| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
33. аран̣авихааран̃аан̣анид̣̇д̣̇зсо
33. Araṇavihārañāṇaniddeso
82. гат̇ам̣ д̣̇ассанаад̇хибад̇зяяам̣ санд̇о жа вихаараад̇хиг̇амо бан̣ийд̇аад̇химуд̇д̇ад̇аа бан̃н̃аа аран̣авихаарз н̃аан̣ам̣? д̣̇ассанаад̇хибад̇зяяанд̇и анижжаанубассанаа д̣̇ассанаад̇хибад̇зяяам̣, д̣̇угкаанубассанаа д̣̇ассанаад̇хибад̇зяяам̣, анад̇д̇аанубассанаа д̣̇ассанаад̇хибад̇зяяам̣, руубз анижжаанубассанаа д̣̇ассанаад̇хибад̇зяяам̣, руубз д̣̇угкаанубассанаа д̣̇ассанаад̇хибад̇зяяам̣, руубз анад̇д̇аанубассанаа д̣̇ассанаад̇хибад̇зяяам̣; взд̣̇анааяа…бз… сан̃н̃ааяа… сан̇каарзсу… вин̃н̃аан̣з… жагкусмим̣…бз… ж̇араамаран̣з анижжаанубассанаа д̣̇ассанаад̇хибад̇зяяам̣, ж̇араамаран̣з д̣̇угкаанубассанаа д̣̇ассанаад̇хибад̇зяяам̣, ж̇араамаран̣з анад̇д̇аанубассанаа д̣̇ассанаад̇хибад̇зяяам̣.
82. Kathaṃ dassanādhipateyyaṃ santo ca vihārādhigamo paṇītādhimuttatā paññā araṇavihāre ñāṇaṃ? Dassanādhipateyyanti aniccānupassanā dassanādhipateyyaṃ, dukkhānupassanā dassanādhipateyyaṃ, anattānupassanā dassanādhipateyyaṃ, rūpe aniccānupassanā dassanādhipateyyaṃ, rūpe dukkhānupassanā dassanādhipateyyaṃ, rūpe anattānupassanā dassanādhipateyyaṃ; vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā dassanādhipateyyaṃ, jarāmaraṇe dukkhānupassanā dassanādhipateyyaṃ, jarāmaraṇe anattānupassanā dassanādhipateyyaṃ.
санд̇о жа вихаараад̇хиг̇амод̇и сун̃н̃ад̇о вихааро санд̇о вихаараад̇хиг̇амо. анимид̇д̇о вихааро санд̇о вихаараад̇хиг̇амо. аббан̣ихид̇о вихааро санд̇о вихаараад̇хиг̇амо.
Santoca vihārādhigamoti suññato vihāro santo vihārādhigamo. Animitto vihāro santo vihārādhigamo. Appaṇihito vihāro santo vihārādhigamo.
бан̣ийд̇аад̇химуд̇д̇ад̇аад̇и сун̃н̃ад̇з ад̇химуд̇д̇ад̇аа бан̣ийд̇аад̇химуд̇д̇ад̇аа. анимид̇д̇з ад̇химуд̇д̇ад̇аа бан̣ийд̇аад̇химуд̇д̇ад̇аа. аббан̣ихид̇з ад̇химуд̇д̇ад̇аа бан̣ийд̇аад̇химуд̇д̇ад̇аа.
Paṇītādhimuttatāti suññate adhimuttatā paṇītādhimuttatā. Animitte adhimuttatā paṇītādhimuttatā. Appaṇihite adhimuttatā paṇītādhimuttatā.
аран̣авихаарод̇и батамам̣ жхаанам̣ аран̣авихааро. д̣̇уд̇ияам̣ жхаанам̣ аран̣авихааро. д̇ад̇ияам̣ жхаанам̣ аран̣авихааро. жад̇уд̇т̇ам̣ жхаанам̣ аран̣авихааро. аагаасаанан̃жааяад̇анасамаабад̇д̇и аран̣авихааро…бз… нзвасан̃н̃аанаасан̃н̃ааяад̇анасамаабад̇д̇и аран̣авихааро.
Araṇavihāroti paṭhamaṃ jhānaṃ araṇavihāro. Dutiyaṃ jhānaṃ araṇavihāro. Tatiyaṃ jhānaṃ araṇavihāro. Catutthaṃ jhānaṃ araṇavihāro. Ākāsānañcāyatanasamāpatti araṇavihāro…pe… nevasaññānāsaññāyatanasamāpatti araṇavihāro.
аран̣авихаарод̇и гзнадтзна аран̣авихааро? батамзна жхаанзна нийваран̣з харад̇ийд̇и – аран̣авихааро. д̣̇уд̇иязна жхаанзна вид̇аггавижаарз харад̇ийд̇и – аран̣авихааро. д̇ад̇иязна жхаанзна бийд̇им̣ харад̇ийд̇и – аран̣авихааро. жад̇уд̇т̇зна жхаанзна сукад̣̇угкз харад̇ийд̇и – аран̣авихааро. аагаасаанан̃жааяад̇анасамаабад̇д̇ияаа руубасан̃н̃ам̣ бадигхасан̃н̃ам̣ наанад̇д̇асан̃н̃ам̣ харад̇ийд̇и – аран̣авихааро. вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ам̣ харад̇ийд̇и – аран̣авихааро. аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ам̣ харад̇ийд̇и – аран̣авихааро. нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ам̣ харад̇ийд̇и – аран̣авихааро. аяам̣ аран̣авихааро. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘д̣̇ассанаад̇хибад̇зяяам̣ санд̇о жа вихаараад̇хиг̇амо бан̣ийд̇аад̇химуд̇д̇ад̇аа бан̃н̃аа аран̣авихаарз н̃аан̣ам̣’’.
Araṇavihāroti kenaṭṭhena araṇavihāro? Paṭhamena jhānena nīvaraṇe haratīti – araṇavihāro. Dutiyena jhānena vitakkavicāre haratīti – araṇavihāro. Tatiyena jhānena pītiṃ haratīti – araṇavihāro. Catutthena jhānena sukhadukkhe haratīti – araṇavihāro. Ākāsānañcāyatanasamāpattiyā rūpasaññaṃ paṭighasaññaṃ nānattasaññaṃ haratīti – araṇavihāro. Viññāṇañcāyatanasamāpattiyā ākāsānañcāyatanasaññaṃ haratīti – araṇavihāro. Ākiñcaññāyatanasamāpattiyā viññāṇañcāyatanasaññaṃ haratīti – araṇavihāro. Nevasaññānāsaññāyatanasamāpattiyā ākiñcaññāyatanasaññaṃ haratīti – araṇavihāro. Ayaṃ araṇavihāro. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘dassanādhipateyyaṃ santo ca vihārādhigamo paṇītādhimuttatā paññā araṇavihāre ñāṇaṃ’’.
аран̣авихааран̃аан̣анид̣̇д̣̇зсо д̇зд̇д̇им̣сад̇имо.
Araṇavihārañāṇaniddeso tettiṃsatimo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 33. аран̣авихааран̃аан̣анид̣̇д̣̇зсаван̣н̣анаа • 33. Araṇavihārañāṇaniddesavaṇṇanā
