| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༣༣. ཨརཎཝིཧཱརཉཱཎནིདྡེསོ
33. Araṇavihārañāṇaniddeso
༨༢. ཀཐཾ དསྶནཱདྷིཔཏེཡྻཾ སནྟོ ཙ ཝིཧཱརཱདྷིགམོ པཎཱིཏཱདྷིམུཏྟཏཱ པཉྙཱ ཨརཎཝིཧཱརེ ཉཱཎཾ? དསྶནཱདྷིཔཏེཡྻནྟི ཨནིཙྩཱནུཔསྶནཱ དསྶནཱདྷིཔཏེཡྻཾ, དུཀྑཱནུཔསྶནཱ དསྶནཱདྷིཔཏེཡྻཾ, ཨནཏྟཱནུཔསྶནཱ དསྶནཱདྷིཔཏེཡྻཾ, རཱུཔེ ཨནིཙྩཱནུཔསྶནཱ དསྶནཱདྷིཔཏེཡྻཾ, རཱུཔེ དུཀྑཱནུཔསྶནཱ དསྶནཱདྷིཔཏེཡྻཾ, རཱུཔེ ཨནཏྟཱནུཔསྶནཱ དསྶནཱདྷིཔཏེཡྻཾ; ཝེདནཱཡ…པེ॰… སཉྙཱཡ… སངྑཱརེསུ… ཝིཉྙཱཎེ… ཙཀྑུསྨིཾ…པེ॰… ཛརཱམརཎེ ཨནིཙྩཱནུཔསྶནཱ དསྶནཱདྷིཔཏེཡྻཾ, ཛརཱམརཎེ དུཀྑཱནུཔསྶནཱ དསྶནཱདྷིཔཏེཡྻཾ, ཛརཱམརཎེ ཨནཏྟཱནུཔསྶནཱ དསྶནཱདྷིཔཏེཡྻཾ།
82. Kathaṃ dassanādhipateyyaṃ santo ca vihārādhigamo paṇītādhimuttatā paññā araṇavihāre ñāṇaṃ? Dassanādhipateyyanti aniccānupassanā dassanādhipateyyaṃ, dukkhānupassanā dassanādhipateyyaṃ, anattānupassanā dassanādhipateyyaṃ, rūpe aniccānupassanā dassanādhipateyyaṃ, rūpe dukkhānupassanā dassanādhipateyyaṃ, rūpe anattānupassanā dassanādhipateyyaṃ; vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā dassanādhipateyyaṃ, jarāmaraṇe dukkhānupassanā dassanādhipateyyaṃ, jarāmaraṇe anattānupassanā dassanādhipateyyaṃ.
སནྟོ ཙ ཝིཧཱརཱདྷིགམོཏི སུཉྙཏོ ཝིཧཱརོ སནྟོ ཝིཧཱརཱདྷིགམོ། ཨནིམིཏྟོ ཝིཧཱརོ སནྟོ ཝིཧཱརཱདྷིགམོ། ཨཔྤཎིཧིཏོ ཝིཧཱརོ སནྟོ ཝིཧཱརཱདྷིགམོ།
Santoca vihārādhigamoti suññato vihāro santo vihārādhigamo. Animitto vihāro santo vihārādhigamo. Appaṇihito vihāro santo vihārādhigamo.
པཎཱིཏཱདྷིམུཏྟཏཱཏི སུཉྙཏེ ཨདྷིམུཏྟཏཱ པཎཱིཏཱདྷིམུཏྟཏཱ། ཨནིམིཏྟེ ཨདྷིམུཏྟཏཱ པཎཱིཏཱདྷིམུཏྟཏཱ། ཨཔྤཎིཧིཏེ ཨདྷིམུཏྟཏཱ པཎཱིཏཱདྷིམུཏྟཏཱ།
Paṇītādhimuttatāti suññate adhimuttatā paṇītādhimuttatā. Animitte adhimuttatā paṇītādhimuttatā. Appaṇihite adhimuttatā paṇītādhimuttatā.
