| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. аран̣авибхан̇г̇асуд̇д̇аван̣н̣анаа
9. Araṇavibhaṅgasuttavaṇṇanā
323. г̇зхассид̇авасзнаад̇и гилзсаниссид̇авасзна анурод̇хавасзна. нзва угкибзяяаад̇и на ануг̇г̇ан̣хзяяа. на авагкибзяяаад̇и г̇зхассид̇авасзна вирод̇хавасзна на ниг̇г̇ан̣хзяяа. анурод̇хзна винаа самбахам̣санавасзна яат̇аабхууд̇аг̇ун̣агат̇анам̣ нзвуссаад̣̇анаа важ̇ж̇аабхаавад̇о; д̇ат̇аа вирод̇хзна винаа вивзжанавасзна яат̇аабхууд̇ад̣̇осагат̇анам̣ на абасаад̣̇анам̣. сабхаавамзваад̇и яат̇аабхууд̇асабхаавамзва гассажи буг̇г̇аласса анаад̣̇зсагаран̣авасзна гат̇зяяа, сзяяат̇ааби ааяасмаа субхууд̇ид̇т̇зро. винижчид̇асуканд̇и, ‘‘аж̇жхад̇д̇ам̣ анаваж̇ж̇а’’нд̇иаад̣̇инаа висзсад̇о винижчид̇асукааяа ход̇и. бараммукаа аван̣н̣анд̇и свааяам̣ раховаад̣̇о бзсун̃н̃уубасам̣хааравасзна бавад̇д̇о ид̇хаад̇хиббзд̇од̇и ааха ‘‘бисун̣аваажанд̇и ад̇т̇о’’д̇и. кийн̣аад̇ийд̇и кийн̣о, яо бхаасад̇и, яан̃жа уд̣̇д̣̇исса бхаасад̇и, д̣̇взби хим̣сад̇и виб̣аад̇хад̇ийд̇и ад̇т̇о, д̇ам̣ кийн̣аваад̣̇ам̣. свааяам̣ яасмаа гилзсзхи аагин̣н̣о сам̣гилидто зва жа ход̇и, д̇асмаа вуд̇д̇ам̣ – ‘‘аагин̣н̣ам̣ сам̣гилидтам̣ ваажа’’нд̇и. д̇зна авасидтам̣ д̇ивид̇хамби важийд̣̇ужжарид̇амааха. ад̇хидтахид̇ваад̇и, ‘‘ид̣̇амзва сажжа’’нд̇и аж̇жхосааяа. аад̣̇ааяаад̇и баг̇г̇аяха. вохарзяяаад̇и самуд̣̇аажарзяяа. логасаман̃н̃анд̇и логасан̇гзд̇ам̣.
323.Gehassitavasenāti kilesanissitavasena anurodhavasena. Neva ukkhipeyyāti na anuggaṇheyya. Na avakkhipeyyāti gehassitavasena virodhavasena na niggaṇheyya. Anurodhena vinā sampahaṃsanavasena yathābhūtaguṇakathanaṃ nevussādanā vajjābhāvato; tathā virodhena vinā vivecanavasena yathābhūtadosakathanaṃ na apasādanaṃ. Sabhāvamevāti yathābhūtasabhāvameva kassaci puggalassa anādesakaraṇavasena katheyya, seyyathāpi āyasmā subhūtitthero. Vinicchitasukhanti, ‘‘ajjhattaṃ anavajja’’ntiādinā visesato vinicchitasukhāya hoti. Parammukhā avaṇṇanti svāyaṃ rahovādo pesuññūpasaṃhāravasena pavatto idhādhippetoti āha ‘‘pisuṇavācanti attho’’ti. Khīṇātīti khīṇo, yo bhāsati, yañca uddissa bhāsati, dvepi hiṃsati vibādhatīti attho, taṃ khīṇavādaṃ. Svāyaṃ yasmā kilesehi ākiṇṇo saṃkiliṭṭho eva ca hoti, tasmā vuttaṃ – ‘‘ākiṇṇaṃsaṃkiliṭṭhaṃ vāca’’nti. Tena avasiṭṭhaṃ tividhampi vacīduccaritamāha. Adhiṭṭhahitvāti, ‘‘idameva sacca’’nti ajjhosāya. Ādāyāti paggayha. Vohareyyāti samudācareyya. Lokasamaññanti lokasaṅketaṃ.
324. аарамман̣ад̇о самбаяог̇ад̇о гаамзхи бадисам̣хид̇ад̇д̇аа гаамабадисанд̇хи, гаамасукам̣. д̇знааха ‘‘гаамуубасам̣хид̇зна сукзнаа’’д̇и. сад̣̇угкод̇и вибаагад̣̇угкзна сам̣гилзсад̣̇угкзна сад̣̇угко. д̇ат̇аа сабарил̣ааход̇и вибаагабарил̣аахзна жзва гилзсабарил̣аахзна жа сабарил̣аахо.
