| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
33. аран̣авихааран̃аан̣анид̣̇д̣̇зсаван̣н̣анаа
33. Araṇavihārañāṇaniddesavaṇṇanā
82. аран̣авихааран̃аан̣анид̣̇д̣̇зсз анижжаанубассанаад̣̇аяо вуд̇д̇ад̇т̇аа. сун̃н̃ад̇о вихаарод̇и анад̇д̇аанубассанааяа вудтид̇асса сун̃н̃ад̇аагаарзнзва бавад̇д̇аа арахад̇д̇апаласамаабад̇д̇и. анимид̇д̇о вихаарод̇и анижжаанубассанааяа вудтид̇асса анимид̇д̇аагаарзна бавад̇д̇аа арахад̇д̇апаласамаабад̇д̇и. аббан̣ихид̇о вихаарод̇и д̣̇угкаанубассанааяа вудтид̇асса аббан̣ихид̇аагаарзна бавад̇д̇аа арахад̇д̇апаласамаабад̇д̇и. сун̃н̃ад̇з ад̇химуд̇д̇ад̇аад̇и сун̃н̃ад̇з паласамаабад̇д̇ияаа буб̣б̣абхааг̇абан̃н̃аавасзна ад̇химуд̇д̇ад̇аа. сзсад̣̇ваязби зсзва наяо. батамам̣ жхаананд̇иаад̣̇ийхи арахад̇д̇апаласамаабад̇д̇им̣ самаабаж̇ж̇ид̇угаамасса вибассанааяа аарамман̣абхууд̇аа жхаанасамаабад̇д̇ияо вуд̇д̇аа. арахад̇оязва хи вибассанаапаласамаабад̇д̇ибан̣ийд̇аад̇химуд̇д̇ижхаанасамаабад̇д̇ияо саб̣б̣агилзсаанам̣ бахийнад̇д̇аа ‘‘аран̣авихааро’’д̇и вад̇д̇ум̣ араханд̇и.
82. Araṇavihārañāṇaniddese aniccānupassanādayo vuttatthā. Suññato vihāroti anattānupassanāya vuṭṭhitassa suññatākāreneva pavattā arahattaphalasamāpatti. Animitto vihāroti aniccānupassanāya vuṭṭhitassa animittākārena pavattā arahattaphalasamāpatti. Appaṇihitovihāroti dukkhānupassanāya vuṭṭhitassa appaṇihitākārena pavattā arahattaphalasamāpatti. Suññate adhimuttatāti suññate phalasamāpattiyā pubbabhāgapaññāvasena adhimuttatā. Sesadvayepi eseva nayo. Paṭhamaṃ jhānantiādīhi arahattaphalasamāpattiṃ samāpajjitukāmassa vipassanāya ārammaṇabhūtā jhānasamāpattiyo vuttā. Arahatoyeva hi vipassanāphalasamāpattipaṇītādhimuttijhānasamāpattiyo sabbakilesānaṃ pahīnattā ‘‘araṇavihāro’’ti vattuṃ arahanti.
батамзна жхаанзна нийваран̣з харад̇ийд̇и аран̣авихаарод̇и батамаж̇жхаанасаман̇г̇ий батамзна жхаанзна нийваран̣з харад̇ийд̇и д̇ам̣ батамам̣ жхаанам̣ аран̣авихаарод̇и ад̇т̇о. сзсзсуби зсзва наяо. арахад̇о нийваран̣аабхаавзби нийваран̣авибагкад̇д̇аа батамасса жхаанасса нийваран̣з харад̇ийд̇и вуд̇д̇анд̇и взд̣̇ид̇аб̣б̣ам̣. вибассанаапаласамаабад̇д̇ибан̣ийд̇аад̇химуд̇д̇ивасзна д̇ид̇хаа аран̣авихааран̃аан̣ам̣ уд̣̇д̣̇исид̇ваа гасмаа жхаанасамаабад̇д̇ияова аран̣авихаарод̇и нид̣̇д̣̇идтаад̇и жз? уд̣̇д̣̇зсавасзнзва д̇аасам̣ д̇иссаннам̣ аран̣авихаарад̇ааяа сид̣̇д̇хад̇д̇аа. паласамаабад̇д̇ивибассанааяа бана бхуумибхууд̇аанам̣ жхаанасамаабад̇д̇ийнам̣ аран̣авихаарад̇аа авуд̇д̇з на сиж̇жхад̇и, д̇асмаа асид̣̇д̇хамзва саад̇хзд̇ум̣ ‘‘батамам̣ жхаанам̣ аран̣авихааро’’д̇иаад̣̇и вуд̇д̇анд̇и взд̣̇ид̇аб̣б̣ам̣. д̇аасан̃хи аран̣авихаарад̇аа уд̣̇д̣̇зсавасзна асид̣̇д̇хааби нид̣̇д̣̇зсз вуд̇д̇ад̇д̇аа сид̣̇д̇хаад̇и. д̇зсам̣ ваа яож̇ид̇анаязнзва ‘‘анижжаанубассанаа нижжасан̃н̃ам̣ харад̇ийд̇и аран̣авихааро, д̣̇угкаанубассанаа сукасан̃н̃ам̣ харад̇ийд̇и аран̣авихааро, анад̇д̇аанубассанаа ад̇д̇асан̃н̃ам̣ харад̇ийд̇и аран̣авихааро, сун̃н̃ад̇о вихааро асун̃н̃ад̇ам̣ харад̇ийд̇и аран̣авихааро, анимид̇д̇о вихааро нимид̇д̇ам̣ харад̇ийд̇и аран̣авихааро, аббан̣ихид̇о вихааро бан̣ид̇хим̣ харад̇ийд̇и аран̣авихааро, сун̃н̃ад̇аад̇химуд̇д̇ад̇аа асун̃н̃ад̇аад̇химуд̇д̇им̣ харад̇ийд̇и аран̣авихааро, анимид̇д̇аад̇химуд̇д̇ад̇аа нимид̇д̇аад̇химуд̇д̇им̣ харад̇ийд̇и аран̣авихааро, аббан̣ихид̇аад̇химуд̇д̇ад̇аа бан̣ихид̇аад̇химуд̇д̇им̣ харад̇ийд̇и аран̣авихааро’’д̇и яож̇зд̇ваа г̇ахзд̇аб̣б̣ам̣.
Paṭhamena jhānena nīvaraṇe haratīti araṇavihāroti paṭhamajjhānasamaṅgī paṭhamena jhānena nīvaraṇe haratīti taṃ paṭhamaṃ jhānaṃ araṇavihāroti attho. Sesesupi eseva nayo. Arahato nīvaraṇābhāvepi nīvaraṇavipakkhattā paṭhamassa jhānassa nīvaraṇe haratīti vuttanti veditabbaṃ. Vipassanāphalasamāpattipaṇītādhimuttivasena tidhā araṇavihārañāṇaṃ uddisitvā kasmā jhānasamāpattiyova araṇavihāroti niddiṭṭhāti ce? Uddesavaseneva tāsaṃ tissannaṃ araṇavihāratāya siddhattā. Phalasamāpattivipassanāya pana bhūmibhūtānaṃ jhānasamāpattīnaṃ araṇavihāratā avutte na sijjhati, tasmā asiddhameva sādhetuṃ ‘‘paṭhamaṃ jhānaṃ araṇavihāro’’tiādi vuttanti veditabbaṃ. Tāsañhi araṇavihāratā uddesavasena asiddhāpi niddese vuttattā siddhāti. Tesaṃ vā yojitanayeneva ‘‘aniccānupassanā niccasaññaṃ haratīti araṇavihāro, dukkhānupassanā sukhasaññaṃ haratīti araṇavihāro, anattānupassanā attasaññaṃ haratīti araṇavihāro, suññato vihāro asuññataṃ haratīti araṇavihāro, animitto vihāro nimittaṃ haratīti araṇavihāro, appaṇihito vihāro paṇidhiṃ haratīti araṇavihāro, suññatādhimuttatā asuññatādhimuttiṃ haratīti araṇavihāro, animittādhimuttatā nimittādhimuttiṃ haratīti araṇavihāro, appaṇihitādhimuttatā paṇihitādhimuttiṃ haratīti araṇavihāro’’ti yojetvā gahetabbaṃ.
аран̣авихааран̃аан̣анид̣̇д̣̇зсаван̣н̣анаа нидтид̇аа.
Araṇavihārañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 33. аран̣авихааран̃аан̣анид̣̇д̣̇зсо • 33. Araṇavihārañāṇaniddeso
