| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੯. ਅਰਣવਿਭਙ੍ਗਸੁਤ੍ਤવਣ੍ਣਨਾ
9. Araṇavibhaṅgasuttavaṇṇanā
੩੨੩. ਗੇਹਸ੍ਸਿਤવਸੇਨਾਤਿ ਕਿਲੇਸਨਿਸ੍ਸਿਤવਸੇਨ ਅਨੁਰੋਧવਸੇਨ। ਨੇવ ਉਕ੍ਖਿਪੇਯ੍ਯਾਤਿ ਨ ਅਨੁਗ੍ਗਣ੍ਹੇਯ੍ਯ। ਨ ਅવਕ੍ਖਿਪੇਯ੍ਯਾਤਿ ਗੇਹਸ੍ਸਿਤવਸੇਨ વਿਰੋਧવਸੇਨ ਨ ਨਿਗ੍ਗਣ੍ਹੇਯ੍ਯ। ਅਨੁਰੋਧੇਨ વਿਨਾ ਸਮ੍ਪਹਂਸਨવਸੇਨ ਯਥਾਭੂਤਗੁਣਕਥਨਂ ਨੇવੁਸ੍ਸਾਦਨਾ વਜ੍ਜਾਭਾવਤੋ; ਤਥਾ વਿਰੋਧੇਨ વਿਨਾ વਿવੇਚਨવਸੇਨ ਯਥਾਭੂਤਦੋਸਕਥਨਂ ਨ ਅਪਸਾਦਨਂ। ਸਭਾવਮੇવਾਤਿ ਯਥਾਭੂਤਸਭਾવਮੇવ ਕਸ੍ਸਚਿ ਪੁਗ੍ਗਲਸ੍ਸ ਅਨਾਦੇਸਕਰਣવਸੇਨ ਕਥੇਯ੍ਯ, ਸੇਯ੍ਯਥਾਪਿ ਆਯਸ੍ਮਾ ਸੁਭੂਤਿਤ੍ਥੇਰੋ। વਿਨਿਚ੍ਛਿਤਸੁਖਨ੍ਤਿ, ‘‘ਅਜ੍ਝਤ੍ਤਂ ਅਨવਜ੍ਜ’’ਨ੍ਤਿਆਦਿਨਾ વਿਸੇਸਤੋ વਿਨਿਚ੍ਛਿਤਸੁਖਾਯ ਹੋਤਿ। ਪਰਮ੍ਮੁਖਾ ਅવਣ੍ਣਨ੍ਤਿ ਸ੍વਾਯਂ ਰਹੋવਾਦੋ ਪੇਸੁਞ੍ਞੂਪਸਂਹਾਰવਸੇਨ ਪવਤ੍ਤੋ ਇਧਾਧਿਪ੍ਪੇਤੋਤਿ ਆਹ ‘‘ਪਿਸੁਣવਾਚਨ੍ਤਿ ਅਤ੍ਥੋ’’ਤਿ। ਖੀਣਾਤੀਤਿ ਖੀਣੋ, ਯੋ ਭਾਸਤਿ, ਯਞ੍ਚ ਉਦ੍ਦਿਸ੍ਸ ਭਾਸਤਿ, ਦ੍વੇਪਿ ਹਿਂਸਤਿ વਿਬਾਧਤੀਤਿ ਅਤ੍ਥੋ, ਤਂ ਖੀਣવਾਦਂ। ਸ੍વਾਯਂ ਯਸ੍ਮਾ ਕਿਲੇਸੇਹਿ ਆਕਿਣ੍ਣੋ ਸਂਕਿਲਿਟ੍ਠੋ ਏવ ਚ ਹੋਤਿ, ਤਸ੍ਮਾ વੁਤ੍ਤਂ – ‘‘ਆਕਿਣ੍ਣਂ ਸਂਕਿਲਿਟ੍ਠਂ વਾਚ’’ਨ੍ਤਿ। ਤੇਨ ਅવਸਿਟ੍ਠਂ ਤਿવਿਧਮ੍ਪਿ વਚੀਦੁਚ੍ਚਰਿਤਮਾਹ। ਅਧਿਟ੍ਠਹਿਤ੍વਾਤਿ, ‘‘ਇਦਮੇવ ਸਚ੍ਚ’’ਨ੍ਤਿ ਅਜ੍ਝੋਸਾਯ। ਆਦਾਯਾਤਿ ਪਗ੍ਗਯ੍ਹ। વੋਹਰੇਯ੍ਯਾਤਿ ਸਮੁਦਾਚਰੇਯ੍ਯ। ਲੋਕਸਮਞ੍ਞਨ੍ਤਿ ਲੋਕਸਙ੍ਕੇਤਂ।
323.Gehassitavasenāti kilesanissitavasena anurodhavasena. Neva ukkhipeyyāti na anuggaṇheyya. Na avakkhipeyyāti gehassitavasena virodhavasena na niggaṇheyya. Anurodhena vinā sampahaṃsanavasena yathābhūtaguṇakathanaṃ nevussādanā vajjābhāvato; tathā