324. Ārammaṇato sampayogato kāmehi paṭisaṃhitattā kāmapaṭisandhi, kāmasukhaṃ. Tenāha ‘‘kāmūpasaṃhitena sukhenā’’ti. Sadukkhoti vipākadukkhena saṃkilesadukkhena sadukkho. Tathā sapariḷāhoti vipākapariḷāhena ceva kilesapariḷāhena ca sapariḷāho.
326. ваддад̇о ниссарид̇ум̣ ад̣̇ад̇ваа д̇ад̇т̇зва сийд̣̇аабанад̇о мижчаабадибад̣̇аабхаавзна сад̇д̇з сам̣яож̇зд̇ийд̇и сам̣яож̇анам̣, висзсад̇о бхавасам̣яож̇анам̣ д̇ан̣хаад̇и ааха ‘‘д̇ан̣хааязд̇ам̣ наама’’нд̇и. на д̇ан̣хааязва маанаад̣̇аяоби сам̣яож̇анад̇д̇ам̣ саад̇хзнд̇и наама саб̣б̣асо сам̣яож̇анад̇о судту б̣анд̇ханад̇о. д̇зна вуд̇д̇ам̣ – ‘‘авиж̇ж̇аанийваран̣аанам̣, бхигкавз, сад̇д̇аанам̣ д̇ан̣хаасам̣яож̇анаана’’нд̇и (сам̣. ни. 2.125-126).
326. Vaṭṭato nissarituṃ adatvā tattheva sīdāpanato micchāpaṭipadābhāvena satte saṃyojetīti saṃyojanaṃ, visesato bhavasaṃyojanaṃ taṇhāti āha ‘‘taṇhāyetaṃ nāma’’nti. Na taṇhāyeva mānādayopi saṃyojanattaṃ sādhenti nāma sabbaso saṃyojanato suṭṭhu bandhanato. Tena vuttaṃ – ‘‘avijjānīvaraṇānaṃ, bhikkhave, sattānaṃ taṇhāsaṃyojanāna’’nti (saṃ. ni. 2.125-126).
имам̣ жад̇угганд̇и, ‘‘яз гаамабадисанд̇хисукино соманассаануяог̇ам̣ ануяуд̇д̇аа, яз ад̇д̇агиламат̇аануяог̇ам̣ ануяуд̇д̇аа’’д̇и звамааг̇ад̇ам̣ имам̣ жад̇уггам̣ ниссааяа. ‘‘зд̇ад̣̇аг̇г̇з табид̇о’’д̇и, вад̇ваа д̇ам̣ ниссааяа табид̇абхаавам̣ вид̇т̇аарад̇о д̣̇ассзд̇ум̣, ‘‘бхаг̇авад̇о хий’’д̇иаад̣̇и вуд̇д̇ам̣. уссаад̣̇анааабасаад̣̇анаа бан̃н̃ааяанд̇и д̇ат̇ааг̇ад̇зна винзд̇аб̣б̣абуг̇г̇алавасзна д̇хаммад̣̇зсанааяа бавад̇д̇зд̇аб̣б̣ад̇о. аяам̣ буг̇г̇ало…бз… аажаарасамбаннод̇и ваа над̇т̇и барзсам̣ ануд̣̇д̣̇зсагавасзна д̇хаммад̣̇зсанааяа бавад̇д̇анад̇о.
Imaṃ catukkanti, ‘‘ye kāmapaṭisandhisukhino somanassānuyogaṃ anuyuttā, ye attakilamathānuyogaṃ anuyuttā’’ti evamāgataṃ imaṃ catukkaṃ nissāya. ‘‘Etadagge ṭhapito’’ti, vatvā taṃ nissāya ṭhapitabhāvaṃ vitthārato dassetuṃ, ‘‘bhagavato hī’’tiādi vuttaṃ. Ussādanāapasādanāpaññāyanti tathāgatena vinetabbapuggalavasena dhammadesanāya pavattetabbato. Ayaṃ puggalo…pe… ācārasampannoti vā natthi paresaṃ anuddesakavasena dhammadesanāya pavattanato.
329. бараммукаа аван̣н̣анд̇и нинд̣̇ияасса д̣̇осасса нинд̣̇анам̣. на хи гад̣̇аажи нинд̣̇ияо басам̣сияо ход̇и, д̇ам̣ бана гаалам̣ н̃ад̇ваава гат̇зд̇аб̣б̣анд̇и ааха, ‘‘яуд̇д̇абад̇д̇агаалам̣ н̃ад̇вааваа’’д̇и. кийн̣аваад̣̇зби зсзва наяо д̇асса раховаад̣̇зна самаанаяог̇агкамад̇д̇аа.
