| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཨརཉྙསུཏྟཾ
9. Araññasuttaṃ
༢༦༢. ‘‘ཙཏཱུཧི , བྷིཀྑཝེ, དྷམྨེཧི སམནྣཱགཏོ བྷིཀྑུ ནཱལཾ ཨརཉྙཝནཔྤཏྠཱནི པནྟཱནི སེནཱསནཱནི པཊིསེཝིཏུཾ། ཀཏམེཧི ཙཏཱུཧི? ཀཱམཝིཏཀྐེན, བྱཱཔཱདཝིཏཀྐེན, ཝིཧིཾསཱཝིཏཀྐེན, དུཔྤཉྙོ ཧོཏི ཛལོ༹ ཨེལམཱུགོ – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ བྷིཀྑུ ནཱལཾ ཨརཉྙཝནཔྤཏྠཱནི པནྟཱནི སེནཱསནཱནི པཊིསེཝིཏུཾ།
262. ‘‘Catūhi , bhikkhave, dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ. Katamehi catūhi? Kāmavitakkena, byāpādavitakkena, vihiṃsāvitakkena, duppañño hoti jaḷo elamūgo – imehi kho, bhikkhave, catūhi dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ.
‘‘ཙཏཱུཧི, བྷིཀྑཝེ, དྷམྨེཧི སམནྣཱགཏོ བྷིཀྑུ ཨལཾ ཨརཉྙཝནཔྤཏྠཱནི པནྟཱནི སེནཱསནཱནི པཊིསེཝིཏུཾ། ཀཏམེཧི ཙཏཱུཧི? ནེཀྑམྨཝིཏཀྐེན, ཨབྱཱཔཱདཝིཏཀྐེན, ཨཝིཧིཾསཱཝིཏཀྐེན , པཉྙཝཱ ཧོཏི ཨཛལོ༹ ཨནེལམཱུགོ – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ བྷིཀྑུ ཨལཾ ཨརཉྙཝནཔྤཏྠཱནི པནྟཱནི སེནཱསནཱནི པཊིསེཝིཏུ’’ནྟི། ནཝམཾ།
‘‘Catūhi, bhikkhave, dhammehi samannāgato bhikkhu alaṃ araññavanappatthāni pantāni senāsanāni paṭisevituṃ. Katamehi catūhi? Nekkhammavitakkena, abyāpādavitakkena, avihiṃsāvitakkena , paññavā hoti ajaḷo anelamūgo – imehi kho, bhikkhave, catūhi dhammehi samannāgato bhikkhu alaṃ araññavanappatthāni pantāni senāsanāni paṭisevitu’’nti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༡༠. ཀུལསུཏྟཱདིཝཎྞནཱ • 5-10. Kulasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༡༠. མཱལུཀྱཔུཏྟསུཏྟཱདིཝཎྞནཱ • 4-10. Mālukyaputtasuttādivaṇṇanā
