| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. аран̣авибхан̇г̇асуд̇д̇аван̣н̣анаа
9. Araṇavibhaṅgasuttavaṇṇanā
323. звам̣ мз суд̇анд̇и аран̣авибхан̇г̇асуд̇д̇ам̣. д̇ад̇т̇а нзвуссаад̣̇зяяа на абасаад̣̇зяяаад̇и г̇зхасид̇авасзна ган̃жи буг̇г̇алам̣ нзва угкибзяяа на авагкибзяяа. д̇хаммамзва д̣̇зсзяяаад̇и сабхаавамзва гат̇зяяа. сукавинижчаяанд̇и винижчид̇асукам̣. рахо ваад̣̇анд̇и бараммукаа аван̣н̣ам̣, бисун̣аваажанд̇и ад̇т̇о. саммукаа на кийн̣анд̇и саммукааби кийн̣ам̣ аагин̣н̣ам̣ сам̣гилидтам̣ ваажам̣ на бхан̣зяяа. наабхинивзсзяяаад̇и на ад̇хидтахид̇ваа аад̣̇ааяа вохарзяяа. саман̃н̃анд̇и логасаман̃н̃ам̣ логабан̣н̣ад̇д̇им̣. наад̇ид̇хаавзяяаад̇и наад̇иггамзяяа.
323.Evaṃme sutanti araṇavibhaṅgasuttaṃ. Tattha nevussādeyya na apasādeyyāti gehasitavasena kañci puggalaṃ neva ukkhipeyya na avakkhipeyya. Dhammameva deseyyāti sabhāvameva katheyya. Sukhavinicchayanti vinicchitasukhaṃ. Raho vādanti parammukhā avaṇṇaṃ, pisuṇavācanti attho. Sammukhā na khīṇanti sammukhāpi khīṇaṃ ākiṇṇaṃ saṃkiliṭṭhaṃ vācaṃ na bhaṇeyya. Nābhiniveseyyāti na adhiṭṭhahitvā ādāya vohareyya. Samaññanti lokasamaññaṃ lokapaṇṇattiṃ. Nātidhāveyyāti nātikkameyya.
324. гаамабадисанд̇хисукинод̇и гаамабадисанд̇хинаа гаамуубасам̣хид̇зна сукзна сукид̇асса. сад̣̇угкод̇и вибаагад̣̇угкзна сам̣гилзсад̣̇угкзнаби сад̣̇угко. саубагхаад̇од̇и вибаагуубагхаад̇агилзсуубагхаад̇зхзва саубагхаад̇о. д̇ат̇аа сабарил̣аахо. мижчаабадибад̣̇аад̇и аяаат̇аавабадибад̣̇аа агусалабадибад̣̇аа.
324.Kāmapaṭisandhisukhinoti kāmapaṭisandhinā kāmūpasaṃhitena sukhena sukhitassa. Sadukkhoti vipākadukkhena saṃkilesadukkhenapi sadukkho. Saupaghātoti vipākūpaghātakilesūpaghāteheva saupaghāto. Tathā sapariḷāho. Micchāpaṭipadāti ayāthāvapaṭipadā akusalapaṭipadā.
326. ид̇т̇згз абасаад̣̇зд̇ийд̇и звам̣ г̇зхасид̇авасзна згажжз буг̇г̇алз абасаад̣̇зд̇и. уссаад̣̇анзби зсзва наяо. бхавасам̣яож̇ананд̇и бхаваб̣анд̇ханам̣, д̇ан̣хааязд̇ам̣ наамам̣.
326.Ittheke apasādetīti evaṃ gehasitavasena ekacce puggale apasādeti. Ussādanepi eseva nayo. Bhavasaṃyojananti bhavabandhanaṃ, taṇhāyetaṃ nāmaṃ.
субхууд̇ид̇т̇зро гира имам̣ жад̇уггам̣ ниссааяа зд̇ад̣̇аг̇г̇з табид̇о. бхаг̇авад̇о хи д̇хаммам̣ д̣̇зсзнд̇асса буг̇г̇алаанам̣ уссаад̣̇анааабасаад̣̇анаа бан̃н̃ааяанд̇и, д̇ат̇аа саарибуд̇д̇ад̇т̇зраад̣̇ийнам̣. субхууд̇ид̇т̇зрасса бана д̇хаммад̣̇зсанааяа ‘‘аяам̣ буг̇г̇ало аббадибаннаго анаараад̇хаго’’д̇и ваа, ‘‘аяам̣ сийлаваа г̇ун̣аваа лаж̇ж̇ибзсало аажаарасамбанно’’д̇и ваа над̇т̇и, д̇хаммад̣̇зсанааяа банасса ‘‘аяам̣ мижчаабадибад̣̇аа, аяам̣ саммаабадибад̣̇аа’’д̇взва бан̃н̃ааяад̇и. д̇асмаа бхаг̇аваа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ аран̣авихаарийнам̣ яад̣̇ид̣̇ам̣ субхууд̇ий’’д̇и ааха.
