| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аран̃н̃адтагат̇ааван̣н̣анаа
Araññaṭṭhakathāvaṇṇanā
107. аран̃н̃адтагат̇ааяам̣ аран̃н̃ам̣ наамаад̇и ид̣̇ам̣ бана на гзвалам̣ буб̣б̣з вуд̇д̇ааран̃н̃алагкан̣аббад̇д̇имад̇д̇зна аран̃н̃ам̣ ид̇хаад̇хиббзд̇ам̣, гинд̇у яам̣ ад̇д̇ано аран̃н̃алагкан̣зна аран̃н̃ам̣ барабариг̇г̇ахид̇ан̃жа ход̇и, д̇ам̣ аран̃н̃ам̣ ид̇хаад̇хиббзд̇анд̇и д̣̇ассзд̇ум̣ вуд̇д̇ам̣. д̇знаад̇и буна аран̃н̃аважанзна. на бариг̇г̇ахид̇абхааво аран̃н̃асса лагкан̣анд̇и яад̣̇и хи бариг̇г̇ахид̇абхааво аран̃н̃алагкан̣ам̣ сияаа, ‘‘аран̃н̃ам̣ наама яам̣ мануссаанам̣ бариг̇г̇ахид̇а’’нд̇и зд̇д̇агамзва вад̣̇зяяаад̇и ад̇хиббааяо. яанд̇и иминаа буб̣б̣з вуд̇д̇алагкан̣амзва аран̃н̃ам̣ бараамадтанд̇и ааха ‘‘яам̣ бана ад̇д̇ано аран̃н̃алагкан̣зна аран̃н̃а’’нд̇и.
107. Araññaṭṭhakathāyaṃ araññaṃ nāmāti idaṃ pana na kevalaṃ pubbe vuttaaraññalakkhaṇappattimattena araññaṃ idhādhippetaṃ, kintu yaṃ attano araññalakkhaṇena araññaṃ parapariggahitañca hoti, taṃ araññaṃ idhādhippetanti dassetuṃ vuttaṃ. Tenāti puna araññavacanena. Na pariggahitabhāvo araññassa lakkhaṇanti yadi hi pariggahitabhāvo araññalakkhaṇaṃ siyā, ‘‘araññaṃ nāma yaṃ manussānaṃ pariggahita’’nti ettakameva vadeyyāti adhippāyo. Yanti iminā pubbe vuttalakkhaṇameva araññaṃ parāmaṭṭhanti āha ‘‘yaṃ pana attano araññalakkhaṇena arañña’’nti.
винивиж̇жхид̇ваад̇и уж̇угамзва винивиж̇жхид̇ваа. бан̣н̣ам̣ ваад̇и д̇аалабан̣н̣аад̣̇и бан̣н̣ам̣ ваа. ад̣̇д̇хаг̇ад̇обийд̇и жирагаалам̣ д̇ад̇т̇зва тид̇оби. на г̇ахзд̇аб̣б̣од̇и зд̇т̇а бана яо барзхи аран̃н̃асаамигаанам̣ хад̇т̇ад̇о гин̣ид̇ваа д̇ажчзд̇ваа д̇ад̇т̇зва табид̇о, со аран̃н̃асаамигзна анун̃н̃аад̇оби на г̇ахзд̇аб̣б̣о. саамигзхи чад̣д̣ид̇од̇и г̇ахзд̇ум̣ ваддад̇ийд̇и бам̣сугууласан̃н̃ааяа г̇ахан̣ам̣ вуд̇д̇ам̣. лагкан̣ажчиннассаабийд̇и аран̃н̃асаамигаанам̣ хад̇т̇ад̇о гин̣ид̇ваа г̇ан̣ханд̇зхи гад̇асан̃н̃аан̣асса. чаллияаа барияонад̣̇д̇хам̣ ход̇ийд̇и иминаа саамигаанам̣ нирабзгкад̇ам̣ д̣̇ийбзд̇и. д̇зна вуд̇д̇ам̣ ‘‘г̇ахзд̇ум̣ ваддад̇ий’’д̇и. яад̣̇и саамигаанам̣ саабзгкад̇аа ад̇т̇и, на ваддад̇и. д̇аани гад̇аани аж̇жхаавуд̇т̇аани жа хонд̇ийд̇и д̇аани г̇зхаад̣̇ийни гад̇аани баринидтид̇аани мануссзхи жа аж̇жхаавуд̇т̇аани хонд̇и. д̣̇ааруунибийд̇и г̇зхаад̣̇ийнам̣ гад̇ад̇д̇аа д̇ад̇о авасидтад̣̇аарууниби. зд̇зсанд̇и зд̇зсам̣ яат̇аавуд̇д̇ад̣̇ааруунам̣.