virodhena vinā vivecanavasena yathābhūtadosakathanaṃ na apasādanaṃ. Sabhāvamevāti yathābhūtasabhāvameva kassaci puggalassa anādesakaraṇavasena katheyya, seyyathāpi āyasmā subhūtitthero. Vinicchitasukhanti, ‘‘ajjhattaṃ anavajja’’ntiādinā visesato vinicchitasukhāya hoti. Parammukhā avaṇṇanti svāyaṃ rahovādo pesuññūpasaṃhāravasena pavatto idhādhippetoti āha ‘‘pisuṇavācanti attho’’ti. Khīṇātīti khīṇo, yo bhāsati, yañca uddissa bhāsati, dvepi hiṃsati vibādhatīti attho, taṃ khīṇavādaṃ. Svāyaṃ yasmā kilesehi ākiṇṇo saṃkiliṭṭho eva ca hoti, tasmā vuttaṃ – ‘‘ākiṇṇaṃsaṃkiliṭṭhaṃ vāca’’nti. Tena avasiṭṭhaṃ tividhampi vacīduccaritamāha. Adhiṭṭhahitvāti, ‘‘idameva sacca’’nti ajjhosāya. Ādāyāti paggayha. Vohareyyāti samudācareyya. Lokasamaññanti lokasaṅketaṃ.
੩੨੪. ਆਰਮ੍ਮਣਤੋ ਸਮ੍ਪਯੋਗਤੋ ਕਾਮੇਹਿ ਪਟਿਸਂਹਿਤਤ੍ਤਾ ਕਾਮਪਟਿਸਨ੍ਧਿ, ਕਾਮਸੁਖਂ। ਤੇਨਾਹ ‘‘ਕਾਮੂਪਸਂਹਿਤੇਨ ਸੁਖੇਨਾ’’ਤਿ। ਸਦੁਕ੍ਖੋਤਿ વਿਪਾਕਦੁਕ੍ਖੇਨ ਸਂਕਿਲੇਸਦੁਕ੍ਖੇਨ ਸਦੁਕ੍ਖੋ। ਤਥਾ ਸਪਰਿਲ਼ਾਹੋਤਿ વਿਪਾਕਪਰਿਲ਼ਾਹੇਨ ਚੇવ ਕਿਲੇਸਪਰਿਲ਼ਾਹੇਨ ਚ ਸਪਰਿਲ਼ਾਹੋ।
324. Ārammaṇato sampayogato kāmehi paṭisaṃhitattā kāmapaṭisandhi, kāmasukhaṃ. Tenāha ‘‘kāmūpasaṃhitena sukhenā’’ti. Sadukkhoti vipākadukkhena saṃkilesadukkhena sadukkho. Tathā sapariḷāhoti vipākapariḷāhena ceva kilesapariḷāhena ca sapariḷāho.