Subhūtitthero kira imaṃ catukkaṃ nissāya etadagge ṭhapito. Bhagavato hi dhammaṃ desentassa puggalānaṃ ussādanāapasādanā paññāyanti, tathā sāriputtattherādīnaṃ. Subhūtittherassa pana dhammadesanāya ‘‘ayaṃ puggalo appaṭipannako anārādhako’’ti vā, ‘‘ayaṃ sīlavā guṇavā lajjipesalo ācārasampanno’’ti vā natthi, dhammadesanāya panassa ‘‘ayaṃ micchāpaṭipadā, ayaṃ sammāpaṭipadā’’tveva paññāyati. Tasmā bhagavā ‘‘etadaggaṃ, bhikkhave, mama sāvakānaṃ bhikkhūnaṃ araṇavihārīnaṃ yadidaṃ subhūtī’’ti āha.
329. гаалан̃н̃уу ассаад̇и асамбад̇д̇з жа ад̇игганд̇з жа гаалз агат̇зд̇ваа ‘‘ид̣̇аани вужжамаанам̣ махааж̇ано г̇ан̣хиссад̇ий’’д̇и яуд̇д̇абад̇д̇агаалам̣ н̃ад̇ваава бараммукаа аван̣н̣ам̣ бхаасзяяа. кийн̣аваад̣̇зби зсзва наяо.
329.Kālaññūassāti asampatte ca atikkante ca kāle akathetvā ‘‘idāni vuccamānaṃ mahājano gaṇhissatī’’ti yuttapattakālaṃ ñatvāva parammukhā avaṇṇaṃ bhāseyya. Khīṇavādepi eseva nayo.
330. убахан̃н̃ад̇ийд̇и гхаад̇ияад̇и. сароби убахан̃н̃ад̇ийд̇и сад̣̇д̣̇оби бхиж̇ж̇ад̇и. аад̇урийяад̇ийд̇и аад̇уро ход̇и г̇злан̃н̃аббад̇д̇о сааб̣аад̇хо. ависсадтанд̇и виссадтам̣ абалиб̣уд̣̇д̇хам̣ на ход̇и.
330.Upahaññatīti ghātiyati. Saropi upahaññatīti saddopi bhijjati. Āturīyatīti āturo hoti gelaññappatto sābādho. Avissaṭṭhanti vissaṭṭhaṃ apalibuddhaṃ na hoti.
331. д̇ад̣̇зваад̇и д̇ам̣язва бхааж̇анам̣. абхинивисса вохарад̇ийд̇и бад̇д̇анд̇и сан̃ж̇аананаж̇анабад̣̇ам̣ г̇анд̇ваа ‘‘бад̇д̇ам̣ аахарат̇а д̇ховат̇аа’’д̇и суд̇ваа ‘‘анд̇хаб̣аалабут̇уж̇ж̇ано, наяид̣̇ам̣ бад̇д̇ам̣, баад̇и намзсаа, звам̣ вад̣̇аахий’’д̇и абхинивисса вохарад̇и. звам̣ саб̣б̣абад̣̇зхи яож̇зд̇аб̣б̣ам̣. ад̇исаарод̇и ад̇ид̇хааванам̣.
331.Tadevāti taṃyeva bhājanaṃ. Abhinivissa voharatīti pattanti sañjānanajanapadaṃ gantvā ‘‘pattaṃ āharatha dhovathā’’ti sutvā ‘‘andhabālaputhujjano, nayidaṃ pattaṃ, pāti namesā, evaṃ vadāhī’’ti abhinivissa voharati. Evaṃ sabbapadehi yojetabbaṃ. Atisāroti atidhāvanaṃ.
332. д̇ат̇аа д̇ат̇аа вохарад̇и абараамасанд̇и амхаагам̣ ж̇анабад̣̇з бхааж̇анам̣ баад̇ийд̇и вужжад̇и, имз бана нам̣ бад̇д̇анд̇и вад̣̇анд̇ийд̇и д̇ад̇о бадтааяа ж̇анабад̣̇авохаарам̣ мун̃жид̇ваа бад̇д̇ам̣ бад̇д̇анд̇зва абараамасанд̇о вохарад̇и. сзсабад̣̇зсуби зсзва наяо.
332.Tathā tathā voharati aparāmasanti amhākaṃ janapade bhājanaṃ pātīti vuccati, ime pana naṃ pattanti vadantīti tato paṭṭhāya janapadavohāraṃ muñcitvā pattaṃ pattanteva aparāmasanto voharati. Sesapadesupi eseva nayo.