Vinivijjhitvāti ujukameva vinivijjhitvā. Paṇṇaṃ vāti tālapaṇṇādi paṇṇaṃ vā. Addhagatopīti cirakālaṃ tattheva ṭhitopi. Na gahetabboti ettha pana yo parehi araññasāmikānaṃ hatthato kiṇitvā tacchetvā tattheva ṭhapito, so araññasāmikena anuññātopi na gahetabbo. Sāmikehi chaḍḍitoti gahetuṃ vaṭṭatīti paṃsukūlasaññāya gahaṇaṃ vuttaṃ. Lakkhaṇacchinnassāpīti araññasāmikānaṃ hatthato kiṇitvā gaṇhantehi katasaññāṇassa. Challiyā pariyonaddhaṃ hotīti iminā sāmikānaṃ nirapekkhataṃ dīpeti. Tena vuttaṃ ‘‘gahetuṃ vaṭṭatī’’ti. Yadi sāmikānaṃ sāpekkhatā atthi, na vaṭṭati. Tāni katāni ajjhāvutthāni ca hontīti tāni gehādīni katāni pariniṭṭhitāni manussehi ca ajjhāvutthāni honti. Dārūnipīti gehādīnaṃ katattā tato avasiṭṭhadārūnipi. Etesanti etesaṃ yathāvuttadārūnaṃ.
д̇зсам̣ аарагкадтаананд̇и д̇зсам̣ аран̃н̃абаалаанам̣ тид̇адтаанам̣. д̣̇зхийд̇и вуд̇д̇з д̣̇аад̇аб̣б̣амзваад̇и зд̇т̇а ‘‘д̣̇зхий’’д̇и вуд̇д̇з ‘‘д̣̇ассаамий’’д̇и аабхог̇асаб̣бхаавад̇о ‘‘д̣̇зхий’’д̇и авуд̇д̇з ад̣̇ад̇вааби г̇анд̇ум̣ ваддад̇иязва. г̇анд̇ум̣ д̣̇зт̇аад̇и г̇аманам̣ д̣̇зт̇а. ад̣̇исваа г̇ажчад̇и, бхан̣д̣ад̣̇зяяанд̇и барисуд̣̇д̇хажид̇д̇зна г̇ажчад̇и, бхан̣д̣ад̣̇зяяам̣. яад̇т̇а гад̇т̇ажи нийд̇аанамби д̣̇ааруунам̣ аран̃н̃асаамигаанам̣язва санд̇агад̇д̇аа суд̣̇д̇хажид̇д̇зна нигканд̇оби буна т̇зяяажид̇д̇ам̣ уббаад̣̇зд̇ваа г̇ажчад̇и, баарааж̇игамзваад̇и вад̣̇анд̇и.
Tesaṃārakkhaṭṭhānanti tesaṃ araññapālānaṃ ṭhitaṭṭhānaṃ. Dehīti vutte dātabbamevāti ettha ‘‘dehī’’ti vutte ‘‘dassāmī’’ti ābhogasabbhāvato ‘‘dehī’’ti avutte adatvāpi gantuṃ vaṭṭatiyeva. Gantuṃ dethāti gamanaṃ detha. Adisvā gacchati, bhaṇḍadeyyanti parisuddhacittena gacchati, bhaṇḍadeyyaṃ. Yattha katthaci nītānampi dārūnaṃ araññasāmikānaṃyeva santakattā suddhacittena nikkhantopi puna theyyacittaṃ uppādetvā gacchati, pārājikamevāti vadanti.
аран̃н̃адтагат̇ааван̣н̣анаа нидтид̇аа.
Araññaṭṭhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аран̃н̃адтагат̇ааван̣н̣анаа • Araññaṭṭhakathāvaṇṇanā