੩੨੬. વਟ੍ਟਤੋ ਨਿਸ੍ਸਰਿਤੁਂ ਅਦਤ੍વਾ ਤਤ੍ਥੇવ ਸੀਦਾਪਨਤੋ ਮਿਚ੍ਛਾਪਟਿਪਦਾਭਾવੇਨ ਸਤ੍ਤੇ ਸਂਯੋਜੇਤੀਤਿ ਸਂਯੋਜਨਂ, વਿਸੇਸਤੋ ਭવਸਂਯੋਜਨਂ ਤਣ੍ਹਾਤਿ ਆਹ ‘‘ਤਣ੍ਹਾਯੇਤਂ ਨਾਮ’’ਨ੍ਤਿ। ਨ ਤਣ੍ਹਾਯੇવ ਮਾਨਾਦਯੋਪਿ ਸਂਯੋਜਨਤ੍ਤਂ ਸਾਧੇਨ੍ਤਿ ਨਾਮ ਸਬ੍ਬਸੋ ਸਂਯੋਜਨਤੋ ਸੁਟ੍ਠੁ ਬਨ੍ਧਨਤੋ। ਤੇਨ વੁਤ੍ਤਂ – ‘‘ਅવਿਜ੍ਜਾਨੀવਰਣਾਨਂ, ਭਿਕ੍ਖવੇ, ਸਤ੍ਤਾਨਂ ਤਣ੍ਹਾਸਂਯੋਜਨਾਨ’’ਨ੍ਤਿ (ਸਂ॰ ਨਿ॰ ੨.੧੨੫-੧੨੬)।
326. Vaṭṭato nissarituṃ adatvā tattheva sīdāpanato micchāpaṭipadābhāvena satte saṃyojetīti saṃyojanaṃ, visesato bhavasaṃyojanaṃ taṇhāti āha ‘‘taṇhāyetaṃ nāma’’nti. Na taṇhāyeva mānādayopi saṃyojanattaṃ sādhenti nāma sabbaso saṃyojanato suṭṭhu bandhanato. Tena vuttaṃ – ‘‘avijjānīvaraṇānaṃ, bhikkhave, sattānaṃ taṇhāsaṃyojanāna’’nti (saṃ. ni. 2.125-126).
ਇਮਂ ਚਤੁਕ੍ਕਨ੍ਤਿ, ‘‘ਯੇ ਕਾਮਪਟਿਸਨ੍ਧਿਸੁਖਿਨੋ ਸੋਮਨਸ੍ਸਾਨੁਯੋਗਂ ਅਨੁਯੁਤ੍ਤਾ, ਯੇ ਅਤ੍ਤਕਿਲਮਥਾਨੁਯੋਗਂ ਅਨੁਯੁਤ੍ਤਾ’’ਤਿ ਏવਮਾਗਤਂ ਇਮਂ ਚਤੁਕ੍ਕਂ ਨਿਸ੍ਸਾਯ। ‘‘ਏਤਦਗ੍ਗੇ ਠਪਿਤੋ’’ਤਿ, વਤ੍વਾ ਤਂ ਨਿਸ੍ਸਾਯ ਠਪਿਤਭਾવਂ વਿਤ੍ਥਾਰਤੋ ਦਸ੍ਸੇਤੁਂ, ‘‘ਭਗવਤੋ ਹੀ’’ਤਿਆਦਿ વੁਤ੍ਤਂ। ਉਸ੍ਸਾਦਨਾਅਪਸਾਦਨਾ ਪਞ੍ਞਾਯਨ੍ਤਿ ਤਥਾਗਤੇਨ વਿਨੇਤਬ੍ਬਪੁਗ੍ਗਲવਸੇਨ ਧਮ੍ਮਦੇਸਨਾਯ ਪવਤ੍ਤੇਤਬ੍ਬਤੋ। ਅਯਂ ਪੁਗ੍ਗਲੋ…ਪੇ॰… ਆਚਾਰਸਮ੍ਪਨ੍ਨੋਤਿ વਾ ਨਤ੍ਥਿ ਪਰੇਸਂ ਅਨੁਦ੍ਦੇਸਕવਸੇਨ ਧਮ੍ਮਦੇਸਨਾਯ ਪવਤ੍ਤਨਤੋ।
Imaṃ catukkanti, ‘‘ye kāmapaṭisandhisukhino somanassānuyogaṃ anuyuttā, ye attakilamathānuyogaṃ anuyuttā’’ti evamāgataṃ imaṃ catukkaṃ nissāya. ‘‘Etadagge ṭhapito’’ti, vatvā taṃ nissāya ṭhapitabhāvaṃ vitthārato dassetuṃ, ‘‘bhagavato hī’’tiādi vuttaṃ. Ussādanāapasādanāpaññāyanti tathāgatena vinetabbapuggalavasena dhammadesanāya pavattetabbato. Ayaṃ puggalo…pe… ācārasampannoti vā natthi paresaṃ anuddesakavasena dhammadesanāya pavattanato.
