| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. অরঞ্ঞসুত্তৰণ্ণনা
10. Araññasuttavaṇṇanā
১০. সন্তকিলেসানন্তি ৰূপসন্তকিলেসপরিল়াহানং। যস্মা সীলাদিগুণসম্ভৰং ততো এৰ ভযসন্তঞ্চ উপাদায পণ্ডিতা ‘‘সন্তো’’তি ৰুচ্চন্তি, তস্মা ৰুত্তং ‘‘পণ্ডিতানং ৰা’’তি। তেনাহ ‘‘সন্তো হৰে’’তিআদি। সেট্ঠচারীনন্তি সেট্ঠচরিযং চরন্তানং। যস্মা পুথুজ্জনকল্যাণতো পট্ঠায ভিক্খু মগ্গব্রহ্মচরিযৰাসং ৰসতি নাম, তস্মা আহ ‘‘মগ্গব্রহ্মচরিযৰাসং ৰসন্তান’’ন্তি। অরিযানং পন মুখৰণ্ণস্স পসীদনে ৰত্তব্বমেৰ নত্থি। মূলকম্মট্ঠানন্তি পারিহারিযকম্মট্ঠানং। ৰিসভাগসন্ততীতি নানারম্মণেসু পৰত্তচিত্তসন্ততি। সা হি ৰিক্খেপব্যাকুলতায অপ্পসন্না সমাহিতচিত্তসন্ততিযা ৰিসভাগসন্ততি। ওক্কমতীতি সমাধিসভাগা চিত্তসন্ততি সমথৰীথিং অনুপৰিসতি। চিত্তং পসীদতীতি কম্মট্ঠাননিরতং ভাৰনাচিত্তং সন্ধাযাহ, তং পসন্নং হুত্ৰা পৰত্ততি। লোহিতং পসীদতীতি চিত্তকালুস্সিযস্সাভাৰতো লোহিতং অনাৰিলং হোতি। পরিসুদ্ধানি হোন্তি কারণস্স পরিসুদ্ধভাৰতো। তালফলমুখস্স ৰিয মুখস্স ৰণ্ণো হোতীতি মুখ-সদ্দস্স আদিম্হি পমুত্তপদেন যোজেতব্বো। এৰঞ্হি চস্স পমুত্তগ্গহণং সমত্থিতং হোতি তালফলমুখস্স ৰণ্ণসম্পদাসদিসত্তা। তিভূমকো এৰ তেভূমকো।
10.Santakilesānanti vūpasantakilesapariḷāhānaṃ. Yasmā sīlādiguṇasambhavaṃ tato eva bhayasantañca upādāya paṇḍitā ‘‘santo’’ti vuccanti, tasmā vuttaṃ ‘‘paṇḍitānaṃ vā’’ti. Tenāha ‘‘santo have’’tiādi. Seṭṭhacārīnanti seṭṭhacariyaṃ carantānaṃ. Yasmā puthujjanakalyāṇato paṭṭhāya bhikkhu maggabrahmacariyavāsaṃ vasati nāma, tasmā āha ‘‘maggabrahmacariyavāsaṃ vasantāna’’nti. Ariyānaṃ pana mukhavaṇṇassa pasīdane vattabbameva natthi. Mūlakammaṭṭhānanti pārihāriyakammaṭṭhānaṃ. Visabhāgasantatīti nānārammaṇesu pavattacittasantati. Sā hi vikkhepabyākulatāya appasannā samāhitacittasantatiyā visabhāgasantati. Okkamatīti samādhisabhāgā cittasantati samathavīthiṃ anupavisati. Cittaṃ pasīdatīti kammaṭṭhānanirataṃ bhāvanācittaṃ sandhāyāha, taṃ pasannaṃ hutvā pavattati. Lohitaṃ pasīdatīti cittakālussiyassābhāvato lohitaṃ anāvilaṃ hoti. Parisuddhāni honti kāraṇassa parisuddhabhāvato. Tālaphalamukhassa viya mukhassa vaṇṇo hotīti mukha-saddassa ādimhi pamuttapadena yojetabbo. Evañhi cassa pamuttaggahaṇaṃ samatthitaṃ hoti tālaphalamukhassa vaṇṇasampadāsadisattā. Tibhūmako eva tebhūmako.
অতীতং নানুসোচন্তি অতীতং পচ্চযলাভং লক্খণং কত্ৰা ন সোচন্তি ন অনুত্থুনন্তি। জপ্পনতণ্হায ৰসেন ন পরিকপ্পন্তীতি আহ ‘‘ন পত্থেন্তী’’তি । যেন কেনচীতি ইতরীতরেন। তঙ্খণে লদ্ধেনাতি সন্নিধিকারপরিভোগাভাৰমাহ। তিৰিধেনপি কারণেনাতি তিপ্পকারেন হেতুনা, তিলক্খণসন্তোসনিমিত্তন্তি অত্থো।
Atītaṃ nānusocanti atītaṃ paccayalābhaṃ lakkhaṇaṃ katvā na socanti na anutthunanti. Jappanataṇhāya vasena na parikappantīti āha ‘‘na patthentī’’ti . Yena kenacīti itarītarena. Taṅkhaṇe laddhenāti sannidhikāraparibhogābhāvamāha. Tividhenapi kāraṇenāti tippakārena hetunā, tilakkhaṇasantosanimittanti attho.
ৰিনাসন্তি ৰিনাসনহেতুং। ৰিনস্সন্তি এতেহীতি ৰিনাসো, লোভদোসা তদেকট্ঠা চ পাপধম্মা । অরূপকাযস্স ৰিয রূপকাযস্সপি ৰিসেসতো সুক্খভাৰকারণন্তি আহ ‘‘এতেন কারণদ্ৰযেনা’’তি। লুতোতি লূনো।
Vināsanti vināsanahetuṃ. Vinassanti etehīti vināso, lobhadosā tadekaṭṭhā ca pāpadhammā . Arūpakāyassa viya rūpakāyassapi visesato sukkhabhāvakāraṇanti āha ‘‘etena kāraṇadvayenā’’ti. Lutoti lūno.
অরঞ্ঞসুত্তৰণ্ণনা নিট্ঠিতা।
Araññasuttavaṇṇanā niṭṭhitā.
নল়ৰগ্গৰণ্ণনা নিট্ঠিতা।
Naḷavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. অরঞ্ঞসুত্তং • 10. Araññasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. অরঞ্ঞসুত্তৰণ্ণনা • 10. Araññasuttavaṇṇanā
