| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១០. អរញ្ញសុត្តំ
10. Araññasuttaṃ
១០. សាវត្ថិនិទានំ ។ ឯកមន្តំ ឋិតា ខោ សា ទេវតា ភគវន្តំ គាថាយ អជ្ឈភាសិ –
10. Sāvatthinidānaṃ . Ekamantaṃ ṭhitā kho sā devatā bhagavantaṃ gāthāya ajjhabhāsi –
‘‘អរញ្ញេ វិហរន្តានំ, សន្តានំ ព្រហ្មចារិនំ;
‘‘Araññe viharantānaṃ, santānaṃ brahmacārinaṃ;
ឯកភត្តំ ភុញ្ជមានានំ, កេន វណ្ណោ បសីទតី’’តិ។
Ekabhattaṃ bhuñjamānānaṃ, kena vaṇṇo pasīdatī’’ti.
‘‘អតីតំ នានុសោចន្តិ, នប្បជប្បន្តិ នាគតំ;
‘‘Atītaṃ nānusocanti, nappajappanti nāgataṃ;
បច្ចុប្បន្នេន យាបេន្តិ, តេន វណ្ណោ បសីទតិ’’។
Paccuppannena yāpenti, tena vaṇṇo pasīdati’’.
‘‘អនាគតប្បជប្បាយ, អតីតស្សានុសោចនា;
‘‘Anāgatappajappāya, atītassānusocanā;
ឯតេន ពាលា សុស្សន្តិ, នឡោវ ហរិតោ លុតោ’’តិ។
Etena bālā sussanti, naḷova harito luto’’ti.
នឡវគ្គោ បឋមោ។
Naḷavaggo paṭhamo.
តស្សុទ្ទានំ –
Tassuddānaṃ –
ឱឃំ និមោក្ខំ ឧបនេយ្យំ, អច្ចេន្តិ កតិឆិន្ទិ ច;
Oghaṃ nimokkhaṃ upaneyyaṃ, accenti katichindi ca;
ជាគរំ អប្បដិវិទិតា, សុសម្មុដ្ឋា មានកាមិនា;
Jāgaraṃ appaṭividitā, susammuṭṭhā mānakāminā;
អរញ្ញេ ទសមោ វុត្តោ, វគ្គោ តេន បវុច្ចតិ។
Araññe dasamo vutto, vaggo tena pavuccati.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១០. អរញ្ញសុត្តវណ្ណនា • 10. Araññasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១០. អរញ្ញសុត្តវណ្ណនា • 10. Araññasuttavaṇṇanā