੩੨੯. ਪਰਮ੍ਮੁਖਾ ਅવਣ੍ਣਨ੍ਤਿ ਨਿਨ੍ਦਿਯਸ੍ਸ ਦੋਸਸ੍ਸ ਨਿਨ੍ਦਨਂ। ਨ ਹਿ ਕਦਾਚਿ ਨਿਨ੍ਦਿਯੋ ਪਸਂਸਿਯੋ ਹੋਤਿ, ਤਂ ਪਨ ਕਾਲਂ ਞਤ੍વਾવ ਕਥੇਤਬ੍ਬਨ੍ਤਿ ਆਹ, ‘‘ਯੁਤ੍ਤਪਤ੍ਤਕਾਲਂ ਞਤ੍વਾવਾ’’ਤਿ। ਖੀਣવਾਦੇਪਿ ਏਸੇવ ਨਯੋ ਤਸ੍ਸ ਰਹੋવਾਦੇਨ ਸਮਾਨਯੋਗਕ੍ਖਮਤ੍ਤਾ।
329.Parammukhā avaṇṇanti nindiyassa dosassa nindanaṃ. Na hi kadāci nindiyo pasaṃsiyo hoti, taṃ pana kālaṃ ñatvāva kathetabbanti āha, ‘‘yuttapattakālaṃ ñatvāvā’’ti. Khīṇavādepi eseva nayo tassa rahovādena samānayogakkhamattā.
੩੩੦. ਘਾਤੀਯਤੀਤਿ વਧੀਯਤਿ। ਸਦ੍ਦੋਪਿ ਭਿਜ੍ਜਤਿ ਨਸ੍ਸਤਿ, ਭੇਦੋ ਹੋਤੀਤਿ ਅਤ੍ਥੋ। ਗੇਲਞ੍ਞਪ੍ਪਤ੍ਤੋਤਿ ਖੇਦਂ ਪਰਿਸ੍ਸਮਂ ਪਤ੍ਤੋ। ਅਪਲਿਬੁਦ੍ਧਨ੍ਤਿ ਦੋਸੇਹਿ ਅਨਨੁਪਤਿਤਂ।
330.Ghātīyatīti vadhīyati. Saddopi bhijjati nassati, bhedo hotīti attho. Gelaññappattoti khedaṃ parissamaṃ patto. Apalibuddhanti dosehi ananupatitaṃ.
੩੩੧. ਅਭਿਨਿવਿਸ੍ਸ વੋਹਰਤੀਤਿ ਏવਮੇਤਂ, ਨ ਇਤੋ ਅਞ੍ਞਥਾਤਿ ਤਂ ਜਨਪਦਨਿਰੁਤ੍ਤਿਂ ਅਭਿਨਿવਿਸਿਤ੍વਾ ਸਮੁਦਾਚਰਤਿ। ਅਤਿਧਾવਨਨ੍ਤਿ ਸਮਞ੍ਞਂ ਨਾਮੇਤਂ ਲੋਕਸਙ੍ਕੇਤਸਿਦ੍ਧਾ ਪਞ੍ਞਤ੍ਤੀਤਿ ਪਞ੍ਞਤ੍ਤਿਮਤ੍ਤੇ ਅਟ੍ਠਤ੍વਾ ਪਰਮਤ੍ਥਤੋ ਥਾਮਸਾ ਪਰਾਮਸ੍ਸ વੋਹਰਣਂ।
331.Abhinivissavoharatīti evametaṃ, na ito aññathāti taṃ janapadaniruttiṃ abhinivisitvā samudācarati. Atidhāvananti samaññaṃ nāmetaṃ lokasaṅketasiddhā paññattīti paññattimatte aṭṭhatvā paramatthato thāmasā parāmassa voharaṇaṃ.
੩੩੨. ਅਪਰਾਮਸਨ੍ਤੋਤਿ ਅਨਭਿਨਿવਿਸਨ੍ਤੋ ਸਮਞ੍ਞਾਮਤ੍ਤਤੋવ વੋਹਰਤਿ।
332.Aparāmasantoti anabhinivisanto samaññāmattatova voharati.
