pariññātapariññeyyā honti. Tathā hi te sāmī hutvā paribhuñjanti. Vandanti naṃ patiṭṭhitanti vuttaṃ, vandanīyabhāvo ca sīlasampannatāyāti āha ‘‘patiṭṭhitanti sīle patiṭṭhita’’nti. Idhāti imasmiṃ loke. Khattiyāti lakkhaṇavacananti āha ‘‘na kevalaṃ khattiyāvā’’tiādi.
ਅਰਣਸੁਤ੍ਤવਣ੍ਣਨਾ ਨਿਟ੍ਠਿਤਾ।
Araṇasuttavaṇṇanā niṭṭhitā.
ਛੇਤ੍વਾવਗ੍ਗવਣ੍ਣਨਾ ਨਿਟ੍ਠਿਤਾ।
Chetvāvaggavaṇṇanā niṭṭhitā.
ਸਾਰਤ੍ਥਪ੍ਪਕਾਸਿਨਿਯਾ ਸਂਯੁਤ੍ਤਨਿਕਾਯ-ਅਟ੍ਠਕਥਾਯ
Sāratthappakāsiniyā saṃyuttanikāya-aṭṭhakathāya
ਦੇવਤਾਸਂਯੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Devatāsaṃyuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੧. ਅਰਣਸੁਤ੍ਤਂ • 11. Araṇasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. ਅਰਣਸੁਤ੍ਤવਣ੍ਣਨਾ • 11. Araṇasuttavaṇṇanā