329.Parammukhā avaṇṇanti nindiyassa dosassa nindanaṃ. Na hi kadāci nindiyo pasaṃsiyo hoti, taṃ pana kālaṃ ñatvāva kathetabbanti āha, ‘‘yuttapattakālaṃ ñatvāvā’’ti. Khīṇavādepi eseva nayo tassa rahovādena samānayogakkhamattā.
330. гхаад̇ийяад̇ийд̇и вад̇хийяад̇и. сад̣̇д̣̇оби бхиж̇ж̇ад̇и нассад̇и, бхзд̣̇о ход̇ийд̇и ад̇т̇о. г̇злан̃н̃аббад̇д̇од̇и кзд̣̇ам̣ бариссамам̣ бад̇д̇о. абалиб̣уд̣̇д̇ханд̇и д̣̇осзхи ананубад̇ид̇ам̣.
330.Ghātīyatīti vadhīyati. Saddopi bhijjati nassati, bhedo hotīti attho. Gelaññappattoti khedaṃ parissamaṃ patto. Apalibuddhanti dosehi ananupatitaṃ.
331. абхинивисса вохарад̇ийд̇и звамзд̇ам̣, на ид̇о ан̃н̃ат̇аад̇и д̇ам̣ ж̇анабад̣̇анируд̇д̇им̣ абхинивисид̇ваа самуд̣̇аажарад̇и. ад̇ид̇хаавананд̇и саман̃н̃ам̣ наамзд̇ам̣ логасан̇гзд̇асид̣̇д̇хаа бан̃н̃ад̇д̇ийд̇и бан̃н̃ад̇д̇имад̇д̇з адтад̇ваа барамад̇т̇ад̇о т̇аамасаа бараамасса вохаран̣ам̣.
331.Abhinivissavoharatīti evametaṃ, na ito aññathāti taṃ janapadaniruttiṃ abhinivisitvā samudācarati. Atidhāvananti samaññaṃ nāmetaṃ lokasaṅketasiddhā paññattīti paññattimatte aṭṭhatvā paramatthato thāmasā parāmassa voharaṇaṃ.
332. абараамасанд̇од̇и анабхинивисанд̇о саман̃н̃аамад̇д̇ад̇ова вохарад̇и.
332.Aparāmasantoti anabhinivisanto samaññāmattatova voharati.
333. марияаад̣̇абхааж̇анийяанд̇и яат̇аавуд̇д̇асаммаабадибад̣̇ааяа мижчаабадибад̣̇ааяа жа ан̃н̃аман̃н̃ам̣ сан̇гарабхаававибхааж̇анам̣. ран̣анд̇и сад̇д̇аа зд̇зхи ганд̣̇анд̇и аганд̣̇анд̇ааби ганд̣̇анагааран̣абхаавад̇од̇и ран̣аа; рааг̇ад̣̇осамохаа, д̣̇асаби ваа гилзсаа, саб̣б̣зби ваа зганд̇аагусалаа, д̇зхи наанаббагаарад̣̇угканиб̣б̣ад̇д̇агзхи абхибхууд̇аа сад̇д̇аа ганд̣̇анд̇и; саха ран̣зхийд̇и саран̣о. ран̣асад̣̇д̣̇о ваа рааг̇аад̣̇ирзн̣уусу нирул̣хо. д̇знааха ‘‘сараж̇о сагилзсо’’д̇и. баал̣ияам̣ бана ‘‘сад̣̇угко зсо д̇хаммо’’д̇иаад̣̇инаа ааг̇ад̇ад̇д̇аа гаамасукаануяог̇аад̣̇аяоби ‘‘саран̣о’’д̇и вуд̇д̇аад̇и д̣̇угкаад̣̇ийнам̣ ран̣абхааво д̇анниб̣б̣ад̇д̇агасабхааваанам̣ агусалаанам̣ саран̣ад̇аа жа взд̣̇ид̇аб̣б̣аа. аран̣од̇иаад̣̇ийнам̣ бад̣̇аанам̣ вуд̇д̇авибарияааязна ад̇т̇о взд̣̇ид̇аб̣б̣о.