333. ид̣̇аани марияаад̣̇абхааж̇анийяам̣ гаронд̇о д̇ад̇ра, бхигкавзд̇иаад̣̇имааха. д̇ад̇т̇а саран̣од̇и сараж̇о сагилзсо. аран̣од̇и араж̇о ниггилзсо. субхууд̇и жа бана, бхигкавзд̇и аяам̣ т̇зро д̣̇вийсу таанзсу зд̇ад̣̇аг̇г̇ам̣ аарул̣хо ‘‘аран̣авихаарийнам̣ яад̣̇ид̣̇ам̣ субхууд̇и, д̣̇агкин̣зяяаанам̣ яад̣̇ид̣̇ам̣ субхууд̇ий’’д̇и (а. ни. 1.202).
333. Idāni mariyādabhājanīyaṃ karonto tatra, bhikkhavetiādimāha. Tattha saraṇoti sarajo sakileso. Araṇoti arajo nikkileso. Subhūti ca pana, bhikkhaveti ayaṃ thero dvīsu ṭhānesu etadaggaṃ āruḷho ‘‘araṇavihārīnaṃ yadidaṃ subhūti, dakkhiṇeyyānaṃ yadidaṃ subhūtī’’ti (a. ni. 1.202).
д̇хаммасзнаабад̇и гира вад̇т̇ум̣ сод̇хзд̇и, субхууд̇ид̇т̇зро д̣̇агкин̣ам̣ сод̇хзд̇и. д̇ат̇аа хи д̇хаммасзнаабад̇и бин̣д̣ааяа жаранд̇о г̇зхад̣̇ваарз тид̇о яаава бхигкам̣ аахаранд̇и, д̇аава буб̣б̣абхааг̇з барижчинд̣̇ид̇ваа нирод̇хам̣ самаабаж̇ж̇ад̇и, нирод̇хаа вудтааяа д̣̇зяяад̇хаммам̣ бадиг̇г̇ан̣хаад̇и. субхууд̇ид̇т̇зро жа д̇ат̇зва мзд̇д̇аажхаанам̣ самаабаж̇ж̇ад̇и, мзд̇д̇аажхаанаа вудтааяа д̣̇зяяад̇хаммам̣ бадиг̇г̇ан̣хаад̇и. звам̣ бана гаад̇ум̣ саггаад̇и. аама саггаа, нзва ажчарияан̃жзд̇ам̣, яам̣ махаабхин̃н̃аббад̇д̇аа саавагаа звам̣ гарзяяум̣. имасмимби хи д̇амб̣абан̣н̣ид̣̇ийбз бораан̣агарааж̇агаалз бин̇г̇алаб̣уд̣̇д̇харагкид̇ад̇т̇зро наама уд̇д̇араг̇аамам̣ ниссааяа вихааси. д̇ад̇т̇а сад̇д̇а гуласад̇аани хонд̇и, згамби д̇ам̣ гулад̣̇ваарам̣ над̇т̇и, яад̇т̇а т̇зро самаабад̇д̇им̣ на самаабаж̇ж̇и. сзсам̣ саб̣б̣ад̇т̇а уд̇д̇аанамзваад̇и.
Dhammasenāpati kira vatthuṃ sodheti, subhūtitthero dakkhiṇaṃ sodheti. Tathā hi dhammasenāpati piṇḍāya caranto gehadvāre ṭhito yāva bhikkhaṃ āharanti, tāva pubbabhāge paricchinditvā nirodhaṃ samāpajjati, nirodhā vuṭṭhāya deyyadhammaṃ paṭiggaṇhāti. Subhūtitthero ca tatheva mettājhānaṃ samāpajjati, mettājhānā vuṭṭhāya deyyadhammaṃ paṭiggaṇhāti. Evaṃ pana kātuṃ sakkāti. Āma sakkā, neva acchariyañcetaṃ, yaṃ mahābhiññappattā sāvakā evaṃ kareyyuṃ. Imasmimpi hi tambapaṇṇidīpe porāṇakarājakāle piṅgalabuddharakkhitatthero nāma uttaragāmaṃ nissāya vihāsi. Tattha satta kulasatāni honti, ekampi taṃ kuladvāraṃ natthi, yattha thero samāpattiṃ na samāpajji. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
аран̣авибхан̇г̇асуд̇д̇аван̣н̣анаа нидтид̇аа.
Araṇavibhaṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. аран̣авибхан̇г̇асуд̇д̇ам̣ • 9. Araṇavibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. аран̣авибхан̇г̇асуд̇д̇аван̣н̣анаа • 9. Araṇavibhaṅgasuttavaṇṇanā