੩੩੩. ਮਰਿਯਾਦਭਾਜਨੀਯਨ੍ਤਿ ਯਥਾવੁਤ੍ਤਸਮ੍ਮਾਪਟਿਪਦਾਯ ਮਿਚ੍ਛਾਪਟਿਪਦਾਯ ਚ ਅਞ੍ਞਮਞ੍ਞਂ ਸਙ੍ਕਰਭਾવવਿਭਾਜਨਂ। ਰਣਨ੍ਤਿ ਸਤ੍ਤਾ ਏਤੇਹਿ ਕਨ੍ਦਨ੍ਤਿ ਅਕਨ੍ਦਨ੍ਤਾਪਿ ਕਨ੍ਦਨਕਾਰਣਭਾવਤੋਤਿ ਰਣਾ; ਰਾਗਦੋਸਮੋਹਾ, ਦਸਪਿ વਾ ਕਿਲੇਸਾ, ਸਬ੍ਬੇਪਿ વਾ ਏਕਨ੍ਤਾਕੁਸਲਾ, ਤੇਹਿ ਨਾਨਪ੍ਪਕਾਰਦੁਕ੍ਖਨਿਬ੍ਬਤ੍ਤਕੇਹਿ ਅਭਿਭੂਤਾ ਸਤ੍ਤਾ ਕਨ੍ਦਨ੍ਤਿ; ਸਹ ਰਣੇਹੀਤਿ ਸਰਣੋ। ਰਣਸਦ੍ਦੋ વਾ ਰਾਗਾਦਿਰੇਣੂਸੁ ਨਿਰੁਲ਼੍ਹੋ। ਤੇਨਾਹ ‘‘ਸਰਜੋ ਸਕਿਲੇਸੋ’’ਤਿ। ਪਾਲ਼ਿਯਂ ਪਨ ‘‘ਸਦੁਕ੍ਖੋ ਏਸੋ ਧਮ੍ਮੋ’’ਤਿਆਦਿਨਾ ਆਗਤਤ੍ਤਾ ਕਾਮਸੁਖਾਨੁਯੋਗਾਦਯੋਪਿ ‘‘ਸਰਣੋ’’ਤਿ વੁਤ੍ਤਾਤਿ ਦੁਕ੍ਖਾਦੀਨਂ ਰਣਭਾવੋ ਤਨ੍ਨਿਬ੍ਬਤ੍ਤਕਸਭਾવਾਨਂ ਅਕੁਸਲਾਨਂ ਸਰਣਤਾ ਚ વੇਦਿਤਬ੍ਬਾ। ਅਰਣੋਤਿਆਦੀਨਂ ਪਦਾਨਂ વੁਤ੍ਤવਿਪਰਿਯਾਯੇਨ ਅਤ੍ਥੋ વੇਦਿਤਬ੍ਬੋ।
333.Mariyādabhājanīyanti yathāvuttasammāpaṭipadāya micchāpaṭipadāya ca aññamaññaṃ saṅkarabhāvavibhājanaṃ. Raṇanti sattā etehi kandanti akandantāpi kandanakāraṇabhāvatoti raṇā; rāgadosamohā, dasapi vā kilesā, sabbepi vā ekantākusalā, tehi nānappakāradukkhanibbattakehi abhibhūtā sattā kandanti; saha raṇehīti saraṇo. Raṇasaddo vā rāgādireṇūsu niruḷho. Tenāha ‘‘sarajo sakileso’’ti. Pāḷiyaṃ pana ‘‘sadukkho eso dhammo’’tiādinā āgatattā kāmasukhānuyogādayopi ‘‘saraṇo’’ti vuttāti dukkhādīnaṃ raṇabhāvo tannibbattakasabhāvānaṃ akusalānaṃ saraṇatā ca veditabbā. Araṇotiādīnaṃ padānaṃ vuttavipariyāyena attho veditabbo.