333.Mariyādabhājanīyanti yathāvuttasammāpaṭipadāya micchāpaṭipadāya ca aññamaññaṃ saṅkarabhāvavibhājanaṃ. Raṇanti sattā etehi kandanti akandantāpi kandanakāraṇabhāvatoti raṇā; rāgadosamohā, dasapi vā kilesā, sabbepi vā ekantākusalā, tehi nānappakāradukkhanibbattakehi abhibhūtā sattā kandanti; saha raṇehīti saraṇo. Raṇasaddo vā rāgādireṇūsu niruḷho. Tenāha ‘‘sarajo sakileso’’ti. Pāḷiyaṃ pana ‘‘sadukkho eso dhammo’’tiādinā āgatattā kāmasukhānuyogādayopi ‘‘saraṇo’’ti vuttāti dukkhādīnaṃ raṇabhāvo tannibbattakasabhāvānaṃ akusalānaṃ saraṇatā ca veditabbā. Araṇotiādīnaṃ padānaṃ vuttavipariyāyena attho veditabbo.
вад̇т̇ум̣ сод̇хзд̇ийд̇и нирод̇хасамаабаж̇ж̇анзна махабпалабхаавагаран̣зна д̣̇агкин̣зяяавад̇т̇убхууд̇ам̣ ад̇д̇аанам̣ висод̇хзд̇и; нирод̇хасамаабад̇д̇ияаа вад̇т̇увисод̇ханам̣ нирод̇хам̣ самаабаж̇ж̇ид̇ваа вудтид̇аанам̣ бажжзгаб̣уд̣̇д̇хаанам̣ махаагассабад̇т̇зраад̣̇ийнам̣ д̣̇иннад̣̇агкин̣аависуд̣̇д̇хияаа д̣̇ийбзд̇аб̣б̣ам̣. д̇знааха ‘‘д̇ат̇аа хий’’д̇иаад̣̇и. д̇ат̇зваад̇и иминаа ‘‘бин̣д̣ааяа жаранд̇о’’д̇иаад̣̇им̣ убасам̣харад̇и. мзд̇д̇аабхааванааяа муд̣̇убхууд̇ажид̇д̇аб̣ахумаанабуб̣б̣агам̣ д̣̇знд̇ийд̇и , ‘‘субхууд̇ид̇т̇зро д̣̇агкин̣ам̣ висод̇хзд̇ий’’д̇и вуд̇д̇ам̣. д̇зна д̣̇ааяагад̇оби д̣̇агкин̣аависуд̣̇д̇хим̣ д̣̇ассзд̇и. вад̇т̇усод̇ханам̣ бана бадибхааг̇ад̇о. звам̣ бана гаад̇ум̣ саггаад̇и саавагаанамби гимзвам̣ лахувудтаанаад̇хидтаанам̣ саавагзсу жин̣н̣авасийбхааво самбхавад̇ийд̇и бужчад̇и. ид̇аро аг̇г̇асаавагамахаасаавагзсу гим̣ вад̇д̇аб̣б̣ам̣, багад̇исаавагзсуби васиббад̇д̇зсу лаб̣бхад̇ийд̇и д̇з д̣̇ассзнд̇о, ‘‘аама саггаа’’д̇иаад̣̇имааха. сзсам̣ сувин̃н̃зяяамзва.
Vatthuṃ sodhetīti nirodhasamāpajjanena mahapphalabhāvakaraṇena dakkhiṇeyyavatthubhūtaṃ attānaṃ visodheti; nirodhasamāpattiyā vatthuvisodhanaṃ nirodhaṃ samāpajjitvā vuṭṭhitānaṃ paccekabuddhānaṃ mahākassapattherādīnaṃ dinnadakkhiṇāvisuddhiyā dīpetabbaṃ. Tenāha ‘‘tathā hī’’tiādi. Tathevāti iminā ‘‘piṇḍāya caranto’’tiādiṃ upasaṃharati. Mettābhāvanāya mudubhūtacittabahumānapubbakaṃ dentīti , ‘‘subhūtitthero dakkhiṇaṃ visodhetī’’ti vuttaṃ. Tena dāyakatopi dakkhiṇāvisuddhiṃ dasseti. Vatthusodhanaṃ pana paṭibhāgato. Evaṃ pana kātuṃ sakkāti sāvakānampi kimevaṃ lahuvuṭṭhānādhiṭṭhānaṃ sāvakesu ciṇṇavasībhāvo sambhavatīti pucchati. Itaro aggasāvakamahāsāvakesu kiṃ vattabbaṃ, pakatisāvakesupi vasippattesu labbhatīti te dassento, ‘‘āma sakkā’’tiādimāha. Sesaṃ suviññeyyameva.
аран̣авибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Araṇavibhaṅgasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. аран̣авибхан̇г̇асуд̇д̇ам̣ • 9. Araṇavibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. аран̣авибхан̇г̇асуд̇д̇аван̣н̣анаа • 9. Araṇavibhaṅgasuttavaṇṇanā
