| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. аран̃н̃ааяад̇анаисисуд̇д̇аван̣н̣анаа
9. Araññāyatanaisisuttavaṇṇanā
255. навамз бан̣н̣агудийсу самманд̇ийд̇и химаванд̇абад̣̇зсз раман̣ийяз аран̃н̃ааяад̇анз рад̇д̇идтаанад̣̇иваадтаанажан̇гаманаад̣̇ийхи самбаннаасу бан̣н̣асаалаасу васанд̇и. сагго жа д̣̇зваанаминд̣̇о взбажид̇д̇и жаад̇и имз д̣̇вз ж̇анаа ж̇аамаад̇игасасураа гаалзна галахам̣ гаронд̇и, гаалзна згад̇о жаранд̇и, имасмим̣ бана гаалз згад̇о жаранд̇и. бадалияод̇и г̇ан̣ан̇г̇ан̣уубааханаа. каг̇г̇ам̣ олаг̇г̇зд̇ваад̇и каг̇г̇ам̣ ам̣сз олаг̇г̇зд̇ваа. чад̇д̇знаад̇и д̣̇иб̣б̣асзд̇ажчад̇д̇зна мад̇т̇агз д̇хаараяамаанзна. абаб̣яаамад̇о гарид̇ваад̇и б̣яаамад̇о агад̇ваа. жирад̣̇игкид̇аананд̇и жирасамаад̣̇ин̣н̣авад̇аанам̣. ид̇о бадиггаммаад̇и ‘‘ид̇о баггама бариваж̇ж̇аяа, маа убариваад̇з д̇идтаа’’д̇и вад̣̇анд̇и. на хзд̇т̇а д̣̇зваад̇и зд̇асмим̣ сийлаванд̇аанам̣ г̇анд̇хз д̣̇зваа на бадиггууласан̃н̃ино, идтаганд̇аманаабасан̃н̃иноязваад̇и д̣̇ийбзд̇и. навамам̣.
255. Navame paṇṇakuṭīsu sammantīti himavantapadese ramaṇīye araññāyatane rattiṭṭhānadivāṭṭhānacaṅkamanādīhi sampannāsu paṇṇasālāsu vasanti. Sakko ca devānamindo vepacitti cāti ime dve janā jāmātikasasurā kālena kalahaṃ karonti, kālena ekato caranti, imasmiṃ pana kāle ekato caranti. Paṭaliyoti gaṇaṅgaṇūpāhanā. Khaggaṃ olaggetvāti khaggaṃ aṃse olaggetvā. Chattenāti dibbasetacchattena matthake dhārayamānena. Apabyāmato karitvāti byāmato akatvā. Ciradikkhitānanti cirasamādiṇṇavatānaṃ. Ito paṭikkammāti ‘‘ito pakkama parivajjaya, mā uparivāte tiṭṭhā’’ti vadanti. Na hettha devāti etasmiṃ sīlavantānaṃ gandhe devā na paṭikkūlasaññino, iṭṭhakantamanāpasaññinoyevāti dīpeti. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. аран̃н̃ааяад̇анаисисуд̇д̇ам̣ • 9. Araññāyatanaisisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. аран̃н̃ааяад̇анаисисуд̇д̇аван̣н̣анаа • 9. Araññāyatanaisisuttavaṇṇanā