ཨརཎཝིཧཱརོཏི པཋམཾ ཛྷཱནཾ ཨརཎཝིཧཱརོ། དུཏིཡཾ ཛྷཱནཾ ཨརཎཝིཧཱརོ། ཏཏིཡཾ ཛྷཱནཾ ཨརཎཝིཧཱརོ། ཙཏུཏྠཾ ཛྷཱནཾ ཨརཎཝིཧཱརོ། ཨཱཀཱསཱནཉྩཱཡཏནསམཱཔཏྟི ཨརཎཝིཧཱརོ…པེ॰… ནེཝསཉྙཱནཱསཉྙཱཡཏནསམཱཔཏྟི ཨརཎཝིཧཱརོ།
Araṇavihāroti paṭhamaṃ jhānaṃ araṇavihāro. Dutiyaṃ jhānaṃ araṇavihāro. Tatiyaṃ jhānaṃ araṇavihāro. Catutthaṃ jhānaṃ araṇavihāro. Ākāsānañcāyatanasamāpatti araṇavihāro…pe… nevasaññānāsaññāyatanasamāpatti araṇavihāro.
ཨརཎཝིཧཱརོཏི ཀེནཊྛེན ཨརཎཝིཧཱརོ? པཋམེན ཛྷཱནེན ནཱིཝརཎེ ཧརཏཱིཏི – ཨརཎཝིཧཱརོ། དུཏིཡེན ཛྷཱནེན ཝིཏཀྐཝིཙཱརེ ཧརཏཱིཏི – ཨརཎཝིཧཱརོ། ཏཏིཡེན ཛྷཱནེན པཱིཏིཾ ཧརཏཱིཏི – ཨརཎཝིཧཱརོ། ཙཏུཏྠེན ཛྷཱནེན སུཁདུཀྑེ ཧརཏཱིཏི – ཨརཎཝིཧཱརོ། ཨཱཀཱསཱནཉྩཱཡཏནསམཱཔཏྟིཡཱ རཱུཔསཉྙཾ པཊིགྷསཉྙཾ ནཱནཏྟསཉྙཾ ཧརཏཱིཏི – ཨརཎཝིཧཱརོ། ཝིཉྙཱཎཉྩཱཡཏནསམཱཔཏྟིཡཱ ཨཱཀཱསཱནཉྩཱཡཏནསཉྙཾ ཧརཏཱིཏི – ཨརཎཝིཧཱརོ། ཨཱཀིཉྩཉྙཱཡཏནསམཱཔཏྟིཡཱ ཝིཉྙཱཎཉྩཱཡཏནསཉྙཾ ཧརཏཱིཏི – ཨརཎཝིཧཱརོ། ནེཝསཉྙཱནཱསཉྙཱཡཏནསམཱཔཏྟིཡཱ ཨཱཀིཉྩཉྙཱཡཏནསཉྙཾ ཧརཏཱིཏི – ཨརཎཝིཧཱརོ། ཨཡཾ ཨརཎཝིཧཱརོ། ཏཾ ཉཱཏཊྛེན ཉཱཎཾ, པཛཱནནཊྛེན པཉྙཱ། ཏེན ཝུཙྩཏི – ‘‘དསྶནཱདྷིཔཏེཡྻཾ སནྟོ ཙ ཝིཧཱརཱདྷིགམོ པཎཱིཏཱདྷིམུཏྟཏཱ པཉྙཱ ཨརཎཝིཧཱརེ ཉཱཎཾ’’།
Araṇavihāroti kenaṭṭhena araṇavihāro? Paṭhamena jhānena nīvaraṇe haratīti – araṇavihāro. Dutiyena jhānena vitakkavicāre haratīti – araṇavihāro. Tatiyena jhānena pītiṃ haratīti – araṇavihāro. Catutthena jhānena sukhadukkhe haratīti – araṇavihāro. Ākāsānañcāyatanasamāpattiyā rūpasaññaṃ paṭighasaññaṃ nānattasaññaṃ haratīti – araṇavihāro. Viññāṇañcāyatanasamāpattiyā ākāsānañcāyatanasaññaṃ haratīti – araṇavihāro. Ākiñcaññāyatanasamāpattiyā viññāṇañcāyatanasaññaṃ haratīti – araṇavihāro. Nevasaññānāsaññāyatanasamāpattiyā ākiñcaññāyatanasaññaṃ haratīti – araṇavihāro. Ayaṃ araṇavihāro. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘dassanādhipateyyaṃ santo ca vihārādhigamo paṇītādhimuttatā paññā araṇavihāre ñāṇaṃ’’.
ཨརཎཝིཧཱརཉཱཎནིདྡེསོ ཏེཏྟིཾསཏིམོ།
Araṇavihārañāṇaniddeso tettiṃsatimo.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༣༣. ཨརཎཝིཧཱརཉཱཎནིདྡེསཝཎྞནཱ • 33. Araṇavihārañāṇaniddesavaṇṇanā