વਤ੍ਥੁਂ ਸੋਧੇਤੀਤਿ ਨਿਰੋਧਸਮਾਪਜ੍ਜਨੇਨ ਮਹਪ੍ਫਲਭਾવਕਰਣੇਨ ਦਕ੍ਖਿਣੇਯ੍ਯવਤ੍ਥੁਭੂਤਂ ਅਤ੍ਤਾਨਂ વਿਸੋਧੇਤਿ; ਨਿਰੋਧਸਮਾਪਤ੍ਤਿਯਾ વਤ੍ਥੁવਿਸੋਧਨਂ ਨਿਰੋਧਂ ਸਮਾਪਜ੍ਜਿਤ੍વਾ વੁਟ੍ਠਿਤਾਨਂ ਪਚ੍ਚੇਕਬੁਦ੍ਧਾਨਂ ਮਹਾਕਸ੍ਸਪਤ੍ਥੇਰਾਦੀਨਂ ਦਿਨ੍ਨਦਕ੍ਖਿਣਾવਿਸੁਦ੍ਧਿਯਾ ਦੀਪੇਤਬ੍ਬਂ। ਤੇਨਾਹ ‘‘ਤਥਾ ਹੀ’’ਤਿਆਦਿ। ਤਥੇવਾਤਿ ਇਮਿਨਾ ‘‘ਪਿਣ੍ਡਾਯ ਚਰਨ੍ਤੋ’’ਤਿਆਦਿਂ ਉਪਸਂਹਰਤਿ। ਮੇਤ੍ਤਾਭਾવਨਾਯ ਮੁਦੁਭੂਤਚਿਤ੍ਤਬਹੁਮਾਨਪੁਬ੍ਬਕਂ ਦੇਨ੍ਤੀਤਿ , ‘‘ਸੁਭੂਤਿਤ੍ਥੇਰੋ ਦਕ੍ਖਿਣਂ વਿਸੋਧੇਤੀ’’ਤਿ વੁਤ੍ਤਂ। ਤੇਨ ਦਾਯਕਤੋਪਿ ਦਕ੍ਖਿਣਾવਿਸੁਦ੍ਧਿਂ ਦਸ੍ਸੇਤਿ। વਤ੍ਥੁਸੋਧਨਂ ਪਨ ਪਟਿਭਾਗਤੋ। ਏવਂ ਪਨ ਕਾਤੁਂ ਸਕ੍ਕਾਤਿ ਸਾવਕਾਨਮ੍ਪਿ ਕਿਮੇવਂ ਲਹੁવੁਟ੍ਠਾਨਾਧਿਟ੍ਠਾਨਂ ਸਾવਕੇਸੁ ਚਿਣ੍ਣવਸੀਭਾવੋ ਸਮ੍ਭવਤੀਤਿ ਪੁਚ੍ਛਤਿ। ਇਤਰੋ ਅਗ੍ਗਸਾવਕਮਹਾਸਾવਕੇਸੁ ਕਿਂ વਤ੍ਤਬ੍ਬਂ, ਪਕਤਿਸਾવਕੇਸੁਪਿ વਸਿਪ੍ਪਤ੍ਤੇਸੁ ਲਬ੍ਭਤੀਤਿ ਤੇ ਦਸ੍ਸੇਨ੍ਤੋ, ‘‘ਆਮ ਸਕ੍ਕਾ’’ਤਿਆਦਿਮਾਹ। ਸੇਸਂ ਸੁવਿਞ੍ਞੇਯ੍ਯਮੇવ।
Vatthuṃ sodhetīti nirodhasamāpajjanena mahapphalabhāvakaraṇena dakkhiṇeyyavatthubhūtaṃ attānaṃ visodheti; nirodhasamāpattiyā vatthuvisodhanaṃ nirodhaṃ samāpajjitvā vuṭṭhitānaṃ paccekabuddhānaṃ mahākassapattherādīnaṃ dinnadakkhiṇāvisuddhiyā dīpetabbaṃ. Tenāha ‘‘tathā hī’’tiādi. Tathevāti iminā ‘‘piṇḍāya caranto’’tiādiṃ upasaṃharati. Mettābhāvanāya mudubhūtacittabahumānapubbakaṃ dentīti , ‘‘subhūtitthero dakkhiṇaṃ visodhetī’’ti vuttaṃ. Tena dāyakatopi dakkhiṇāvisuddhiṃ dasseti. Vatthusodhanaṃ pana paṭibhāgato. Evaṃ pana kātuṃ sakkāti sāvakānampi kimevaṃ lahuvuṭṭhānādhiṭṭhānaṃ sāvakesu ciṇṇavasībhāvo sambhavatīti pucchati. Itaro aggasāvakamahāsāvakesu kiṃ vattabbaṃ, pakatisāvakesupi vasippattesu labbhatīti te dassento, ‘‘āma sakkā’’tiādimāha. Sesaṃ suviññeyyameva.
ਅਰਣવਿਭਙ੍ਗਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Araṇavibhaṅgasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੯. ਅਰਣવਿਭਙ੍ਗਸੁਤ੍ਤਂ • 9. Araṇavibhaṅgasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੯. ਅਰਣવਿਭਙ੍ਗਸੁਤ੍ਤવਣ੍ਣਨਾ • 9. Araṇavibhaṅgasuttavaṇṇanā
